ഓ​ല​ക്കു​ട​ക​ളു​മാ​യി ജാ​ന​കി തി​ര​ക്കി​ലാ​ണ്..
Saturday, September 14, 2024 1:43 AM IST
മംഗലം ശങ്കരൻകുട്ടി

ഒറ്റ​പ്പാ​ലം: തി​രു​വോ​ണ​മി​ങ്ങെ​ത്തി... മാ​വേ​ലിമ​ന്ന​നെ ചൂ​ടി​ക്കാ​നു​ള്ള ഓ​ലക്കുട​ക​ളു​ടെ വി​ല്പന​യു​മാ​യി ഉ​ത്രാ​ടത്ത​ലേ​ന്നും ജാ​ന​കി തി​ര​ക്കി​ലാ​ണ്. ചെ​റുബാ​ല്യ​ത്തി​ൽ തു​ട​ങ്ങി​യ​താ​ണ് വാ​ണി​യം​കു​ളം പ​ന​യൂ​ർ പു​റ​യ്ക്കാ​ട്ടു​പ​റ​മ്പി​ൽ ജാ​ന​കി​(72)യു​ടെ ഓ​ലക്കുടനി​ർ​മാണ​വും വി​ല്പന​യും. ഉ​പ​ഭോ​ക്തൃസം​സ്കാ​ര​ത്തി​ന്‍റെ പ​ത്താ​യ​പ്പു​ര​യി​ൽ അ​ന്യംനി​ന്നു​പോ​യ കു​ലാ​ചാ​ര​ത്തെ ഇ​ന്നും കൈ​വി​ടാ​തെ നെ​ഞ്ചോ​ടുചേ​ർ​ത്തു വയ്​ക്കു​ക​യാ​ണ് വാ​ർ​ധക്യ​ത്തി​ലെ​ത്തി​യ ഇ​വ​ർ.

എ​ത്ര വ​യ്യാ​യ്ക​യു​ണ്ടെ​ങ്കി​ലും ഓ​ണ​ക്കാ​ല​മാ​യാ​ൽ കു​റ​ച്ച് ഓ​ല​ക്കു​ട​ക​ളെ​ങ്കി​ലും ഉ​ണ്ടാ​ക്കി വി​റ്റി​ല്ലെ​ങ്കി​ൽ ജാ​ന​കി​ക്ക് ഓ​ണംവ​ന്ന "ഫീ​ൽ’ കി​ട്ടി​ല്ല. ഇ​ത് ത​ന്‍റെ നി​യോ​ഗംകൂ​ടി​യാ​ണെ​ന്നാ​ണ് ജാ​ന​കി വി​ശ്വ​സി​ക്കു​ന്ന​ത്. നാ​ല​ര​പ്പ​തി​റ്റാ​ണ്ടി​ലേ​റെ​യാ​യി ഓ​ല​ക്കു​ടനി​ർ​മാ​ണ​വും വി​ല്പന​യും ജാ​ന​കി തു​ട​ങ്ങി​യി​ട്ട്. ഇ​ന്ന് ഓ​ണം റെ​ഡി​മെ​യ്ഡാ​ണ​ന്ന് ജാ​ന​കി പ​റ​യു​മ്പോ​ൾ വാ​ക്കു​ക​ളി​ൽ നി​രാ​ശ​യു​ടെ സ്പ​ർ​ശം. പൂ​ക്ക​ള​മൊ​രു​ക്കി​യും പൂ​വി​ളി​ച്ചും തു​മ്പി​തു​ള്ളി​യു​മു​ള്ള ഗ​ത​കാ​ല ഓ​ണാ​ഘോ​ഷ​ങ്ങ​ളു​ടെ നാ​ളു​ക​ൾ തി​രി​ച്ചു​വ​രി​ല്ലെ​ന്ന് ജാ​ന​കി​യു​ടെ സാ​ക്ഷ്യ​പ​ത്രം. പ​ണ്ട് ഓ​ലക്കുട​ക​ളി​ല്ലെ​ങ്കി​ൽ മാ​തേ​വ​രെ വയ്​ക്കി​ല്ല. ഇ​ന്ന് മാ​തേ​വ​രു​മി​ല്ല, ഓ​ല​ക്കു​ട​യു​മി​ല്ല. ജാ​ന​കി​യു​ടെ വാ​ക്കു​ക​ളി​ൽ നി​രാ​ശ​യു​ടെ ലാ​ഞ്ചന​യു​ണ്ട്.


