ഷൊർണൂർ: ട്രെയിനിൽ നിന്ന് ഭാരതപ്പുഴയിലേക്ക് വീണ തിരുവനന്തപുരം സ്വദേശി വിനോദ് കുമാറിന്റെ (52) മൃതദേഹം കണ്ടെത്തി.
കോഴിക്കോട്ട് നിന്ന് മീറ്റിംഗ് കഴിഞ്ഞ് നിസാമുദ്ദീൻ എക്സ്പ്രസിൽ നാട്ടിലേക്ക് മടങ്ങുമ്പോൾ ചൊവ്വാഴ്ചയായിരുന്നു അപകടം. റെയിൽവെ പാലത്തിലൂടെ ട്രെയിൻ കടന്ന് പോകുമ്പോൾ ഒരാൾ പുഴയിലേക്ക് വീണതായി സംശയിക്കുന്നതായി സഹയാത്രികൻ റെയിൽവെ അധികൃതർക്ക് വിവരം നൽകിയിരുന്നു. ഇതേ തുടർന്ന് ഫയർഫോഴ്സും സന്നദ്ധ പ്രവർത്തകരും മറ്റും നടത്തിയ മണിക്കൂറുകൾ നീണ്ട തെരച്ചിലിലാണ് ഇന്നലെ രാവിലെ മൃതദേഹം കണ്ടെത്തിയത്.