Deepika.com Nri News :സർക്കാർ രൂപീകരണത്തിനുള്ള ഒരുക്കങ്ങൾ തുടങ്ങി ട്രംപ്; സത്യപ്രതിജ്ഞ ജനുവരിയിൽ.......

Americas

സർക്കാർ രൂപീകരണത്തിനുള്ള ഒരുക്കങ്ങൾ തുടങ്ങി ട്രംപ്; സത്യപ്രതിജ്ഞ ജനുവരിയിൽ

Back To NRI Home Forward This News Click here for detailed news of all items

വാഷിംഗ്ടൺ ഡിസി: യുഎസ് പ്രസിഡന്‍റായി വീണ്ടും തെരഞ്ഞെടുക്കപ്പെട്ട ഡോണൾഡ് ട്രംപ് സർക്കാർ രൂപവത്കരണത്തിനുള്ള നടപടികൾ ആരംഭിച്ചു. ജനുവരി 20നാണ് ട്രംപിന്‍റെ സത്യപ്രതിജ്ഞ. വരും ദിവസങ്ങളിൽ കാബിനറ്റ് അംഗങ്ങളെ അദ്ദേഹം നിശ്ചയിക്കും.

തെരഞ്ഞെടുപ്പു പ്രചാരണത്തിൽ പ്രധാന പങ്കുവഹിച്ച സൂസി വൈൽസിനെ ട്രംപ് വൈറ്റ്ഹൗസിന്‍റെ ചീഫ് ഓഫ് സ്റ്റാഫ് ആക്കുമെന്നു സൂചനയുണ്ട്. മുൻ ആഭ്യന്തര നയ ഉപദേഷ്ടാവ് ബ്രൂക് റോളിൻസിനെയും ഈ പദവിയിലേക്കു പരിഗണിക്കുന്നുണ്ട്.

മുൻ സിഐഎ ഡയറക്ടറും ഒന്നാം ട്രംപ് ഭരണത്തിൽ സ്റ്റേറ്റ് സെക്രട്ടറിയുമായിരുന്ന മൈക്ക് പോംപിയോ പ്രതിരോധ വകുപ്പിന്‍റെ മേധാവിയായേക്കാം. നയതന്ത്രവിദഗ്ധൻ റിക് ഗ്രെനെല്ലിനു ദേശീയ സുരക്ഷാ ഉപദേഷ്ടാവ് പദവിയോ സ്റ്റേറ്റ് സെക്രട്ടറിസ്ഥാനമോ ലഭിച്ചേക്കും.

കെന്നഡി കുടുംബത്തിന്‍റെ പാരന്പര്യം പേറുന്ന റോബർട്ട് എഫ്. കെന്നഡി ജൂണിയറിന് ആരോഗ്യവകുപ്പിൽ പ്രധാന പദവി നല്കുമെന്ന സൂചന ട്രംപ് നല്കിയിട്ടുണ്ട്.

കോവിഡ് അടക്കമുള്ള രോഗങ്ങൾക്കുള്ള വാക്സിനുകളെക്കുറിച്ച് വ്യാജപ്രചാരണം നടത്തിയിട്ടുള്ളയാളാണ് കെന്നഡി ജൂണിയർ. ലോകത്തിലെ ഒന്നാം നന്പർ സന്പന്നൻ ഇലോൺ മസ്കിന് കാബിനറ്റിതര പദവി ട്രംപ് നല്കുമെന്നും സൂചനയുണ്ട്.

ഇതിനിടെ, പ്രസിഡന്‍റ് തെരഞ്ഞെടുപ്പിൽ ട്രംപിന്‍റെ എതിരാളിയും യുഎസ് വൈസ് പ്രസിഡന്‍റുമായ കമലാ ഹാരിസ് പരാജയം സമ്മതിച്ചു. അധികാരക്കൈമാറ്റത്തിൽ ട്രംപിനെ സഹായിക്കുമെന്ന് കമല വ്യക്തമാക്കി.

വോട്ടെണ്ണൽ അന്തിമഘട്ടത്തിലേക്കടുക്കുന്പോൾ ഇലക്‌ടറൽ കോളജിലെ 538 വോട്ടുകളിൽ 294ഉം ട്രംപ് സ്വന്തമാക്കി. കമലയ്ക്ക് 223 വോട്ടുകളാണു ലഭിച്ചത്. നെവാഡ, അരിസോണ സംസ്ഥാനങ്ങളിലെ ഫലമാണ് വരാനുള്ളത്.

94 ശതമാനം വോട്ടുകളെണ്ണിയ നെവാഡയിലും 70 ശതമാനം വോട്ടുകളെണ്ണിയ അരിസോണയിലും ട്രംപിന് 50 ശതമാനത്തിനു മുകളിൽ വോട്ടുണ്ട്.

മാർക്കോ റൂബിയോ ട്രംപിന്‍റെ സ്റ്റേറ്റ് സെക്രട്ടറി.

വാഷിംഗ്ടൺ ഡിസി: ഫ്ലോറിഡയിൽനിന്നുള്ള സെനറ്റർ മാർക്കോ റൂബിയോ അമേരിക്കയിലെ അടു

ഇന്ത്യ കൾച്ചറൽ ആൻഡ് എജ്യുക്കേഷൻ സെന്‍റർ വാർഷിക ജനറൽ ബോഡി ഡിസം: 8ന്.

ഡാളസ്: ഡാളസിലെ സാമൂഹ്യ സാംസ്കാരിക വിദ്യാഭ്യാസ രംഗത്ത് സജീവമായി പ്രവർത്തിക്കുന്ന ഇന്ത്യ കൾച്ചറൽ ആൻഡ് എജ്യുക്കേഷൻ സെന

ന്യൂജേഴ്സിയിൽ ഗുരുനാനാക്കിന്‍റെ 555ാം ജന്മദിനം ആഘോഷിച്ചു.

ന്യൂജേഴ്സി : ഗുരുനാനാക്കിന്‍റെ 555ാമത് ജന്മദിനം ന്യൂജഴ്സിയിലെ പെർഫോമിംഗ് ആർട്സ് സെന്‍ററിൽ ആഘോഷിച്ചു.

പൊന്നമ്മ സ്മാരക വേദി’യിൽ ട്രൈസ്റ്റേറ്റ് കേരള ഫോറം കേരളംദിനോത്സവം ആഘോഷിച്ചു.

ഫിലാഡൽഫിയ: ’ഇത് നമ്മുടെയെല്ലാം ദൗത്യം’ (It is Everyone’s Business) എന്ന ആശയത്തിൽ, ഫ്രഫസർ കോശി തലയ്ക്കൽ, മണിലാൽ മത്തായി, അ

അമേരിക്കയിലെ ചെറുപുഷ്പ മിഷൻ ലീഗ് രണ്ടാം വാർഷികാഘോഷം സംഘടിപ്പിച്ചു.

ഷിക്കാഗോ: നമ്മുടെ ഓരോ പ്രവൃത്തികളും മറ്റുള്ളവരുടെ ജീവിതത്തിൽ ഒരു തിരി വെളിച്ചമായി മാറുവാൻ സാധിക്കണമെന്ന് ഷിക്കാഗോ രൂ