വന്യമൃഗങ്ങൾ നാട്ടിൽ; കണ്ണു തുറക്കാതെ അധികൃതർ, ജീവഭയത്തിൽ ജനങ്ങൾ...
Thursday, February 22, 2024 1:49 AM IST
പാലക്കാട്: സം​സ്ഥാ​ന​ത്ത് വ​ന്യ​ജീ​വി ആ​ക്ര​മ​ണ​ത്തി​ൽ അ​ഞ്ചു വ​ർ​ഷ​ത്തി​നി​ടെ കൊ​ല്ല​പ്പെ​ട്ട​ത് 650 പേ​രെ​ന്ന് ക​ണ​ക്കു​ക​ൾ. ഇ​തി​ൽ ഏ​റെ​യും പേ​ർ​ക്ക് ജീ​വ​ൻ ന​ഷ്ട​പ്പെ​ട്ട​ത് കാ​ട്ടാ​ന​യു​ടെ ആ​ക്ര​മ​ണ​ത്തെ തു​ട​ർ​ന്നാ​ണ്. ഏ​റ്റ​വും കൂ​ടു​ത​ൽ പേ​ർ മ​രി​ച്ച​തു പാ​ല​ക്കാ​ട് ജി​ല്ല​യി​ലാ​ണ്.

43 പേ​ർ​ക്ക് പാ​ല​ക്കാ​ട് ജി​ല്ല​യി​ൽ മാ​ത്രം ജീവ​ൻ ന​ഷ്ട​മാ​യി. 2016 മു​ത​ൽ 2021 വ​രെ​യു​ള്ള ക​ണ​ക്കു​ക​ൾ പ്ര​കാ​ര​മാ​ണി​ത്. 25 പേർ കൊ​ല്ല​പ്പെ​ട്ട വ​യ​നാ​ടും 24 പേ​ർ കൊ​ല്ല​പ്പെ​ട്ട ഇ​ടു​ക്കി​യു​മാ​ണ് യ​ഥാ​ക്ര​മം ര​ണ്ട്, മൂ​ന്ന് സ്ഥാ​ന​ങ്ങ​ളിലുള്ള​ത്. വ​ന്യ​ജീ​വി​ക​ളു​ടെ ആ​ക്ര​മ​ണ​ത്തി​ൽ ഏ​റ്റ​വും പേ​ർ​ക്ക് പ​രി​ക്കേ​റ്റ​ത് ക​ണ്ണൂ​ർ ജി​ല്ല​യി​ലാ​ണ്. 1300 പേ​ർ​ക്ക് ജി​ല്ല​യി​ൽ പ​രി​ക്കേ​റ്റു. മ​ല​പ്പു​റം, പാ​ല​ക്കാ​ട്, വ​യ​നാ​ട് ജി​ല്ല​ക​ളി​ലും ആ​യി​ര​ത്തി​ലേ​റെ പേ​ർ​ക്ക് വ​ന്യ​ജീ​വി​ക​ളു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റി​ട്ടു​ണ്ടെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. പ​ന്നി​ക​ളു​ടെ ആ​ക്ര​മ​ണ​ത്തി​ലാ​ണ് കൂ​ടു​ത​ൽ പേ​ർ​ക്കും പ​രി​ക്കേ​റ്റി​ട്ടു​ള്ള​ത്.

