മ​ര​ണ​ത്തി​ന്‍റെ വ​ക്കി​ൽ​നി​ന്ന് ഒ​രു രോ​ഗി സു​ഖം പ്രാ​പി​ച്ച് ആ​ശു​പ​ത്രി വി​ട്ടാ​ൽ അ​തി​ന്‍റെ ക്ര​ഡി​റ്റ് പ്ര​ധാ​ന​മാ​യും കി​ട്ടു​ന്ന​ത് ഡോ​ക്ട​ർ​മാ​ർ​ക്കാ​യി​രി​ക്കും. ഒ​രു വി​ഐ​പി​യാ​ണ് ഇ​ങ്ങ​നെ മ​ട​ങ്ങു​ന്ന​തെ​ങ്കി​ൽ ആ ​ഡോ​ക്ട​ർ​മാ​ർ​ക്ക് ഇ​ര​ട്ടി അ​ഭി​ന​ന്ദ​നം ല​ഭി​ക്കും.

എ​ന്നാ​ൽ, ലോ​ക​ത്തി​ന്‍റെ മു​ഴു​വ​ൻ വി​വി​ഐ​പി​യാ​യ ഫ്രാ​ൻ​സി​സ് പാ​പ്പ അ​ദ്ഭു​ത​ക​ര​മാ​യി സു​ഖം പ്രാ​പി​ച്ച് ആ​ശു​പ​ത്രി വി​ട്ട​പ്പോ​ൾ ഡോ​ക്ട​ർ​മാ​രേ​ക്കാ​ൾ ശ്ര​ദ്ധി​ക്ക​പ്പെ​ട്ടി​രി​ക്കു​ന്ന​ത് ഒ​രു ന​ഴ്സ് ആ​ണ്. ചി​കി​ത്സ​യ്ക്കു നേ​തൃ​ത്വം ന​ൽ​കു​ന്ന ഡോ​ക്ട​ർ​മാ​ർ ത​ന്നെ​യാ​ണ് ഈ ​ന​ഴ്സി​ന്‍റെ കാ​ര്യം പു​റം​ലോ​ക​ത്തെ അ​റി​യി​ച്ചി​രി​ക്കു​ന്ന​ത്.​ഒ​രു മാ​സ​ത്തി​ലേ​റെ​യാ​യി ലോ​ക​മാ​ധ്യ​മ​ങ്ങ​ളു​ടെ ക​ണ്ണും കാ​തും റോ​മി​ലെ ജെ​മെ​ല്ലി ആ​ശു​പ​ത്രി​യി​ലാ​യി​രു​ന്നു.

ആ ​ആ​ശു​പ​ത്രി​യി​ൽ​നി​ന്നു പു​റ​ത്തേ​ക്കു വ​രു​ന്ന ഒാ​രോ കു​റി​പ്പു​ക​ളെ​യും വി​വ​ര​ങ്ങ​ളെ​യും ആ​കാം​ക്ഷ​യോ​ടെ​യാ​ണ് ലോ​കം ഏ​റ്റു​വാ​ങ്ങി​യ​ത്. ലോ​ക​ത്തി​ന്‍റെ പ്രി​യ​ങ്ക​ര​നാ​യ ഫ്രാ​ൻ​സി​സ് പാ​പ്പാ​യു​ടെ ആ​രോ​ഗ്യ​വി​വ​ര​ങ്ങ​ൾ അ​റി​യാ​നും പ്രാ​ർ​ഥി​ക്കാ​നു​മാ​യി നൂ​റു​ക​ണ​ക്കി​നു പേ​ർ ആ​ശു​പ​ത്രി​ക്കു സ​മീ​പ​വും ത​ന്പ​ടി​ച്ചി​രു​ന്നു.

