മ​ണ്ണാ​ർ​ക്കാ​ട് പൂ​രം തു​ട​ങ്ങി; കൊ​ടി​യേ​റ്റം ഇ​ന്ന്
Tuesday, February 20, 2024 6:56 AM IST
മ​ണ്ണാ​ര്‍​ക്കാ​ട്: വ​ള്ളു​വ​നാ​ടിന്‍റെ പു​ര​പെരു​മ​യാ​യ അ​ര​ക്കു​ർ​ശി ഉ​ദ​യ​ര്‍​കു​ന്ന് ഭ​ഗ​വ​തി ക്ഷേ​ത്ര​ത്തി​ലെ പൂ​രം തു​ട​ങ്ങി. പൂ​രം പു​റ​പ്പാ​ട് ഞാ​യ​റാ​ഴ്ച രാ​ത്രി വ​ർ​ണാ​ഭ​മാ​യി ന​ട​ന്നു. ഇ​ത്ത​വ​ണ​ത്തെ പൂ​രം പു​റ​പ്പാ​ടി​ന് ഗ​ജ​വീ​ര​ൻ തെ​ച്ചി​ക്കോ​ട്ടു​കാ​വ് രാ​മ​ച​ന്ദ്ര​ന്‍ ഉ​ദ​യ​ര്‍​കു​ന്ന് ഭ​വ​ഗ​തി​യു​ടെ തി​ട​മ്പേ​റ്റാ​നെ​ത്തി​യ​ത് പൂ​ര​പ്രേ​മി​ക​ൾ​ക്കും ആ​ന​പ്രേ​മി​ക​ൾ​ക്കും ആ​വേ​ശ​മാ​യി.

രാ​വി​ലെ ക്ഷേ​ത്രം ത​ന്ത്രി പ​ന്ത​ല​ക്കോ​ട​ത്ത് ശ​ങ്ക​ര​നാ​രാ​യ​ണ​ന്‍ ന​മ്പൂ​തി​രി​പ്പാ​ടി​ന്‍റെ മു​ഖ്യ​കാ​ര്‍​മി​ക​ത്വ​ത്തി​ല്‍ താ​ന്ത്രി​ക ച​ട​ങ്ങു​ക​ളും പൂ​ജ​ക​ളും ന​ട​ന്നു. വൈകുന്നേരം ദീ​പാ​രാ​ധ​ന, തു​ട​ർ​ന്ന് മെ​ഗാ തി​രു​വാ​തി​ര ക​ളി​യും ന​ട​ന്നു. രാ​ത്രി 11 നാ​ണ് പൂ​രം പു​റ​പ്പാ​ട് ന​ട​ന്ന​ത്. തു​ട​ര്‍​ന്ന് ആ​റാ​ട്ടെ​ഴു​ന്നെ​ള്ളി​പ്പ്, മേ​ളം, ഇ​ട​യ്ക്ക പ്ര​ദ​ക്ഷി​ണം എ​ന്നി​വ​യു​ണ്ടാ​യി. വി​ശേ​ഷാ​ല്‍ പൂ​ജ​ക​ളും രാ​വി​ലെ​യും രാ​ത്രി​യും ആ​റാ​ട്ടെ​ഴു​ന്നെ​ള്ളി​പ്പു​മു​ണ്ടാ​കും.

രാ​ത്രി​യി​ല്‍ വി​വി​ധ ക​ലാ​പ​രി​പാ​ടി​ക​ളും അ​ര​ങ്ങേ​റും. ഇ​ന്ന​ലെ ര​ണ്ടാം പൂ​രം ദി​വ​സം ചാ​ക്യാ​ർ​കൂ​ത്ത്, താ​യ​മ്പ​ക, ഗാ​ന​മേ​ള എ​ന്നി​വ ന​ട​ന്നു, ഇ​ന്ന് മൂ​ന്നാം പൂ​ര​നാ​ളി​ല്‍ കൊ​ടി​യേ​റ്റ് ന​ട​ക്കും. ചാ​ക്യാ​ർ​കൂ​ത്ത് ഉ​ണ്ടാ​വും. 21ന് ​നാ​ലാം​പൂ​രം ചാ​ക്യാ​ർ​കൂ​ത്ത്, താ​യ​മ്പ​ക, നൃ​ത്ത​നൃ​ത്യ​ങ്ങ​ൾ, 22ന് ​കൂ​ട്ടു​വി​ള​ക്ക്, ഓ​ട്ട​ൻ​തു​ള്ള​ൽ, താ​യ​മ്പ​ക, സം​ഗീ​ത വാ​ദ്യ വി​സ്മ​യം, 23ന് ​ചെ​റി​യാ​റാ​ട്ട്, ഓ​ട്ട​ൻ​തു​ള്ള​ൽ ഡ​ബി​ൾ താ​യ​മ്പ​ക, ഫ്യൂ​ഷ​ൻ ബാ​ൻഡ് ന​ട​ക്കും. രാ​വി​ലെ ക്ഷേ​ത്രാ​ങ്ക​ണ​ത്തി​ല്‍ ആ​ന​ച്ച​മ​യ പ്ര​ദ​ര്‍​ശ​ന​മു​ണ്ടാ​കും.

24നാ​ണ് വ​ലി​യാ​റാ​ട്ട്. രാ​വി​ലെ മേ​ജ​ര്‍​സെ​റ്റ് പ​ഞ്ച​വാ​ദ്യം, 11 മു​ത​ല്‍ കു​ന്തി​പ്പു​ഴ ആ​റാ​ട്ട് ക​ട​വി​ല്‍ ക​ഞ്ഞി​പ്പാ​ര്‍​ച്ച, ഓ​ട്ട​ൻ​തു​ള്ള​ൽ,ഡ​ബി​ൾ നാ​ദ​സ്വ​രം, ഡ​ബി​ൾ താ​യ​മ്പ​ക, കു​ട​മാ​റ്റം, പ​ഞ്ചാ​രി​മേ​ളം എ​ന്നി​വ ന​ട​ക്കും. 25ന് ​ചെ​ട്ടി​വേ​ല ദി​വ​സം വൈ​കുന്നേരം ത്രാ​ബ​ലി, താ​ന്ത്രി​ക ച​ട​ങ്ങു​ക​ള്‍​ക്ക് ശേ​ഷം പ​ഞ്ച​വാ​ദ്യ അ​ക​മ്പ​ടി​യോ​ടെ സ്ഥാ​നീ​യ ചെ​ട്ടി​യാ​ന്‍​മാ​രെ ആ​ന​യി​ക്ക​ൽ, ദേ​ശ​വേ​ല​ക​ള്‍, ഘോ​ഷ​യാ​ത്ര എ​ന്നി​വ​യു​ണ്ടാ​വും. തു​ട​ര്‍​ന്ന് ദീ​പാ​രാ​ധ​ന, ആ​റാ​ട്ട്, 21 പ്ര​ദ​ക്ഷി​ണ​ത്തി​ന് ശേ​ഷം കൊ​ടി​യി​റ​ക്കം എ​ന്നി​വ​ക്കു​ശേ​ഷം അ​ത്താ​ഴ പൂ​ജ​യോ​ടെ മ​ണ്ണാ​ർ​ക്കാ​ട് പൂ​ര​ത്തി​ന് സ​മാ​പ​നം കു​റി​ക്കും.