ഹുസ്റ്റണ്‍: റിവര്സ്റ്റോണ് ഒരുമയുടെ വര്‍ണോജ്വലമായ ക്രിസ്മസ് പുതുവത്സരാ ആഘോഷമായ മകര നിലാവ് സമാപിച്ചു. ശൈത്യ മാസത്തിന്‍റെ ഇടവേളയിലുള്ള മകരമാസ ദിനത്തില്‍ സെന്‍റ് തോമസ് കത്തീഡ്രല്‍ ഓഡിറ്റോറിയത്തില്‍ ചേര്‍ന്ന നൂറ് കണക്കിന് ഒരുമ കുടുബാംഗങ്ങള്‍ ഒത്തുചേര്‍ന്ന് ആഘോഷത്തെ വരവേറ്റു.
സാന്‍റായോടൊപ്പമുള്ള ഫോട്ടോഷൂട്ട് അറ്റ് ഫോട്ടോ ബൂത്ത്, വര്‍ണവിസ്മയത്തിലാക്കിയ വിദ്യാര്‍ഥികളുടെ ബോളിവുഡ് ഡാന്‍ഡുകള്‍, മുതിര്‍ന്നവരും കുട്ടികളും ചേര്‍ന്ന് ചുവടുവച്ച സൂപ്പര്‍ ഫാഷന്‍ ഷോ, പ്രതിഭാശാലികളായ ഗായകരുടെ ഗാനസന്ധ്യാ, സിനിമാ താരം ബാബു ആന്‍റണിയുടെ സാന്നിധ്യം, സാബു തിരുവല്ലയുടെ സ്റ്റേജ് ഷോ എന്നിവ പരിപാടിയുടെ മാറ്റ് കൂട്ടി.
ഒരുമ പ്രസിഡന്‍റ് ജിന്‍സ് മാത്യു കിഴക്കേതിലിന്‍റെ അധ്യക്ഷതയില്‍ സ്റ്റാഫോര്‍ഡ് സിറ്റി മേയര്‍ കെന്‍ മാത്യു പൊതുസമ്മേളനം ഉദ്ഘാടനം ചെയ്തു. ബാബു ആന്‍റണി സെലിബ്രിറ്റി ഗസ്റ്റായി കലാമേള ഉദ്ഘാടനം ചെയ്തു.
ജഡ്ജ് ജൂലി മാത്യു, ഫോര്‍ട്ട് ബെന്‍സ് കൗണ്ടി പ്രസമ്ക്റ്റ്#3 പോലീസ് ക്യാപ്റ്റന്‍ മനോജ് കുമാര്‍ പൂപ്പാറയില്‍, ഒരുമ ജനറല്‍ സെക്രട്ടറി ജയിംസ് ചാക്കോ മുട്ടുമ്കല്‍, നവീന്‍ ഫ്രാന്‍സിസ്, ആര്‍ട്ടിസ്റ്റ് സാബു തിരുവല്ല, റിവര്സ്റ്റോണ് ബോര്‍ഡ് മെമ്പര്‍ ഡോ. സീനാ അഷറഫ്, സ്ഥാപക പ്രസിഡന്‍റ് ജോണ്‍ ബാബു, വിനോയി കൈച്ചിറയില്‍ എന്നിവര്‍ ആശംസകള്‍ നേര്‍ന്നു.
ഒരുമ വൈസ് പ്രസിഡന്‍റ് റീനാ വര്‍ഗീസ് സ്വാഗതവും ജോയിന്‍റ് സെക്രട്ടറി മേരി ജേക്കബ് കൃതജ്ഞതയും രേഖപ്പെടുത്തി. 2025ലെ പുതിയ ഭരണ സമിതിഅംഗങ്ങള്‍ ഔദ്യോഗികമായി സമ്മേളനത്തില്‍ ചാര്‍ജെടുത്തു.
ഡോ. ജോസ് തൈപ്പറമ്പിന്‍, റെയ്‌നാ റോക്ക്, റീനാ വര്‍ഗീസ്, സെലിന്‍ ബാബു, മെര്‍ലില്‍ സാജന്‍ എന്നിവര്‍ എംസിമാരായി പ്രവര്‍ത്തിച്ചു. വിഭവസമൃദ്ധമായ അത്താഴ വിരുന്നോടെ പരിപാടി സമാപിച്ചു.
മുന്‍ പ്രസിഡന്‍റ് ആന്‍റു വെളിയെത്ത്, കെ.പി, തങ്കച്ചന്‍, റോബി ജേക്കബ്, ജോസ് ജോസഫ്, ജിജി പോള്‍, ജിനോ ഐസക്ക്, രഞ്ചു സെബാസ്റ്റ്യന്‍, ബോബി ജോസഫ്, സോണി പാപ്പച്ചന്‍, ബിജു ആന്‍റണി, ദീപാ പോള്‍, ഷാജി വര്‍ഗീസ് എന്നിവര്‍ അടങ്ങുന്ന സമിതികള്‍ പരിപാടികള്‍ക്ക് നേതൃത്വം നല്കി.
|