ഇ​ര​ട്ട ന്യു​മോ​ണി​യ ബാ​ധി​ച്ചു ജീ​വി​ത​ത്തി​നും മ​ര​ണ​ത്തി​നു​മി​ട​യി​ലൂ​ടെ ആ​ഴ്ച​ക​ൾ സ​ഞ്ച​രി​ച്ച അ​ദ്ദേ​ഹം അ​ദ്ഭു​ത​ക​ര​മാ​യി ജീ​വി​ത​ത്തി​ലേ​ക്കു തി​രി​ച്ചു​വ​രു​ന്ന​തി​നാ​ണ് ലോ​കം സാ​ക്ഷി​യാ​യ​ത്.​അ​ർ​പ്പ​ണ​ബോ​ധ​ത്തോ​ടെ​യും സൂ​ക്ഷ്മ​ത​യോ​ടെ​യു​മു​ള്ള ചി​കി​ത്സ​യും ജ​ന​കോ​ടി​ക​ളു​ടെ പ്രാ​ർ​ഥ​ന​യും ഈ ​പ്ര​തി​സ​ന്ധി​ദി​ന​ങ്ങ​ളെ ത​ര​ണം ചെ​യ്യാ​ൻ പാ​പ്പാ​യ്ക്കു തു​ണ​യേ​കി.

അ​ദ്ദേ​ഹം സു​ഖം പ്രാ​പി​ച്ച് മ​ട​ങ്ങി​യ​തോ​ടെ ഡോ​ക്ട​ർ​മാ​രും ആ​ശ്വാ​സം പൂ​ണ്ടു. ഫ്രാ​ൻ​സി​സ് പാ​പ്പ​യെ ജീ​വി​ത​ത്തി​ലേ​ക്കു തി​രി​ച്ചു​കൊ​ണ്ടു​വ​ന്ന നി​മി​ഷ​ങ്ങ​ളെ ഒ​രി​ക്ക​ലും മ​റ​ക്കാ​ത്ത ഒാ​ർ​മ​ക​ളാ​യി​ട്ടാ​ണ് അ​ദ്ദേ​ഹ​ത്തെ ചി​കി​ത്സി​ച്ച ഡോ​ക്ട​ർ​മാ​രും പ​ങ്കു​വ​യ്ക്കു​ന്ന​ത്.

അ​വി​ടെ പ​രാ​മ​ർ​ശി​ക്ക​പ്പെ​ട്ട ഒ​രു പ്ര​ധാ​ന ആ​ൾ ഒ​രു ഡോ​ക്ട​റ​ല്ല, ഒ​രു ന​ഴ്സ് ആ​ണെ​ന്ന​ത് ന​മു​ക്ക് ആ​ശ്ച​ര്യ​ക​ര​മാ​യി തോ​ന്നാം. ആ​രോ​ഗ്യാ​വ​സ്ഥ അ​തീ​വ​ഗു​രു​ത​ര​മാ​യി മാ​റി​യ​തോ​ടെ 88 വ​യ​സു​ള്ള മാ​ർ​പാ​പ്പ​യ്ക്കു ന​ൽ​കി​വ​ന്നി​രു​ന്ന ചി​കി​ത്സ ഒ​രു ഘ​ട്ട​ത്തി​ൽ നി​ർ​ത്തു​ന്ന​തു​പോ​ലും ഡോ​ക്ട​ർ​മാ​രു​ടെ പ​രി​ഗ​ണ​ന​യി​ൽ ഉ​ണ്ടാ​യി​രു​ന്നു.

മ​രു​ന്നു​ക​ളോ​ടു പ്ര​തി​ക​രി​ക്കു​ന്നി​ല്ലെ​ങ്കി​ൽ സ​മാ​ധാ​ന​പ​ര​മാ​യി അ​ദ്ദേ​ഹ​ത്തെ മ​രി​ക്കാ​ൻ അ​നു​വ​ദി​ക്കു​ന്ന​ത​ല്ലേ ന​ല്ല​തെ​ന്ന ചി​ന്ത​യി​ൽ​നി​ന്നാ​ണ് ചി​കി​ത്സ നി​ർ​ത്തു​ക​യെ​ന്ന ആ​ലോ​ച​ന വ​ന്ന​ത്. എ​ന്നാ​ൽ, ഇ​വി​ടെ​യൊ​രു ന​ഴ്സി​ന്‍റെ ഇ​ട​പെ​ട​ലാ​ണ് ഡോ​ക്ട​ർ​ക്കു ചി​കി​ത്സ തു​ട​രാ​ൻ പ്ര​ചോ​ദ​ന​മാ​യ​ത്.

