ന്യൂയോർക്ക്: നോർത്ത് ഈസ്റ്റ് അമേരിക്കൻ ഭദ്രാസന ഫാമിലി യൂത്ത് കോൺഫറൻസ് രജിസ്ട്രേഷന് വെസ്റ്റ് സെയ്വിൽ സെന്‍റ് മേരീസ് ഓർത്തഡോക്സ് പള്ളിയിൽ തുടക്കമായി. ഭദ്രാസനത്തിന്‍റെ ഏറ്റവും വലിയ ആത്മീയ സമ്മേളനമായ ഫാമിലി കോൺഫറൻസിന്‍റെ പ്രചാരണത്തിനായി കോൺഫറൻസ് ഭാരവാഹികൾ ഇടവക സന്ദർശിച്ചു.
ഭദ്രാസനത്തിലെ വിവിധ ഇടവകകളിൽ നിന്നുള്ള വൈദികരും ആത്മായരും നാലു ദിവസം നീണ്ടുനിൽക്കുന്ന കോൺഫറൻസിൽ പങ്കെടുക്കും. ഒമാനിൽ ഒഴുക്കിൽപ്പെട്ട് യുവ മലയാളി ഡോക്ടർ മരിച്ചു.
ഇടവക വികാരി ഫാ. ഫിലമോൻ ഫിലിപ്പിന്‍റെ അഭാവത്തിൽ ഫാ. മാർക്കോസ് മാണി (മഞ്ജു) കുർബാനയ്ക്ക് നേതൃത്വം നൽകി. കുർബാനയ്ക്ക് ശേഷം ഫാമിലി കോൺഫറൻസിന് വേണ്ടി ഒരു കിക്കോഫ് യോഗം ചേർന്നു. ഫാ. മാർക്കോസ് മാണി കോൺഫറൻസ് സംഘത്തെ സ്വാഗതം ചെയ്തു.
ജെയ്സൺ തോമസ് (സെക്രട്ടറി), ജോൺ താമരവേലിൽ (ട്രഷറർ), മാത്യു വർഗീസ് (ഫിനാൻസ് കമ്മിറ്റി), പ്രേംസി ജോൺ (പ്രോസഷൻ കമ്മിറ്റി) എന്നിവരായിരുന്നു കോൺഫറൻസ് ടീം അംഗങ്ങൾ. ലിജു കുര്യാക്കോസ് (ഇടവക സെക്രട്ടറി), സന്തോഷ് കോരുത് (ട്രഷറർ), റോമിയോ റോയ് (ജോയിന്‍റ് സെക്രട്ടറി), ജെറി തോമസ് (ജോയിന്‍റ് ട്രഷറർ), കെ.സി. കോരുത് (മലങ്കര അസോസിയേഷൻ അംഗം), കുര്യാക്കോസ് ജോർജ് (ഭദ്രാസന അസംബ്ലി അംഗം ) എന്നിവരും പങ്കെടുത്തു.
ജോൺ താമരവേലിൽ ഈ വർഷത്തെ കോൺഫറൻസ് ഭാരവാഹികളെ പരിചയപ്പെടുത്തി. കോൺഫറൻസിന്‍റെ സ്ഥലം, തീയതി, മുഖ്യ പ്രഭാഷകർ എന്നിവയുൾപ്പെടെയുള്ള സുപ്രധാന വിവരങ്ങൾ ജെയ്സൺ തോമസ് പങ്കുവച്ചു. ജോൺ താമരവേലിൽ രജിസ്ട്രേഷൻ പ്രക്രിയ വിശദീകരിച്ചു. 21 വയസിന് താഴെയുള്ള യുവാക്കൾക്കുള്ള കുറഞ്ഞ നിരക്കിനെക്കുറിച്ചും അദ്ദേഹം സംസാരിച്ചു.
