Deepika.com Nri News :ജോർജിയയിൽ മരിച്ചവരിലേറെയും പഞ്ചാബ് സ്വദേശികൾ.......

Europe

ജോർജിയയിൽ മരിച്ചവരിലേറെയും പഞ്ചാബ് സ്വദേശികൾ

Back To NRI Home Forward This News Click here for detailed news of all items

തിബിലിസി: ജോർജിയയിലെ റസ്റ്ററന്‍റിൽ മരിച്ച 11 ഇന്ത്യക്കാരിലേറെയും പഞ്ചാബ് സ്വദേശികൾ. ഇവരുടെ മൃതദേഹങ്ങൾ നാട്ടിലെത്തിക്കാൻ നടപടി സ്വീകരിക്കണമെന്നു കോൺഗ്രസ് എംപി ഗുർമീത് സിംഗ് ഓജില പഞ്ചാബ് സർക്കാരിനോട് ആവശ്യപ്പെട്ടു.

മുഖ്യമന്ത്രി ഭഗവന്ത് മന്നും എൻആർഐ കാര്യമന്ത്രി കുൽദീപ് സിംഗും ഇതിനാവശ്യമായ നടപടികൾ സ്വീകരിക്കുകയും മരിച്ചവരുടെ കുടുംബാംഗങ്ങൾക്ക് ആവശ്യമായ പിന്തുണ നൽകുകയും വേണമെന്നു ഗുർമീത് സിംഗ് സമൂഹമാധ്യമമായ എക്സിൽ കുറിച്ചു.

ഗുദൗരി മൗണ്ടൻ റിസോർട്ടിലാണ് അപകടം നടന്നത്. മരിച്ചവരെല്ലാം റസ്റ്ററന്‍റിലെ ജീവനക്കാരാണ്. കാർബൺ മോണോക്സൈഡ് ശ്വസിച്ചതാണ് മരണകാരണമെന്നാണു പ്രാഥമിക വിവരമെന്നു ജോർജിയൻ വിദേശകാര്യ മന്ത്രാലയം അറിയിച്ചു.

മരിച്ചവരുടെ ശരീരത്തിൽ മുറിവുകളൊന്നുമില്ല. രണ്ടാംനിലയിലെ കിടപ്പുമുറിയിലാണ് മൃതദേഹങ്ങൾ കണ്ടെത്തിയത്. മുറിയുടെ സമീപത്ത് ജനറേറ്റർ കണ്ടെത്തിയെന്നു പോലീസ് അറിയിച്ചു.

വൈദ്യുതി നിലച്ചപ്പോൾ ജനറേറ്റർ പ്രവർത്തിച്ചിരുന്നു. ഇതിൽനിന്നുണ്ടായ കാർബൺ മോണോക്സൈഡ് ശ്വസിച്ചതു മരണകാരണമായെന്നാണു പ്രാഥമിക നിഗമനം

എയർ ഇന്ത്യ കൊച്ചി യുകെ വിമാന സർവീസുകൾ നിർത്തുന്നതാ‌യി റിപ്പോർട്ട്; ഇടപെടലുമായി ഒഐസിസി.

ലണ്ടൻ: എയർ ഇന്ത്യ കൊച്ചി യുകെ വിമാന സർവീസുകൾ നിർത്തലാക്കുന്നു എന്ന വാർത്ത പ്രചരിച്ചതിന് പിന്നാലെ അടിയന്തിര ഇടപെട

ട്രാഫോർഡ് മലയാളി അസോസിയേഷന് പുതിയ നേതൃത്വം.

ലണ്ടൻ: ട്രാഫോർഡ് മലയാളി അസോസിയേഷൻ പുതിയ ഭാരവാഹികളെ തെരഞ്ഞെടുത്തു. ഷിജു ചാക്കോ (പ്രസിഡന്‍റ്), ലിബിൻ കെ.

ജർമൻ സംഘം അമല ആശുപത്രി സന്ദർശിച്ചു.

തൃശൂർ: ജർമനിയിൽനിന്നു ഫാ.

ഹാംബുര്‍ഗില്‍ എഎഫ്ഡിക്കെതിരേ വന്പൻ പ്രതിഷേധം.

ഹാംബുര്‍ഗ്: ത്രീവ വലതുപക്ഷ പാർട്ടിയായ എഎഫ്ഡി ഫെഡറല്‍ ചെയര്‍മാന്‍ ടിനോ ച്രുപല്ലയ്ക്കെതിരേ പ്രതിഷേധിച്ച് ആയിരക്കണക്

അഷാഫൻബർഗ് അക്രമണത്തിൽ മരിച്ചവർക്ക് ആദരാഞ്ജലി അർപ്പിച്ചു.

ബെര്‍ലിന്‍: ബവേറിയയിലെ അഷാഫൻബർഗിൽ കഴിഞ്ഞദിവസം നടന്ന അക്രമണത്തിൽ മരണപ്പെട്ടവർക്ക് ആദരാഞ്ജലി അർപ്പിച്ചുകൊണ്ടുള്ള