അ​തു മ​റ്റാ​രു​മാ​യി​രു​ന്നി​ല്ല, മാ​ർ​പാ​പ്പ​യു​ടെ സ്വ​കാ​ര്യ ന​ഴ്സ് ചി​കി​ത്സ തു​ട​രു​ക ത​ന്നെ വേ​ണ​മെ​ന്നു നി​ർ​ബ​ന്ധം പി​ടി​ച്ചു. പാ​പ്പാ തി​രി​കെ വ​രു​മെ​ന്നു​ത​ന്നെ അ​ദ്ദേ​ഹം ക​രു​തി. അ​ദ്ദേ​ഹ​ത്തി​ന്‍റെ ആ ​നി​ർ​ബ​ന്ധ​ത്തി​ൽ ചി​കി​ത്സ തു​ട​ർ​ന്ന ഡോ​ക്ട​ർ​മാ​രെ​പ്പോ​ലും അ​ദ്ഭു​ത​പ്പെ​ടു​ത്തു​ന്ന തി​രി​ച്ചു​വ​രാ​ണ് പി​ന്നെ പാ​പ്പാ ന​ട​ത്തി​യ​ത്.

മ​ര​ണ​ത്തി​ന്‍റെ വ​ക്കി​ൽ​നി​ന്ന് സാ​വ​ധാ​നം അ​ദ്ദേ​ഹം ജീ​വി​ത​ത്തി​ലേ​ക്കു തി​രി​കെ ക​യ​റി. 38 ദി​വ​സ​ത്തി​നു ശേ​ഷം ജെ​മെ​ല്ലി ആ​ശു​പ​ത്രി​യു​ടെ ജ​നാ​ല​ച്ചി​ല്ലി​ലൂ​ടെ ത​ന്നെ കാ​ത്തു താ​ഴെ​നി​ന്നി​രു​ന്ന ആ​യി​ര​ക്ക​ണ​ക്കി​നു പേ​രെ നോ​ക്കി കൈ​വീ​ശി, ആ​ശീ​ർ​വ​ദി​ച്ചു, ലോ​ക​സ​മാ​ധാ​ന​ത്തി​നാ​യി പ്രാ​ർ​ഥി​ച്ചു.

മാ​ർ​പാ​പ്പ​യു​ടെ പേ​ഴ്സ​ണ​ൽ ന​ഴ്സ് മാ​സി​മി​ലി​യാ​നോ സ്ട്രാ​പ്പെ​റ്റി​യാ​ണ് പാ​പ്പാ​യു​ടെ തി​രി​ച്ചു​വ​ര​വി​ലെ പ്ര​ധാ​ന ശ്ര​ദ്ധാ​കേ​ന്ദ്രം. ചി​കി​ത്സ ഉ​പേ​ക്ഷി​ക്ക​രു​തെ​ന്ന അ​ദ്ദേ​ഹ​ത്തി​ന്‍റെ നി​ർ​ബ​ന്ധ​ത്തി​ൽ തീ​വ്ര​പ​രി​ച​ര​ണം തു​ട​രാ​ൻ മെ​ഡി​ക്ക​ൽ സം​ഘം തീ​രു​മാ​നി​ച്ചു.

