Deepika.com Nri News :ഇന്ത്യ - കുവൈറ്റ് ബന്ധത്തിന്‍റെ 250 വർഷങ്ങൾ അടയാളപ്പെടുത്തുന്ന "റിഹല - ഇ

Middle East & Gulf

ഇന്ത്യ കുവൈറ്റ് ബന്ധത്തിന്‍റെ 250 വർഷങ്ങൾ അടയാളപ്പെടുത്തുന്ന "റിഹല ഇ ദോസ്തി' ആരംഭിച്ചു

Back To NRI Home Forward This News Click here for detailed news of all items

കുവൈറ്റ് സിറ്റി: ഇന്ത്യ കുവൈറ്റ് ബന്ധത്തിന്‍റെ 250 വർഷങ്ങൾ അടയാളപ്പെടുത്തുന്ന "റിഹല ഇ ദോസ്തി' ആരംഭിച്ചു. ഈ മാസം 19 മുതൽ 24 വരെ കുവൈറ്റ് നാഷണൽ ലൈബ്രറിയിൽ ഇന്ത്യൻ എംബസിയാണ് പ്രഭാഷണ പരമ്പരയും പ്രദർശനവും അടങ്ങുന്ന "റിഹല ഇ ദോസ്തി' സംഘടിപ്പിക്കുന്നത്.

കുവൈറ്റ് ദേശീയ സാംസ്കാരിക, കലാ സാഹിത്യ കൗൺസിൽ (എൻ‌സി‌സി‌എ‌എൽ), കുവൈറ്റ് ഹെറിറ്റേജ് സൊസൈറ്റി, നാഷണൽ ആർക്കൈവ്സ് ഓഫ് ഇന്ത്യ, ഇന്ത്യൻ ഇൻഫർമേഷൻ ആൻഡ് ബ്രോഡ്കാസ്റ്റിംഗ് മന്ത്രാലയം എന്നിവയുടെ സഹകരണത്തോടെയാണ് പരിപാടി സംഘടിപ്പിക്കുന്നത്.

19ന് ഇന്ത്യൻ അംബാസഡർ ഡോ. ആദർശ് സ്വൈകയും എൻ‌സി‌സി‌എ‌എൽ ഡയറക്‌ടർ ജനറൽ ഡോ. മുഹമ്മദ് അൽജാസറും പ്രദർശനം ഉദ്ഘാടനം ചെയ്തു. ഇന്ത്യൻ അംബാസഡർ, എൻ‌സി‌സി‌എ‌എൽ ഡയറക്ടർ ജനറൽ, കുവൈറ്റ് ഹെറിറ്റേജ് സൊസൈറ്റി പ്രസിഡന്‍റ് ഫഹദ് ഗാസി അൽഅബ്ദുൽജലീൽ എന്നിവർ പ്രഭാഷണങ്ങൾ നടത്തി.

ഇന്ത്യയുമായി കാലങ്ങളായി ബന്ധമുള്ള പ്രമുഖ വ്യാപാര കുടുംബങ്ങളുടെ പ്രതിനിധികളായ ഇബ്രാഹിം അബ്ദുല്ലത്തീഫ് അൽഇബ്രാഹിം, സുലൈമാൻ അബ്ദുൾ മൊഹ്‌സെൻ അൽ ഖമീസ്, അബ്ദുല്ലത്തീഫ് അബ്ദുൾറസാഖ് എന്നിവരടങ്ങുന്ന പാനൽ ചർച്ചയും നടന്നു.

19ാം നൂറ്റാണ്ടിലും 20ാം നൂറ്റാണ്ടിന്‍റെ തുടക്കത്തിലും ഇന്ത്യയുമായുള്ള തങ്ങളുടെ കുടുംബങ്ങളുടെ ആഴത്തിലുള്ള ബന്ധത്തെക്കുറിച്ച് അവർ ഉൾക്കാഴ്ചകൾ നൽകി.

അപൂർവമായ കൈയെഴുത്തുപ്രതികൾ, ചരിത്ര രേഖകൾ, പുസ്തകങ്ങൾ, വ്യക്തിപരമായ കത്തുകൾ, നാണയങ്ങൾ, 1961 വരെ കുവൈറ്റിൽ നിയമസാധുതയുള്ള ഇന്ത്യൻ രൂപ, പ്രധാനപ്പെട്ട ഉഭയകക്ഷി വിവിഐപി സന്ദർശനങ്ങളുടെ ഫോട്ടോഗ്രാഫുകളും വീഡിയോകളും എന്നിവ പ്രദർശനത്തിൽ ഉൾപ്പെടുന്നു.

ഇന്ത്യയുടെയും കുവൈറ്റിന്‍റെയും സമ്പന്നമായ ചരിത്രം പ്രദർശിപ്പിക്കുന്ന ചില കൈയെഴുത്തു പ്രതികളും ഇരുരാജ്യങ്ങളിലെയും നേതാക്കളുടെ സന്ദർശനങ്ങളുടെ ഫോട്ടോകളും ഉൾക്കൊള്ളുന്ന ലഘുലേഖ സംയുക്തമായി പുറത്തിറക്കി.

വിപഞ്ചികയുടെയും കുഞ്ഞിന്‍റെയും മരണം; ഷാർജയിലും നിയമപോരാട്ടത്തിനൊരുങ്ങി കുടുംബം.

കൊല്ലം: കേരളപുരം സ്വദേശി വിപഞ്ചികയെയും കുഞ്ഞിനെയും ദുരൂഹ സാഹചര്യത്തില്‍ ഷാർജയിൽ മരിച്ച നിലയിൽ കണ്ടെത്തിയ സംഭവത്തി

നോര്‍ക്ക റൂട്ട്‌സ് അദാലത്ത് ശനിയാഴ്ച.

കോട്ടയം: നാട്ടില്‍ തിരിച്ചെത്തിയ പ്രവാസികള്‍ക്കായി നോര്‍ക്ക റൂട്ട്സ് വഴി നടപ്പിലാക്കുന്ന സാന്ത്വന ധനസഹായ പദ്ധതിയുടെ

കേളി ബത്ത ഏരിയ സമ്മേളനം ഓഗസ്റ്റ് 15ന്; സംഘാടക സമിതി രൂപീകരിച്ചു.

റിയാദ്: കേളി കലാ സാംസ്കാരിക വേദിയുടെ പന്ത്രണ്ടാം കേന്ദ്ര സമ്മേളനത്തിന് മുന്നോടിയായി ബത്ത ഏരിയ സമ്മേളനം ഓഗസ്റ്റ് 15ന് ന

നിമിഷപ്രിയയുടെ മോചനം; ചെയ്യാൻ കഴിയുന്നതിനു പരിധിയുണ്ടെന്ന് കേന്ദ്രം സുപ്രീംകോടതിയിൽ.

ന്യൂഡൽഹി: യെമനിൽ വധശിക്ഷ കാത്തുകഴിയുന്ന മലയാളി നഴ്സ് നിമിഷപ്രിയയുടെ മോചനവുമായി ബന്ധപ്പെട്ട് നയതന്ത്രതലത്തിൽ ചെ

കുവൈറ്റ് പൗരന്മാർക്ക് വീസ നടപടികൾ എളുപ്പത്തിലാക്കി ഇന്ത്യ.

കുവൈറ്റ് സിറ്റി: കുവൈറ്റ് പൗരന്മാർക്ക് ടൂറിസം, ബിസിനസ്, മെഡിക്കൽ, ആയുഷ്, കോൺഫറൻസ് മുതലായ ആവശ്യങ്ങൾക്കായി ഇന്ത്യയില