മയാമി: ഷിക്കാഗോ സീറോ മലബാര്‍ രൂപതയുടെ സില്‍വര്‍ ജൂബിലി ആഘോഷങ്ങളുടെ ഭാഗമായി അമേരിക്കന്‍ മലയാളി കത്തോലിക്കാ ചരിത്രത്തില്‍ ഇടം നേടുവാന്‍ പോകുന്ന വൈദിക മഹാസംഗമം നവംബര്‍ 18, 19 തീയതികളില്‍ സൗത്ത് ഫ്ലോറിഡായിലെ മയാമിയില്‍ വേദി ഒരുങ്ങുന്നു.
ഔവര്‍ ലേഡി ഓഫ് ഹെല്‍ത്ത് കത്തോലിക്കാ ഫൊറോനാ ദേവാലയത്തിന്റെ ആഭിമുഖ്യത്തിലാണ് ന്ധമലയാളി പ്രീസ്റ്റ് കോയ്നോനിയ’ എന്ന പേര് നല്‍കിയിരിക്കുന്ന (’കോയ്നോനിയ’ എന്ന ഗ്രീക്ക് പദം ഒരുമ, കൂട്ടായ്മ, സൗഹൃദം പങ്കിടല്‍) ഈ വൈദിക സമ്മേളനത്തിന് അരങ്ങ് ഒരുങ്ങുന്നത്.
ഷിക്കാഗോ സീറോ മലബാര്‍ രൂപതയുടെ രജതജൂബിലി ആഘോഷങ്ങളുടെ ഭാഗമായി അമേരിക്കയിലെ വിവിധ സംസ്ഥാനങ്ങളില്‍ സേവനം ചെയ്യുന്ന സീറോ മലബാര്‍, സിറോ മലങ്കര, ലത്തീന്‍ റീത്തുകളിലെയും വിവിധ കോണ്‍ഗ്രിഗേഷനുകള്‍, സന്യാസസഭകള്‍ എന്നിവയില്‍ പ്രവര്‍ത്തിക്കുന്ന അഞ്ഞൂറിലധികം വരുന്ന മലയാളി കത്തോലിക്കാ വൈദികരും ഒരുമിച്ചു ചേരുന്ന അപൂര്‍വ വേദിയാണ് ഈ മഹാസമ്മേളനം.
ഷിക്കാഗോ രൂപാധ്യാക്ഷന്‍ ബിഷപ് മാര്‍ ജോയി ആലപ്പാട്ട് രക്ഷാധികാരിയും, വികാരി ജനറാള്‍ റവ. ഫാ. ജോണ്‍ മേലേപ്പുറം സഹരക്ഷാധികാരിയും, ഫൊറോനാ വികാരി റവ. ഫാ. ജോഷി ഇളംബാശ്ശേരി ചെയര്‍മാനും, ജോഷി ജോസഫ് ജനറല്‍ കണ്‍വീനറുമായി മുപ്പതിലധികം വിവിധ കമ്മിറ്റി ചെയര്‍മാന്മാരും, കൈക്കാരന്മാരും, അംഗങ്ങളും ഒത്തുചേരലിനായി പരിപാടികള്‍ ക്രമീകരിച്ചുവരുന്നു.
മയാമിയില്‍ നടക്കുന്ന മലയാളി കത്തോലിക്കാ വൈദികരുടെ മഹാസംഗമത്തിന്‍റെ ഭാഗമായി കൃതജ്ഞതാബലിയില്‍ നൂറുകണക്കിന് മലയാളി വൈദികര്‍ പങ്കെടുക്കുന്നു. സംഗമത്തിൽ സീറോ മലബാര്‍ മേജര്‍ ആര്‍ച്ച് ബിഷപ്പിന്റെയും, അമേരിക്കന്‍ ബിഷപ് കൗണ്‍സില്‍ അംഗങ്ങളുടെയും, മയാമി ആര്‍ച്ച് ബിഷപ്പിന്റെയും, പാംബീച്ച് ബിഷപ്പിന്റെയും സാന്നിധ്യമുണ്ടാകും. പൊതുസമ്മേളനത്തിലും കലാപരിപാടികളിലും ഫ്ലോറിഡ സംസ്ഥാന ഭരണാധികാരികളും, സെനറ്റര്‍മാരും, കോണ്‍ഗ്രസ് അംഗങ്ങളും, മേയര്‍മാരും, പ്രാദേശിക നേതാക്കളും പങ്കുചേരും.
പങ്കെടുക്കുന്ന വൈദികര്‍ക്കായി മയാമിയുടെ മനോഹാരിത അനുഭവിക്കുവാന്‍ പ്രത്യേക ബോട്ട് ടൂറും ക്രമീകരിച്ചിട്ടുണ്ട്. സംഗമത്തില്‍ പങ്കെടുക്കുന്ന വൈദികര്‍ക്കായി സൗജന്യ രജിസ്ട്രേഷനും താമസ സൗകര്യവുമാണ് ഒരുക്കിയിരിക്കുന്നത്. ഈ മഹാസമ്മേളനത്തിനായി വരുന്ന സാമ്പത്തിക ചെലവുകള്‍ സുമനസുകളുടെ സ്പോണ്‍സര്‍ഷിപ്പുകളില്‍ നിന്ന് ഏറ്റുവാങ്ങുന്നതിനായുള്ള കിക്ക് ഓഫ് വിജയകരമായി.
സംഗമത്തിന്‍റെ ചെയര്‍മാന്‍ റവ. ഫാ. ജോഷി ഇളംബാശേരിയും ഫിനാന്‍സ് കമ്മിറ്റിയും കിക്ക് ഓഫിന് നേതൃത്വം നല്‍കി. ഈ മഹാസമ്മേളനമെന്ന് ബിഷപ് മാര്‍ ജോയി ആലപ്പാട്ടും, ബിഷപ് എമിരറ്റസ് മാര്‍ ജേക്കബ് അങ്ങാടിയത്തും ആശംസകൾ നേർന്നു.
|