Deepika.com Nri News :മുത്തപ്പൻ മഹോത്സവം സമാപിച്ചു.......

Delhi

മുത്തപ്പൻ മഹോത്സവം സമാപിച്ചു

Back To NRI Home Forward This News Click here for detailed news of all items

ന്യൂഡൽഹി: ഭക്ത സഹസ്രങ്ങൾക്കു സായൂജ്യമേകി ഡൽഹി ശ്രീ മുത്തപ്പാ സേവാ സമിതിയുടെ പതിനേഴാമത് മുത്തപ്പാ മഹോത്സവം മയൂർ വിഹാർ ഫേസ്3 ലെ എ1 പാർക്കിൽ സമാപിച്ചു.

ഡൽഹിയുടെയും പ്രാന്തപ്രദേശങ്ങളായ ഗുരുഗ്രാം, ഗ്രെയ്റ്റർ നോയിഡ, നോയിഡ, ഫരീദാബാദ്, ഘാസിയാബാദ് തുടങ്ങിയ സ്ഥലങ്ങളിൽ നിന്നെല്ലാം ഭക്ത ജനങ്ങൾ ഒഴുകിയെത്തി.

മഹോത്സവത്തോട് അനുബന്ധിച്ച് ഡൽഹി ശ്രീ മുത്തപ്പാ സേവാ സമിതി പ്രസിഡന്‍റ് കെ. വി. രാമചന്ദ്രന്‍റെ അധ്യക്ഷതയിൽ നടന്ന സാംസ്കാരിക സമ്മേളനത്തിൽ ഡൽഹി യൂണിവേഴ്സിറ്റി മലയാള വിഭാഗം പ്രഫസർ ഡോ. ശിവപ്രസാദ് മുഖാതിഥിയായിരുന്നു.

സെക്രട്ടറി പിരിയാട്ട് രവീന്ദ്രൻ സ്വാഗതം ആശംസിച്ചു. രക്ഷാധികാരിയും ഡൽഹി മലയാളി അസോസിയേഷൻ മുൻ പ്രസിഡന്‍റുമായ സി. ചന്ദ്രൻ ആശംസകൾ നേർന്നുകൊണ്ട് സംസാരിച്ചു.

ചടങ്ങിൽ ഡൽഹിയിലെയും എൻസിആർ മേഖലയിലെയും ക്ഷേത്രങ്ങളുടെ ഭാരവാഹികളെ ആദരിച്ചു. തുടർന്ന് പിന്നണി ഗായിക ദുർഗാ വിശ്വനാദിന്റെ നേതൃത്വത്തിൽ അനീഷ് പൂന്തേടൻ, സിദ്ധാർഥ് ജയശങ്കർ തുടങ്ങിയവർ അവതരിപ്പിച്ച ഭക്തി ഗാനമേള മുത്തപ്പാ മഹോത്സവ സന്ധ്യയെ ഭക്തി സാന്ദ്രമാക്കി.

രാവിലെ മഹാ ഗണപതി ഹോമത്തോടെയാണ് ചടങ്ങുകൾ ആരംഭിച്ചത്. മഹോത്സവത്തോടനുബന്ധിച്ച് മുത്തപ്പൻ സ്ത്രീശക്തിയുടെ ഭക്തി സാന്ദ്രമായ ഭജനയും തുടർന്ന് കുട്ടികൾക്കായി ചിത്ര രചനാ മത്സരവും ഉണ്ടായിരുന്നു.

രണ്ടു ദിവസങ്ങളിലായി നീണ്ടുനിന്ന മുത്തപ്പ മഹോത്സവത്തിൽ മുത്തപ്പനും തിരുവപ്പനയും ഭക്തർക്ക് ദർശനമേകി. കൂടാതെ രണ്ടു ദിവസവും പ്രഭാത ഭക്ഷണവും ഉച്ച‌യ്ക്കും രാത്രിയിലും അന്നദാനവും ഉണ്ടായിരുന്നു.

വാക്കുതർക്കം; ബസ് യാത്രയ്ക്കിടെ റോഡിലേക്ക് ചാടി പെൺകുട്ടി.

ന്യൂഡൽഹി: ബസ് യാത്രയ്ക്കിടെ ഡ്രൈവറുമായും യാത്രക്കാരനുമായും വാക്കുതർക്കത്തിലേർപ്പെട്ട പ്രായപൂർത്തിയാകാത്ത പെൺകുട്ടി

ഡൽഹിയിലെ ചേരിയിൽ വൻ തീപിടിത്തം.

ന്യൂഡൽഹി: ഷഹ്‌ദര റാണി ഗാർഡനിലെ ചേരി പ്രദേശത്തു വന്‍ തീപിടിത്തം. ഇന്നു പുലര്‍ച്ചെയാണ് സംഭവം.

ശ്വാസംമുട്ടി ഡൽഹി; മാസ്ക് ധരിച്ച് പുറത്തിറങ്ങാൻ നിർദേശം.

ന്യൂഡൽഹി: രാജ്യതലസ്ഥാനത്ത് വായു മലിനീകരണത്തോത് അപകടാവസ്ഥയിലെത്തിയതോടെ കടുത്ത നിയന്ത്രണങ്ങൾ ഏർപ്പെടുത്തി.

കൊടിയേറ്റ് നടത്തി.

ന്യൂഡൽഹി: ഹരിനഗർ സെന്‍റ് ചാവറ കുര്യാക്കോസ് ദേവാലത്തിൽ തിരുനാളിന്‍റെ കൊടിയേറ്റ് ഫരിദാബാദ് രൂപത വികാരി ജനറൽ ഫാ.ജോൺ ചോഴിത്തറ നിർവഹിച്ചു.

ദേശീയ പോലീസ് മീറ്റിൽ കേരളത്തിന് രണ്ടാം സ്ഥാനം.

ന്യൂഡൽഹി: ഡൽഹിയിൽ നടന്ന ദേശീയ പോലീസ് അത്‍ലറ്റിക് മീറ്റിൽ കേരളം രണ്ടാം സ്ഥാനം കരസ്ഥമാക്കി.