നെ​ല്ല​റ​യു​ടെ ഗ്രാ​മ​വ​ഴി​ക​ളി​ലെ​ല്ലാം ഒ​ന്നാം​വി​ള കൊ​യ്ത്താ​ര​വം
Friday, October 11, 2024 6:42 AM IST
വ​ട​ക്ക​ഞ്ചേ​രി: ഒ​ന്നാം​വി​ള കൊ​യ്ത്ത് സ​ജീ​വ​മാ​യ​തോ​ടെ നെ​ല്ല​റ​യു​ടെ ഗ്രാ​മ വ​ഴി​ക​ളി​ലെ​ല്ലാം നെ​ല്ലു​ണ​ക്ക​ലി​ന്‍റെ തി​ര​ക്കു​ക​ൾ. കൊ​യ്തെ​ടു​ക്കു​ന്ന നെ​ല്ല് അ​പ്പോ​ൾ ത​ന്നെ സ​മീ​പ​ത്തെ വാ​ഹ​ന തി​ര​ക്കൊ​ഴി​ഞ്ഞ റോ​ഡു​ക​ളി​ലും വ​ഴി​ക​ളി​ലും ഉ​ണ​ക്കാ​നി​ടും. നെ​ല്ല് വൃ​ത്തി​യാ​ക്ക​ലും ചാ​ക്കി​ലാ​ക്കു​ന്ന​തു​മൊ​ക്കെ ഇ​വി​ടെ വ​ച്ചാ​ണ്.

ന​ഷ്ട ക​ണ​ക്കു​ക​ളു​ടെ പെ​രു​മ​ഴ പെ​യ്യു​മ്പോ​ഴും പ്ര​തീ​ക്ഷ​യോ​ടെ​യാ​ണ് ക​ർ​ഷ​ക​ർ കൊ​യ്ത്ത് പ​ണി​ക​ളെ​ല്ലാം ന​ട​ത്തു​ന്ന​ത്. ഈ ​ഗ്രാ​മ കാ​ഴ്ച​ക​ൾ പ​ഴ​യ​കാ​ല പ്ര​താ​പ​ത്തി​ന്‍റെ ഓ​ർ​മ പു​തു​ക്ക​ൽ കൂ​ടി​യാ​ണ്. പ്ര​താ​പ കാ​ല​ത്തെ ശേ​ഷി​ക്കു​ന്ന ക​ർ​ഷ​ക തൊ​ഴി​ലാ​ളി​ക​ളാ​ണ് ഇ​പ്പോ​ൾ നെ​ല്ലു വൃ​ത്തി​യാ​ക്കു​ന്ന പ​ണി​ക​ൾ​ക്കു​ള്ള​ത്.

60 പി​ന്നി​ട്ട​വ​രാ​ണ് ഭൂ​രി​ഭാ​ഗം പേ​രും. ഇ​വ​രു​ടെ ആ​യു​സ് തീ​രു​ന്ന​തോ​ടെ കാ​ർ​ഷി​ക സം​സ്കൃ​ത​യു​ടെ ഇ​ത്ത​രം ഗ്രാ​മ കാ​ഴ്ച​ക​ളും ഇ​ല്ലാ​താ​കും. ചെ​റു​പ്പ​ക്കാ​രാ​രും ഈ ​രം​ഗ​ത്തേ​ക്ക് ക​ട​ന്നു വ​രു​ന്നി​ല്ല.

പു​തി​യ ത​ല​മു​റ​യി​ലെ സ്ത്രീ​ക​ളൊ​ന്നും ചെ​ളി​യി​ൽ ച​വി​ട്ടി​യു​ള്ള പ​ണി​ക​ൾ​ക്ക് വ​രു​ന്നി​ല്ലെ​ന്ന് ആ​യ​ക്കാ​ട് പാ​ട​ത്തെ ഇ​ട​വ​ഴി​യി​ൽ നെ​ല്ല് വൃ​ത്തി​യാ​ക്കു​ന്ന ഓ​മ​ന​യും പ​ത്മാ​വ​തി​യും പ​റ​യു​ന്നു.
പ​ഴ​യ​കാ​ല പ്ര​താ​പ​ത്തി​ന്‍റെ പ്ര​തീ​ക​മാ​യാ​ണ് ക​ർ​ഷ​ക​രി​ന്നും നെ​ൽ​കൃ​ഷി​യെ കാ​ണു​ന്ന​ത്.
ന​ഷ്ട​ങ്ങ​ളും ഇ​ല്ലാ​യ്മ​ക​ളും അ​വ​ഗ​ണി​ച്ച് ത​ങ്ങ​ളാ​ലാ​കു​ന്ന പ​ങ്കാ​ളി​ത്തം ഇ​ന്നും തു​ട​രു​ക​യാ​ണ് ഈ ​രം​ഗ​ത്തെ പാ​ര​മ്പ​ര്യ ക​ർ​ഷ​ക​ർ.

നെ​ൽ​കൃ​ഷി​യു​ടെ വി​സ്തൃ​തി​യി​ൽ വ​ലി​യ കു​റ​വു​ണ്ടാ​യി​ട്ടു​ണ്ടെ​ങ്കി​ലും കൊ​യ്ത്തു​തു​ട​ങ്ങി​യാ​ൽ ക​ർ​ഷ​ക വീ​ടു​ക​ളി​ലെ​ല്ലാം പു​തു​നെ​ല്ലി​ന്‍റെ ചൂ​രു​യ​രും. കേ​ര​ള​ത്തി​ലെ മൊ​ത്തം നെ​ല്ലു​ൽ​പാ​ദ​ന​ത്തി​ന്‍റെ ന​ല്ലൊ​രു പ​ങ്കും പാ​ല​ക്കാ​ട്ടു നി​ന്നാ​ണെ​ന്നാ​ണ് ക​ണ​ക്ക്.


