ഫിലഡല്‍ഫിയ: ഗ്രേറ്റര്‍ ഫിലഡല്‍ഫിയയിലെ ഇന്ത്യൻ അമേരിക്കന്‍ കാത്തലിക് അസോസിയേഷന് പുതിയ ഭരണസമിതി നിലവിൽ വന്നു. വാര്‍ഷിക പൊതുയോഗത്തിൽ പുതിയ ഭാരവാഹികളായി തോമസ് സൈമൺ (പ്രസിഡന്‍റ്), ജോഷ്വ ജേക്കബ് (വൈസ് പ്രസിഡന്‍റ്), ചാർലി ചിറയത്ത് (ജനറൽ സെക്രട്ടറി), മെർലിൻ മേരി അഗസ്റ്റിൻ (ജോയിന്‍റ് സെക്രട്ടറി), സ്വപ്ന സജി സെബാസ്റ്റ്യൻ (ട്രഷറർ), ഫിലിപ് (ബിജു) ജോൺ (ജോയിന്‍റ് ട്രഷറർ), അനീഷ് ജയിംസ് (മുൻ പ്രസിഡന്‍റ് എക്സ് ഒഫീഷ്യോ) എന്നിവരെ തെരഞ്ഞെടുത്തു.
ഫിലഡൽഫിയ സീറോമലബാർ ഫൊറോന പള്ളി വികാരി റവ. ഡോ. ജോർജ് ദാനവേലിൽ, സെന്‍റ് ജോൺ ന്യൂമാൻ ക്നാനായ കാത്തലിക് മിഷൻ ഡയറക്ടർ റവ. ഫാ. ലിജോ കൊച്ചുപറമ്പിൽ, സെന്‍റ് ജൂഡ് സീറോമലങ്കര പള്ളി വികാരി റവ. ഫാ. ബാബു മഠത്തിൽപറമ്പിൽ, ഇന്ത്യൻ ലാറ്റിൻ കാത്തലിക് മിഷൻ ഡയറക്ടർ റവ. ഫാ. ലെനിൻ ഫെർണാണ്ടസ്, തോമസ് നെടുമാക്കൽ, അലക്സ് ജോൺ, ഓസ്റ്റിൻ ജോൺ, ജോസഫ് തോമസ് എന്നിവർ ഡയറക്ടർമാരായി ഐഎസിഎ ഡയറക്ടർ ബോർഡും പുനഃസംഘടിപ്പിച്ചു.
എക്സിക്യൂട്ടീവ് കമ്മിറ്റിയിലേക്ക് ജോസ് മാളേയ്ക്കൽ, സണ്ണി പടയാറ്റിൽ, ജോസഫ് മാണി, ഫിലിപ് എടത്തിൽ, ജസ്റ്റിൻ തോമസ്, റോമിയോ ഡാൽഫി, ബിജു സക്കറിയ, കുരുവിള ജെയിംസ് (ജെറി), സേവ്യർ മൂഴിക്കാട്ട് എന്നിവരും തെരഞ്ഞെടുക്കപ്പെട്ടു.
നവംബർ എ‌ട്ടിന് ഒരേ വിശ്വാസം, പല പാരമ്പര്യങ്ങൾ, ഒരു കുടക്കീഴിൽ എന്ന ആപ്തവാക്യത്തിൽ ഊന്നി ഇന്ത്യൻ കത്തോലിക്കരുടെ പൈതൃക ദിനാഘോഷങ്ങൾ സംഘടിപ്പിക്കും. ദിവ്യബലി, പൊതുസമ്മേളനം, കലാസന്ധ്യ, സ്നേഹവിരുന്ന് എന്നിവയായിരിക്കും ഹെറിറ്റേജ് ഡേ ആഘോഷ പരിപാടികൾ.
|