ന്യൂയോർക്ക്: കോൺഗ്രസ് പോഷക സംഘടനയ്ക്ക് അമേരിക്കയിൽ തുടക്കമിട്ടവരിലൊരാളായ ഇന്ത്യൻ ഓവർസീസ് ചെയർമാൻ ജോർജ് എബ്രഹാമിന് ഐഒസി ലൈഫ് ടൈം അച്ചീവ്‌മെന്‍റ് അവാർഡ് ലഭിച്ചു. എഐസിസി മുൻ അധ്യക്ഷൻ രാഹുൽ ഗാന്ധിയാണ് അവാർഡ് സമ്മാനിച്ചത്.
ഐഒസി ചെയർമാൻ സാം പിട്രോഡയാണ് ബഹുമതി പ്രഖ്യാപിച്ചതും ഫലകം നൽകാൻ രാഹുൽ ഗാന്ധിയെ ക്ഷണിച്ചതും. ന്യുയോർക്ക് സിറ്റിയിലെ ടെറസ് ഓൺ പാർക്കിൽ രാഹുൽ ഗാന്ധിക്ക് ഐഒസി ഒരുക്കിയ സ്വീകരണത്തിൽ വച്ചാണ് ജോർജ് എബ്രഹാമിന് അവാർഡ് നൽകിയത്.