ബംഗളൂരു: നെലമംഗലയിൽ ബൈക്കപകടത്തിൽ മലയാളി നഴ്സിംഗ് വിദ്യാർഥി മരിച്ചു. ചങ്ങനാശേരി മാമൂട് സ്വദേശി പുത്തൻപറമ്പിൽ ലിജോയ് ജോസഫിന്‍റെ മകൻ ആൽബി(20) ആണ് മരിച്ചത്.
ബംഗളൂരു - തുമകൂരു ഹൈവേയിൽ ഞായറാഴ്ച രാവിലെയാണ് അപകടം ന‌ടന്നത്. ലോറിയുടെ പിന്നിൽ ബൈക്ക് ഇടിക്കുകയായിരുന്നു. സപ്തഗിരി കോളജിലെ രണ്ടാംവർഷ നഴ്സിംഗ് വിദ്യാർഥിയാണ്.
സംസ്കാരം ചൊവ്വാഴ്ച പത്തിന് കൂത്രപള്ളി സെന്‍റ് മേരീസ് പള്ളിയിൽ നടക്കും. അമ്മ: ജിഷാമോൾ. സഹോദരി: അലീന ട്രീസ ജോസഫ്.