പ​ട്ടാ​മ്പിപ്പാ​ലം ഗ​താ​ഗ​ത​ത്തി​നു തു​റ​ന്നു കൊ​ടു​ക്ക​ണം: വി.​കെ.​ ശ്രീക​ണ്ഠ​ൻ എംപി
Tuesday, August 6, 2024 12:18 AM IST
ഷൊർ​ണൂ​ർ:​ അ​ട​ച്ചി​ട്ട പ​ട്ടാ​മ്പി പാ​ലം ഗ​താ​ഗ​ത​ത്തി​ന് തു​റ​ന്നു​കൊ​ടു​ക്കാ​ൻ ക​ഴി​യാ​ത്ത​ത് സ​ർ​ക്കാ​രിന്‍റെ വീ​ഴ്ച​യാ​ണെ​ന്ന് വി.​കെ ശ്രീ​ക​ണ്ഠ​ൻ എംപി. പ​ട്ടാ​മ്പി പാ​ലം സ​ന്ദ​ർ​ശി​ച്ച ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പ്ര​ള​യ​ത്തെ തു​ട​ർ​ന്നു​ണ്ടാ​യ കു​ത്തൊ​ഴു​ക്കി​ൽ കൈ​വ​രി​ക​ൾ ത​ക​ർ​ന്ന പാ​ലം അ​പ​ക​ട​ത്തി​ലാ​ണെ​ന്ന ആ​ശ​ങ്ക​യു​ണ്ട്. ചീ​ഫ് എൻജിനീ​യ​റു​ടെ നേ​തൃ​ത്വ​ത്തി​ലു​ള്ള വി​ദ​ഗ്ധസം​ഘ​ത്തെ​കൊ​ണ്ട് അ​ടി​യ​ന്തര​മാ​യി പാ​ല​ത്തി​ന്‍റെ ബ​ല​ക്ഷ​യം പ​രി​ശോ​ധി​ക്കാ​ൻ സ​ർ​ക്കാ​ർ ത​യ്യാ​റാ​ക​ണം.

പാ​ലം അ​ട​ച്ചി​ട്ട് അ​ഞ്ച് ദി​വ​സ​മാ​യി​ട്ടും, പു​ഴ​യി​ലെ ജ​ല​നി​ര​പ്പ് താ​ഴ്ന്നി​ട്ടും ശാ​സ്ത്രീ​യ​മാ​യ ഒ​രു പ​രി​ശോ​ധ​ന​യും ഇ​തു​വ​രെ ന​ട​ന്നി​ട്ടി​ല്ല. ഇ​ത് സ​ർ​ക്കാ​രിന്‍റെ ഭാ​ഗ​ത്തു​നി​ന്നു​ണ്ടാ​യ ഗു​രു​ത​ര വീ​ഴ്ച​യാ​ണ്. പാ​ല​ത്തി​ന്‍റെ കൈ​വ​രി​ക​ൾ ത​ക​ർ​ന്നുപോ​യ​ത് ഒ​ഴി​ച്ചാ​ൽ പ്രാ​ഥ​മി​ക പ​രി​ശോ​ധ​ന​യി​ൽ പാ​ല​ത്തി​ന്‍റെ തൂ​ണു​ക​ൾ​ക്ക് കാ​ര്യ​മാ​യ ബ​ല​ക്ഷ​യം ഒ​ന്നു​മി​ല്ലെന്നാ​ണ് ഉ​ദ്യോ​ഗ​സ്ഥ​ർ അറിയിച്ചതെന്ന് എംപി പറഞ്ഞു.


പാ​ലം അ​ട​ച്ച പൊ​തു​മ​രാ​മ​ത്ത് അ​ധി​കൃ​ത​ർ പാ​ല​വു​മാ​യി ബ​ന്ധ​പ്പെ​ട്ട പ​രി​ശോ​ധ​ന​ക​ൾ പെ​ട്ടെ​ന്ന് ന​ട​ത്തി പാ​ലം തു​റ​ന്നുകൊ​ടു​ക്കു​വാ​നോ ബ​ദ​ൽ സം​വി​ധാ​നം ഏ​ർ​പ്പെ​ടു​ത്തു​വാ​നോ ത​യ്യാ​റാ​ക​ണം. ഇ​തുസം​ബ​ന്ധി​ച്ച് മു​ഖ്യ​മ​ന്ത്രി​ക്ക് ക​ത്ത് ന​ൽ​കു​മെ​ന്നും ശ്രീ​ക​ണ്ഠ​ൻ പ​റ​ഞ്ഞു. കോ​ൺ​ഗ്ര​സ് നേ​താ​ക്ക​ളാ​യ റി​യാ​സ് മു​ക്കോ​ളി, പി.​കെ. ഉ​ണ്ണി​കൃ​ഷ്ണ​ൻ, ക​മ്മു​ക്കു​ട്ടി എ​ട​ത്തോ​ൾ, അ​ഡ്വ. രാ​മ​ദാ​സ്, കെ.​ആ​ർ. നാ​രാ​യ​ണ​സ്വാ​മി, ജി​തേ​ഷ് മോ​ഴി​ക്കു​ന്നം, എ.​പി. രാ​മ​ദാ​സ്, ഉ​മ്മ​ർ കി​ഴാ​യൂ​ർ പ്രസംഗിച്ചു.