ന്യൂജഴ്സി: ട്രൈ സ്റ്റേറ്റ് ന്യൂജഴ്സിയിലെ പ്രശസ്തരായ രാജൻ മിത്രാസ്, ജോസ് കുട്ടി വലിയ കല്ലുങ്കൽ, ബൈജു വറുഗീസ് തുടങ്ങിയവരൊക്കെ സോഷ്യൽ മീഡിയയിൽ ആവോളം പുകഴ്ത്തിയ ഫൈൻ ആർട്സ് മലയാളത്തിന്‍റെ പുതിയ സ്റ്റേജ് പ്രൊഡക്ഷനായ ബോധിവൃക്ഷത്തണലിൽ ശനിയാഴ്ച 5.30ന് ടാഫ്റ്റ് റോഡിലെ ബെഞ്ചമിൻ ഫ്രാങ്ക്ലിൻ മിഡിൽ സ്കൂളിലാണ് അരങ്ങേറുന്നത്.
പ്രശസ്ത അറ്റോർണി ജയശ്രീ പട്ടേൽ ആണ് മുഖ്യാതിഥി. ഡോ. എം.വി. പിള്ളയെ ആയിരുന്നു മുഖ്യാതിഥിയായി സംഘാടകർ കണ്ടെത്തിയിരുന്നത്. എന്നാൽ അസൗകര്യം മൂലം അദ്ദേഹം പിന്മാറുകയായിരുന്നു.
മലയാള സാഹിത്യത്തെയും നാടകങ്ങളെയും ഇതുപോലെ സ്നേഹിക്കുന്ന മറ്റൊരാളെ കണ്ടെത്തുക ദുഷ്കരമായിരുന്നു എന്ന് പേട്രൺ പി.ടി. ചാക്കോ (മലേഷ്യ) പറഞ്ഞു. അക്കരക്കാഴ്ചകൾ ഫെയിം സജിനി സഖറിയ ഉൾപ്പെടെയുള്ളവർ പരിപാടിക്ക് എത്തും.
2001 മുതൽ ഇതപര്യന്തമുള്ള നാടകങ്ങളിലെ സംവിധായകനായ റെഞ്ചി കൊച്ചുമ്മന്‍റെ തൊപ്പിയിലെ മറ്റൊരു തൂവലാണ് ഈ നാടക സംവിധാനം. ഫൈൻ ആർട്സിലെ മറ്റൊരു കലാകാരനായ ജോസ് കാഞ്ഞിരപ്പള്ളിക്കായിരുന്നു കേരളത്തിൽ നിന്നും നാടകം കണ്ടെത്തുന്നതിന്‍റെ ചുമതല.
ഫൈൻ ആർട്സ് മലയാളത്തിന്‍റെ ലോഗോ ഡിസൈൻ ചെയ്തതും വിഡിയോ വോൾ രൂപകല്പന ചെയ്തതും മറ്റൊരു കലാകാരനായ റ്റീനോ തോമസ് ആണ്. ഇതാദ്യമായാണ് ഫൈൻ ആർട്സിനായി വിഡിയോ വോൾ രംഗത്ത് എത്തുന്നത്. സുവനീർ പ്രസിദ്ധീകരണം അവസാന റൗണ്ടിലായതായി എഡിറ്റർ എഡിസൺ എബ്രഹാം അറിയിച്ചു.
സണ്ണി റാന്നി, സജിനി സഖറിയ, റോയി മാത്യു, ഷിബു ഫിലിപ്, ഷൈനി എബ്രഹാം, റിജോ എരുമേലി, ജോർജി സാമുവൽ, ജോർജ് മുണ്ടൻചിറ, ജോസ്ലിൻ മാത്യു, സന്തോഷ്, ജോയൽ ജോർജി, റൂബി ജോർജി, ബേബി ബ്രാണ്ടൻ പട്ടേൽ, ബേബി സവാനാ തോമസ് എന്നിവരാണ് രംഗത്ത്.
എഡിസൺ എബ്രഹാം സുവനീർ എഡിറ്റർ, ജോൺ (ക്രിസ്റ്റി) സഖറിയ, ഷീജ മാത്യു, ജിനു പ്രമോദ് ഓഡിറ്റോറിയം മാനേജ്മെന്റ്, റ്റീനോ തോമസ് വിഡിയോ വോൾ, ജിജി എബ്രഹാം ലൈറ്റ്സ്, പി.ടി. ചാക്കോ ഗാനരചന, റീനാ മാത്യു സംഗീത ഏകോപനം,
ജോർജ് തുമ്പയിൽ, ചാക്കോ ടി ജോൺ സ്റ്റേജ് മാനേജ്മെന്റ്, സണ്ണി കല്ലൂപ്പാറ, കുഞ്ഞുമോൻ വാളക്കുഴി മേക്കപ്പ്, സ്റ്റീവൻ എബ്രഹാം ഫോട്ടോഗ്രാഫർ, റയാൻ തോമസ് വീഡിയോ എഡിറ്റിംഗ്, ഷൈനി എബ്രഹാം പ്രൊഡ്യുസർ.
പ്രാക്ടീസ് സെഷനുകൾ, റിഹേഴ്സൽ സപ്പോർട്ട് എന്നിവയ്ക്ക് വീടുകൾ തുറന്ന് നൽകിയ ജിജി എബ്രഹാം, ഷൈനി എബ്രഹാം എന്നിവർക്കും റോയി മാത്യു/ റീനാ മാത്യു എന്നിവർക്കും പ്രസിഡന്‍റ് ജോൺ (ക്രിസ്റ്റി) സഖറിയ നന്ദി അറിയിച്ചു.
ന്യൂജഴ്സി, ന്യൂയോർക്ക്, ഫിലഡൽഫിയ എന്നിവിടങ്ങളിലെ മലയാളികൾ ഏറെ ആകാംക്ഷയോടെ കാത്തിരിക്കുന്ന നാടകത്തിന്‍റെ ഏതാനും ചില ടിക്കറ്റുകൾ മാത്രമേ ലഭ്യമായിട്ടുള്ളു. അവ https://fineartsmalayalamnj.com എന്ന ഓൺലൈൻ ലിങ്കിൽ ലഭ്യമാണെന്നും ട്രഷറർ എഡിസൺ എബ്രഹാം അറിയിച്ചു.
വിവരങ്ങൾക്ക്: ജോൺ (ക്രിസ്റ്റി)സഖറിയ 908) 883 1129, റോയി മാത്യു 201 214 2841.
|