Deepika.com Nri News :ഡോ. മായ ജേക്കബ് ജോണിന് പുരസ്കാരം.......

Africa

ഡോ. മായ ജേക്കബ് ജോണിന് പുരസ്കാരം

Back To NRI Home Forward This News Click here for detailed news of all items

പോർട്ട് എലിസബത്ത്: ശാസ്ത്രസാങ്കേതിക രംഗത്തെ നേട്ടങ്ങളെ മുൻനിർത്തി ദക്ഷിണാഫ്രിക്കൻ ഡിപ്പാർട്ട്മെന്റ് ഓഫ് സയൻസ് ആൻഡ് ടെക്നോളജിയുടെ ഈ വർഷത്തെ അവാർഡിന് മലയാളിയായ ഡോ. മായ ജേക്കബ് ജോൺ അർഹയായി.

സ്വാഭാവിക നാരുകളുടെയും ദൃഡീകരിച്ച സ്വാഭാവിക റബറിന്റേയും സമ്മിശ്ര ഏകീകരണത്തിലൂന്നിയുള്ള രസതന്ത്രപരമായ പരിണാമത്തെക്കുറിച്ചുള്ള പോളിമർ സയൻസിൽ ഗവേഷണപഠനം നടത്തുന്ന ഡോ. മായ ദക്ഷിണാഫ്രിക്കയിൽ development of materials from sustainable and renewable resources for various industrial applications ലുള്ള ഗവേഷണങ്ങൾക്കാണ് അവാർഡ്.

ജോഹന്നസ്ബർഗിലെ സാൻടണിൽ ഹിൽട്ടൻ ഹോട്ടലിൽ നടന്ന ചടങ്ങിൽ ദക്ഷിണാഫ്രിക്കൻ സയൻസ് ആൻഡ് ടെക്നോളജി മന്ത്രി നളെഡി പണ്ടോർ അവാർഡ് സമ്മാനിച്ചു.

ദക്ഷിണാഫ്രിക്കൻ കൗൺസിൽ ഫോർ സയന്റിഫിക് ആൻഡ് റിസർച്ച് ആൻഡ് ഇൻഡസ്ട്രിയൽ റിസർച്ചിൽ (CSIR), പോളിമർ സമ്മിശ്ര ഏകീകരണ യൂണിറ്റിൽ പ്രിൻസിപ്പൽ സയന്റിസ്റ്റായി ജോലി ചെയ്യുന്ന ഡോ. മായ, പ്രശസ്ത യൂണിവേഴ്സിറ്റിയായ വിറ്റ്സ് വാട്ടർസ്റാണ്ടിലെ സീനിയർ റിസർച്ച് ഫെലോയായും പോർട്ട് എലിസബത്തിലുള്ള നെൽസൺ മണ്ടേല മെട്രോപോളിറ്റൻ യൂണിവേഴ്സിറ്റിയിൽ റിസർച്ച് അസോസിയേറ്റായും പ്രവർത്തിച്ചുവരുന്നു. ശാസ്ത്ര സാങ്കേതിക വിജ്‌ഞാനത്തിലൂടെയും ഗവേഷണ പരീക്ഷണ വിജയങ്ങളിലൂടെയും ലോകമാനവികതയ്ക്ക് പ്രയോജനപ്രദമായ പരിണാമങ്ങൾ വരുത്തുവാൻ കഴിയുമെന്ന വിശ്വാസത്തിൽ നടത്തിയ ഗവേഷണങ്ങൾക്ക് ലോകജനതയുടെ അംഗീകാരം നേടാൻ കഴിഞ്ഞതിൽ അഭിമാനമുണ്ടെന്ന് ഡോ. മായ പറഞ്ഞു. ജൈവപ്രകൃതിവിഭവങ്ങളിൽ നിന്നും നിലനിർത്താനുതകുന്ന ആവർത്താനാർഹമായ പ്രകൃതി വിഭവങ്ങളുടെ തുടരുപയോഗങ്ങൾ വ്യാവസായികമായി പ്രയോജനപ്പെടുത്താനുതകുന്ന ഗവേഷണ പഠനങ്ങളിൽ മുഴുകിയിരിക്കുന്ന ഡോ. മായ, പാരിസ്‌ഥിതി പ്രശ്നങ്ങളില്ലാതെ കാർഷിക പാഴ്വസ്തുക്കളെ മനുഷ്യന് പ്രയോജനകരമായ അഭിവൃത്തിക്കുപയോഗിക്കുവാനുള്ള മേഖലകൾ കണ്ടെത്തുന്നതിലും വ്യാപൃതയാണ്. റോയൽ സൊസൈറ്റി ഓഫ് കെമിസ്ട്രി പ്രസിദ്ധീകരിച്ചിട്ടുള്ള രണ്ടു പുസ്തകങ്ങളുടെയും വിവിധ ജേർണലുകളിൽ 58 ലധികം പ്രബന്ധങ്ങളുടെയും രചയിതാവായ ഡോ. മായ തന്റെ കണ്ടുപിടുത്തങ്ങൾക്ക് പേറ്റൻഷിപ്പും നേടിയിട്ടുണ്ട്.

