ന്യൂജഴ്സി: അമേരിക്കയില്‍ സന്ദർശനം നടത്തുന്ന മുസ്‌ലിം ലീഗ് സംസ്ഥാന പ്രസിഡന്‍റ് സയ്യിദ് സാദിഖലി ശിഹാബ് തങ്ങൾക്കും രാജ്യസഭാംഗവും സുപ്രീം കോടതി അഭിഭാഷകനുമായ ഹാരിസ് ബീരാന്‍ എന്നിവര്‍ക്ക് ന്യൂജഴ്‌സിയില്‍ കെഎംസിസി യുഎസ്എയുടെ നേതൃത്വത്തിൽ സ്വീകരണം നല്‍കുന്നു.
റോയൽ ആല്‍ബര്‍ട്ട്സ് പാലസില്‍ ഇന്ന് (ഒക്‌ടോബര്‍ 12) രാവിലെ 11.30ന് നടക്കുന്ന സ്വീകരണ യോഗത്തില്‍ ഇന്ത്യന്‍ ഓവര്‍സീസ് കോണ്‍ഗ്രസ് വൈസ് ചെയര്‍മാന്‍ ജോര്‍ജ് എബ്രഹാം, ഫൊക്കാന പ്രസിഡന്‍റ് സജിമോന്‍ ആന്‍റണി, ഫോമ ജനറൽ സെക്രട്ടറി ബൈജു വർഗീസ്, നന്മ വൈസ് പ്രസിഡന്‍റ് ഡോ. സക്കീര്‍ ഹുസൈന്‍, യുഎഇ കെഎംസി സി നേതാവ് അന്‍വര്‍ നഹ, മുതിര്‍ന്ന പത്രപ്രവര്‍ത്തകന്‍ ജോര്‍ജ് ജോസഫ്,
മുന്‍ ഡിജിപി ടോമിന്‍ ജെ. തച്ചങ്കരി, എഴുത്തുകാരൻ ബോബി പാൽ, എംഎംഎൻജെ നേതാവ് സമദ് പൊനേരി, അസ്‌ലം ഹമീദ്, കുഞ്ഞു പയ്യോളി, ഇംതിയാസ് അലി തുടങ്ങിയവർ ആശംസകൾ അറിയിച്ചു സംസാരിക്കും.
കൂടാതെ ലീലാ മാരേട്ട്, തോമസ് മൊട്ടക്കൽ, ഷീലാ ശ്രീകുമാർ, ജിബി തോമസ്, മധു കൊട്ടാരക്കര, രാജു പള്ളത്ത്, തങ്കം അരവിന്ദ്, അനിൽ പുത്തൻചിറ, ഹനീഫ് എരഞ്ഞിക്കൽ, മുസ്തഫ കമാൽ, ഒമർ സിനാപ്, നിരാർ ബഷീർ, ഷൈമി ജേക്കബ് തുടങ്ങിയവരും അമേരിക്കയിലെ മറ്റു സാമൂഹ്യ സാംസ്കാരിക നായകരും പങ്കെടുക്കും.
കെഎംസിസി യുഎസ്എയുടെ നേതൃത്വത്തിൽ ന്യൂജഴ്സിയിലെ എംഎംഎൻജെയുടെ സഹകരണത്തോടെ സംഘടിപ്പിക്കുന്ന പരിപാടിയിൽ യു.എ. നസീർ അധ്യക്ഷത വഹിക്കും. സുൽഫിക്കർ ഹബീബ്, താഹാ മുഹമ്മദ് എന്നിവർ മോഡറേറ്റ് ചെയ്യും.
കഴിഞ്ഞ ഒരാഴ്ചയായി അമേരിക്കയിലെ വിവിധ സംസ്ഥാനങ്ങളിൽ തിരക്കിട്ട പര്യടനം നടത്തിക്കൊണ്ടിരിക്കുന്ന ഇരുവരും തിങ്കളാഴ്ച ന്യൂയോർക്കിൽ നിന്നും ഡല്‍ഹി വഴി നാട്ടിലേക്ക് തിരിക്കും.
|