ന്യൂഡൽഹി: ഡൽഹി മലയാളി അസോസിയേഷന്‍റെ 30ാമത് ശാഖ "പട്പ്പർ ഗഞ്ച് ഐപി എക്സ്റ്റൻഷൻ' ഉദ്ഘാടനം ചെയ്‌തു. ജോഷി കോളനി, മണ്ഡാവലി, ലക്ഷ്‌മി നഗർ, നിർമ്മാൺ വിഹാർ, പ്രീത് വിഹാർ, കൃഷ്‌ണാ നഗർ, തുടങ്ങി സമീപ പ്രദേശങ്ങൾ ഉൾപ്പെടുത്തിയാണ് പുതിയ ശാഖ പ്രവർത്തിക്കുക.
ഡിഎംഎ പ്രസിഡന്‍റ് കെ. രഘുനാഥ് ഉദ്ഘാടനം നിർവഹിച്ചു. ജനറൽ സെക്രട്ടറി ടോണി കണ്ണമ്പുഴ, വൈസ് പ്രസിഡന്‍റ് കെ. ജി. രഘുനാഥൻ നായർ, അഡീഷണൽ ജനറൽ സെക്രട്ടറി എ. മുരളീധരൻ, അഡീഷണൽ ട്രെഷറർ പി. എൻ. ഷാജി, കേന്ദ്ര നിർവാഹക സമിതി അംഗം ഡി ജയകുമാർ തുടങ്ങിയവർ പ്രസംഗിച്ചു.
മയൂർ വിഹാർ ഫേസ്1 ഏരിയ ട്രെഷറർ രഘുനാഥൻ വി. മാലിമേൽ സന്നിഹിതനായിരുന്നു. യോഗത്തിൽ പുതിയ അഡ്‌ഹോക് കമ്മിറ്റി അംഗങ്ങളെ തെരെഞ്ഞെടുത്തു.
അഡ്‌ഹോക് കമ്മിറ്റി അംഗങ്ങൾ
കൺവീനർ സാജു എബ്രഹാം, ജോയിന്‍റ് കൺവീനർമാർ പി.വി. പിള്ള, റോജി ചെറിയാൻ, അംഗങ്ങൾ സി.ആർ. റെജി, എസ്‌. അജികുമാർ, രമേശ്‌ തങ്കപ്പൻ, ടി. ശിവരാമൻ, മഹേഷ്‌ കുമാർ, അനുരാധ, സൗമ്യ രജീഷ്, സുരഭി ദിവാൻ.
|