വ​ട​ക്ക​ഞ്ചേ​രി: ഒ​രു ഡ​സ​നോ​ളം ലൈ​സ​ൻ​സു​ക​ളും വ​ലി​യ വാ​ട​ക​യും കൊ​ടു​ത്ത് ക​ച്ച​വ​ടം ന​ട​ത്തു​ന്ന​വ​ർ​ക്ക് പു​ല്ലു​വി​ല. യാ​തൊ​രു ലൈ​സ​ൻ​സു​ക​ളും പ​രി​ശോ​ധ​ന​ക​ളും മു​ത​ൽ​മു​ട​ക്കുമി​ല്ലാ​തെ റോ​ഡി​ൽ വാ​ഹ​നം നി​ർ​ത്തി ക​ച്ച​വ​ടം ന​ട​ത്തു​ന്ന​വ​ർ​ക്ക് സു​ര​ക്ഷ​യും. വ​ട​ക്ക​ഞ്ചേ​രി ടൗ​ണി​ലെ സ്ഥി​തി​യാ​ണി​ത്.

നേ​ര​ത്തെ പ​ഴ​വ​ർ​ഗ​ങ്ങ​ൾ, പ​ച്ച​ക്ക​റി തു​ട​ങ്ങി​യ ക​ച്ച​വ​ട​മാ​യി​രു​ന്ന​ത് ഇ​പ്പോ​ൾ നി​ല​വാ​രം ഉ​യ​ർ​ന്ന് തി​ര​ക്കേ​റി​യ റോ​ഡു​ക​ളി​ൽ പ​ച്ച മീ​ൻ വി​ല്പ​ന​യാ​യി. ഒ​പ്പം തെ​രു​വു നാ​യ്ക്ക​ളും ടൗ​ണി​ൽ നി​റ​യു​ക​യാ​ണ്. ക​ട​ക​ൾ​ക്കു മു​ന്നി​ൽ വാ​ഹ​ന​ങ്ങ​ൾ നി​ർ​ത്തി​യി​ട്ട് വി​ല്പ​ന ന​ട​ക്കു​ന്ന​തി​നാ​ൽ വ​ലി​യ മു​ത​ൽ​മു​ട​ക്കി​ൽ മു​റി​ക​ൾ വാ​ട​ക​ക്കെ​ടു​ത്ത് ക​ട തു​ട​ങ്ങി​യ​വ​രെ​ല്ലാം ക​ച്ച​വ​ട​മി​ല്ലാ​തെ ദു​രി​ത​ത്തി​ലാ​ണ്. പൊ​തു​വെ വ​ട​ക്ക​ഞ്ചേ​രി ടൗ​ണി​ൽ എ​വി​ടെ നോ​ക്കി​യാ​ലും ഓ​ട്ടോ​റി​ക്ഷ​ക​ളു​ടെ വ​രി​ക​ളാ​ണ്.

ഇ​തി​നൊ​പ്പം അ​ന​ധി​കൃ​ത ക​ച്ച​വ​ട​ങ്ങ​ളു​ടെ വാ​ഹ​ന​ങ്ങ​ൾ കൂ​ടി​യാ​യ​പ്പോ​ൾ ആ​ളു​ക​ൾ​ക്ക് ക​ട​യി​ൽ ക​യ​റി സാ​ധ​ന​ങ്ങ​ൾ വാ​ങ്ങാ​നോ വ​ഴി ന​ട​ക്കാ​നോ ക​ഴി​യാ​താ​യി. പ​ഞ്ചാ​യ​ത്ത് ലൈ​സ​ൻ​സ്, ഫു​ഡ് ആ​ൻ​ഡ് സേ​ഫ്റ്റി, ലീ​ഗ​ൽ മെ​ട്രോ​ള​ജി, പാ​ക്കിം​ഗ്, ലേ​ബ​ർ ലൈ​സ​ൻ​സു​ക​ൾ തു​ട​ങ്ങി ഒ​രു ഡ​സ​നോ​ളം ലൈ​സ​ൻ​സ് ഉ​ണ്ടെ​ങ്കി​ലെ ടൗ​ണി​ൽ ക​ച്ച​വ​ടം ചെ​യ്യാ​ൻ അ​നു​വ​ദി​ക്കു. എ​ന്നാ​ൽ റോ​ഡി​ൽ ക​ച്ച​വ​ടം ചെ​യ്യു​ന്ന​വ​ർ​ക്ക് ഇ​ത്ത​രം ലൈ​സ​ൻ​സു​ക​ളൊ​ന്നും ആ​വ​ശ്യ​മി​ല്ല. ആ​രും പ​രി​ശോ​ധി​ക്കാ​നു​മെ​ത്തി​ല്ല.

ഏ​തു​സ​മ​യ​വും എ​വി​ടെ വേ​ണ​മെ​ങ്കി​ലും ക​ച്ച​വ​ടം ന​ട​ത്താം. മു​മ്പൊ​ക്കെ ഫു​ട്പാ​ത്തി​ലാ​യി​രു​ന്നു ക​ച്ച​വ​ടം. ഫു​ട്പാ​ത്ത് ക​ച്ച​വ​ടം എ​ന്ന ഓ​മ​ന​പേ​രും ഉ​ണ്ടാ​യി​രു​ന്നു.​ എ​ന്നാ​ൽ ഇ​പ്പോ​ൾ ഫു​ട്പാ​ത്തും വി​ട്ട് ടാ​ർ റോ​ഡു​ക​ളു​ടെ മ​ധ്യ​ത്തി​ൽ വ​രെ​യാ​യി ക​ച്ച​വ​ട​ങ്ങ​ൾ. റോ​ഡി​ലെ ക​ച്ച​വ​ട​ക്കാ​രെ ഒ​ഴി​വാ​ക്കി പോ​കേ​ണ്ട ഗ​തി​കേ​ടി​ലാ​ണ് വാ​ഹ​ന​ങ്ങ​ൾ​ക്കു​മു​ള്ള​ത്.