വിവിധ പദ്ധതികളുടെ ഭാഗമായി ബിരുദാനന്തരബിരുദം, പിഎച്ച്ഡി, പോസ്റ്റ് ഡോക്ടറൽ വിദ്യാർഥികളുടെ പഠനങ്ങളിൽ മാർഗദർശനം നടത്തി മേൽനോട്ടം നടത്തുന്ന ഡോ. മായ, ചങ്ങനാശേരി അസംപ്ഷൻ കോളജിൽ നിന്നും 1996ൽ ബിഎസ് സിയും 1998ൽ എസ് ബി കോളജിൽനിന്ന് എംഎസ് സിയും നേടിയശേഷം മഹാത്മാഗാന്ധി യൂണിവേഴ്സിറ്റിയിലെ സ്കൂൾ ഓഫ് കെമിക്കൽ സയൻസിൽ പ്രഫ. സാബു തോമസിന്റെ പരിശീലനത്തിൽ 2006ൽ പിഎച്ച്ഡിയും സ്വന്തമാക്കി.

ദക്ഷിണാഫ്രിക്കയിൽ പോർട്ട് എലിസബത്തിൽ താമസിക്കുന്ന ഡോ.മായ, ചങ്ങനാശേരി പായിപ്പാട് കുന്നേൽ പരേതനായ ജേക്കബ് ജോൺ–റോസമ്മ ദമ്പതികളുടെ മകളും നാലുകോടി തെക്കേകര പുത്തൻപറമ്പിൽ ലെജു മാത്യുവിന്റെ ഭാര്യയുമാണ്. മക്കൾ: ഹാൻസ്, ജോഹാൻ.

റിപ്പോർട്ട്: കെ.ജെ.ജോൺ

നൈജീരിയയിൽ 50 തീവ്രവാദികളെ വധിച്ചു.

ലാഗോസ്: നൈജീരിയയിൽ സുരക്ഷാഭടന്മാരുമായുള്ള ഏറ്റുമുട്ടലിൽ 50 ബോക്കോഹറാം തീവ്രവാദികൾ കൊല്ലപ്പെട്ടു.

സുഡാനിൽ അർധസൈനികവിഭാഗത്തിന്‍റെ ആക്രമണം; 120 പേർ കൊല്ലപ്പെട്ടു.

ഖാർത്തൂം: ആഭ്യന്തര യുദ്ധത്തിൽ വലയുന്ന സുഡാനിൽ അർധസൈനിക വിഭാഗം കഴിഞ്ഞദിവസം നടത്തിയ കൂട്ടക്കൊലയിൽ 120 പേർ കൊല്ലപ്പെ

സഹാറയിൽ അത്യപൂർവ വെള്ളപ്പൊക്കം.

റബാത്ത്: സഹാറ മരുഭൂമിയിൽ അത്യപൂർവ മഴയെത്തുടർന്ന് വെള്ളപ്പൊക്കം.

മാര്‍ബര്‍ഗ് വൈറസ്: റുവാണ്ടയിൽ ആറ് ആരോഗ്യപ്രവർത്തകർ മരിച്ചു.

റുവാണ്ട: എബോളയ്ക്ക് സമാനമായ അതീവ മാരക വൈറസായ മാര്‍ബര്‍ഗ് വൈറസ് ബാധിച്ച് ആഫ്രിക്കന്‍ രാജ്യമായ റുവാണ്ടയില്‍ ആറ് ആരോ

സിംബാബ്‌വെയിൽ കൊടുംവരൾച്ച: ഭക്ഷണത്തിനായി 200 ആനകളെ കൊല്ലും.

ഹരാരെ: ദശാബ്ദങ്ങളിലെ ഏറ്റവും വലിയ വരൾച്ചയിൽ പട്ടിണിയിലായ പൗരന്മാർക്കു ഭക്ഷണാവശ്യത്തിനായി 200 ആനകളെ കൊല്ലുന്നതി