കൊച്ചി: ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ മാധ്യമ അവാർഡ് വിതരണം ചെയ്തു. കൊച്ചി ഗോകുലം കൺവൻഷൻ സെന്‍ററിൽ നടന്ന ചടങ്ങുകൾ പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്തു. ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ പ്രസിഡന്‍റ് സുനിൽ ട്രൈസ്റ്റാർ (സാമുവൽ ഈശോ) അധ്യക്ഷത വഹിച്ചു.
ബെസ്റ്റ് എന്‍റർടൈനർ പ്രോഗ്രാം പുരസ്‌കാരത്തിന് സെർഗോ വിജയരാജ് അർഹനായി. കെ.ജെ. മാക്സി എംഎൽഎ ഫലകവും ബിജു കട്ടത്തറ പ്രശസ്തിപത്രവും ചെക്കും നൽകി.
ബെസ്റ്റ് ന്യൂസ് പ്രൊഡ്യൂസർ പുരസ്‌കാരത്തിന് വി. അപർണ അർഹയായി. മാണി സി കാപ്പൻ എംഎൽഎ ഫലകവും പ്രശസ്തിപത്രവും റാണി തോമസ് (ബെറാഖ എലൈറ്റ് എഡ്യൂക്കേഷൻ) ചെക്കും നൽകി.
ബെസ്റ്റ് റേഡിയോ ജേണലിസ്റ്റ് പുരസ്‌കാരത്തിന് ഫസൽ അർഹനായി. പ്രഫ. കെ.വി. തോമസ് ഫലകവും പ്രശസ്തിപത്രവും ജിജു കുളങ്ങര ചെക്കും നൽകി.
സ്പെഷ്യൽ ജൂറി മെൻഷൻ പുരസ്‌കാരത്തിന് ബി. അഭിജിത്ത് അർഹനായി. കെ.വി. തോമസ് ഫലകവും ബിജു കിഴക്കേകോട്ട് പ്രശസ്തിപത്രവും ജോൺ ടൈറ്റസ് (എയ്റോ കൺട്രോൾ, കുമ്പനാട് ഹെറിറ്റേജ് ഹോട്ടൽ) ചെക്കും കൈമാറി.
രാജേഷ് ആർ. നാഥ് ബെസ്റ്റ് എന്‍റർടൈൻമെന്‍റ് പ്രോഗ്രാം പ്രൊഡ്യൂസർ പുരസ്‌കാരത്തിന് അർഹനായി. കെ.വി. തോമസ് ഫലകവും പ്രശസ്തിപത്രവും റാണി തോമസ്(ബെറാഖ എലൈറ്റ് എഡ്യൂക്കേഷൻ) ചെക്കും നൽകി.
മുൻ കേന്ദ്രമന്ത്രിയും കേരള ഗവൺമെന്‍റിന്‍റെ പ്രത്യേക പ്രതിനിധിയുമായ പ്രഫ. കെ വി തോമസ്, ഹൈബി ഈഡൻ എംപി, എംഎൽഎമാരായ മോൻസ് ജോസഫ്, അൻവർ സാദത്ത്, റോജി എം. ജോൺ, മാണി സി. കാപ്പൻ, ടി ജെ വിനോദ്, കെ. ജെ. മാക്സി, മുൻ എംപി സെബാസ്റ്റ്യൻ പോൾ, കേരള മീഡിയ അക്കാദമി ചെയർമാൻ ആർ എസ് ബാബു, മാധ്യമപ്രവർത്തകൻ ജോണി ലൂക്കോസ്,
സാജൻ, മിനി സാജൻ, സുമേഷ് അച്ചുതൻ, ഫൊക്കാന പ്രസിഡന്‍റ് സജിമോൻ ആന്‍റണി, ഫോമാ പ്രസിഡന്‍റ് ബേബി മണക്കുന്നേൽ, ഫൊക്കാന മുൻ പ്രസിഡന്‍റ് ബാബു സ്റ്റീഫൻ, ദിലീപ് വർഗീസ്, അനിയൻ ജോർജ്, ഷിജോ പൗലോസ്, സുനിൽ തൈമറ്റം, രാജു പള്ളത്ത്, വൈസ് പ്രസിഡന്‍റ് അനിൽകുമാർ ആറന്മുള, ജോയിന്‍റ് സെക്രട്ടറി ആശ മാത്യു, ജോയിന്‍റ് ട്രെഷറർ റോയ് മുളകുന്നംപുരസ്കാരദാന ചടങ്ങിന്‍റെ കോഓർഡിനേറ്റർ ആയി പ്രതാപ് ജയലക്ഷ്മി നായർ തുടങ്ങിയവരും ചടങ്ങിൽ പങ്കെടുത്തു.
|