ഇ​തി​നി​ട​യി​ൽ അ​ദ്ദേ​ഹ​ത്തി​ന്‍റെ വൃ​ക്ക​ക​ൾ​ക്കും അ​സ്ഥി​മ​ജ്ജ​ക​ൾ​ക്കും കേ​ടു​പാ​ടു സം​ഭ​വി​ക്കു​മെ​ന്ന് ഞ​ങ്ങ​ൾ ക​രു​തി​യി​രു​ന്നു. എ​ന്നാ​ൽ, ദി​വ​സ​ങ്ങ​ൾ പി​ന്നി​ട​വേ അ​ദ്ദേ​ഹ​ത്തി​ന്‍റെ ശ​രീ​രം മ​രു​ന്നു​ക​ളോ​ടു പ്ര​തി​ക​രി​ച്ചു​തു​ട​ങ്ങി. ശ്വാ​സ​കോ​ശ​ത്തി​ലെ അ​ണു​ബാ​ധ​യും അ​തി​ശ​യ​ക​ര​മാ​യി കു​റ​ഞ്ഞു. - ചി​കി​ത്സ​യ്ക്കു നേ​തൃ​ത്വം ന​ൽ​കി​യ ഡോ​ക്ട​ർ ആ​ൽ​ഫി​യേ​രി ഒാ​ർ​മി​ച്ചു.

ആ​രാ​ണ് മാ​സി​മി​ലി​യാ​നോ സ്ട്രാ​പ്പെ​റ്റി?

വ​ത്തി​ക്കാ​ൻ സ്വ​ദേ​ശി​യാ​യ മാ​സി​മി​ലി​യാ​നോ സ്ട്രാ​പ്പെ​റ്റി, 2022 മു​ത​ൽ ഫ്രാ​ൻ​സി​സ് മാ​ർ​പാ​പ്പ​യു​ടെ ആ​രോ​ഗ്യം കൈ​കാ​ര്യം ചെ​യ്യു​ന്ന​തി​ൽ നി​ർ​ണാ​യ​ക പ​ങ്ക് വ​ഹി​ക്കു​ന്നു.

ഒ​രു രോ​ഗ​ത്തി​ൽ​നി​ന്നു മു​ക്ത​നാ​യ ശേ​ഷം പാ​പ്പാ അ​ദ്ദേ​ഹ​ത്തെ ത​ന്‍റെ പേ​ഴ്സ​ണ​ൽ ഹെ​ൽ​ത്ത് കെ​യ​ർ അ​സി​സ്റ്റ​ന്‍റാ​യി നി​യ​മി​ച്ചി​രു​ന്നു. “ഒ​രു ന​ഴ്സ്, ധാ​രാ​ളം അ​നു​ഭ​വ​പ​രി​ച​യ​മു​ള്ള ഒ​രു മ​നു​ഷ്യ​ൻ, എ​ന്‍റെ ജീ​വ​ൻ ര​ക്ഷി​ച്ചു” - വ​ൻ​കു​ട​ൽ ശ​സ്ത്ര​ക്രി​യ​യ്ക്കു ശേ​ഷം ഫ്രാ​ൻ​സി​സ് മാ​ർ​പാ​പ്പ സ്പാ​നി​ഷ് കോ​പ്പ് റേ​ഡി​യോ​യോ​ടു പ​റ​ഞ്ഞു.

ഔ​ദ്യോ​ഗി​ക നി​യ​മ​ന​ത്തി​നു മു​മ്പു ത​ന്നെ സ്ട്രാ​പ്പെ​റ്റി മാ​ർ​പാ​പ്പ​യെ ആ​രോ​ഗ്യ​കാ​ര്യ​ങ്ങ​ളി​ൽ ഉ​പ​ദേ​ശി​ച്ചു​കൊ​ണ്ടി​രു​ന്നു. 2021 ഫെ​ബ്രു​വ​രി​യി​ൽ, അ​ദ്ദേ​ഹ​ത്തി​ന് ആ​ദ്യ​മാ​യി ഡൈ​വ​ർ​ട്ടി​ക്യു​ലൈ​റ്റി​സ് ബാ​ധി​ച്ച​പ്പോ​ൾ, വൈ​ദ്യ​പ​രി​ശോ​ധ​ന​യ്ക്കു വി​ധേ​യ​നാ​കാ​ൻ സ്ട്രാ​പ്പെ​റ്റി അ​ദ്ദേ​ഹ​ത്തെ പ്രേ​രി​പ്പി​ച്ചു.

