ആ​ല​ത്തൂ​ർ: കൃ​ഷി​ഭ​വ​ൻ പ​രി​ധി​യി​ലെ പാ​ട​ശേ​ഖ​ര​ങ്ങ​ളി​ൽ ഓ​ല​ക​രി​ച്ചി​ൽ രോ​ഗം വ്യാ​പ​ക​മാ​കു​ന്നു. ഇ​ട​വി​ട്ട് വെ​യി​ലും മ​ഴ​യും ഉ​ള്ള മൂ​ടി​ക്കെ​ട്ടി​യ കാ​ലാ​വ​സ്ഥ​യി​ൽ രോ​ഗം അ​തി​വേ​ഗം വ്യാ​പി​ക്കു​ക​യാ​ണ്. മ​ണ്ഡ​രി​ബാ​ധി​ച്ച നെ​ൽ​ചെ​ടി​യി​ലെ മു​റി​വു​ക​ളി​ൽകൂ​ടി​യും രോ​ഗം കൂ​ടു​ത​ൽ വ്യാ​പി​ക്കു​ന്നു​മു​ണ്ട്. രോ​ഗം ബാ​ധി​ച്ച പാ​ട​ത്തെ മ​ണ്ണി​ൽ, വെ​ള്ള​ത്തി​ൽ, ക​ള​സ​സ്യ​ങ്ങ​ളി​ൽ, വ​രി​നെ​ല്ലി​ൽ, കൊ​യ്ത്തു ക​ഴി​ഞ്ഞ പാ​ട​ത്തെ വൈ​ക്കോ​ൽകു​റ്റി​ക​ളി​ൽ, നെ​ൽ​വി​ത്തി​ൽ, ഇ​തി​ൽ എ​ല്ലാം​ത​ന്നെ മൂന്നുമാ​സ​ം നി​ല​നി​ൽ​ക്കാ​ൻ ഈ ​ബാ​ക്‌​ടീ​രി​യ​യ്ക്ക് ക​ഴി​വു​ണ്ട് . അ​നു​കൂ​ല​മാ​യ കാ​ലാ​വ​സ്ഥ​യി​ൽ ബാ​ക്ടീ​രി​യ പെ​രു​കി രോ​ഗം അ​തി​വേ​ഗം പൊ​ട്ടി​പ്പു​റ​പ്പെ​ട്ടു വ്യാ​പി​ക്കു​ന്നു.

രോ​ഗം ബാ​ധി​ച്ച ഒ​രു പാ​ട​ത്തു​നി​ന്നും മ​റ്റു​ള്ള പാ​ട​ങ്ങ​ളി​ലേ​ക്കു വെ​ള്ള​ത്തി​ലൂ​ടെ​യും രോ​ഗം അ​തി​വേ​ഗം പ​ട​രു​ന്നു. ഇ​ല​യു​ടെ അ​റ്റ​ത്തു​നി​ന്നും ആ​രം​ഭി​ക്കു​ന്ന ക​രി​ച്ചി​ൽ നെ​ല്ലോ​ല​യെ പൂ​ർണ​മാ​യും ബാ​ധി​ക്കു​ക​യും ഓ​ല​ക​ൾ ക​രി​ഞ്ഞുന​ശി​ക്കു​ക​യും ചെ​യ്യു​ന്ന​താ​ണ് രോ​ഗ​ല​ക്ഷ​ണം. നെ​ല്ലി​ന്‍റെ ത​ണ്ടി​ന് ചു​റ്റും അ​ഴു​കി​യ​പോ​ലെ ക​റു​ത്ത നി​റ​ത്തി​ൽ കാ​ണ​പ്പെ​ടു​ക​യും ത​ണ്ടും വേ​രു​ക​ളും ഉ​ൾ​പ്പെ​ടെ ഓ​രോ നു​രി​യും പൂ​ർ​ണ​മാ​യി ന​ശി​ക്കു​ക​യും ചെ​യ്യു​ന്നു. ക​തി​രുവ​രു​ന്ന സ​മ​യമാ​ണെ​ങ്കി​ൽ കൊ​തു​മ്പോ​ല​ക​ളി​ൽ ക​രി​ച്ചി​ൽ വ​ന്നു ക​തി​രു മു​ഴു​വ​ൻ പ​തി​രാ​വു​ക​യും ചെ​യ്യു​മെ​ന്നു കൃ​ഷി ഓ​ഫീ​സ​ർ കെ.​ശ്രു​തി പ​റ​ഞ്ഞു.