ആളൊഴിഞ്ഞ് വിജിഷയുടെ വീട്

മം​ഗ​ലം​ഡാം: ക​രി​ങ്ക​യ​ത്തു​ണ്ടാ​യ കാ​ട്ടു​പ​ന്നി ആ​ക്ര​മ​ണ​ത്തി​ൽ ഓ​ട്ടോ​റി​ക്ഷ മ​റി​ഞ്ഞ് മ​രി​ച്ച​ത് ഓ​ട്ടോ ഡ്രൈ​വ​റാ​യി​രു​ന്ന വി​ജി​ഷ സോ​ണി​യ (36) എ​ന്ന​ വീ​ട്ട​മ്മ​യാ​യി​രു​ന്നു. ക​ഴി​ഞ്ഞ ജൂ​ലൈ 12നാ​യി​രു​ന്നു ഈ ​അ​പ​ക​ടം. ഓ​ടം​തോ​ട്ടി​ൽ നി​ന്നും വ​ട​ക്ക​ഞ്ചേ​രി സെ​ന്‍റ് ഫ്രാ​ൻ​സി​സ് സ്കൂ​ളി​ലേ​ക്ക് കു​ട്ടി​ക​ളു​മാ​യി ഓ​ട്ടോ ഓ​ടി​ച്ചു വ​രി​ക​യാ​യി​രു​ന്നു വി​ജി​ഷ. ക​രി​ങ്ക​യം ഫോ​റ​സ്റ്റ് ഓ​ഫീ​സി​ന​ടു​ത്തു​വ​ച്ച് റോ​ഡി​നു കു​റു​കെ ഓ​ടി​യ പ​ന്നി​ക്കൂ​ട്ടം ഓ​ട്ടോ​യി​ലി​ടി​ച്ചു. ഇ​തോ​ടെ നി​യ​ന്ത്ര​ണം​വി​ട്ട ഓ​ട്ടോ​റി​ക്ഷ റോ​ഡി​ൽ മ​റി​ഞ്ഞു. ഗു​രു​ത​ര​മാ​യി പ​രി​ക്കേ​റ്റ വി​ജി​ഷ​യെ ഉ​ട​ൻ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. അ​പ​ക​ട​ത്തി​ൽ ഓ​ട്ടോ​യി​ലെ യാ​ത്ര​ക്കാ​രാ​യ മൂ​ന്ന് സ്കൂ​ൾ കു​ട്ടി​ക​ൾ​ക്കും പ​രി​ക്കേ​റ്റി​രു​ന്നു. അ​മ്മ ന​ഷ്ട​പ്പെ​ട്ട​തി​ന്‍റെ സ​ങ്ക​ട​ത്തി​ലാ​ണ് പ​ത്താം​ക്ലാ​സി​ൽ പ​ഠി​ക്കു​ന്ന ഇ​വ​രു​ടെ മൂ​ത്ത​മ​ക​ൻ അ​ശോ​കും ഒ​മ്പ​താം ക്ലാ​സി​ൽ പ​ഠി​ക്കു​ന്ന ആ​കാ​ശും. വി​ജീ​ഷ​യു​ടെ വീ​ടാ​യ നെ​ല്ലി​യാ​മ്പ​ട​ത്താ​ണ് ഇ​വ​രി​പ്പോ​ൾ. മു​ത്ത​ശ്ശി രു​ക്മ​ിണി​യാ​ണ് ഇ​വ​രെ നോ​ക്കു​ന്ന​ത്. ഭാ​ര്യ ന​ഷ്ട​പ്പെ​ട്ട​തോ​ടെ കി​ഴ​ക്ക​ഞ്ചേ​രി വ​ക്കാ​ല ആ​ലം​പ​ള്ളം മ​നോ​ജ്, വീ​ട്ടി​ൽ ത​നി​ച്ചാ​ണ്. ഭാ​ര്യ​യു​ടെ വി​യോ​ഗം ഈ ​യു​വാ​വി​നും ഇ​നി​യും ഉ​ൾ​ക്കൊ​ള്ളാ​നാ​യി​ട്ടി​ല്ല.


ത​ന്‍റെ ധൈ​ര്യ​വും ശ​ക്തി​യു​മാ​യി​രു​ന്നു അ​വ​ൾ. എ​ന്നെ സ​ഹാ​യി​ക്കാ​നാ​ണ് ഡ്രൈ​വിം​ഗ് പ​ഠി​ച്ച​ത്. ഏ​ഴു​വ​ർ​ഷ​മാ​യി യാ​തൊ​രു അ​പ​ക​ട​വും ഇ​ല്ലാ​തെ​യു​ള്ള യാ​ത്ര​യാ​യി​രു​ന്നു ക​ണ്ണു നി​റ​ഞ്ഞ് ഭ​ർ​ത്താ​വ് മ​നോ​ജ് പ​റ​ഞ്ഞു. വീ​ട് ശൂ​ന്യ​മാ​യി. സ്കൂ​ൾ ട്രി​പ്പ് ക​ഴി​ഞ്ഞ് മ​നോ​ജ് വ​ണ്ടി വീ​ട്ടു​വ​ള​പ്പി​ൽ ക​യ​റ്റി​യി​ടും. ഭ​ക്ഷ​ണം ക​ട​ക​ളി​ൽ നി​ന്നും ക​ഴി​ക്കും. അ​ടു​ത്തു​ള്ള മാ​താ​പി​താ​ക്ക​ളാ​ണ് മ​നോ​ജി​നെ ആ​ശ്വ​സി​പ്പി​ക്കാ​നു​ള്ള​ത്.

എ​ല്ലാം ന​ഷ്ട​പ്പെ​ട്ടി​ട്ടും ന​ഷ്ട​പ​രി​ഹാ​ര​മാ​യി ഒ​ന്നും ല​ഭി​ച്ചി​ല്ല. ന​വ കേ​ര​ള യാ​ത്ര​യി​ലും പ​രാ​തി ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ല. ഫ​ണ്ടി​ല്ലെ​ന്ന വി​ശ​ദീ​ക​ര​ണ​മാ​ണ് എ​പ്പോ​ഴും. ക​ട​ങ്ങ​ളും വാ​യ്പ​ക​ളു​മാ​യി പി​ടി​ച്ചു​നി​ൽ​ക്കാ​നാ​കു​ന്നി​ല്ല, മ​നോ​ജ് പ​റ​യു​ന്നു. അ​മ്മ​യി​ല്ലാ​തെ വ​ള​രു​ന്ന മ​ക്ക​ളു​ടെ ഭാ​വി​യി​ലും ഈ ​അ​ച്ഛ​നേ​റെ ആ​ശ​ങ്ക​യു​ണ്ട്.

Copyright @ 2022 , Rashtra Deepika Ltd.