ADVERTISEMENT

ADVERTISEMENT

ജില്ലാ സീനിയർ ഹാൻഡ്ബോൾ ചാമ്പ്യൻഷിപ്പ് തുടങ്ങി

കാടുകുറ്റി: തൃശൂർ ജില്ല സീനിയർ പുരുഷ/വനിത ഹാൻഡ്ബോൾ ചാമ്പ്യൻഷിപ്പ് തുടങ്ങി.
അന്നനാട് യൂണിയൻ ഹയർസെക്കൻഡറി സ്കൂളിൽ വച്ചു നടക്കുന്ന ചാമ്പ്യൻഷിപ്പ് കാടുകുറ്റി ഗ്രാമപഞ്ചയത്ത് പ്രസിഡന്‍റ് പ്രിൻസി ഫ്രാൻസിസ് ഉദ്ഘാടനം ചെയ്തു. പിടിഎ പ്രസിഡന്‍റ്് പി.ആർ. രാജേഷ് അധ്യക്ഷത വഹിച്ചു.

ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്‌സൺ മോഹിനി കുട്ടൻ, വാർഡ് മെമ്പർ മോളി തോമസ്, സ്കൂൾ മാനേജർ സി.എ. ഷാജി, കേരള ഹാൻഡ്ബോൾ അസോസിയേഷൻ വൈസ് പ്രസിഡന്‍റ്് ജിബി വി. പെരേപ്പാടൻ, സ്കൂൾ പ്രിൻസിപ്പൽ ഐ. ജയ, പ്രധാനാധ്യാപിക എം.പി. മാലിനി എന്നിവർ പ്രസംഗിച്ചു.

വിവിധ ടീമുകളിലായി ഇരുന്നൂറോളം താരങ്ങളാണ് പങ്കെടുക്കുന്നത്. സംസ്ഥാന ചാമ്പ്യൻഷിപ്പിൽ പങ്കെടുക്കുന്ന ജില്ലാ ടീമിനെ ഇതിൽനിന്നും തെരഞ്ഞെടുക്കും.

ADVERTISEMENT

ശിശുവിദ്യാപോഷിണി സ്കൂൾ സർക്കാർ ഏറ്റെടുത്തു

കൊടുങ്ങല്ലുർ: എറിയാട് ശിശുവിദ്യാപോഷിണി എൽപി സ്കൂളിന്‍റെ ശതാബ്ദി ആഘോഷ സമാപ നവും സ്മരണിക പ്രകാശനവും സർക്കാർ വിദ്യാലയപ്രഖ്യാപനവും മന്ത്രി ആർ. ബിന്ദു ഉദ്ഘാടനം ചെയ്തു. ഇ.ടി. ടൈസൺ എം എൽഎ അധ്യക്ഷത വഹിച്ചു. ജില്ല കളക്ടർ അർജുൻപാണ്ഡ്യൻ മുഖ്യാതിഥിയായി. സോവനീർ പ്രകാശനം സുഗത ശശിധരൻ നിർവഹിച്ചു. ഫൗസിയ ഷാജഹാൻ, കെ.എ. ഹസ് ഫൽ, പി.കെ. അസീം, സാറാബി ഉമ്മർ,നജ്മൽ ഷക്കീർ, ബീന ബാബു, ഉണ്ണി പിക്കാസോ, തമ്പി ഇ. കണ്ണൻ, മൊയ്തീൻകുട്ടി, കെ.എ.സിദ്ദീഖ്, സിറാജുദ്ദീൻ, ഇ.കെ.ലെനിൻ, മുഹമ്മദ് സഗീർ, പ്രിൻസ് തലശേരി, എന്നിവർ പ്രസംഗിച്ചു. പഞ്ചായത്ത് പ്രസിഡന്‍റ് കെ.പി. രാജൻ സ്വാഗതവും പ്രധാന അധ്യാപിക കെ. സരിത നന്ദിയും പറഞ്ഞു.

ലൈഫ് പദ്ധതി ലോകത്തിനു മാതൃക: മന്ത്രി വി. അബ്ദുറഹ്‌മാൻ

കയ്പമംഗലം: സംസ്ഥാനത്തെ എല്ലാ ഭവനരഹിതർക്കും അടച്ചുറപ്പുള്ള വീടെന്ന സ്വപ്നം സാക്ഷാത്കരിക്കുന്ന ലൈഫ് പദ്ധതി ലോകത്തിനു മാതൃകയെന്ന് കായിക മന്ത്രി വി. അബ്ദുറഹ്‌മാൻ. മതിലകം ബ്ലോക്ക് പഞ്ചായത്തിന്‍റെ പുതിയ കോൺഫറൻസ് ഹാളിന്‍റെ ഉദ്ഘാടനവും ലൈഫ് പിഎംഎവൈ ഗുണഭോക്തൃസംഗമവും ഉദ്ഘാടനം ചെയ്യുകയായിരുന്നു മന്ത്രി. സംസ്ഥാനത്ത് 4,51,631 വീടുകളുടെ നിർമാണം പൂർത്തിയാക്കി. കൂടാതെ 95922 വീടുകളുടെ നിർമാണം വിവിധ ഘട്ടങ്ങളിലാണ്. സംസ്ഥാനത്തെ മുഴുവൻ ഭവനരഹിതർക്കും വീടുവച്ച് നൽകുവാനും തൊഴിൽ ചെയ്ത് ഉപജീവനമാർഗം മെച്ചപ്പെടുത്തുന്നതിനും പങ്കാളികളാകുകയാണ് സർക്കാർ ലക്ഷ്യമെന്നും മന്ത്രി കൂട്ടിച്ചേർത്തു. ഇ.ടി. ടൈസൺ എംഎൽഎ അധ്യക്ഷത വഹിച്ചു. മതിലകം ബ്ലോക്ക് പഞ്ചായത്ത് പ്രസിഡന്‍റ് സി.കെ. ഗിരിജ, ശ്രീനാരായണപുരം പഞ്ചായത്ത് പ്രസിഡന്‍റ് എം.എസ്. മോഹനൻ, മതിലകം പഞ്ചായത്ത് പ്രസിഡന്‍റ്് സീനത്ത് ബഷീർ, എടവിലങ്ങ് പഞ്ചായത്ത് പ്രസിഡന്‍റ്് നിഷ അജിതൻ, മതിലകം ബ്ലോക്ക് പഞ്ചായത്ത് സെക്രട്ടറി കെ. മധുരാജ്, സ്റ്റാൻഡിംഗ് കമ്മിറ്റി ചെയർപേഴ്സൺമാർ, ലൈഫ് പദ്ധതി ഗുണഭോക്താക്കൾ, ജനപ്രതിനിധികൾ, ഉദ്യോഗസ്ഥർ, നാട്ടുകാർ എന്നിവർ പങ്കെടുത്തു.

