ഫ്രാ​ൻ​സി​സ് ത​യ്യൂ​ർ

വ​ട​ക്ക​ഞ്ചേ​രി: വ​ട​ക്ക​ഞ്ചേ​രി ടൗ​ണി​ന​ടു​ത്ത് പാ​ള​യം സെ​ന്‍റ​റി​ലെ കൃ​ഷ്ണ​മൂ​ർ​ത്തി മീ​ൻ പി​ടി​ക്കാ​നു​ള്ള കു​രു​ത്തി (മീ​ൻ​കൂ​ട്) നി​ർ​മാ​ണ തി​ര​ക്കി​ലാ​ണ്.

പു​ഴ​ക​ളി​ലും തോ​ടു​ക​ളി​ലും പാ​ട​ങ്ങ​ളി​ലു​മെ​ല്ലാം വെ​ള്ള​മാ​യ​പ്പോ​ൾ കൃ​ഷ്ണ​മൂ​ർ​ത്തി​യു​ടെ കു​രു​ത്തി അ​ന്വേ​ഷി​ച്ചു വ​രു​ന്ന​വ​രും കൂ​ടി. മു​ള​യു​ടെ അ​ല​കു​ക​ൾ കൊ​ണ്ട് ചെ​റു​പ​ക്ഷി​ക​ൾ കൂ​ടൊ​രു​ക്കും മ​ട്ടി​ലാ​ണ് കൃ​ഷ്ണ​മൂ​ർ​ത്തി കു​രു​ത്തി​ക​ൾ നി​ർ​മി​ച്ചു കൂ​ട്ടു​ന്ന​ത്.

ആ​വ​ശ്യ​ക്കാ​രു​ടെ താ​ൽ​പ​ര്യ​പ്ര​കാ​രം ഏ​ത് ഷെ​യ്പ്പി​ലും കൃ​ഷ്ണ​മൂ​ർ​ത്തി​യു​ടെ ക​ര​വി​രു​തി​ൽ കു​രു​ത്തി​ക​ൾ രൂ​പ​പ്പെ​ടും. ചെ​റി​യ മീ​നു​ക​ൾ​ക്കും വ​ലി​യ മീ​നു​ക​ൾ​ക്കും വെ​വേ​റെ കു​രു​ത്തി​ക​ളു​ണ്ട്.

ചെ​ത്തി മി​നു​പ്പാ​ക്കി​യ മു​ള​യു​ടെ അ​ല​കു​ക​ൾ കൂ​ട്ടി​വ​ച്ച് പ്ലാ​സ്റ്റി​ക് ക​യ​ർ കൊ​ണ്ട് കെ​ട്ടി മു​റു​ക്കും. ര​ണ്ട​ര അ​ടി നീ​ള​മു​ള്ള കു​രു​ത്തി​ക്ക് 101 അ​ല​കു​ക​ൾ വേ​ണ​മെ​ന്ന് കൃ​ഷ്ണ​മൂ​ർ​ത്തി പ​റ​ഞ്ഞു. കു​റ​ച്ചു ക്ഷ​മ​യും സ​മ​യ​വുംവേ​ണ്ട പ​ണി​യാ​ണി​ത്.

താ​ഴ്ന്ന ഭാ​ഗ​ത്തു​നി​ന്നു മീ​ൻ മു​ക​ളി​ലേ​ക്ക് ചാ​ടു​ന്ന സ്ഥ​ല​ത്ത് സ്ഥാ​പി​ക്കാ​നും, വ​രി​യാ​യി മീ​നു​ക​ൾ ക​യ​റി​പ്പോ​കു​ന്ന സ്ഥ​ല​ത്ത് സ്ഥാ​പി​ക്കാ​നാ​ണെ​ങ്കി​ൽ അ​തി​നു​ള്ള പ്ര​ത്യേ​ക രീ​തി​യി​ലു​ള്ള കു​രു​ത്തി​ക​ളും കൃ​ഷ്ണ​മൂ​ർ​ത്തി​യു​ടെ പ​ണി​പ്പു​ര​യി​ലു​ണ്ട്. വെ​ള്ള​ത്തി​ന്‍റെ ഒ​ഴു​ക്കി​ന​നു​സ​രി​ച്ച് സ്ഥാ​പി​ക്കാ​നു​ള്ള കു​രു​ത്തി​ക​ളു​മു​ണ്ട്. തോ​ടു​ക​ളി​ലേ​ക്കു​ള്ള കൈച്ചാ​ലു​ക​ൾ, നെ​ൽ​പ്പാ​ട​ങ്ങ​ളി​ലെ ക​ഴ​ക​ൾ ഇ​വി​ട​ങ്ങ​ളി​ൽ കു​രു​ത്തി വ​ച്ചാ​ൽ മീ​ൻ വ​ന്നുനി​റ​യും.

