Deepika.com Nri News :മകന് മാപ്പുനൽകി ജോ ബൈഡൻ.......

Americas

മകന് മാപ്പുനൽകി ജോ ബൈഡൻ

Back To NRI Home Forward This News Click here for detailed news of all items

വാഷിംഗ്ടൺ ഡിസി: ക്രിമിനൽ കേസുകൾ നേരിടുന്ന മകൻ ഹണ്ടർ ബൈഡനു മാപ്പുനൽകി സ്ഥാനമൊഴിയാൻ പോകുന്ന പ്രസിഡന്‍റ് ജോ ബൈഡൻ. മകനെതിരായ കേസുകൾ നിയമവ്യവസ്ഥയുടെ ദുരുപയോഗമെന്നു ചൂണ്ടിക്കാട്ടിയാണു നടപടി.

പ്രസിഡന്‍റ് പദവിയുടെ അധികാരം ഉപയോഗിച്ച് ഹണ്ടറിനു മാപ്പുനൽകില്ലെന്ന് ബൈഡൻ നേരത്തെ ആവർത്തിച്ചു പറഞ്ഞിരുന്നു. ഇതിൽ നിന്നും വ്യതിചലിച്ചാണ്‌ പുതിയ തീരുമാനം ബൈഡൻ പ്രഖ്യാപിച്ചത്

നികുതിവെട്ടിപ്പ്, മയക്കുമരുന്ന് ഉപയോഗം മറച്ചുവച്ച് തോക്കുവാങ്ങൽ എന്നീ രണ്ടു കേസുകളാണു ഹണ്ടറിനെതിരേയുള്ളത്. 25 വർഷം വരെ ശിക്ഷ ലഭിക്കാവുന്ന തോക്കുകേസിൽ കോടതി ജൂണിൽ ഹണ്ടർ കുറ്റക്കാരനെന്നു വിധിച്ചിരുന്നു.

ശിക്ഷാപ്രഖ്യാപനത്തിന് വരുന്നയാഴ്ച കോടതി ചേരാനിരിക്കേയാണു ബൈഡൻ മകന് ഉപാധികളില്ലാതെ മാപ്പുനല്കിയത്. 17 വർഷം വരെ തടവു ലഭിക്കാവുന്ന നികുതി വെട്ടിപ്പു കേസിൽ ഹണ്ടർ സെപ്റ്റംബറിൽ കോടതിയിൽ കുറ്റം സമ്മതിച്ചിരുന്നു.

നിയമവ്യവസ്ഥയിൽ വിശ്വാസമുണ്ടെങ്കിലും രാഷ്‌ട്രീയം നിയമവ്യവസ്ഥയെ ബാധിച്ചുവെന്നും പ്രസിഡന്‍റിനു പുറമേ പിതാവുകൂടിയായ ഒരാൾ എടുത്ത തീരുമാനത്തെ അമേരിക്കൻ ജനത അംഗീകരിക്കുമെന്നും ബൈഡൻ വിശദീകരിച്ചു.

ബൈഡന്‍റെ നടപടി നിയമവ്യവസ്ഥയുടെ ദുരുപയോഗമാണെന്നു നിയുക്ത പ്രസിഡന്‍റ് ഡോണൾഡ് ട്രംപ് പ്രതികരിച്ചു. മുൻ പ്രസിഡന്‍റ് ബിൽ ക്ലിന്‍റൺ 2001ൽ മയക്കുമരുന്നു കേസ് നേരിടുന്ന തന്‍റെ അർധസഹോദരൻ റോജർ ക്ലിന്‍റന് മാപ്പു നല്കിയിരുന്നു.

2020ൽ ഡോണൾഡ് ട്രംപ് മകൾ ഇവാങ്കയുടെ ഭർതൃപിതാവ് ചാൾസ് കുഷ്നർക്കും മാപ്പുനല്കിയിട്ടുണ്ട്.

ഷിക്കാഗോ സെന്‍റ് മേരീസ് ക്നാനായ പളളിയുടെ ക്രിസ്മസ് കരോൾ ആരംഭിച്ചു.

ഷിക്കാഗോ: ഷിക്കാഗോ സെന്‍റ് മേരീസ് ക്നാനായ പളളിയുടെ ഈ വർഷത്തെ ക്രിസ്മസ് കരോളിന് തുടക്കമായി.

യു.എസ്. കോൺസുലേറ്റ് ജനറൽ, കുസാറ്റ് പങ്കാളിത്തത്തിൽ കൊച്ചിയിൽ പൊതുജനത്തിനായി അമേരിക്കൻ കോർണർ തുറന്നു.

കളമശേരി: സംസ്ഥാനത്തെ ആദ്യത്തെ ന്ധഅമേരിക്കൻ കോർണർ’ കൊച്ചി ശാസ്ത്ര സാങ്കേതിക സർവകലാശാലയിൽ തുറന്നു.

ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ മാധ്യമ പുരസ്കാരം ജനുവരി 10ന്.

ന്യുയോർക്ക്: വടക്കേ അമേരിക്കയിലെ മലയാളി മാധ്യമ പ്രവർത്തകരുടെ കൂട്ടായ്മയായ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയു

ഫോമയുടെ ഭരണഘടനാ പരിഷ്കരണത്തിന് ബൈലോ കമ്മിറ്റി പുനഃസംഘടിപ്പിച്ചു.

ന്യൂയോർക്ക്: ഫോമയുടെ ഭരണഘടനയിൽ കാലാനുസൃതമായ മാറ്റങ്ങൾ കൊണ്ടുവരുവാൻ വേണ്ടി ബൈലോ കമ്മിറ്റി പുനഃസംഘടിപ്പിച്ചു.

ടെക്സസ് പൊതു സുരക്ഷാ വകുപ്പ് ഡയറക്ടറായി ഫ്രീമാൻ മാർട്ടിൻ ചുമതലയേറ്റു.

ഓസ്റ്റിൻ: ടെക്സസ് പൊതുസുരക്ഷാ വകുപ്പ് (ഡിപിഎസ്) ഡയറക്ടർ ആയി കേണൽ ഫ്രീമാൻ മാർട്ടിൻ ചുമതലയേറ്റു.