കോൺഫറൻസിനെ പിന്തുണയ്ക്കുന്നതിന് ലഭ്യമായ സ്പോൺസർഷിപ്പ് അവസരങ്ങളെക്കുറിച്ച് മാത്യു വർഗീസ് ഓർമിപ്പിച്ചു. കോൺഫറൻസിന്‍റെ സ്മരണാർഥം പ്രസിദ്ധീകരിക്കുന്ന സുവനീറിൽ ലേഖനങ്ങൾ, പരസ്യങ്ങൾ, ആശംസകൾ എന്നിവ ഉൾപ്പെടുത്താൻ അവസരമുണ്ടെന്ന് പ്രേംസി ജോൺ അറിയിച്ചു.
കോൺഫറൻസിൽ രജിസ്റ്റർ ചെയ്യുന്നതിനും സ്പോൺസറായി പിന്തുണയ്ക്കുന്നതിനുള്ള ഓപ്ഷനുകൾ നൽകുന്ന ഫാമിലി കോൺഫറൻസ് വെബ്സൈറ്റ് സന്ദർശിക്കാൻ ജെയ്സൺ തോമസ് അഭ്യർഥിച്ചു.
ഇടവകയിലെ അംഗങ്ങൾ സ്പോൺസർഷിപ്പുകൾ, സംഭാവനകൾ, രജിസ്ട്രേഷനുകൾ എന്നിവയിലൂടെ പിന്തുണ വാഗ്ദാനം ചെയ്തു. ഗോൾഡ് സ്പോൺസറായി ഡോ. ബിലു മാത്യു പിന്തുണ അറിയിച്ചു. ബേബി മാത്യു, റോമിയോ റോയ്, ഗീവർഗീസ് തോമസ്, ജോൺ മാത്യു, കുര്യാക്കോസ് ജോർജ്, മത്തായി മാത്യു എന്നിവർ കോൺഫറൻസിൽ രജിസ്റ്റർ ചെയ്തു.
ഇടവകയെ പ്രതിനിധീകരിച്ച്, ട്രഷറർ സുവനീറിനുള്ള സംഭാവന കൈമാറി. ഭദ്രാസനത്തിന്‍റെ വിവിധ പരിപാടികളിൽ യുവാക്കളുടെ ആവേശകരമായ പങ്കാളിത്തത്തിന്‍റെ സ്മരണകൾ റവ. ഫാ. മാർക്കോസ് മാണി പങ്കുവച്ചു.
കോൺഫറൻസിന് പ്രാർഥനാ പിന്തുണ നൽകിയ ഫാ. ഫിലമോൺ ഫിലിപ്പ്, ഫാ. മാർക്കോസ് മാണി, ഇടവക ഭാരവാഹികൾ, ഇടവകാംഗങ്ങൾ എന്നിവരോട് ജോൺ താമരവേലിൽ നന്ദി അറിയിച്ചു. ജൂലൈ ഒന്പത് മുതൽ 12 വരെ കണക്ടിക്കട് ഹിൽട്ടൺ സ്റ്റാംഫർഡ് ഹോട്ടൽ & എക്സിക്യൂട്ടീവ് മീറ്റിംഗ് സെന്‍ററിലാണ് കോൺഫറൻസ് നടക്കുന്നത്.
റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം ജനറൽ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ), ഫാ. ജോൺ (ജോഷ്വ) വർഗീസ്, (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ), റവ. ഡീക്കൻ അന്തോണിയോസ് (റോബി) ആന്‍റണി (ടാൽമീഡോ നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് മുഖ്യ പ്രാസംഗികർ.
നമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു”(ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിന്‍റെ പ്രമേയം.
ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും. റജിസ്ട്രേഷനും വിശദാംശങ്ങൾക്കും www.fycnead.org സന്ദർശിക്കുക.
കൂടുതൽ വിവരങ്ങൾക്ക്: ഫാ. അബു വർഗീസ് പീറ്റർ, കോൺഫറൻസ് കോഓർഡിനേറ്റർ (ഫോൺ: 9148064595), ജെയ്സൺ തോമസ്, കോൺഫറൻസ് സെക്രട്ടറി (ഫോൺ: 917.612.8832), ജോൺ താമരവേലിൽ, കോൺഫറൻസ് ട്രഷറർ) (ഫോൺ: 917.533.3566).
|