നെ​ല്ലി​യാ​മ്പ​തി ഗ​വ. ഓ​റ​ഞ്ച് ഫാ​മി​ലെ പ്ര​വേ​ശ​ന ഫീ​സ് ഉടൻ നടപ്പാക്കില്ല
Wednesday, February 21, 2024 5:46 AM IST
നെ​ല്ലി​യാ​മ്പ​തി: ഗ​വ. ഓ​റ​ഞ്ച് ഫാ​മി​ലെ​ത്തു​ന്ന സ​ന്ദ​ർ​ശ​ക​രി​ൽ നി​ന്ന് ഫീ​സ് ഇ​ടാ​ക്കാ​നു​ള്ള തീ​രു​മാ​നം ഉ​ട​ൻ ന​ട​പ്പാ​ക്കി​ല്ല. കൃ​ഷി​വ​കു​പ്പ് ഡ​യ​റ​ക്ട​റു​ടെ ശു​പാ​ർ​ശ​പ്ര​കാ​ര​മാ​ണ് വ​കു​പ്പ് അ​ണ്ട​ർ സെ​ക്ര​ട്ട​റി ഫാം ​ടൂ​റി​സ​ത്തി​ന്‍റെ ഭാ​ഗ​മാ​യി വി​നോ​ദ​സ​ഞ്ചാ​രി​ക​ൾ​ക്ക് പ്ര​വേ​ശ​ന ഫീ​സ് ഈ​ടാ​ക്കാ​ൻ തീ​രു​മാ​നി​ച്ച് വെ​ള്ളി​യാ​ഴ്ച ഉ​ത്ത​ര​വി​റ​ക്കി​യ​ത്.

ഇ​തു​പ്ര​കാ​രം 15 വ​യ​സിനു​ മു​ക​ളി​ലു​ള്ള​വ​ർ​ക്ക് 25 രൂ​പ​യും ഏ​ഴു​മു​ത​ൽ 15 വ​യ​സു വ​രെ​യു​ള്ള​വ​ർ​ക്ക് 10 രൂ​പ​യു​മാ​ണ് പ്ര​വേ​ശ​ന​ഫീ​സ് ഏ​ർ​പ്പെ​ടു​ത്തി​യ​ത്. നി​ല​വി​ൽ ഫാ​മി​ലെ കൃ​ഷി​സ്ഥ​ല​ങ്ങ​ൾ മു​ഴു​വ​ൻ കാ​ണു​ന്ന​തി​ന് സ​ഞ്ചാ​രി​ക​ൾ​ക്ക് അ​നു​മ​തി​യി​ല്ല.

പാ​ഷ​ൻഫ്രൂ​ട്ട്, പേ​ര​ക്ക തു​ട​ങ്ങി തൈ​ക​ളും ഫാ​മി​ൽ ഉ​ത്പാ​ദി​പ്പി​ക്കു​ന്ന സ്‌​ക്വാ​ഷ്, ജാം, ​ജെ​ല്ലി തു​ട​ങ്ങി​യ​വ​യു​ടെ വി​ല്പ​ന​യും ഫാ​മി​ന്‍റെ മു​ൻ​വ​ശ​ത്താ​യി ഒ​രു​ക്കി​യി​ട്ടു​ണ്ട്.

മാ​തൃ​കാ തോ​ട്ട​ങ്ങ​ളും പൂ​ന്തോ​ട്ട​വും ഉ​ൾ​ക്കൊ​ള്ളു​ന്ന കു​റ​ച്ചു​ഭാ​ഗ​വും ചെ​ക്‌​ഡാ​മി​ന് സ​മീ​പ​വും മാ​ത്ര​മാ​ണ് പ്ര​വേ​ശ​നം അ​നു​വ​ദി​ച്ചി​ട്ടു​ള്ള​ത്.

ത​ണു​പ്പ് കൂ​ടി​യ പ്ര​ദേ​ശ​ങ്ങ​ളി​ൽ മാ​ത്രം വ​ള​രു​ന്ന പൂ​ച്ചെ​ടി​ക​ളും ബ്രോ​ക്കോ​ളി, കോ​ളി​ഫ്ള​വ​ർ, കാ​ര​റ്റ്, ബീ​റ്റ് റൂ​ട്ട് തു​ട​ങ്ങി​യ പ​ച്ച​ക്ക​റി​കൃഷി​യും സ്ട്രോ​ബെ​റി, മു​ന്തി​രി, ഓ​റ​ഞ്ച് തു​ട​ങ്ങി​യ ചി​ല ഫ​ല വ​ർ​ഗ​ങ്ങ​ളു​ടെ ചെ​ടി​ക​ളും നേ​രി​ട്ടു​ കാ​ണു​ന്ന​തി​നു​ള്ള അ​വ​സ​ര​മാ​ണ് ഫാ​മി​ലേ​ക്ക് സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന​ത്.

അ​വ​ധി ദി​വ​സ​ങ്ങ​ളി​ലു​ൾ​പ്പെ​ടെ നി​ര​വ​ധി​യാ​ളു​ക​ളാ​ണ് ഫാം ​കാ​ണാ​നെ​ത്തു​ന്ന​ത്. എ​ന്നാ​ൽ സ​ന്ദ​ർ​ശ​ക​ർ​ക്ക് വി​ശ്ര​മി​ക്കു​ന്ന​തി​ന് ഇ​രി​പ്പി​ട​ങ്ങ​ളോ ല​ഘു​ഭ​ക്ഷ​ണം ക​ഴി​ക്കു​ന്ന​തി​നു​ള്ള സൗ​ക​ര്യ​മോ ത​ണ​ലി​ട​ങ്ങ​ളോ മൂ​ത്ര​പ്പു​ര​യോ ഇ​ല്ലാ​ത്ത​ത് ദു​രി​ത​മാ​കു​ന്നു.

ഇ​തി​നു​മു​ൻ​പ് സ​ഞ്ചാ​രി​ക​ൾ​ക്കാ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​മൊ​രു​ക്ക​ണ​മെ​ന്ന് വെ​ള്ളി​യാ​ഴ്ച ഓ​റ​ഞ്ച് ഫാ​മി​ൽ ന​ട​ന്ന അ​വ​ലോ​ക​ന യോ​ഗ​ത്തി​ൽ കൃ​ഷി​മ​ന്ത്രി പി. ​പ്ര​സാ​ദ് ആ​വ​ശ്യ​പ്പെ​ട്ടി​രു​ന്നു.

ഇ​തേ​ത്തു​ട​ർ​ന്നാ​ണ് സ​ഞ്ചാ​രി​ക​ൾ​ക്കാ​വ​ശ്യ​മാ​യ സൗ​ക​ര്യ​ങ്ങ​ൾ ഒ​രു​ക്കി​യ​ശേ​ഷം പ്ര​വേ​ശ​ന​ഫീ​സ് ഈ​ടാ​ക്കു​ന്ന​തി​ന് തീ​രു​മാ​ന​മാ​യ​ത്.

അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്കാ​തെ സ​ന്ദ​ർ​ശ​ക​രി​ൽ നി​ന്ന് പ്ര​വേ​ശ​ന​ഫീ​സ് വാ​ങ്ങു​ന്ന​ത് തൊ​ഴി​ലാ​ളി​ക​ൾ​ക്കു​നേ​രെ പ്ര​തി​ഷേ​ധ​ത്തി​ന് കാ​ര​ണ​മാ​കു​മെ​ന്ന് തൊ​ഴി​ലാ​ളി യൂ​ണി​യ​ൻ ഭാ​ര​വാ​ഹി​ക​ൾ അ​റി​യി​ച്ചു.