മാ​ർ​പാ​പ്പ​യു​ടെ മ​റ്റ് ഡോ​ക്ട​ർ​മാ​ർ​ക്കൊ​പ്പം, അ​വ​സ്ഥ വ​ഷ​ളാ​കാ​തി​രി​ക്കാ​ൻ ശ​സ്ത്ര​ക്രി​യ​യും അ​ദ്ദേ​ഹം ശി​പാ​ർ​ശ ചെ​യ്തു. 2021 ജൂ​ലൈ നാ​ലി​ന് വ​ൻ​കു​ട​ലി​ൽ ന​ട​ത്തി​യ ശ​സ്ത്ര​ക്രി​യ​യ്ക്കു ശേ​ഷ​മാ​ണ് മാ​സി​മി​ലി​യാ​നോ​യെ അ​ദ്ദേ​ഹം പ്ര​ശം​സി​ച്ച​ത്.​ഡൈ​വ​ർ​ട്ടി​ക്യു​ലൈ​റ്റി​സ് മൂ​ലം വ​ൻ​കു​ട​ലി​ന്‍റെ ഒ​രു ഭാ​ഗം നീ​ക്കം ചെ​യ്യാ​നാ​യി മൂ​ന്നു മ​ണി​ക്കൂ​ർ നീ​ണ്ട ശ​സ്ത്ര​ക്രി​യ​യ്ക്ക് ആ​ണ് അ​ന്നു പാ​പ്പാ വി​ധേ​യ​നാ​യ​ത്.

ജെ​മെ​ല്ലി ആ​ശു​പ​ത്രി​യി​ൽ 11 ദി​വ​സം ചെ​ല​വ​ഴി​ച്ച ശേ​ഷ​മാ​ണ് ജൂ​ലൈ 14ന് ​വ​ത്തി​ക്കാ​നി​ലേ​ക്കു മ​ട​ങ്ങി​യ​ത്. “എ​ന്‍റെ ജീ​വി​ത​ത്തി​ൽ ഇ​തു ര​ണ്ടാം ത​വ​ണ​യാ​ണ് ഒ​രു ന​ഴ്സ് എ​ന്‍റെ ജീ​വ​ൻ ര​ക്ഷി​ച്ച​ത്. ആ​ദ്യ​ത്തേ​ത് 1957ൽ ​ആ​യി​രു​ന്നു”. അ​ർ​ജ​ന്‍റീ​ന​യി​ൽ സെ​മി​നാ​രി പ​ഠ​ന​ത്തി​നി​ടെ ന്യു​മോ​ണി​യ ബാ​ധി​ച്ച​പ്പോ​ൾ ത​ന്നെ സ​ഹാ​യി​ച്ച ഒ​രു ഇ​റ്റാ​ലി​യ​ൻ സ​ഹോ​ദ​രി​യെ​ക്കൂ​ടി പ​രാ​മ​ർ​ശി​ച്ചാ​ണ് ഫ്രാ​ൻ​സി​സ് പാ​പ്പ ഇ​ങ്ങ​നെ പ​റ​ഞ്ഞ​ത്.

ഫ്രാ​ൻ​സി​സ് പാ​പ്പ​യും ആ​രോ​ഗ്യ​വും

ചെ​റു​പ്രാ​യം മു​ത​ൽ നി​ര​വ​ധി ആ​രോ​ഗ്യ​പ്ര​ശ്ന​ങ്ങ​ൾ അ​ദ്ദേ​ഹ​ത്തെ അ​ല​ട്ടി​യി​ട്ടു​ണ്ട്. മ​ര​ണ​കാ​ര​ണ​മാ​കാ​വു​ന്ന പ​ല​തും അ​ക്കൂ​ട്ട​ത്തി​ലു​ണ്ടാ​യി​രു​ന്നു. എ​ന്നാ​ൽ, എ​ല്ലാ പ്ര​തി​സ​ന്ധി​ക​ളെ​യും അ​ദ്ദേ​ഹം വി​ജ​യ​ക​ര​മാ​യി ത​ര​ണം ചെ​യ്തു.

