Deepika.com Nri News :മാർത്തോമ്മാ യുവജന സഖ്യം നോർത്ത് അമേരിക്ക ഭദ്രാസന കോൺഫറൻസ് അവിസ്മരണീയമായി.......

Americas

മാർത്തോമ്മാ യുവജന സഖ്യം നോർത്ത് അമേരിക്ക ഭദ്രാസന കോൺഫറൻസ് അവിസ്മരണീയമായി

Back To NRI Home Forward This News Click here for detailed news of all items

ഡാളസ്: മാർത്തോമ്മാ ചർച്ച് ഓഫ് ഡാളസ് ഫാർമേഴ്‌സ് ബ്രാഞ്ചിൽ വച്ചു നടത്തപ്പെട്ട 22ാമത് മാർത്തോമ്മാ സഭയുടെ നോർത്ത് അമേരിക്ക ഭദ്രാസന യുവജന സഖ്യം കോൺഫറൻസ് അവിസ്മരണീയമായി. ഡാളസ് മാർത്തോമ്മാ ഇവന്‍റ് സെന്‍ററിൽ വ്യാഴാഴ്ച വൈകുന്നേരം അഞ്ചിന് പ്രോസസഷനോട് കൂടി ആരംഭിച്ച കോൺഫറൻസ് ഭദ്രാസനാധ്യക്ഷൻ ബിഷപ് ഡോ.എബ്രഹാം മാർ പൗലോസ് ഉദ്ഘാടനം ചെയ്തു.

ഹോസ്റ്റിംഗ് ചർച്ച് ആയ ഡാളസ് ഫാർമേഴ്‌സ് ബ്രാഞ്ച് ഇടവകയുടെ വികാരിയും ഫാർമേഴ്‌സ് ബ്രാഞ്ച് യുവജന സഖ്യത്തിന്‍റെ പ്രസിഡന്‍റുമായ റവ. അലക്സ്‌ യോഹന്നാൻ സ്വാഗതവും വെരി റവ.ഡോ.ചെറിയാൻ തോമസ് (മുൻ മാർത്തോമ്മാ സഭാ സെക്രട്ടറി), റവ.സാം കെ.ഈശോ (ഭദ്രാസന യുവജനസഖ്യം വൈസ് പ്രസിഡന്‍റ് ), ബിജി ജോബി ( ഭദ്രാസന യുവജനസഖ്യം സെക്രട്ടറി), ബിജു മാത്യു (കോപ്പൽ സിറ്റി കൗൺസിൽ മെമ്പർ) എന്നിവർ ആശംസകൾ നേർന്ന് സംസാരിച്ചു.

സമ്മേളനത്തിൽ സുവനീറിന്‍റെയും യുവധാരയുടെയും റിലീസിംഗു നടത്തപ്പെട്ടു. കോൺഫറൻസ് ജനറൽ കൺവീനർ ജോബി ജോൺ നന്ദി രേഖപ്പെടുത്തി. കോൺഫറൻസിന് ബംഗളൂരു എക്യൂമെനിക്കൽ ക്രിസ്ത്യൻ സെന്‍റർ ഡയറക്ടറും വികാരി ജനറാളും ആയ റവ.ഡോ. ശ്യാം പി. തോമസ് മുഖ്യനേതൃത്വം നൽകി.

വിവിധ സെഷനുകളിൽ റവ.ജോസഫ് ജോൺ, റവ.എബ്രഹാം കുരുവിള, റവ. എബ്രഹാം തോമസ്, ഷിനോദ് മാത്യു, ഡോ. ഏബൽ മാത്യു, സിസിൽ ചെറിയാൻ സിപിഎ, ദിലീപ് ജേക്കബ്, സ്‌റ്റേസി വർഗീസ്, ജോതം സൈമൺ എന്നിവർ നേതൃത്വം നൽകി.

കോൺഫറൻസിനോട് അനുബന്ധിച്ച് വിശ്വാസ തികവുള്ള ഭാവി (Mould Fashioning A Faith Full Future) എന്ന മുഖ്യ ചിന്താവിഷയത്തെ അധികരിച്ച് മാർത്തോമ്മാ യുവജനസഖ്യം ഡാളസ് ഫാർമേഴ്സ് ബ്രാഞ്ച് അവതരിപ്പിച്ച സ്കിറ്റ്, ഗായക സംഘത്തിന്‍റെ തീം സോംഗ് എന്നിവ ഏവരുടെയും പ്രശംസ പിടിച്ചുപറ്റി.

