Deepika.com Nri News :ഡൽഹിക്ക് ഹാപ്പി ദീപാവലി; വായുഗുണനിലവാരം വീണ്ടും മെച്ചപ്പെട്ടു.......

Delhi

ഡൽഹിക്ക് ഹാപ്പി ദീപാവലി; വായുഗുണനിലവാരം വീണ്ടും മെച്ചപ്പെട്ടു

Back To NRI Home Forward This News Click here for detailed news of all items

ന്യൂഡൽഹി: ദീപാവലി ദിനത്തിൽ തെളിഞ്ഞ ആകാശവും സമൃദ്ധമായ സൂര്യപ്രകാശവും കണ്ടുകൊണ്ടാണ് ഡൽഹി നിവാസികൾ ഉണർന്നത്. വിഷപ്പുകമഞ്ഞിൽ‌ ശ്വാസംമുട്ടിയ രാജ്യതലസ്ഥാനത്തിന് ദീപാവലി ദിനത്തിൽ ആശ്വാസത്തിനു വക നല്കുന്നതാണ് പുതിയ കണക്കുകൾ.

നഗരത്തിലെ വായുഗുണനിലവാര സൂചിക ഞായറാഴ്ച രാവിലെ ഏഴിന് 202 ആയിരുന്നു. മൂന്നാഴ്‌ചയ്‌ക്കുള്ളിലെ ഏറ്റവും മികച്ച വായുഗുണനിലവാരമാണ് ഇന്നു രേഖപ്പെടുത്തിയത്.

ഞായറാഴ്ച രാവിലെ ഏഴിന് ആനന്ദ് വിഹാറിൽ 266, ആർ‌കെ പുരത്ത് 241, പഞ്ചാബി ബാഗ് മേഖലയിൽ 233, ഐടിഒ മേഖലയിൽ 227, എന്നിങ്ങനെയാണ് വായുഗുണനിലവാരം രേഖപ്പെടുത്തിയത്.

വ്യാഴാഴ്ച രാത്രിയും വെള്ളിയാഴ്ചയും പെയ്ത ഇടവിട്ടുള്ള മഴയും കാറ്റുമാണ് രണ്ടാഴ്ചയോളം തലസ്ഥാനനഗരിയിൽ തങ്ങിനിൽക്കുന്ന വിഷവായുവിൽ നിന്ന് വലിയ ആശ്വാസം നൽകിയത്. വ്യാഴാഴ്ച ശരാശരി വായുഗുണനിലവാര തോത് 437 ആയിരുന്നു.

ശനിയാഴ്ചത്തെ 24 മണിക്കൂർ ശരാശരി വായു ഗുണനിലവാര സൂചിക 220 ആണ്. ഇത് എട്ട് വർഷത്തിനിടെ ദീപാവലിക്ക് മുമ്പുള്ള ദിവസത്തിലെ ഏറ്റവും താഴ്ന്ന നിരക്കാണ്.

കേന്ദ്ര മലിനീകരണ നിയന്ത്രണ ബോർഡിന്‍റെ കണക്കുകൾ പ്രകാരം ഡൽഹിയിൽ കഴിഞ്ഞ വർഷം ദീപാവലി ദിനത്തിൽ 312, 2021ൽ 382, 2020ൽ 414, 2019ൽ 337, 2018ൽ 281, 2017ൽ 319, 2016ൽ 431 എന്നിങ്ങനെയാണ് വായുഗുണനിലവാരം രേഖപ്പെടുത്തിയത്.

കഴിഞ്ഞ മൂന്ന് വർഷത്തെ പോലെ ഇത്തവണയും ദീപാവലിക്ക് തലസ്ഥാന നഗരത്തിനുള്ളിൽ പടക്കങ്ങളുടെ നിർമാണം, സംഭരണം, വിൽപ്പന, ഉപയോഗം എന്നിവയ്ക്ക് നിരോധനം പ്രഖ്യാപിച്ചിട്ടുണ്ട്.

തിരക്കേറിയ നിരത്തുകൾ, മലിനീകരണ വ്യവസായങ്ങൾക്ക് സമീപമുള്ള പ്രദേശങ്ങൾ, നിർമാണവും പൊളിക്കലും നടക്കുന്ന സൈറ്റുകൾ തുടങ്ങിയവ പോലുള്ള ഉയർന്ന വായു മലിനീകരണമുള്ള സ്ഥലങ്ങൾ ഒഴിവാക്കണമെന്നും പൊതുജനങ്ങൾക്ക് നിർദേശം നല്കിയിട്ടുണ്ട്.

വാക്കുതർക്കം; ബസ് യാത്രയ്ക്കിടെ റോഡിലേക്ക് ചാടി പെൺകുട്ടി.

ന്യൂഡൽഹി: ബസ് യാത്രയ്ക്കിടെ ഡ്രൈവറുമായും യാത്രക്കാരനുമായും വാക്കുതർക്കത്തിലേർപ്പെട്ട പ്രായപൂർത്തിയാകാത്ത പെൺകുട്ടി

ഡൽഹിയിലെ ചേരിയിൽ വൻ തീപിടിത്തം.

ന്യൂഡൽഹി: ഷഹ്‌ദര റാണി ഗാർഡനിലെ ചേരി പ്രദേശത്തു വന്‍ തീപിടിത്തം. ഇന്നു പുലര്‍ച്ചെയാണ് സംഭവം.

ശ്വാസംമുട്ടി ഡൽഹി; മാസ്ക് ധരിച്ച് പുറത്തിറങ്ങാൻ നിർദേശം.

ന്യൂഡൽഹി: രാജ്യതലസ്ഥാനത്ത് വായു മലിനീകരണത്തോത് അപകടാവസ്ഥയിലെത്തിയതോടെ കടുത്ത നിയന്ത്രണങ്ങൾ ഏർപ്പെടുത്തി.

കൊടിയേറ്റ് നടത്തി.

ന്യൂഡൽഹി: ഹരിനഗർ സെന്‍റ് ചാവറ കുര്യാക്കോസ് ദേവാലത്തിൽ തിരുനാളിന്‍റെ കൊടിയേറ്റ് ഫരിദാബാദ് രൂപത വികാരി ജനറൽ ഫാ.ജോൺ ചോഴിത്തറ നിർവഹിച്ചു.

ദേശീയ പോലീസ് മീറ്റിൽ കേരളത്തിന് രണ്ടാം സ്ഥാനം.

ന്യൂഡൽഹി: ഡൽഹിയിൽ നടന്ന ദേശീയ പോലീസ് അത്‍ലറ്റിക് മീറ്റിൽ കേരളം രണ്ടാം സ്ഥാനം കരസ്ഥമാക്കി.