മം​ഗ​ലം​ഡാം മേ​ഖ​ല​യി​ൽ വീ​ണ്ടും കാ​ട്ടാ​ന ശ​ല്യം രൂ​ക്ഷം
Tuesday, March 5, 2024 1:26 AM IST
മംഗ​ലംഡാം: ​നേ​ർ​ച്ച​പ്പാ​റ​യി​ൽ ഇ​ന്ന​ലെ പു​ല​ർ​ച്ചെ വീ​ണ്ടും കാ​ട്ടാ​ന ഇ​റ​ങ്ങി. രാ​വി​ലെ നാ​ല​ര​യ്ക്ക് റ​ബ​ർ ടാ​പ്പി​ംഗിന് ഇ​റ​ങ്ങി​യ ചാ​ക്കോ എ​ന്ന തൊ​ഴി​ലാ​ളി​യാ​ണ് ആ​ന​യു​ടെ മു​ന്നി​ൽ ചെ​ന്ന് പെ​ട്ട​ത്. ആ​ന​യു​ടെ മു​ന്നി​ൽ നി​ന്ന് ഓ​ടി മാ​റി​യാ​ണ് ചാ​ക്കോ ര​ക്ഷ​പ്പെ​ട്ട​ത്.

ആ​ന നി​ൽ​ക്കു​ന്ന​ത് അ​റി​യാ​തെ മ​റ്റു ര​ണ്ടു ടാ​പ്പിം​ഗ് തൊ​ഴി​ലാ​ളി​ക​ൾ വ​ള​രെ അ​ടു​ത്താ​യി ടാ​പ്പിം​ഗ് ന​ട​ത്തു​ന്നു​ണ്ടാ​യി​രു​ന്നു. തെ​ള്ളി​യി​ൽ ആന്‍റോ​യു​ടെ കൃ​ഷി സ്ഥ​ല​ത്ത് ക​ട​ന്ന ആ​ന നൂ​റോ​ളം വാ​ഴ​ക​ളും ര​ണ്ടു തെ​ങ്ങു​ക​ളും ര​ണ്ട് ക​മു​ക​ളും കു​രു​മു​ള​ക് കൊ​ടി​ക​ളും ന​ശി​പ്പി​ച്ചു.

ക​ഴി​ഞ്ഞ​മാ​സം ഇ​തേ കൃ​ഷി സ്ഥ​ല​ത്ത് ത​ന്നെ ആ​ന ക​യ​റി വ​ൻ​തോ​തി​ൽ ന​ഷ്ട​ങ്ങ​ൾ വ​രു​ത്തി​യി​രു​ന്ന​താ​ണ്. വ​നം​വ​കു​പ്പി​ൽ ന​ഷ്ട​പ​രി​ഹാ​ര​ത്തി​ന് അ​പേ​ക്ഷ കൊ​ടു​ത്തി​രു​ന്നു. ഇ​തു​വ​രെ ന​ട​പ​ടി​ക​ൾ ഒ​ന്നും ഉ​ണ്ടാ​യി​ട്ടി​ല്ല. ക​ഴി​ഞ്ഞ മാ​സം നേ​ർ​ച്ച​പ്പാ​റ​യി​ലെ കൃ​ഷി​നാ​ശം ഉ​ണ്ടാ​യ ഏഴു ക​ർ​ഷ​ക​ർ കൃ​ഷി​നാ​ശം ഉ​ണ്ടാ​യ​തി​ന്‍റെ സ​ർ​ട്ടി​ഫി​ക്ക​റ്റ് ല​ഭി​ക്കാ​നാ​യി വ​ണ്ടാ​ഴി കൃ​ഷി​ഭ​വ​ൻ അ​ഗ്രി​ക​ൾ​ച്ച​റ​ൽ ഓ​ഫീ​സ​റെ സ​മീ​പി​ച്ച​പ്പോ​ൾ കാ​ട്ടാ​ന കൃ​ഷി ന​ശി​പ്പി​ച്ചാ​ൽ അ​തി​ന്‍റെ ക​ണ​ക്കെ​ടു​ക്കാ​ൻ വ​നം​വ​കു​പ്പി​നെ സാ​ധി​ക്കൂ എ​ന്നു പ​റ​ഞ്ഞു സ​ർ​ട്ടി​ഫി​ക്ക​റ്റ് നി​ഷേ​ധി​ച്ചി​രു​ന്നു.

കൃ​ഷി​നാ​ശ​വും സാ​മ്പ​ത്തി​ക ബാ​ധ്യ​ത​യും മൂ​ലം ന​ട്ടം​തി​രി​യു​ന്ന ക​ർ​ഷ​ക​ർ​ക്ക് ആ​ശ്വാ​സ​മാ​കേ​ണ്ട ഗ​വ​ൺ​മെ​ന്‍റ് ഡി​പ്പാ​ർ​ട്ട്മെ​ന്‍റ് ഉ​ത്ത​ര​വാ​ദി​ത്വ​മി​ല്ലാ​തെ പെ​രു​മാ​റു​ന്ന​തി​ൽ ക​ർ​ഷ​ക​ർ​ക്ക് വ​ലി​യ ആ​ശ​ങ്ക​യു​ണ്ട്. കൃ​ഷി വ​കു​പ്പ് മ​ന്ത്രി​ക്കും കൃ​ഷി ഡി​പ്പാ​ർ​ട്ട്മെ​ന്‍റ് ഡ​യ​റ​ക്ട​ർ​ക്കും സ്ഥ​ലം എം​എ​ൽ​എ, എം​പി എ​ന്നി​വ​ർ​ക്കും ക​ർ​ഷ​ക​ർ പ​രാ​തി അ​യ​ച്ചി​ട്ടു​ണ്ട്. അ​മ്പ​തോ​ളം വീ​ടു​ക​ളു​ള്ള നേ​ർ​ച്ച​പ്പാ​റ ഏ​രി​യ​യി​ൽ ആ​ന​ക​ൾ വീ​ടു​ക​ൾ​ക്ക് സ​മീ​പം രാ​ത്രി സ​ഞ്ച​രി​ക്കു​ന്നു.

ഇ​ന്ന​ലെ​യും വീ​ടു​ക​ൾ​ക്ക് വ​ള​രെ അ​ടു​ത്താ​യി ആ​ന വ​ന്നി​രു​ന്നു. ഇ​ത് വ​ള​രെ അ​പ​ക​ട​ക​ര​മാ​യ അ​വ​സ്ഥ​യാ​ണ്. പ​ല​പ്രാ​വ​ശ്യം മ​ന്ത്രി മു​ത​ലു​ള്ള അ​ധി​കാ​രി​ക​ൾ​ക്ക് പ​രാ​തി ന​ൽ​കി​യി​രു​ന്നെ​ങ്കി​ലും വേ​ണ്ട ന​ട​പ​ടി​ക​ൾ ഉ​ണ്ടാ​കാ​ത്ത​തി​ൽ കി​ഫ ലോ​ക്ക​ൽ ക​മ്മി​റ്റി ശ​ക്ത​മാ​യ പ്ര​തി​ഷേ​ധം രേ​ഖ​പ്പെ​ടു​ത്തി.