ഒറ്റ​പ്പാ​ലം: ഷൊ​ർ​ണൂ​രി​നും ഒ​റ്റ​പ്പാ​ല​ത്തി​നും മ​ധ്യേ മാ​ന്ന​ന്നൂ​രി​ൽ റെയി​ൽപാ​ള​ത്തി​ന് സ​മീ​പം മ​ണ്ണി​ടി​ഞ്ഞ ഭാ​ഗ​ങ്ങ​ളി​ൽ സം​ര​ക്ഷ​ണ​ഭി​ത്തി നി​ർ​മിക്കാ​ൻ തീ​രു​മാ​നം. അ​തേസ​മ​യം മ​ണ്ണി​ടി​ച്ചി​ലു​ണ്ടാ​യ ഭാ​ഗ​ങ്ങ​ൾ അ​പ​ക​ടാ​വ​സ്ഥ​യി​ല​ല്ലെന്ന് റെയി​ൽ​വേ അ​ധി​കൃ​ത​ർ വ്യ​ക്ത​മാ​ക്കി.​ ഇ​തുകൊ​ണ്ടുത​ന്നെ പ്ര​ദേ​ശ​ത്തെ ട്രെയിനുക​ളു​ടെ വേ​ഗ​നി​യ​ന്ത്ര​ണം ഭാ​ഗി​ക​മാ​യി പു​നഃ​സ്ഥാ​പി​ച്ചു. മാ​ന്ന​നൂ​രി​ൽ ര​ണ്ടി​ട​ങ്ങ​ളി​ലെ മ​ണ്ണി​ടി​ച്ചി​ലി​നെ​ത്തു​ട​ർ​ന്ന് 20 കി​ലോ​മീ​റ്റ​ർ വേ​ഗ​ത്തി​ലാ​യി​രു​ന്നു

ട്രെയിനുകൾ ക​ട​ന്നു​പോ​യി​രു​ന്ന​ത്. ഇ​ത് മ​ണി​ക്കൂ​റി​ൽ 75 കി​ലോ​മീ​റ്റ​ർ വേ​ഗ​ത​യി​ലാക്കി. മ​ണ്ണി​ടി​ഞ്ഞ പ്ര​ദേ​ശ​ത്ത് സു​ര​ക്ഷാ​പ്ര​ശ്ന​മി​ല്ലെ​ന്ന വി​ല​യി​രു​ത്ത​ലി​നെ​ത്തു​ട​ർ​ന്നാ​ണ് വേ​ഗ​പ​രി​ധി ഉ​യ​ർ​ത്തി​യ​തെ​ന്ന് അ​ധി​കൃ​ത​ർ പ​റ​ഞ്ഞു. നേ​ര​ത്തേ ഇ​വി​ടെ 110 കി​ലോ​മീ​റ്റ​റാ​യി​രു​ന്നു വേ​ഗം. ജൂ​ലാ​യ് 29 ന് ​രാ​ത്രി​യി​ലാ​ണ് മാ​ന്ന​നൂ​ർ റെ​യി​ൽ​വേ​സ്റ്റേ​ഷ​നും ഷൊ​ർ​ണൂ​രി​നും ഇ​ട​യി​ലെ ര​ണ്ടി​ട​ങ്ങ​ളി​ൽ മ​ണ്ണി​ടി​ച്ചി​ലു​ണ്ടാ​യ​ത്. ഇ​രു​വ​ശ​ത്തും പാ​ട​ങ്ങ​ളാ​ണ്. ഈ ​പാ​ട​ങ്ങ​ളി​ലേ​ക്കാ​ണ് മ​ണ്ണി​ടി​ഞ്ഞ​ത്. പാ​ള​ത്തി​ന് ഒ​ര​ടി അ​ക​ലെ​വ​രെ മ​ണ്ണി​ടി​ഞ്ഞു​പോ​യി​രു​ന്നു.

ഇ​നി​യും മ​ണ്ണി​ടി​യു​മോ​യെ​ന്ന ആ​ശ​ങ്ക കൊ​ണ്ടാ​ണ് സു​ര​ക്ഷ മു​ൻ​നി​ർ​ത്തി വേ​ഗം 20 കി​ലോ​മീ​റ്റ​റി​ലേ​ക്ക് ചു​രു​ക്കി​യ​ത്. നി​ല​വി​ൽ ഇ​വി​ട​ങ്ങ​ളി​ൽ മ​ണ​ൽ​ച്ചാ​ക്കു​ക​ൾ അ​ടു​ക്കി​വെ​ച്ച് സു​ര​ക്ഷ​യൊ​രു​ക്കി​യി​ട്ടു​ണ്ട്. പാ​ട​ത്തു​നി​ന്ന് പാ​ളം​നി​ൽ​ക്കു​ന്ന പ​ത്ത​ടി ഉ​യ​ര​ത്തി​ലാ​ണ് മ​ണ​ൽ​ച്ചാ​ക്ക് നി​റ​ച്ചി​ട്ടു​ള്ള​ത്.

മ​ഴ കു​റ​യു​ക​യും മ​ണ​ൽ​ച്ചാ​ക്കു​ക​ൾ നി​റ​ച്ച് താ​ത്കാ​ലി​ക സു​ര​ക്ഷ​യൊ​രു​ക്കു​ക​യും ചെ​യ്ത​തി​നാ​ൽ വേ​ഗ​നി​യ​ന്ത്ര​ണം ഭാ​ഗി​ക​മാ​യി പി​ൻ​വ​ലി​ക്കാ​ൻ സാ​ധ്യ​മാ​യി. മ​ണ്ണി​ടി​ഞ്ഞ ഭാ​ഗ​ങ്ങ​ളി​ൽ സം​ര​ക്ഷ​ണ​ഭി​ത്തി നി​ർ​മി​ക്കാ​നു​ള്ള ന​ട​പ​ടി​യും റെ​യി​ൽ​വേ തു​ട​ങ്ങി​യി​ട്ടു​ണ്ട്. അ​പ്‌​ലൈ​നി​നോ​ടു​ചേ​ർ​ന്ന ഭാ​ഗ​ത്ത് മ​ണ്ണി​ടി​ഞ്ഞി​ട​ത്താ​ണ് സം​ര​ക്ഷ​ണ​ഭി​ത്തി നി​ർ​മി​ക്കു​ക.