Deepika.com Nri News :ജെയ്സൺ ജോസഫ് ഫോർട്ട് ബെൻഡ് കൗണ്ടി ടാക്സ് അസസർ കളക്‌ടറായി മത്സരിക്കുന്നു.......

Americas

ജെയ്സൺ ജോസഫ് ഫോർട്ട് ബെൻഡ് കൗണ്ടി ടാക്സ് അസസർ കളക്‌ടറായി മത്സരിക്കുന്നു

Back To NRI Home Forward This News Click here for detailed news of all items

മിസോറി സിറ്റി: ടെക്‌സസ് ഫോർട്ട് ബെൻഡ് കൗണ്ടി ടാക്സ് അസസർ കളക്‌ടർ സ്ഥാനത്തേക്ക് നവംബറിൽ നടക്കുന്ന തെരഞ്ഞെടുപ്പിൽ റിപ്പബ്ലിക്കൻ പാർട്ടിയുടെ ഔദ്യോഗിക സ്ഥാനാർഥിയായി ജെയ്സൺ ജോസഫ് മത്സരിക്കുന്നു.

റിപ്പബ്ലിക്കൻ പാർട്ടിയുടെ ബാനറിൽ മത്സരിക്കുന്ന ജോസഫ്, ടാക്സ് ഓഫീസ് കൂടുതൽ ഉത്തരവാദിത്വത്തോടും സുതാര്യതയോടും നടത്തുന്നതിന് മുൻതൂക്കം നൽകുമെന്ന് ശക്തമായ വാഗ്ദാനമാണ് നൽകിയിട്ടുള്ളത്. ഫോർട്ട് ബെൻഡ് കൗണ്ടിയിലെ ടാക്സ് ഓഫീസ് നേരിടുന്ന നിരവധി പ്രധാന പ്രശ്‌നങ്ങൾ ചൂണ്ടിക്കാണിച്ചുകൊണ്ടാണ് ജോസഫ് തന്‍റെ പ്രചാരണ പരിപാടി ആരംഭിച്ചത്.

തെറ്റായ നികുതി ബില്ലുകൾ, ഫണ്ട് നഷ്ടപ്പെടുന്നതിന്‍റെ റിപ്പോർട്ടുകൾ, ഓഫീസിനുള്ളിലെ ഫേക്ക് കറൻസി നോട്ടുകളെ പറ്റിയുള്ള ആശങ്കകൾ, എന്നിവയെ തുടർന്നുള്ള പ്രശ്നങ്ങൾ കൗണ്ടിയിൽ വലിയ ആശങ്കകൾ സൃഷ്ടിച്ചിട്ടുണ്ട്. ഈ പ്രശ്‌നങ്ങൾക്ക് പരിഹാരം കണ്ടെത്തുന്നതിന് മുൻതൂക്കം നൽകുന്ന തരത്തിൽ ഒരു പുതിയ മാറ്റം ആവശ്യമാണ് എന്ന് ജോസഫ് പറഞ്ഞു.

ഒക്ടോബർ 10ന് മിസ്സോറി സിറ്റിയിലെ ടെക്സസ് ബിയർഗാർഡനിൽ ഈസ്റ്റ് ഫോർട്ട് ബെൻഡ് റിപ്പബ്ലിക്കൻ ക്ലബും അർബൻ കൺസർവേറ്റീവ്സ് ഓഫ് അമേരിക്കയും ചേർന്ന് സംഘടിപ്പിക്കുന്ന ഫണ്ട് റൈസിംഗ് പരിപാടിയിൽ ഡേവിഡ് ഹാമിൽടൺ (എഫ്ബിഐഎസ്ഡി ട്രസ്റ്റി പോസിഷൻ7), സോണ്യ ജോൺസ് (എഫ്ബിഐഎസ്ഡി ട്രസ്റ്റി പോസിഷൻ5) എന്നിവരോടൊപ്പം ജയ്സൻ ജോസഫും അണിചേരുന്നു.

ആധുനിക സാങ്കേതികവിദ്യകൾ ഉൾപ്പെടുത്തി സേവനങ്ങൾ മെച്ചപ്പെടുത്തുകയും ഓരോ നികുതി പൈസയും സുരക്ഷിതമായി കൈകാര്യം ചെയ്യപ്പെടുന്നുവെന്ന് ഉറപ്പാക്കുകയും ചെയ്യുകയാണ് തന്‍റെ ലക്ഷ്യമെന്ന് ജെയ്സൺ ജോസഫ് പറഞ്ഞു.