ശ്വാ​സ​കോ​ശ സം​ബ​ന്ധം

21 വ​യ​സു​ള്ള​പ്പോ​ൾ, ശ്വാ​സ​കോ​ശ പാ​ളി​യു​ടെ വീ​ക്കം ആ​യ പ്ലൂ​റി​സി ക​ണ്ടെ​ത്തി. ശ്വാ​സ​കോ​ശ​ത്തി​ന്‍റെ ഒ​രു ഭാ​ഗം നീ​ക്കം ചെ​യ്തു.2023​ന്‍റെ തു​ട​ക്കം മു​ത​ൽ, അ​ദ്ദേ​ഹ​ത്തി​ന് ആ​വ​ർ​ത്തി​ച്ചു​ള്ള ഇ​ൻ​ഫ്ലൂ​വ​ൻ​സ​യും അ​നു​ബ​ന്ധ ആ​രോ​ഗ്യ​പ്ര​ശ്ന​ങ്ങ​ളും അ​നു​ഭ​വ​പ്പെ​ട്ടു.

വീ​ഴ്ച​ക​ൾ

അ​ടു​ത്തി​ടെ മാ​ർ​പാ​പ്പ ത​ന്‍റെ വ​സ​തി​യി​ൽ ര​ണ്ടു ത​വ​ണ വീ​ണു. 2024 ഡി​സം​ബ​റി​ൽ ഒ​രു വീ​ഴ്ച, അ​തി​ൽ അ​ദ്ദേ​ഹ​ത്തി​ന്‍റെ താ​ടി​യി​ൽ മു​റി​വേ​റ്റു, 2025 ജ​നു​വ​രി​യി​ൽ മ​റ്റൊ​ന്ന്, കൈ​ക്കു പ​രി​ക്കേ​റ്റു.

ശ​സ്ത്ര​ക്രി​യ​ക​ൾ

2021 ജൂ​ലൈ​യി​ൽ, ഡൈ​വ​ർ​ട്ടി​ക്യു​ലൈ​റ്റി​സ് എ​ന്ന വേ​ദ​നാ​ജ​ന​ക​മാ​യ കു​ട​ൽ അ​വ​സ്ഥ​യെ പ​രി​ഹ​രി​ക്കാ​ൻ മ​ണി​ക്കൂ​റു​ക​ൾ നീ​ണ്ട ശ​സ്ത്ര​ക്രി​യ. വ​ൻ​കു​ട​ലി​ന്‍റെ 33 സെ​ന്‍റി​മീ​റ്റ​ർ നീ​ക്കം ചെ​യ്തു. 2023ൽ ​ആ അ​വ​സ്ഥ വീ​ണ്ടും അ​നു​ഭ​വ​പ്പെ​ട്ടു..2023 ജൂ​ണി​ൽ വ​യ​റി​ലെ ഹെ​ർ​ണി​യ​യ്ക്കു ശ​സ്ത്ര​ക്രി​യ ന​ട​ത്താ​ൻ ഒ​മ്പ​ത് ദി​വ​സ​ത്തേ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പു​റം, കാ​ൽ​മു​ട്ട് വേ​ദ​ന

പു​റം, ഇ​ടു​പ്പ്, കാ​ൽ​വേ​ദ​ന എ​ന്നി​വ​യ്ക്കു കാ​ര​ണ​മാ​കു​ന്ന ഒ​രു വി​ട്ടു​മാ​റാ​ത്ത നാ​ഡീ​രോ​ഗ​മാ​യ സ​യാ​റ്റി​ക്ക അ​ദ്ദേ​ഹ​ത്തെ ഏ​റെ​ക്കാ​ല​മാ​യി അ​ല​ട്ടു​ന്നു. ലേ​സ​ർ, മാ​ഗ്ന​റ്റ് തെ​റാ​പ്പി എ​ന്നി​വ​യി​ലൂ​ടെ അ​തു പ​രി​ഹ​രി​ക്കാ​ൻ ശ്ര​മി​ച്ചു. പൂ​ർ​ണ​മാ​യി വി​ട്ടു​മാ​റാ​ത്ത​തി​നാ​ൽ സ​ഞ്ചാ​ര​ത്തി​നു വീ​ൽ ചെ​യ​ർ ഉ​പ​യോ​ഗി​ക്കു​ന്നു.