മാ​താ​പി​താ​ക്ക​ളാ​യ ആ​റു​മു​ഖ​ൻ, സീ​ത എ​ന്നി​വ​രി​ൽനി​ന്നാ​ണ് ഓ​ല​ക്കു​ട മെ​ന​ഞ്ഞെ​ടു​ക്കു​ന്ന വി​ദ്യ ജാ​ന​കി പ​രി​ശീ​ലി​ച്ച​ത്. ഇ​പ്പോ​ൾ കാ​ൽ​ക്കു​ട​യ്ക്ക് 800 രൂ​പ മു​ത​ൽ ആ​യി​രംരൂ​പ വ​രെ​യാ​ണു നി​ര​ക്ക്. സാ​ധാ​ര​ണ കു​ട​യ്ക്ക് 400 രൂ​പ വി​ലവ​രും.​

ക​ഴി​ഞ്ഞകാ​ല​ങ്ങ​ളി​ൽ കു​ട്ട​നാ​ട്ടി​ലെ വ​ള്ളം​ക​ളി​ക്കു ചെ​റി​യ തൊ​പ്പി​ക്കു​ട​ക​ൾ ആ​വ​ശ്യ​മാ​യി​രു​ന്നു. ആ​ല​പ്പു​ഴ​യി​ൽനി​ന്നു തൊ​പ്പി​ക്കു​ട​ക​ൾ​ക്കും കാ​ൽ​ക്കു​ട​ക​ൾ​ക്കും ഓ​ർ​ഡ​ർ ല​ഭി​ക്കു​ക​യും അ​തു സ​മ​യ​ത്തി​നു ത​യാ​റാ​ക്കി​ക്കൊ​ടു​ക്കു​ക​യും ചെ​യ്തി​രു​ന്നു. ഇ​ത്ത​വ​ണ അ​വ​ർ ജാ​ന​കി​യെ അ​ന്വേ​ഷി​ച്ചെ​ത്തി​യി​ല്ല. കു​ട​പ്പ​ന​യു​ടെ ഓ​ല​യും മു​ള​യും ഈ​ർ​മ്പ​ന​യു​ടെ ഈ​ര​യും ഉ​പ​യോ​ഗി​ച്ചാ​ണ് ഓ​ല​ക്കു​ട മെ​ന​ഞ്ഞെ​ടു​ക്കു​ന്ന​ത്. ഓ​ണം പ്ര​മാ​ണി​ച്ച് ഇ​ത്ത​വ​ണ കാ​ൽ​ക്കു​ട​യ്ക്ക് ഓ​ർ​ഡ​ർ ല​ഭി​ച്ചി​ട്ടു​ണ്ട്.

ക​ലാ​മ​ണ്ഡ​ല​ത്തി​ൽ ക​ഥ​ക​ളി അ​ര​ങ്ങി​ലേ​ക്കു ല​വ​നും കു​ശ​നും പി​ടി​ക്കാ​നു​ള്ള​ ഓ​ല​ക്കു​ട​ക​ളും ഈ​യി​ടെ​യാ​യി നി​ർ​മി​ച്ചുന​ൽ​കു​ന്ന​തു ജാ​ന​കി​യാ​ണ്.

ത​ന്‍റെ കാ​ല​ത്തോ​ടു​കൂ​ടി ഈ ​കു​ല​ത്തൊ​ഴി​ൽ അ​ന്യംനി​ൽ​ക്കു​മോ എ​ന്ന ആ​ശ​ങ്ക​യും ജാ​ന​കി​ക്കു​ണ്ട്. കുടനി​ർ​മാ​ണം പ​ഠി​ച്ചെ​ടു​ക്കാ​ൻ ആ​രും ത​യാറാ​വാ​ത്ത​താണ് പ്ര​ശ്ന​മെന്നും ജാനകി പറയുന്നു.