പു​തു​മ​ഴ​യോ​ടെ​യാ​ണ് മീ​ൻ ഇ​റ​ക്കം കൂ​ടു​ത​ലും ഉ​ണ്ടാ​വു​ക. പു​തി​യ മേ​ച്ചി​ൽ പു​റ​ങ്ങ​ൾ തേ​ടി​യു​ള്ള മീ​നു​ക​ളു​ടെ ഇ​റ​ക്കം ഈ ​സ​മ​യ​ങ്ങ​ളി​ലാ​ണ്. ക​ര​യി​ൽനി​ന്നു കു​ള​ത്തി​ലേ​ക്ക് വെ​ള്ളം ഒ​ളി​ച്ചു​റ​ങ്ങു​ന്ന​തി​നൊ​പ്പം മീ​നു​ക​ളും ക​യ​റും. ഇ​വി​ട​ങ്ങ​ളി​ലെ​ല്ലാം കു​രു​ത്തി​പ്ര​യോ​ഗം ന​ട​ത്താം. പാ​ട​ങ്ങ​ളി​ൽ കു​രു​ത്തിവ​ച്ചാ​ൽ അ​ത് മോ​ഷ്ടി​ക്കു​ന്ന പ​തി​വും വ്യാ​പ​ക​മാ​യി​ട്ടു​ണ്ട്.

ത​ന്‍റെ ര​ണ്ടു കു​രു​ത്തി ഈ ​ദി​വ​സ​ങ്ങ​ളി​ൽ ന​ഷ്ട​പ്പെ​ട്ട​താ​യി കൃ​ഷ്ണ​മൂ​ർ​ത്തി പ​റ​ഞ്ഞു. ഇ​തി​നാ​ൽ പാ​ട​ങ്ങ​ളി​ൽ കു​രു​ത്തിവ​ച്ചാ​ൽ രാ​ത്രി കാ​വ​ലി​രി​ക്ക​ണം. ചി​ല​പ്പോ​ൾ കു​രു​ത്തി​യി​ൽ പാ​മ്പു​ക​ളും കു​ടു​ങ്ങും. ഇ​തി​നാ​ൽ രാ​ത്രി​ക​ളി​ൽ വെ​ളി​ച്ച​മി​ല്ലാ​തെ കു​രു​ത്തി​ക്കു​ള്ളി​ൽ കൈ ​ഇ​ടു​ന്ന​തും സൂ​ക്ഷി​ച്ചു വേ​ണം.

വ​രു​മാ​ന​ത്തി​ന​പ്പു​റം മീ​ൻ പി​ടി​ക്ക​ൽ ര​സ​ക​ര​മാ​യി കാ​ണു​ന്ന​വ​രു​ണ്ട്. ചൂ​ണ്ട​യി​ടു​ന്ന​തും കു​രു​ത്തി​വ​ക്ക​ലും ഇ​ക്കൂ​ട്ട​ർ​ക്ക് ര​സ​ക​ര​മാ​യൊ​രു നേ​രം പോ​ക്കാ​ണ്.​ ഇ​വ​രും കു​രു​ത്തി​യു​ടെ ആ​വ​ശ്യ​ക്കാ​രാ​ണ്. നാ​ട​ൻ മ​ത്സ്യ​ങ്ങ​ളു​ടെ കു​റ​വും ഭീ​ഷണി​യാ​ണെ​ന്ന് കൃ​ഷ്ണ​മൂ​ർ​ത്തി പ​റ​ഞ്ഞു. പ​ഴ​യ​കാ​ല ഓ​ർ​മ​ക​ളി​ലേ​ക്കു​ള്ള ന​ട​ന്നു​പോ​ക്കു കൂ​ടി​യാ​ണ് കു​രു​ത്തി വയ്​ക്ക​ലും ചൂ​ണ്ട​യി​ട​ലു​മൊ​ക്കെ.