നി​യ​മ​സ​ഭാ തെര​ഞ്ഞെ​ടു​പ്പ്: 10 വ​രെ വോ​ട്ട​ർ പ​ട്ടി​ക​യി​ൽ പേ​ര് ചേ​ർ​ക്കാം
Monday, March 1, 2021 11:32 PM IST
പാ​ല​ക്കാ​ട് : ക​ഴി​ഞ്ഞ ഡി​സം​ബ​റി​ൽ ന​ട​ന്ന ത​ദ്ദേ​ശ തി​ര​ഞ്ഞെ​ടു​പ്പി​ൽ വോ​ട്ടു ചെ​യ്തെ​ന്ന കാ​ര​ണ​ത്താ​ൽ വ​രാ​നി​രി​ക്കു​ന്ന നി​യ​മ​സ​ഭ തി​ര​ഞ്ഞെ​ടു​പ്പ് വോ​ട്ട​ർ പ​ട്ടി​ക​യി​ൽ പേ​രു​ണ്ടാ​ക​ണ​മെ​ന്നി​ല്ലെ​ന്നും ഇ​ത് വോ​ട്ട​ർ​മാ​ർ പ​രി​ശോ​ധി​ക്ക​ണ​മെ​ന്നും ജി​ല്ലാ തി​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ കൂ​ടി​യാ​യ ജി​ല്ലാ ക​ളക്ട​ർ അ​റി​യി​ച്ചു. ത​ദ്ദേ​ശ തി​ര​ഞ്ഞെ​ടു​പ്പി​ന്‍റെ​യും നി​യ​മ​സ​ഭാ തി​ര​ഞ്ഞെ​ടു​പ്പി​ന്‍റെ​യും വോ​ട്ട​ർ പ​ട്ടി​ക വ്യ​ത്യ​സ്ത​മാ​ണ്. നാ​ഷ​ണ​ൽ വോ​ട്ടേ​ഴ്സ് സ​ർ​വീ​സ് പോ​ർ​ട്ട​ലിലെ വോ​ട്ട​ർ പ​ട്ടി​ക​യി​ൽ പേ​രു നോ​ക്കാ​നു​ള്ള സൗ​ക​ര്യം ഉ​ണ്ടാ​യി​രി​ക്കും.

പു​തി​യ വോ​ട്ട​ർ​മാ​ർ​ക്കു​ൾ​പ്പെ​ടെ
പേ​ര് ചേ​ർ​ക്കാം
നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​നു​ള്ള അ​വ​സാ​ന തി​യതി​യു​ടെ 10 ദി​വ​സം മു​ന്പ് വ​രെ വോ​ട്ട​ർ പ​ട്ടി​ക​യി​ൽ പേ​ര് ചേ​ർ​ക്കാ​മെ​ന്നി​രി​ക്കെ വ​രു​ന്ന നി​യ​മ​സ​ഭ തി​ര​ഞ്ഞെ​ടു​പ്പി​ൽ വോ​ട്ടു ചെ​യ്യു​ന്ന​തി​ന് മാ​ർ​ച്ച് 10 വ​രെ വോ​ട്ട​ർ പ​ട്ടി​ക​യി​ൽ പേ​ര് ചേ​ർ​ക്കാ​ൻ അ​വ​സ​ര​മു​ണ്ടാ​വും. നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​നു​ള്ള അ​വ​സാ​ന തി​യതി മാ​ർ​ച്ച് 19 ആ​ണ്.
2021 ജ​നു​വ​രി ഒ​ന്നി​ന് 18 വ​യ​സ് പൂ​ർ​ത്തി​യാ​യ​വ​രും പോർട്ടലിലൂ​ടെ ത​ന്നെ​യാ​ണ് പേ​ര് ചേ​ർ​ക്കേ​ണ്ട​ത്. പോ​ർ​ട്ട​ൽ തു​റ​ന്നാ​ൽ കാ​ണു​ന്ന ര​ജി​സ്ട്രേ​ഷ​ൻ ഫോ​ർ ന്യൂ ​ഇ​ല​ക്ട​ർ സെ​ല​ക്ട് ചെ​യ്ത് പു​തി​യ വോ​ട്ട​ർ​മാ​ർ​ക്ക് പേ​ര് ചേ​ർ​ക്ക​ൽ തു​ട​രാ​വു​ന്ന​താ​ണ്.
മാ​ർ​ച്ച് 10 ന് ​ശേ​ഷം വോ​ട്ട​ർ​പ​ട്ടി​ക​യി​ൽ പേ​ര് ചേ​ർ​ക്കാ​ൻ ല​ഭി​ക്കു​ന്ന അ​പേ​ക്ഷ​ക​ൾ തി​ര​ഞ്ഞെ​ടു​പ്പി​നു​ശേ​ഷം മാ​ത്ര​മെ പ​രി​ഗ​ണി​ക്കു​ക​യു​ള്ളൂ. അ​ന്തി​മ വോ​ട്ട​ർ പ​ട്ടി​ക പ്ര​സി​ദ്ധീ​ക​രി​ക്കു​ന്ന തി​യതി പി​ന്നീ​ട് അ​റി​യി​ക്കും.

