Deepika.com Nri News :നടൻ ശ്രീനിവാസനെ കെഎച്ച്എന്‍എ ആദരിക്കുന്നു.......

Americas

നടൻ ശ്രീനിവാസനെ കെഎച്ച്എന്‍എ ആദരിക്കുന്നു

Back To NRI Home Forward This News Click here for detailed news of all items

ന്യൂയോര്‍ക്ക്: നടനും തിരക്കഥാകൃത്തുമായ ശ്രീനിവാസനെ കേരള ഹിന്ദൂസ് ഓഫ് നോർത്ത് അമേരിക്ക ഫെബ്രുവരി ഒന്നിന് കേരളത്തിൽ വച്ച് നടക്കുന്ന കെഎച്ച്എന്‍എയുടെ കേരള സംഗമ വേദിയിൽ ചലച്ചിത്ര പ്രതിഭാ പുരസ്കാരം നല്‍കി ആദരിക്കുന്നു.

അന്നേ ദിവസം തന്നെ സുപ്രസിദ്ധ സാഹിത്യകാരിയും നിരൂപകയുമായ പ്രഫ. ഡോ. എം. ലീലാവതിക്ക് കെഎച്ച്എന്‍എ നാലാമത് ആർഷദർശന പുരസ്കാരം നൽകി ആദരിക്കും. ഇതിനുമുമ്പ് അക്കിത്തം, സി. രാധാകൃഷ്ണൻ, ശ്രീകുമാരൻ തമ്പി എന്നിവർക്കാണ് ഈ പുരസ്കാരം ലഭിച്ചിട്ടുള്ളത്.

കെഎച്ച്എന്‍എ രജത ജൂബിലി ആഘോഷങ്ങളുടെ ഭാഗമായി “കെഎച്ച്എന്‍എ ഫോർ കേരള” ചാരിറ്റി പദ്ധതിയും ഇതോടൊപ്പം നടപ്പാക്കും. വിവിധ പദ്ധതികളിലായി ഒരു കോടി രൂപയുടെ ധനസഹായമാണ് കേരളത്തിനുവേണ്ടി ഡോ. ജയരാമൻ നേതൃത്വം നൽകുന്ന സേവാ ഫോറം നടപ്പിലാക്കുന്നത്.

പ്രഫഷണൽ വിദ്യാർഥികൾ, വിധവകൾ, ക്ഷേത്രകലാകാരന്മാർ തുടങ്ങിയവർക്ക് സഹായം, സ്ത്രീകൾക്ക് ബിസിനസ് വായ്പ, ശാരീരിക മാനസിക വൈകല്യങ്ങൾ ഉള്ളവർക്ക് ചികിത്സാ സഹായം, ബാലാശ്രമങ്ങൾ, വിദ്യാലയങ്ങൾ, വൃദ്ധസദനങ്ങൾ മുതലായ സ്ഥാപനങ്ങൾക്ക് സഹായം, വനവാസി മേഖലയിൽ അടിസ്ഥാന സൗകര്യങ്ങൾ തുടങ്ങി നിരവധി കർമപദ്ധതികളാണ് ഈ ബൃഹത് സംരംഭത്തിൽ കെഎച്ച്എന്‍എ ഏറ്റെടുത്തിട്ടുള്ളത്.

കേന്ദ്ര മന്ത്രിമാർ, കേരള ഗവർണർ, സംസ്ഥാന മന്ത്രിമാർ തുടങ്ങിയവർ പങ്കെടുക്കുന്ന പരിപാടി എറണാകുളത്തുള്ള അഡ്ലക്‌സ് ഇന്‍റർനാഷണൽ കൺവൻഷൻ സെന്‍ററിൽ വച്ചാണ് നടക്കുക. സമൂഹത്തിലെ വിവിധ ശ്രേണികളിൽ നിന്നുള്ള പ്രമുഖർ പ്രത്യേക ക്ഷണിതാക്കളായി പരിപാടിയിൽ പങ്കെടുക്കുമെന്ന് കെഎച്ച്എന്‍എ പ്രസിഡന്‍റ് അറിയിച്ചു.

2025 ഓഗസ്റ്റ് 17,18,19 തീയതികളിൽ ന്യൂജഴ്സിയിലെ അറ്റ്‌ലാന്‍റിക് സിറ്റിയിൽ വച്ചു നടക്കുന്ന കെഎച്ച്എന്‍എയുടെ വിരാട് 25 എന്ന രജത ജൂബിലി കൺവൻഷൻ വിജയിപ്പിക്കുന്നതിന് വിപുലമായ ഒരു കമ്മിറ്റി പ്രവർത്തിച്ചുവരുന്നു.

യു.എസ്. കോൺസുലേറ്റ് ജനറൽ, കുസാറ്റ് പങ്കാളിത്തത്തിൽ കൊച്ചിയിൽ പൊതുജനത്തിനായി അമേരിക്കൻ കോർണർ തുറന്നു.

കളമശേരി: സംസ്ഥാനത്തെ ആദ്യത്തെ ന്ധഅമേരിക്കൻ കോർണർ’ കൊച്ചി ശാസ്ത്ര സാങ്കേതിക സർവകലാശാലയിൽ തുറന്നു.

ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ മാധ്യമ പുരസ്കാരം ജനുവരി 10ന്.

ന്യുയോർക്ക്: വടക്കേ അമേരിക്കയിലെ മലയാളി മാധ്യമ പ്രവർത്തകരുടെ കൂട്ടായ്മയായ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയു

ഫോമയുടെ ഭരണഘടനാ പരിഷ്കരണത്തിന് ബൈലോ കമ്മിറ്റി പുനഃസംഘടിപ്പിച്ചു.

ന്യൂയോർക്ക്: ഫോമയുടെ ഭരണഘടനയിൽ കാലാനുസൃതമായ മാറ്റങ്ങൾ കൊണ്ടുവരുവാൻ വേണ്ടി ബൈലോ കമ്മിറ്റി പുനഃസംഘടിപ്പിച്ചു.

ടെക്സസ് പൊതു സുരക്ഷാ വകുപ്പ് ഡയറക്ടറായി ഫ്രീമാൻ മാർട്ടിൻ ചുമതലയേറ്റു.

ഓസ്റ്റിൻ: ടെക്സസ് പൊതുസുരക്ഷാ വകുപ്പ് (ഡിപിഎസ്) ഡയറക്ടർ ആയി കേണൽ ഫ്രീമാൻ മാർട്ടിൻ ചുമതലയേറ്റു.

യുഎസിൽ 40 മില്യൻ ഡോളറിന്‍റെ ലഹരിമരുന്നുമായി രണ്ട് ഇന്ത്യക്കാർ അറസ്റ്റിൽ.

അയോവ: യുഎസിൽ 40 മില്യൻ ഡോളർ വിലമതിക്കുന്ന ലഹരിമരുന്നുമായി രണ്ട് ഇന്ത്യക്കാരെ പൊലീസ് അറസ്റ്റു ചെയ്തു.