ഡ്രൈ​വിം​ഗ് ടെ​സ്റ്റ് വ​രോ​ട്ടേ​ക്കു മാ​റ്റാ​ൻ മോ​ട്ടോ​ർവാ​ഹ​നവ​കു​പ്പ് നീ​ക്കംതു​ട​ങ്ങി
Friday, September 20, 2024 1:55 AM IST
ഒറ്റ​പ്പാ​ലം: ന​ഗ​ര​സ​ഭ സ്ഥ​ലം ന​ൽ​കി​യാ​ൽ മോ​ട്ടോ​ർ​വാ​ഹ​ന​വ​കു​പ്പി​ന്‍റെ ഡ്രൈ​വി​ംഗ് ടെ​സ്റ്റ് ചി​ന​ക്ക​ത്തൂ​ർ മൈ​താ​നി​യി​ൽ നി​ന്ന് വ​രോ​ട്ടേ​ക്ക് മാ​റ്റും. വ​രോ​ട്ട് ന​ഗ​ര​സ​ഭ​യു​ടെ ക​ളി​സ്ഥ​ലം ഇ​തി​നാ​യി ഉ​പ​യോ​ഗി​ക്കും. ടെ​സ്റ്റ് ന​ട​ത്താ​ൻ സ്ഥ​ലം അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് ജോ​യി​ന്‍റ് ആ​ർടിഒ ഒ​റ്റ​പ്പാ​ലം ന​ഗ​ര​സ​ഭ​യ്ക്ക് ക​ത്തു​ന​ൽ​കി. നി​ല​വി​ൽ പാ​ല​പ്പു​റ​ത്ത് ചി​ന​ക്ക​ത്തൂ​ർ​ക്കാ​വ് മൈ​താ​ന​ത്ത് ന​ട​ത്തു​ന്ന ഡ്രൈ​വി​ംഗ് ടെ​സ്റ്റ് മാ​റ്റാ​നാ​ണ് പു​തി​യ​സ്ഥ​ലം തേ​ടു​ന്ന​ത്.

ടെ​സ്റ്റു​ക​ൾ പ​ര​മാ​വ​ധി സ​ർ​ക്കാ​ർ​ഭൂ​മി​ക​ളി​ൽ ന​ട​ത്ത​ണ​മെ​ന്നാ​ണ് സ​ർ​ക്കാ​ർ നി​ർ​ദേ​ശം. ഇ​ത് പ​രി​ഗ​ണി​ച്ചാ​ണ് പു​തി​യ​സ്ഥ​ലം ക​ണ്ടെ​ത്താ​ൻ ശ്ര​മം ന​ട​ത്തു​ന്ന​ത്. മോ​ട്ടോ​ർ​വാ​ഹ​ന വ​കു​പ്പി​ന്‍റെ സ​ർ​ക്കു​ല​ർ​പ്ര​കാ​രം ടെ​സ്റ്റ് ന​ട​ത്താ​ൻ വ​രോ​ട്ട് ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള 71.84 സെ​ന്‍റ് ഭൂ​മി അ​നു​വ​ദി​ക്ക​ണ​മെ​ന്നാ​ണ് ആ​ർടിഒയു​ടെ ക​ത്തി​ലെ ആ​വ​ശ്യം. ന​ഗ​ര​സ​ഭ ഇ​തു​സം​ബ​ന്ധി​ച്ച് തീ​രു​മാ​ന​മെ​ടു​ത്തി​ട്ടി​ല്ല. പ്ര​ദേ​ശ​വാ​സി​ക​ളു​മാ​യി ആ​ലോ​ചി​ക്കാ​നും ച​ർ​ച്ച​ക​ൾ​ക്കു​മാ​യി കൗ​ൺ​സി​ല​റെ ചു​മ​ത​ല​പ്പെ​ടു​ത്തി​യി​ട്ടു​ണ്ടെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.


ച​ർ​ച്ച​യു​ടെ വി​ശ​ദാം​ശ​ങ്ങ​ൾ കൗ​ൺ​സി​ൽ പ​രി​ഗ​ണി​ച്ച​ശേ​ഷം അ​ന്തി​മ തീ​രു​മാ​ന​മെ​ടു​ക്കും. സ്ഥ​ലം ല​ഭി​ച്ചാ​ൽ ടെ​സ്റ്റ് അ​വി​ടേ​ക്ക് മാ​റ്റു​മെ​ന്നും അ​ല്ലെ​ങ്കി​ൽ നി​ല​വി​ലെ​ സ്ഥി​തി തു​ട​രു​മെ​ന്നും മോ​ട്ടോ​ർ​വാ​ഹ​ന വ​കു​പ്പ് അ​റി​യി​ച്ചു. കാ​ല​ങ്ങ​ളാ​യി ഡ്രൈ​വി​ംഗ് ടെ​സ്റ്റി​നാ​യി മോ​ട്ടോ​ർ​വാ​ഹ​ന​വ​കു​പ്പ് ഒ​റ്റ​പ്പാ​ല​ത്ത് സ്ഥ​ലം തേ​ടു​ന്നു​ണ്ട്. അ​തേസ​മ​യം അ​ന​ങ്ങ​ൻ​മ​ല​യു​ടെ അ​ടി​വാ​ര​ത്ത് ഡ്രൈ​വിം​ഗ് സ്കൂ​ളു​കാ​ർ സം​യു​ക്ത​മാ​യി വാ​ങ്ങി​യി​ട്ടു​ള്ള മൈ​താ​ന​ത്തി​ൽ ടെ​സ്റ്റ് ന​ട​ത്തു​ന്ന​തി​ന്ന് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം.​ എ​ന്നാ​ൽ ഇ​ത് സ​ർ​ക്കാ​ർ നി​ല​പാ​ടി​ന് എ​തി​രാ​ണ്.