ന്യൂഡൽഹി: ഹോളി ആഘോഷങ്ങൾക്കിടെ ഹൈടെൻഷൻ വൈദ്യുതി ലൈനിൽനിന്ന് ഷോക്കേറ്റ് ആറ് പേര്‍ക്ക് പരിക്ക്. ഈസ്റ്റ് ഡൽഹിയിലെ ഗണേഷ് നഗറിൽ തിങ്കളാഴ്ച ഉച്ചയോടെയായിരുന്നു സംഭവം.
ഒരു വീടിന്‍റെ മേൽക്കൂരയിൽ നടന്ന ആഘോഷമാണ് വലിയ അപകടത്തിൽ കലാശിച്ചത്. വീടിന്‍റെ പരിസരത്തു കൂടി കടന്നുപോകുന്ന ഹൈ ടെൻഷൻ ലൈനിൽനിന്നാണു ഷോക്കേറ്റത്. ഇത് എങ്ങനെ സംഭവിച്ചുവെന്നു വ്യക്തമല്ല.
പരിക്കേറ്റവരിൽ മൂന്ന് പേർ സ്ത്രീകളാണ്. ഇവരുടെ നില ഗുരുതരമാണെന്നാണു പോലീസ് നൽകുന്ന വിവരം.