കുവൈറ്റ് സിറ്റി: ഒഐസിസി കുവൈറ്റ് തൃശൂർ ജില്ലാ കമ്മിറ്റിക്ക് പുതിയ നേതൃത്വം നിലവിൽ വന്നു. കെപിസിസി ജനറൽ സെക്രട്ടറി അഡ്വ. ബി.എ. അബ്ദുൾ മുത്തലിബ് പുതിയ ഭാരവാഹികൾക്ക് ചുമതല കൈമാറി.
പ്രവാസി സമൂഹത്തിന്‍റെ ക്ഷേമത്തിനായി വിവിധ മേഖലകളിൽ സജീവമായ ഇടപെടലുകൾ നടത്തുകയും സമൂഹത്തിന് കൂടുതൽ പ്രയോജനകരമായ പ്രവർത്തനങ്ങൾ നടത്തുകയും ചെയ്യുക എന്ന ലക്ഷ്യത്തോടെ പുതിയ കമ്മിറ്റി പ്രവർത്തനം നടത്തണമെന്ന് അബ്ദുൾ മുത്തലിബ് ഓർമിപ്പിച്ചു.
ഒഐസിസി കുവൈറ്റ് പ്രസിഡന്‍റ് വർഗീസ് പുതുക്കുളങ്ങര, ജനറൽ സെക്രട്ടറി ബി.എസ്. പിള്ള, ദേശീയ കമ്മിറ്റി ഭാരവാഹികളായ വർഗീസ് ജോസഫ് മാരാമൺ, സുരേഷ് മാത്തൂർ, ബിനു ചെമ്പാലയം, നിസാം, ജലിൻ തൃപ്രയാർ, റസാഖ് ചെറുതുരുത്തി എന്നിവർ പങ്കെടുത്തു.
അന്‍റോ വാഴപ്പിള്ളി (പ്രസിഡന്‍റ്), അജ്മൽ ഹാഷിം (ജനറൽ സെക്രട്ടറി), അലിജാൻ വടക്കുഞ്ചേരി (ട്രഷറർ) ഡിസിൽവ ജോൺ, എം.എം. ഷാനവാസ്, മുകേഷ് ഗോപാലൻ (വൈസ് പ്രസിഡന്‍റുമാർ), രാജീവ് അച്യുതൻ, ടി.സി. സുഗതൻ, എം.എം. ഷാനഫ്, സുധീർ ജനാർദ്ദനൻ (സെക്രട്ടറിമാർ), സനു പോൾ (വെൽഫയർ സെക്രട്ടറി), മുഹമ്മദ് ആഷിക്(സ്പോർട്സ് സെക്രട്ടറി) എന്നിവരാണ് പുതിയ ഭാരവാഹികൾ.
ജലിൻ തൃപ്രയാറിനെയും റസാഖ് ചെറുതുരുത്തിയെയും ഒഐസിസി ദേശീയ കമ്മിറ്റിയിലേക്ക് നാമനിർദേശം ചെയ്തു. പ്രവാസി ക്ഷേമം, കലാസാംസ്കാരിക പ്രവർത്തനങ്ങൾ, സാമൂഹിക സേവനങ്ങൾ, വിദ്യാഭ്യാസ പദ്ധതികൾ എന്നിവയ്ക്ക് പുതിയ കമ്മിറ്റി കൂടുതൽ പ്രാധാന്യം നൽകുമെന്ന് ഭാരവാഹികൾ അറിയിച്ചു.
|