പെൻസിൽവാനിയ: സെന്‍റ് ജോർജ് ഇന്ത്യൻ ഓർത്തഡോക്സ് ചർച്ച് ഫാമിലിയൂത്ത് കോൺഫറൻസിന്റെ ക്വിക്കോഫ് പരിപാടികൾ സംഘടിപ്പിച്ചു. വികാരി ഫാ. അബു പീറ്റർ കോൺഫറൻസ് ടീമിനെ പരിചയപ്പെടുത്തി.
ജാസ്മിൻ കുര്യൻ (എൻറർടെയ്ൻമെന്‍റ് കോഓർഡിനേറ്റർ) സ്വാഗതം ആശംസിച്ചു. ജെറിൻ തോമസ് (ഇടവക സെക്രട്ടറി), ജെയ്സൺ തോമസ് (ജോയിന്റ് സെക്രട്ടറി), ബിപിൻ മാത്യു (ട്രസ്റ്റി) ഭദ്രാസന അസംബ്ലി പ്രതിനിധികൾ, മലങ്കര അസോസിയേഷൻ പ്രതിനിധികൾ എന്നിവരുൾപ്പെടെയുള്ള ഭാരവാഹികൾ പരിപാടിയിൽ പങ്കെടുത്തു.
കോൺഫറൻസിൽ പങ്കെടുക്കാൻ 21 വയസിന് താഴെയുള്ള വിദ്യാർഥികൾക്ക് കുറഞ്ഞ നിരക്കിൽ റജിസ്റ്റർ ചെയ്യാം. ജെയ്സി ജോൺ കോൺഫറൻസ് റജിസ്ട്രേഷൻ നടപടികൾ വിശദമാക്കി. സ്പോൺസർഷിപ്പ് പാക്കേജുകൾ ഐറിൻ ജോർജ് അവതരിപ്പിച്ചു.
റോണ വർഗീസ് (സുവനീർ കമ്മിറ്റി അംഗം), ഭദ്രാസനത്തിന്റെ സത്ത ഉൾക്കൊള്ളുന്ന സുവനീറിന്‍റെ പ്രാധാന്യം ഊന്നിപ്പറഞ്ഞു. പരസ്യങ്ങൾ, ലേഖനങ്ങൾ, കലാസൃഷ്ടികൾ എന്നിവയിലൂടെ സഹകരിക്കാനും ഓർമപ്പെടുത്തി.
കോൺഫറൻസിൽ പങ്കെടുക്കുന്ന ഓരോ പള്ളിക്കും ഏഴ് മിനിറ്റ് ദൈർഘ്യമുള്ള ഒരു കലാ പരിപാടി അവതരിപ്പിക്കാൻ അവസരം ലഭിക്കുമെന്ന് ജാസ്മിൻ കുര്യൻ (എൻറർടെയ്ൻമെന്‍റ് കോഓർഡിനേറ്റർ) അറിയിച്ചു.
മുൻകാല ഫാമിലി & യൂത്ത് കോൺഫറൻസുകളെക്കുറിച്ചും പരിപാടിയിൽ ചർച്ചയായി. ഐസായ മാത്യുവും ജെയ്സണും അവരുടെ അനുഭവങ്ങൾ പങ്കുവച്ചു. ദീപ്തി മാത്യു (മുൻ സുവനീർ എഡിറ്റർ) കിക്ക്ഓഫിന് നേതൃത്വം നൽകി.
കോൺഫറൻസ് കോഓർഡിനേറ്റർ കൂടിയായ ഫാ. അബു പീറ്റർ കോൺഫറൻസ് ടീം അംഗങ്ങൾക്കും, ഇടവക ഭാരവാഹികൾക്കും ഇടവകാംഗങ്ങൾക്കും അവരുടെ ഉത്സാഹത്തിനും പിന്തുണയ്ക്കും നന്ദി പറഞ്ഞു.
ക്രിസ്തീയ വിശ്വാസവും യുവജന പങ്കാളിത്തവും വളർത്തിയെടുക്കുന്നതിനുള്ള സെയിന്റ് ജോർജ്ജ് ഇന്ത്യൻ ഓർത്തഡോക്സ് ഇടവകയുടെ പ്രതിബദ്ധതയെ ശക്തിപ്പെടുത്തിക്കൊണ്ട്, വർദ്ധിച്ച പങ്കാളിത്തത്തിനുവേണ്ടിയുള്ള ആഹ്വാനത്തോടെ കിക്കോഫ് സമാപിച്ചു.
ജൂലൈ 9 മുതൽ 12 വരെ കണക്ടിക്കട് ഹിൽട്ടൺ സ്റ്റാംഫർഡ് ഹോട്ടൽ & എക്സിക്യൂട്ടീവ് മീറ്റിങ് സെൻ്ററിലാണ് കോൺഫറൻസ് നടക്കുന്നത്. റവ. ഡോ. നൈനാൻ വി. ജോർജ് (ഓർത്തഡോക്സ് വൈദിക സംഘം ജനറൽ സെക്രട്ടറി, റവ. ഡോ. റ്റിമത്തി (ടെന്നി) തോമസ് (നോർത്ത് ഈസ്റ്റ് അമേരിക്കൻ ഭദ്രാസന സൺഡേ സ്കൂൾ ഡയറക്ടർ) , ഫാ. ജോൺ (ജോഷ്വ) വർഗീസ്, (സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ), റവ. ഡീക്കൻ അന്തോണിയോസ് (റോബി) ആന്‍റണി (ടാൽമീഡോ നോർത്ത് ഈസ്റ്റ് അമേരിക്കൻ ഭദ്രാസന മെൻസ് മിനിസ്ട്രി ഡയറക്ടർ) എന്നിവരാണ് മുഖ്യ പ്രാസംഗികർ.
ന്ധനമ്മുടെ പൗരത്വം സ്വർഗത്തിലാണ്, അവിടെനിന്നുള്ള ഒരു രക്ഷകനായ കർത്താവായ യേശുക്രിസ്തുവിനെ ഞങ്ങൾ ആകാംക്ഷയോടെ കാത്തിരിക്കുന്നു”(ഫിലിപ്പിയർ 3:20) എന്ന ബൈബിൾ വാക്യത്തെ അടിസ്ഥാനമാക്കിയുള്ള ‘The Way of the Pilgrim’ (പരദേശിയുടെ വഴി) എന്നതാണ് കോൺഫറൻസിന്റെ പ്രമേയം.
ബൈബിൾ, വിശ്വാസം, പാരമ്പര്യം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.റജിസ്ട്രേഷനും വിശദാംശങ്ങൾക്കും www.fycnead.org സന്ദർശിക്കുക.
കൂടുതൽ വിവരങ്ങൾക്ക്, ഫാ. അബു വർഗീസ് പീറ്റർ, കോൺഫറൻസ് കോർഡിനേറ്റർ (ഫോൺ: 9148064595), ജെയ്സൺ തോമസ്, കോൺഫറൻസ് സെക്രട്ടറി (ഫോൺ: 917.612.8832), ജോൺ താമരവേലിൽ, കോൺഫറൻസ് ട്രഷറർ) (ഫോൺ: 917.533.3566).
|