ഹ​രി​ത പ്രോ​ട്ടോ​കോ​ൾ പാ​ല​നം:
പ​രി​ശീ​ല​നം മൂ​ന്നി​ന്
നി​യ​മ​സ​ഭാ തി​ര​ഞ്ഞെ​ടു​പ്പി​ന്‍റെ ന​ട​ത്തി​പ്പു​മാ​യി ബ​ന്ധ​പ്പെ​ട്ട് ഹ​രി​ത പ്രോ​ട്ടോ​കോ​ൾ കൃ​ത്യ​മാ​യി നി​ർ​വ​ഹി​ക്കു​ന്ന​തി​നും മാ​ർ​ഗ നി​ർ​ദേ​ശ​ങ്ങ​ൾ ന​ൽ​കു​ന്ന​തി​നു​മാ​യി ജി​ല്ല​യി​ലെ ആ​ർ.​ഒ. മാ​ർ, എ.​ആ​ർ.​ഓ. മാ​ർ, ഇ.​ആ​ർ.​ഒ മാ​ർ എ​ന്നി​വ​ർ​ക്കു​ള്ള പ​രി​ശീ​ല​നം മാ​ർ​ച്ച് മൂ​ന്നി​ന് രാ​വി​ലെ 11ന് ​ഗൂ​ഗി​ൾ മീ​റ്റ് മു​ഖേ​ന ന​ട​ത്തു​മെ​ന്ന് ജി​ല്ലാ ശു​ചി​ത്വ​മി​ഷ​ൻ കോ​ഡി​നേ​റ്റ​ർ അ​റി​യി​ച്ചു.
ഗ്രീ​ൻ ഇ​ല​ക്ഷ​ൻ നോ​ഡ​ൽ ഓ​ഫീ​സ​റാ​യ ശു​ചി​ത്വ മി​ഷ​ൻ ജി​ല്ലാ കോ​ഡി​നേ​റ്റ​റും, പൊ​ലൂ​ഷ​ൻ ക​ണ്‍​ട്രോ​ൾ ബോ​ർ​ഡ് ജി​ല്ലാ എ​ൻ​ജി​നീ​യ​റും ക്ലാ​സു​ക​ൾ എ​ടു​ക്കും. തെര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട ഹ​രി​ത പെ​രു​മാ​റ്റ​ച്ച​ട്ടം പാ​ലി​ക്കു​ന്ന​തി​ന് വ​ര​ണാ​ധി​കാ​രി​ക​ൾ​ക്കും തി​ര​ഞ്ഞെ​ടു​പ്പ് ജോ​ലി​ക്ക് നി​യോ​ഗി​ക്ക​പ്പെ​ടു​ന്ന ഉ​ദ്യോ​ഗ​സ്ഥ​ർ​ക്കും രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ൾ​ക്കും അ​വ​ബോ​ധം ന​ൽ​കു​ന്ന​തി​നും തി​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട എ​ല്ലാ പ്ര​വ​ർ​ത്ത​ന​ങ്ങ​ളി​ലും ഹ​രി​ത​ച​ട്ടം ഉ​റ​പ്പാ​ക്കു​ന്ന​തി​നും നി​യ​മ​സ​ഭാ​മ​ണ്ഡ​ലാ​ടി​സ്ഥാ​ന​ത്തി​ൽ നോ​ഡ​ൽ ഓ​ഫീ​സ​ർ​മാ​രെ നി​യ​മി​ച്ച​താ​യും ജി​ല്ലാ ശു​ചി​ത്വ മി​ഷ​ൻ കോ​-ഓർ​ഡി​നേ​റ്റ​ർ അ​റി​യി​ച്ചു.

സം​യു​ക്ത ബോ​ർ​ഡ​ർ മീ​റ്റിം​ഗ് മൂ​ന്നി​ന്
നി​യ​മ​സ​ഭാ തി​ര​ഞ്ഞെ​ടു​പ്പി​ന്‍റെ സു​ഗ​മ​മാ​യ ന​ട​ത്തി​പ്പു​മാ​യി ബ​ന്ധ​പ്പെ​ട്ട് പാ​ല​ക്കാ​ട്, കോ​യ​ന്പ​ത്തൂ​ർ, തൃ​ശൂ​ർ ജി​ല്ലാ ക​ളക്ട​ർ​മാ​രു​ടെ നേ​തൃ​ത്വ​ത്തി​ൽ സം​യു​ക്ത ബോ​ർ​ഡ​ർ മീ​റ്റിം​ഗ് മൂ​ന്നി​ന് രാ​വി​ലെ 11ന് ​കോ​ഴി​പ്പാ​റ കി​ൻ​ഫ്ര മെ​ഗാ ഫു​ഡ് പാ​ർ​ക്ക് കോ​ണ്‍​ഫ​റ​ൻ​സ് ഹാ​ളി​ൽ ന​ട​ക്കു​മെ​ന്ന് ജി​ല്ലാ തി​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ കൂ​ടി​യാ​യ ജി​ല്ലാ ക​ള​ക്ട​ർ മൃ​ണ്‍​മ​യി ജോ​ഷി ശ​ശാ​ങ്ക് അ​റി​യി​ച്ചു.