ശനിയാഴ്ച നടന്ന സമ്മേളനത്തോട് അനുബന്ധിച്ച് ഭദ്രാസന യുവജന സഖ്യത്തിന്‍റെ സിൽവർ ജൂബിലി ആഘോഷിച്ചു. ഭദ്രാസനത്തിന്‍റെ വിവിധ ഇടവകളിൽ നിന്നായി ഏകദേശം 400ൽ പരം യുവജനസഖ്യാംഗങ്ങളും അനേക വൈദീകരും പങ്കെടുത്തു.

മുഖ്യചിന്താവിഷയത്തോടനുബന്ധിച്ചുള്ള ക്ലാസുകൾ, കൾച്ചറൽ പ്രോഗ്രാമുകൾ, കിഡ്സ്‌ സെക്ഷനുകൾ, ഗെയിംസ്, നാടൻ തട്ടുകട എന്നിവ ആയിരുന്നു കോൺഫറൻസിന്‍റെ പ്രധാന ആകർഷണം. ഞാറാഴ്ചയിലെ വിശുദ്ധ കുർബാനയ്ക്കു ശേഷം നടന്ന സമാപന സമ്മേളനത്തോട് അനുബന്ധിച്ച് കോൺഫറൻസിനു തിരശീല വീണു.

ഭദ്രാസനാധ്യക്ഷൻ ബിഷപ് ഡോ. മാർ പൗലോസ് 2026ൽ നടത്തപ്പെടുന്ന 23ാം യുവജന സഖ്യം കോൺഫറൻസിന്‍റെ ദീപശിഖ ശാലേം മാർത്തോമ്മാ യുവജന സഖ്യം ന്യൂയോർക്കിന് കൈമാറി. ഭദ്രാസന യുവജന സഖ്യം കൗൺസിലിനു വേണ്ടി ജനറൽ സെക്രട്ടറി ബിജി ജോബി, കോൺഫറൻസ് കമ്മിറ്റിക്കു വേണ്ടി കോ കൺവീനർ റിജാ ക്രിസ്റ്റി എന്നിവർ എല്ലാവർക്കും നന്ദി അറിയിച്ചു.

ഇന്ത്യയിൽ മതന്യൂനപക്ഷങ്ങൾ നേരിടുന്ന പീഡനത്തിൽ ആശങ്ക പ്രകടിപ്പിച്ച് ക്രിസ്ത്യൻ വാർഷിക ഐക്യ സമ്മേളനം.

നാഷ്‌വിൽ: യുഎസിലെ 30 ദശലക്ഷം വിശ്വാസികളെ പ്രതിനിധീകരിക്കുന്ന 37 അംഗ ക്രിസ്ത്യൻ കൂട്ടായ്മകളുടെ പരമോന്നത സംഘടനയായ ന

പരമേശ്വരൻ നായർ ഡാളസിൽ അന്തരിച്ചു.

ഡാളസ് (ടെക്സസ്): പ്രമുഖ സമൂഹ പ്രവർത്തകനും കേരള ഹിന്ദു സൊസൈറ്റി ഓഫ് നോർത്ത് ടെക്സസിന്‍റെ മുൻ ട്രഷററുമായിരുന്ന പരമേശ്

ബെൻസേലം സെന്‍റ് ഗ്രീഗോറിയോസ് പള്ളി പെരുന്നാൾ വെള്ളിയാഴ്ച മുതൽ.

ബെൻസേലം: മലങ്കര ഓർത്തോഡോക്സ് സഭയുടെ പ്രഥമ പ്രഖ്യാപിത പരിശുദ്ധനായ പരുമല മാർ ഗ്രീഗോറിയോസ് തിരുമേനിയുടെ നാമധേയത്ത

യുഎസ് പ്രസിഡന്‍റ് തെരഞ്ഞെടുപ്പ്: കടന്നാക്രമിച്ച് ഡോണൾഡ് ട്രംപും കമല ഹാരിസും.

ന്യൂയോർക്ക്: പ്രായം തിരിച്ചറിവിനെ ബാധിച്ചിട്ടില്ലെന്ന് തെളിയിക്കുവാൻ ഒരു തിരിച്ചറിയൽ പരീക്ഷ സ്വയം നടത്തണമെന്ന മുൻ പ്

വൈഎംഇഎഫ് ഡാളസ് ഒരുക്കുന്ന ഗാനസന്ധ്യ ഞായറാഴ്ച.

കാരോൾട്ടൻ(ഡാളസ്): വൈഎംഇഎഫ് ഒരുക്കുന്ന ഗാനസന്ധ്യ ഞായറാഴ്ച(നവംബർ മൂന്ന്) വെെകുന്നേരം ആറിന് കാരോൾട്ടൻ ബിലീവേഴ്സ് ബൈ