ഷിക്കാഗോ: ഫൊക്കാന എക്സിക്യൂട്ടീവ് വൈസ് പ്രസിഡന്‍റ് പ്രവീൺ തോമസിന്‍റെ മാതാവും പ്രയാറ്റുകുന്നേൽ കുട്ടപ്പന്‍റെ ഭാര്യ മേരി തോമസ് (അമ്മണി 80 ) കേരളത്തിൽ അന്തരിച്ചു. കലൂർ തേലമണ്ണിൽ കുടുബാംഗമാണ്.
വളരെക്കാലം ഷിക്കാഗോയിൽ താമസിച്ചിരുന്ന മേരി തോമസ് കുറച്ചു കാലമായി കേരളത്തിൽ വിശ്രമ ജീവിതം നയിച്ച് വരുകയായിരുന്നു. മക്കൾ: പ്രീത, പ്രിൻസ്, പ്രദീപ്, പ്രവീൺ (ഫൊക്കാന).
മരുമക്കൾ: ജോസ് പെരിഞ്ചേരി, അനിത പുല്ലാട്ടു, മിറ്റ്സി പീരുമേട്, സുനു ഇടക്കാടെത്തു പുത്തൻവീട്ടിൽ (എല്ലാവരും യുഎസിൽ). സംസ്കാരം മല്ലപ്പള്ളി സെഹിയോൻ മാത്തോമ്മ പള്ളിയിൽ നടത്തി.
മേരി തോമസിന്‍റെ നിര്യാണത്തിൽ ഫൊക്കാന അനുശോചനം രേഖപ്പെടുത്തി. കുടുംബത്തിന്‍റെ ദുഃഖത്തിൽ പങ്ക് ചേരുകയും പരേതയുടെ ആത്‌മാവിന്‍റെ നിത്യശാന്തിക്കായി പ്രാർഥിക്കുന്നതായി പ്രസിഡന്‍റ് സജിമോൻ ആന്‍റണി, സെക്രട്ടറി ശ്രീകുമാർ ഉണ്ണിത്താൻ, ട്രഷർ ജോയി ചാക്കപ്പൻ, വൈസ് പ്രസിഡന്‍റ് വിപിൻ രാജു,
ജോയിന്റ് സെക്രട്ടറി മനോജ് ഇടമന, ജോയിന്റ് ട്രഷർ ജോൺ കല്ലോലിക്കൽ, അഡിഷണൽ ജോയിന്റ് സെക്രട്ടറി അപ്പുകുട്ടൻ പിള്ള, അഡിഷണൽ ജോയിന്റ് ട്രഷർ മില്ലി ഫിലിപ്പ്, വിമൻസ് ഫോറം ചെയർപേഴ്സൺ രേവതി പിള്ള, ട്രസ്റ്റി ബോർഡ് ചെയർ ജോജി തോമസ്, നാഷണൽ കമ്മിറ്റി അംഗങ്ങൾ, ട്രസ്റ്റീ ബോർഡ് അംഗങ്ങൾ എന്നിവർ അറിയിച്ചു.
|