ജി​ല്ലാ പോ​ലീ​സ് മേ​ധാ​വി​ക​ൾ, വ​നം വ​കു​പ്പ്, എ​ക്സൈ​സ്, ച​ര​ക്ക് സേ​വ​ന നി​കു​തി വ​കു​പ്പു​ക​ളി​ലെ ഉ​ദ്യോ​ഗ​സ്ഥ​ർ (പാ​ല​ക്കാ​ട് , കോ​യ​ന്പ​ത്തൂ​ർ, തൃ​ശൂർ ജി​ല്ല​ക​ളി​ലു​ള്ള​വ​ർ) എ​ന്നി​വ​ർ യോ​ഗ​ത്തി​ൽ പ​ങ്കെ​ടു​ക്കും. അ​തി​ർ​ത്തി ക​ട​ന്നു​ള്ള മ​ദ്യം ക​ട​ത്ത​ൽ, ല​ഹ​രി​പ​ദാ​ർ​ത്ഥ​ങ്ങ​ൾ ക​ട​ത്ത​ൽ, അ​ന​ധി​കൃ​ത പ​ണ​മി​ട​പാ​ടു​ക​ൾ എ​ന്നി​വ ത​ട​യു​ന്ന​തു​മാ​യി ബ​ന്ധ​പ്പെ​ട്ട് സ്വീ​ക​രി​ക്കേ​ണ്ട ന​ട​പ​ടി​ക​ളെ​ക്കു​റി​ച്ച് യോ​ഗ​ത്തി​ൽ ച​ർ​ച്ച ചെ​യ്യു​മെ​ന്നും ക​ളക്ട​ർ അ​റി​യി​ച്ചു.

ജി​ല്ല​യി​ൽ ത​യ്യാ​റാ​കുന്ന​ത്
3425 ബൂ​ത്തു​ക​ൾ
നി​യ​മ​സ​ഭാ തി​ര​ഞ്ഞെ​ടു​പ്പി​ന്‍റെ ഭാ​ഗ​മാ​യി ജി​ല്ല​യി​ൽ ത​യ്യാ​റാ​വു​ന്ന​ത് 3425 പോ​ളിം​ഗ് ബൂ​ത്തു​ക​ൾ. 2109 സാ​ധാ​ര​ണ ബൂ​ത്തു​ക​ളും 1316 ഓ​ക്സി​ല​റി ബൂ​ത്തു​ക​ളു​മാ​ണ് ജി​ല്ല​യി​ൽ സ​ജ്ജ​മാ​വു​ക.
കോ​വി​ഡി​ന്‍റെ പ​ശ്ചാ​ത്ത​ല​ത്തി​ൽ ഒ​രു ബൂ​ത്തി​ലെ പ​ര​മാ​വ​ധി വോ​ട്ട​ർ​മാ​രു​ടെ എ​ണ്ണം 1000 ആ​യി തി​ര​ഞ്ഞെ​ടു​പ്പ് ക​മ്മീ​ഷ​ൻ നി​ജ​പ്പെ​ടു​ത്തി​യി​ട്ടു​ണ്ട്. ആ​യി​ര​ത്തി​യൊ​ന്നോ അ​തി​ൽ കൂ​ടു​ത​ലോ വോ​ട്ട​ർ​മാ​രു​ള്ള ബൂ​ത്തു​ക​ളോ​ട​നു​ബ​ന്ധി​ച്ചാ​ണ് ഓ​ക്സി​ല​റി ബൂ​ത്തു​ക​സ്ഥാ​പി​ക്കു​ന്ന​ത്.
മു​തി​ർ​ന്ന പൗ​രന്മാർ, ഭി​ന്ന​ശേ​ഷി വോ​ട്ട​ർ​മാ​ർ, ട്രാ​ൻ​സ്ജെ​ൻ​ഡ​ർ വോ​ട്ട​ർ​മാ​ർ എ​ന്നി​വ​ർ​ക്കാ​യി പ്ര​ത്യേ​കം ബൂ​ത്തു​ക​ൾ സ​ജ്ജീ​ക​രി​ക്കി​ല്ല.