വെറ്ററന്മാർക്കും മുതിർന്ന പൗരന്മാർക്കും ഗർഭിണികൾക്കും പ്രത്യേക കൌണ്ടറുകൾ ഏർപ്പെടുത്തുക, നികുതി കേന്ദ്രങ്ങളിൽ അതിനോട് അനുബന്ധിച്ചുള്ള ഇൻഫർമേഷൻ കൌണ്ടറുകൾ സ്ഥാപിക്കുക എന്നിവയടക്കം സമൂഹത്തിന് കൂടുതൽ മെച്ചപ്പെട്ട സേവനങ്ങൾ നൽകാനുള്ള ജോസഫിന്‍റെ പദ്ധതികൾ ജനങ്ങൾക്ക് ഏറെ ആശ്വസവും പ്രതീക്ഷയും നൽകുന്നു.

നമ്മുടെ കൗണ്ടി വളരുന്നതിനായി ടാക്സ് ഓഫീസ് പുതിയ സാങ്കേതികവിദ്യകളും ഉയർന്ന മാനദണ്ഡങ്ങളും സ്വീകരിക്കണമെന്നും ഉത്തരവാദിത്വവും സുതാര്യതയും ശരിയായ ഭരണത്തിന്‍റെ അടിസ്ഥാനമാണെന്നും ജോസഫ് പറഞ്ഞു.

ഫോർട്ട് ബെൻഡ് കൗണ്ടിയിലെ ജനങ്ങൾക്കിടയിൽ ജോസഫിന്‍റെ പ്രചാരണം വലിയ പിന്തുണ നേടി വരികയാണ്.

ഇന്ത്യയിൽ മതന്യൂനപക്ഷങ്ങൾ നേരിടുന്ന പീഡനത്തിൽ ആശങ്ക പ്രകടിപ്പിച്ച് ക്രിസ്ത്യൻ വാർഷിക ഐക്യ സമ്മേളനം.

നാഷ്‌വിൽ: യുഎസിലെ 30 ദശലക്ഷം വിശ്വാസികളെ പ്രതിനിധീകരിക്കുന്ന 37 അംഗ ക്രിസ്ത്യൻ കൂട്ടായ്മകളുടെ പരമോന്നത സംഘടനയായ ന

പരമേശ്വരൻ നായർ ഡാളസിൽ അന്തരിച്ചു.

ഡാളസ് (ടെക്സസ്): പ്രമുഖ സമൂഹ പ്രവർത്തകനും കേരള ഹിന്ദു സൊസൈറ്റി ഓഫ് നോർത്ത് ടെക്സസിന്‍റെ മുൻ ട്രഷററുമായിരുന്ന പരമേശ്

ബെൻസേലം സെന്‍റ് ഗ്രീഗോറിയോസ് പള്ളി പെരുന്നാൾ വെള്ളിയാഴ്ച മുതൽ.

ബെൻസേലം: മലങ്കര ഓർത്തോഡോക്സ് സഭയുടെ പ്രഥമ പ്രഖ്യാപിത പരിശുദ്ധനായ പരുമല മാർ ഗ്രീഗോറിയോസ് തിരുമേനിയുടെ നാമധേയത്ത

യുഎസ് പ്രസിഡന്‍റ് തെരഞ്ഞെടുപ്പ്: കടന്നാക്രമിച്ച് ഡോണൾഡ് ട്രംപും കമല ഹാരിസും.

ന്യൂയോർക്ക്: പ്രായം തിരിച്ചറിവിനെ ബാധിച്ചിട്ടില്ലെന്ന് തെളിയിക്കുവാൻ ഒരു തിരിച്ചറിയൽ പരീക്ഷ സ്വയം നടത്തണമെന്ന മുൻ പ്

വൈഎംഇഎഫ് ഡാളസ് ഒരുക്കുന്ന ഗാനസന്ധ്യ ഞായറാഴ്ച.

കാരോൾട്ടൻ(ഡാളസ്): വൈഎംഇഎഫ് ഒരുക്കുന്ന ഗാനസന്ധ്യ ഞായറാഴ്ച(നവംബർ മൂന്ന്) വെെകുന്നേരം ആറിന് കാരോൾട്ടൻ ബിലീവേഴ്സ് ബൈ