Deepika.com Nri News :ബെൻസേലം സെന്‍റ് ഗ്രീഗോറിയോസ് പള്ളി പെരുന്നാൾ വെള്ളിയാഴ്ച മുതൽ.......

Americas

ബെൻസേലം സെന്‍റ് ഗ്രീഗോറിയോസ് പള്ളി പെരുന്നാൾ വെള്ളിയാഴ്ച മുതൽ

Back To NRI Home Forward This News Click here for detailed news of all items

ബെൻസേലം: മലങ്കര ഓർത്തോഡോക്സ് സഭയുടെ പ്രഥമ പ്രഖ്യാപിത പരിശുദ്ധനായ പരുമല മാർ ഗ്രീഗോറിയോസ് തിരുമേനിയുടെ നാമധേയത്തിൽ സ്ഥാപിതമായതും ആ പുണ്യവാന്‍റെ തിരുശേഷിപ്പ് സ്ഥാപനത്താൽ അനുഗ്രഹീതവുമായ ബെൻസേലം സെന്‍റ് ഗ്രിഗോറിയോസ് ഓർത്തോഡോക്സ് ദേവാലയത്തിലെ പരിശുദ്ധ പരുമല തിരുമേനിയുടെ 122ാം ഓർമപ്പെരുന്നാൾ വെള്ളി, ശനി, ഞായർ ദിവസങ്ങളിൽ (നവംബർ 1, 2, 3) ഭക്ത്യാദരപൂർവം നടത്തും.

ഓർമ പെരുന്നാളിന് തുടക്കം കുറിച്ചുകൊണ്ട് ഞായറാഴ്ച വിശുദ്ധ കുർബാനയ്ക്ക് ശേഷം വെരി റവ.പ്രഫ. ജോൺ പനാറയിൽ കോർ എപ്പീസ്‌ക്കോപ്പ പെരുന്നാൾ കൊടിയേറ്റ് നടത്തി. വെള്ളിയാഴ്ച വൈകുന്നേരം 6.45ന് നടക്കുന്ന വിശുദ്ധ മൂന്നിന്മേൽ കുർബാനയും അതിനെത്തുടർന്ന് പള്ളിയിൽ നിന്നും കുരിശടിയിലേക്ക് പ്രദിക്ഷണവും പരിശുദ്ധന്‍റെ മധ്യസ്ഥതയിൽ അഭയം തേടിയുള്ള മധ്യസ്ഥ പ്രാർഥനയും നേർച്ചവിളമ്പും ഉണ്ടായിരിക്കുന്നതാണ്.

ശനിയാഴ്ച വൈകുന്നേരം നാലു മുതൽ ആറു വരെ കൂദോശ് ഈത്തോ കോൺഫറൻസ്, 6.30 മുതൽ സന്ധ്യാ നമസ്കാരം ഏഴ് മുതൽ റവ. ഫാ. ഐസക്ക് ബി. പ്രകാശ് വചന പ്രഘോഷണം നടത്തും. അതിനെത്തുടർന്ന് അത്താഴ വിരുന്നും ഉണ്ടായിരിക്കും.

പെരുന്നാളിന്‍റെ സമാപന ദിവസമായ ഞായറാഴ്ച 8.30ന് പ്രഭാത നമസ്കാരം, അതിനെത്തുടർന്ന് 9.30ന് വിശുദ്ധ കുർബാന, 11.30ന് മുത്തുക്കുടകളും കുരിശുകളും കാതോലിക്കേറ്റ് പതാകയും വഹിച്ചുകൊണ്ടുള്ള ഭക്തിനിർഭരമായ റാസ കുരിശടിയിലേക്ക് പുറപ്പെടും.

11.15ന് പരിശുദ്ധന്‍റെ മധ്യസ്ഥതയിൽ അഭയം തേടിയുള്ള മധ്യസ്ഥപ്രാത്ഥനയും, ആശീർവാദവും നടക്കും. 12.30ന് വന്നുചേർന്ന ഏവർക്കും വിഭവസമൃദ്ധമായ പെരുന്നാൾ സദ്യയോടുകൂടി ചടങ്ങുകൾക്ക് സമാപനം കുറിക്കും.