നെ​ൽ​പ്പാ​ട​ങ്ങ​ൾ അ​ന്യ​വി​ള​ക​ൾ​ക്കും കെ​ട്ടി​ട സ​മു​ച്ച​യ​ങ്ങ​ൾ​ക്കും വ​ഴി​മാ​റു​മ്പോ​ഴും പാ​ല​ക്കാ​ടി​ന്‍റെ പെ​രു​മ കാ​ക്കാ​ൻ ചെ​റു​ത​ല്ലാ​ത്ത ക​ർ​ഷ​ക​പ്പ​ട ഇ​ന്നു​മു​ണ്ട്. മ​ല​യോ​ര​മേ​ഖ​ല റ​ബ​റി​ൽ പ്ര​തീ​ക്ഷ​യ​ർ​പ്പി​ക്കു​മ്പോ​ൾ പാ​ല​ക്കാ​ട്ടെ സാ​ധാ​ര​ണ​ക്കാ​രു​ടെ വ​ള​ർ​ച്ച​യും ത​ള​ർ​ച്ച​യു​മെ​ല്ലാം നെ​ല്ലി​നെ ചു​റ്റി​പ്പ​റ്റി​യാ​ണ്. കൃ​ഷി ന​ശി​ച്ചാ​ലും ന​ന്നാ​യാ​ലും അ​തു ജി​ല്ല​യി​ലെ സാ​മ്പ​ത്തി​ക​രം​ഗ​ത്തെ ബാ​ധി​ക്കും.
ജി​ല്ല​യി​ൽ ആ​ല​ത്തൂ​ർ, ചി​റ്റൂ​ർ താ​ലൂ​ക്കു​ക​ളാ​ണ് നെ​ൽ കൃ​ഷി​യി​ൽ മു​ന്നി​ൽ. ആ​ദ്യം കൊ​യ്ത്ത് ആ​രം​ഭി​ക്കു​ന്ന​തും ആ​ല​ത്തൂ​ർ താ​ലൂ​ക്കി​ലെ ക​നാ വെ​ള്ളം എ​ത്താ​ത്ത ക​ര​പ്പാ​ട​ങ്ങ​ളി​ൽ നി​ന്നാ​ണ്. ഇ​ക്കു​റി​യും വ​ട​ക്ക​ഞ്ചേ​രി​ക്ക​ടു​ത്തെ പ​ര​വാ​ശേ​രി പാ​ട​ശേ​ഖ​ര​ത്തി​ൽ നി​ന്നാ​യി​രു​ന്നു ക​ന്നി​ക്കൊ​യ്ത്ത് തു​ട​ങ്ങി​യ​ത്.

മ​ഴ​യെ​മാ​ത്രം ആ​ശ്ര​യി​ച്ചാ​ണ് ഇ​ത്ത​രം ക​ര​പ്പാ​ട​കൃ​ഷി​യെ​ന്ന​തി​നാ​ൽ ഒ​ന്നാം​വി​ള കൊ​യ്ത്ത് നേ​ര​ത്തെ​യാ​ക്കി ര​ണ്ടാം​വി​ള​യ്ക്കു​ള്ള ഒ​രു​ക്ക​ങ്ങ​ൾ ന​ട​ക്കു​ക​യാ​ണ്. എ​ന്നാ​ൽ ഒ​ന്നാം വി​ള​കൊ​യ്ത്തി​നും നെ​ല്ലു​ണ​ക്കു​ന്ന​തി​നും മ​ഴ വി​ല്ല​നാ​യി മാ​റു​ന്നു​ണ്ടെ​ന്നു ക​ർ​ഷ​ക​ർ പ​റ​യു​ന്നു.
സ​പ്ലൈ​കോ​യു​ടെ നെ​ല്ല് സം​ഭ​ര​ണം തോ​ന്നും മ​ട്ടി​ലാ​യ​തി​നാ​ൽ കി​ട്ടി​യ വി​ല​യ്ക്ക് സ്വ​കാ​ര്യ​മി​ല്ലു​ക​ളി​ൽ നെ​ല്ല് വി​ൽ​ക്കേ​ണ്ട ഗ​തി​കേ​ടും ക​ർ​ഷ​ക​ർ​ക്കു​ണ്ട്.

കാ​ർ​ഷി​ക​ക​ല​ണ്ട​ർ വ്യ​ക്ത​മാ​യ​റി​ഞ്ഞി​ട്ടും ബ​ന്ധ​പ്പെ​ട്ട വ​കു​പ്പു​ക​ളും സ​ർ​ക്കാ​ർ​സം​വി​ധാ​ന​ങ്ങ​ളും പു​റം​തി​രി​ഞ്ഞു​നി​ൽ​ക്കു​ന്ന​താ​ണു ക​ർ​ഷ​ക​ർ നേ​രി​ടു​ന്ന പ്ര​ധാ​ന വെ​ല്ലു​വി​ളി.

ഫ്രാ​ൻ​സി​സ് ത​യ്യൂ​ർ