കുവൈറ്റ് സിറ്റി: ഗ്ലോബൽ കേരള പ്രവാസി അസോസിയേഷൻ സംസ്ഥാനതല പ്രതിനിധി സമ്മേളനവും സ്റ്റേറ്റ് ജനറൽ ബോഡിയും മലപ്പുറം കുറ്റിപ്പുറത്ത് ചേർന്നു.
സ്റ്റേറ്റ് പ്രസിഡന്‍റ് പ്രേംസൺ കായംകുളം അധ്യക്ഷത വഹിച്ച സമ്മേളനത്തിൽ ജനറൽ സെക്രട്ടറി ബഷീർ ചോലയിൽ, ട്രഷറർ സുലൈമാൻ ബത്തേരി എന്നിവർ കാലാവധി പൂർത്തിയായ കമ്മിറ്റിയുടെ പ്രവർത്തന റിപ്പോർട്ട്, വാർഷിക വരവുചെലവ് കണക്കുകൾ അവതരിപ്പിച്ചു.
ജില്ലാ പ്രതിനിധികളുടെ ചർച്ചയിൽ സംഘടനയുടെ തുടർപ്രവർത്തനങ്ങളുടെ രൂപരേഖ തയാറാക്കി അവതരിപ്പിച്ചു. തുടർന്ന് നടന്ന ജനറൽ ബോഡി മീറ്റിംഗിൽ 2024 25 കാലഘട്ടത്തിലേക്കുള്ള ജികെപിഎ സ്റ്റേറ്റ് എക്സിക്യൂട്ടീവ് കമ്മിറ്റി നിലവിൽ വന്നു.
പ്രേംസൺ കായംകുളം (പ്രസിഡന്‍റ്), ശങ്കരനാരായണൻ (ജന. സെക്രട്ടറി), സുലൈമാൻ ബത്തേരി (ട്രഷറർ), ഹബീബ് പട്ടാമ്പി, സവാദ് മമ്പാട്, കെ.എസ്. മണി കൊല്ലം (വൈസ് പ്രസിഡന്‍റുമാർ), അഡ്വ. നോബൽ രാജു (സെക്രട്ടറി മെമ്പർഷിപ്പ്),
ബൈജുലാൽ തൃശൂർ (സെക്രട്ടറി പ്രൊജക്റ്റ്), ഹാരിസ് കുറ്റിപ്പുറം (സെക്രട്ടറി മീഡിയ), അബ്ദുൽ സമദ് നീലമ്പൂർ, ഷാനവാസ് കൊടുങ്ങല്ലൂർ (ജോയിന്‍റ് സെക്രെട്ടറിമാർ) എന്നിവർ ഭാരവാഹികളായി ചുമതലയേറ്റു.
വിദേശ ചാപ്റ്ററുകളുമായും അഡ്വൈസറി കമ്മിറ്റിയുമായുമുള്ള കോഓർഡിനേഷൻ ചുമതല നിർവഹിക്കാൻ ജികെപിഎ മുൻകൊല്ലം ജില്ലാ പ്രസിഡന്‍റ് രാഘുനാഥൻ വാഴപ്പള്ളിയെ ഗ്ലോബൽ കൗൺസിൽ കോഓർഡിനേറ്ററായി തെരഞ്ഞെടുത്തു.
സി.കെ സുധാകരൻ സ്വാഗതം ആശംസിച്ച ചടങ്ങിൽ മുൻ സ്റ്റേറ്റ് പ്രസിഡന്‍റ് സിദ്ദിഖ് കൊടുവള്ളി, ഷമീർ പടിയത്ത് തൃശൂർ, കുമാരൻ മണിമൂല കാസർഗോഡ്, റോയ് തോമസ് വയനാട്, ഡോ. വാമദേവൻ തിരുവനന്തപുരം, സലിം നെച്ചോളി കോഴിക്കോട്, സുരേഷ് ബാബു കോമത്ത് ആലപ്പുഴ, അനിൽ പ്രസാദ് മലപ്പുറം എന്നിവർ സംസാരിച്ചു.
പ്രവാസികളുടെ ഉന്നമനത്തിനായി ലക്ഷ്യബോധത്തോടെ മതജാതി രാഷ്ട്രീയ സാമുദായിക വ്യത്യാസമില്ലാതെ പ്രവർത്തിക്കാൻ പ്രതിജ്ഞാബന്ധമാണെന്ന് പ്രസിഡന്‍റ് പ്രേംസൺ കായംകുളം പറഞ്ഞു.
|