ഈ വർഷത്തെ പെരുന്നാളിന് റവ. ഫാ. വർഗീസ് എം ഡാനിയേൽ, റവ. ഫാ.ഐസക്ക് ബി. പ്രകാശ്, റവ. ഫാ. റ്റോജോ ബേബി, റവ. ഫാ. എബി പൗലോസ് എന്നിവർ ആത്മീയ നേതൃത്വം നൽകും.

വികാരി റവ.ഫാ. ഷിബു വേണാട് മത്തായി, ട്രഷറർ ബീന കോശി, സെക്രട്ടറി റെനി ബിജു, ജിനു എന്നിവർക്കൊപ്പം പെരുന്നാളിന്‍റെ സുഗമമായ നടത്തിപ്പിനായി തോമസ് പോൾ, സന്ദീപ്, ഷിജു എന്നിവർ പെരുന്നാൾ കോഓർഡിനേറ്റേഴ്സായുമുള്ള വിപുലമായ കമ്മിറ്റികൾ പ്രവർത്തിക്കുന്നു.

ഇന്ത്യയിൽ മതന്യൂനപക്ഷങ്ങൾ നേരിടുന്ന പീഡനത്തിൽ ആശങ്ക പ്രകടിപ്പിച്ച് ക്രിസ്ത്യൻ വാർഷിക ഐക്യ സമ്മേളനം.

നാഷ്‌വിൽ: യുഎസിലെ 30 ദശലക്ഷം വിശ്വാസികളെ പ്രതിനിധീകരിക്കുന്ന 37 അംഗ ക്രിസ്ത്യൻ കൂട്ടായ്മകളുടെ പരമോന്നത സംഘടനയായ ന

പരമേശ്വരൻ നായർ ഡാളസിൽ അന്തരിച്ചു.

ഡാളസ് (ടെക്സസ്): പ്രമുഖ സമൂഹ പ്രവർത്തകനും കേരള ഹിന്ദു സൊസൈറ്റി ഓഫ് നോർത്ത് ടെക്സസിന്‍റെ മുൻ ട്രഷററുമായിരുന്ന പരമേശ്

ബെൻസേലം സെന്‍റ് ഗ്രീഗോറിയോസ് പള്ളി പെരുന്നാൾ വെള്ളിയാഴ്ച മുതൽ.

ബെൻസേലം: മലങ്കര ഓർത്തോഡോക്സ് സഭയുടെ പ്രഥമ പ്രഖ്യാപിത പരിശുദ്ധനായ പരുമല മാർ ഗ്രീഗോറിയോസ് തിരുമേനിയുടെ നാമധേയത്ത

യുഎസ് പ്രസിഡന്‍റ് തെരഞ്ഞെടുപ്പ്: കടന്നാക്രമിച്ച് ഡോണൾഡ് ട്രംപും കമല ഹാരിസും.

ന്യൂയോർക്ക്: പ്രായം തിരിച്ചറിവിനെ ബാധിച്ചിട്ടില്ലെന്ന് തെളിയിക്കുവാൻ ഒരു തിരിച്ചറിയൽ പരീക്ഷ സ്വയം നടത്തണമെന്ന മുൻ പ്

വൈഎംഇഎഫ് ഡാളസ് ഒരുക്കുന്ന ഗാനസന്ധ്യ ഞായറാഴ്ച.

കാരോൾട്ടൻ(ഡാളസ്): വൈഎംഇഎഫ് ഒരുക്കുന്ന ഗാനസന്ധ്യ ഞായറാഴ്ച(നവംബർ മൂന്ന്) വെെകുന്നേരം ആറിന് കാരോൾട്ടൻ ബിലീവേഴ്സ് ബൈ