വണ്ടി​ത്താ​വ​ളം: പ​ള്ളി​മൊ​ക്ക് -ചു​ള്ളി​പ്പെ​രു​ക്ക​മേ​ട് സം​സ്ഥാ​ന പാ​ത​യി​ൽ പാ​റ​ക്ക​ളം വളവിനു സ​മീ​പം തെരുവ്നാ​യ കു​റു​കെ ചാടിയതിനെ തുടർന്ന് ബൈ​ക്ക് മ​റി​ഞ്ഞ് ര​ണ്ടുപേ​ർ​ക്ക് പ​രി​ക്കേറ്റു. ഗോ​പാ​ല​പു​രത്തെ സ്വ​കാ​ര്യ ധ​ന​കാ​ര്യ​സ്ഥാ​പ​നത്തിലെ ജീ​വ​ന​ക്കാ​രാ​യിരുന്നു ബൈ​ക്ക് യാ​ത്രി​ക​ർ. അ​പ​ക​ട​സ്ഥ​ല​ത്തു​ണ്ടാ​യി​രു​ന്ന​വ​ർ ഇ​രു​വ​രേ​യും സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച് പ്രാ​ഥ​മി​ക ചി​കി​ത്സ ന​ൽ​കി. ഇ​ന്ന​ലെ പ​ക​ൽ 12.30 നാ​ണ് അ​പ​ക​ടം.

വ​ണ്ടി​ത്താ​വ​ളം സ്കൂളി​ലേ​ക്ക് വി​ദ്യാ​ർ​ഥിക​ൾ ഇ​തു​വ​ഴി സ​ഞ്ച​രി​ക്കു​ന്ന​ത് ര​ക്ഷി​താ​ക്ക​ൾ​ക്കൊ​പ്പ​മാ​ണ്. ടൗ​ണി​ൽ വ്യാ​പാ​ര​സ്ഥാ​പ​ന​ങ്ങ​ൾ​ക്കു മു​ന്നി​ലും നി​ർ​ത്തി​യി​ട്ട വാ​ഹ​ന​ങ്ങ​ൾ​ക്ക​ടി​യി​ലു​മാ​ണ് നാ​യ​ക​ൾ ത​മ്പ​ടി​ക്കു​ന്ന​ത്. വാ​ഹ​ന​ങ്ങ​ൾ വ​രു​മ്പോ​ൾ പെ​ട്ടെ​ന്ന് ചാ​ടി വീ​ഴു​ന്ന​താ​ണ് അ​പ​ക​ട​ത്തി​നു കാ​ര​ണ​മാ​വു​ന്ന​ത്. മു​ന്പ് പേ​യി​ള​കി​യ​ നാ​യ ഓ​ട്ടോ ഡ്രൈ​വ​ർ, വി​ദ്യാ​ർ​ഥി, വ​യോ​ധി​ക​ൻ ഉ​ൾ​പ്പെ​ടെ പ​തി​ന​ഞ്ച് പേ​രെ ക​ടി​ച്ച സം​ഭ​വം ന​ട​ന്നി​രു​ന്നു. നാ​യ​പി​ടിത്ത നി​രോ​ധ​നം നി​ല​വി​ലു​ള്ള​തി​നാ​ൽ ​ഇ​ട​പെ​ടാ​നാ​വി​ല്ലെ​ന്ന നി​ല​പാ​ടി​ലാ​ണ് പ​ഞ്ചാ​യ​ത്ത് അ​ധി​കൃ​ത​ർ. തെ​രു​വ്നാ​യ പ്ര​ശ്ന​ത്തി​ൽ ബ​ന്ധ​പ്പെ​ട്ട അ​ധി​കൃ​ത​ർ അ​ടി​യ​ന്ത​ര​മാ​യി ന​ട​പ​ടി സ്വീ​ക​ര​ിക്കണ​മെ​ന്ന ജ​ന​കീ​യാ​വ​ശ്യം ശ​ക്ത​മാ​ണ്.