ലണ്ടൻ: ട്രാഫോർഡ് മലയാളി അസോസിയേഷൻ പുതിയ ഭാരവാഹികളെ തെരഞ്ഞെടുത്തു. ഷിജു ചാക്കോ (പ്രസിഡന്‍റ്), ലിബിൻ കെ. തോമസ് (സെക്രട്ടറി), രാഹുൽ ശിവൻ (ട്രഷറർ), ഡോളി സിബി (വൈസ് പ്രസിഡന്‍റ്), സ്റ്റാനി ഇമ്മാനുവേൽ (ജോയിന്‍റ് സെക്രട്ടറി), ശ്രീകാന്ത് ശിവരാജൻ (പബ്ലിക് റിലേഷൻസ് ഓഫിസർ), അനു ജോഷി, ഡൽഫിയ ജോസ്, സോണിയ ദീപക് (പ്രോഗ്രാം കോഓർഡിനേറ്റേഴ്സ്), ഡിയോണ സ്റ്റാൻലി, സോനാ ബിജു, ജോയൽ ജോർജ്, അഷോൺ സിബി (യൂത്ത്പ്രോഗ്രാം കോഓർഡിനേറ്റേഴ്സ്) എന്നിവരാണ് പുതിയ ഭാരവാഹികൾ.
പുതിയ വർഷത്തെ അസോസിയേഷന്‍റെ കർമപരിപാടികൾക്കും രൂപം നൽകി. കഴിഞ്ഞദിവസം നടന്ന ചടങ്ങിൽ നിലവിലെ ഭാരവാഹികൾ കമ്മിറ്റി രേഖകളും അക്കൗണ്ടും നൽകി പുതിയ ഭാരവാഹികൾക്ക് ചുമതലകൾ കൈമാറി. കേക്ക് മുറിച്ചു പരിപാടികൾക്ക് തുടക്കം കുറിച്ചു.
കഴിഞ്ഞ 19 വർഷകാലം എല്ലാ തലത്തിലും ടിഎംഎയെ വളർത്തി വലുതാക്കിയ എല്ലാ ടിഎംഎ അംഗങ്ങളെയും അതിന് മുന്നിൽ നിന്ന് പ്രവർത്തിച്ച കഴിഞ്ഞകാല പ്രവർത്തന സമതി അംഗങ്ങളോടുമുള്ള നന്ദി പ്രവർത്തനസമതി അറിയിച്ചു.
മെമ്പർഷിപ്പ് ദിനം, ടിഎംഎ 20ാം വാർഷികം ഉദ്ഘാടനം, എഗ് ഹംന്‍റിംഗ്, വേനൽക്കാല ഉത്സവം, ലേഡീസ് നൈറ്റ് ഔട്ട് & മെൻസ് നൈറ്റ് ഔട്ട്, ഫാമിലി ടൂർ, ബ്രിംഗ് ആൻഡ് ഷെയർ, ഗസൽ സന്ധ്യ, കുട്ടികൾക്ക് ക്ലാസ്, സ്‌പോർട്‌സ് ഡേ (ഇൻഡോർ ഗെയിംസ് & ഔട്ട്‌ഡോർ ഗെയിംസ്), ഓണം പ്രോഗ്രാം, കുട്ടികളുടെ ഔട്ടിംഗ്, പുരുഷന്മാരുടെയും സ്ത്രീകളുടെയും ടൂർ ഔട്ട് ഓഫ് യുകെ, ക്രിസ്മസ് കരോൾ, ക്രിസ്മസ് & ന്യൂഇയർ ആഘോഷങ്ങൾ.
മാഞ്ചസ്റ്ററിലെ ട്രാഫോർഡിനു ചുറ്റുമുള്ള മലയാളി കുടുംബങ്ങളെ ഒന്നിപ്പിക്കുന്ന ഒരു ഔദ്യോഗിക ട്രാഫോർഡ് മലയാളി അസോസിയേഷൻ (ടിഎംഎ) ആയി ഒരു കൂട്ടം വ്യക്തികൾ തങ്ങളുടെ പൊതുവായ താത്പര്യങ്ങൾ പങ്കുവ‌യ്ക്കാൻ തീരുമാനിച്ചതിനെത്തുടർന്ന് 2005ൽ ട്രാഫോർഡ് മലയാളി അസോസിയേഷൻ സ്ഥാപിതമായി.
ട്രാഫോർഡ് പ്രദേശത്തെ മലയാളി പ്രവാസികൾക്കിടയിൽ സാമൂഹിക, സാംസ്കാരിക, കായിക പ്രവർത്തനങ്ങൾക്ക് സഹായകമായ സൗകര്യങ്ങൾ നൽകുകയും പ്രോത്സാഹിപ്പിക്കുകയും ചെയ്യുക എന്നതാണ് അസോസിയേഷന്‍റെ ലക്ഷ്യം. അതിനുശേഷം ഞങ്ങൾ ഒരു സമൂഹമായി വളർന്നു. ഇപ്പോൾ 100ലധികം കുടുംബങ്ങൾ അസോസിയേഷന്‍റെ ഭാഗമാണ്.
|