വി കെയര്‍ പദ്ധതി: ജില്ലാതല ഉദ്ഘാടനം നടത്തി

അവിട്ടത്തൂര്‍: ഭിന്നശേഷിക്കാരുടെ സാമൂഹികോന്നമനം ലക്ഷ്യമാക്കി പ്രവര്‍ത്തിക്കുന്ന വി കെയര്‍ പദ്ധതിയുടെ ജില്ലാതല ഉദ്ഘാ ടനം അവിട്ടത്തൂര്‍ എല്‍ ബിഎസ്എം ഹയര്‍ സെക്കന്‍ഡറി സ്‌കൂളില്‍ ജില്ലാ പഞ്ചായത്ത് പ്രസിഡന്‍റ് വി.എസ്. പ്രിന്‍സ് ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്‍റ് ലത ചന്ദ്രന്‍ അധ്യക്ഷത വഹിച്ചു. ജില്ല കോ-ഓര്‍ഡിനേറ്റര്‍ പി.ഡി. പ്രകാശ് ബാബു, വിദ്യാഭ്യാസജില്ല കണ്‍വീനര്‍ ടി.എസ്. സരിത, സ്‌കൂള്‍ പിടിഎ പ്രസിഡന്‍റ്് മിനി രാമചന്ദ്രന്‍, മാനേജര്‍ എ. അജിത്ത്‌കുമാര്‍, മാനേജ്‌മെന്‍റ്് കമ്മിറ്റി അംഗങ്ങളായ എ.സി. സുരേഷ്, കെ.കെ. കൃഷ്ണന്‍ നമ്പൂതിരി, പ്രിന്‍സിപ്പല്‍ ഡോ. എ.വി. രാജേഷ്, ഹെഡ്മാസ്റ്റര്‍ മെജോ പോള്‍, ടി.ആര്‍. ശ്രീദേവി, ഡി. ഹസിത എന്നിവര്‍ പ്രസംഗിച്ചു. പൊതുവിദ്യഭ്യാസ വകുപ്പ് ഹയര്‍ സെക്കന്‍ഡറി വിഭാഗം കരിയര്‍ ഗൈഡന്‍സ് ആന്‍ഡ് അഡോളസ ന്‍റ്് കൗണ്‍സലിംഗ് സെല്‍, ജില്ല പഞ്ചായത്ത് വിദ്യാഭ്യാസ പരിപാടി സമേതം, നാഷണല്‍ കരിയര്‍ സെന്‍റര്‍, ഇരിങ്ങാലക്കുട വിദ്യാഭ്യാസ ജില്ല എന്നിവ സംയുക്തമായി നടപ്പിലാക്കുന്ന പദ്ധതിയാണിത്‍.

കൊയ്ത്തുകഴിഞ്ഞ് മൂന്നാഴ്ച; നെല്ല് സംഭരിക്കാന്‍ ആരുമില്ല

ഇരിങ്ങാലക്കുട: കൊയ്ത്തുകഴിഞ്ഞ് മൂന്നാഴ്ച പിന്നിട്ടിട്ടും നെല്ല് സംഭരിക്കുവാന്‍ മില്ലുടമകളോ ഏജന്‍റുമാരോ തയാറാകാത്തതില്‍ പ്രതീക്ഷനശിച്ചിരിക്കുകയാണ് മുരിയാട് പാടശേഖരത്തിലെ ഒരു കൂട്ടം കര്‍ഷകർ. പുല്ലൂര്‍ പള്ളിക്കു സമീപമുള്ള സെന്‍റ് സേവിയേഴ്‌സ് സ്‌കൂള്‍ ഗ്രൗണ്ടിലും പള്ളിപ്പറമ്പിലും ടണ്‍ കണക്കിന് നെല്ല് സംഭരിക്കാനാളില്ലാത്തതിനാല്‍ കെട്ടിക്കിടക്കുകയാണ്. മുരിയാട് പഞ്ചായത്തിലെ കൃഷി‌ഭവനു കീഴിലെ പൊതുമ്പുചിറ പാടശേഖരത്തിലെ കര്‍ഷകര്‍ക്കാണ് ഈ ദുര്‍ഗതി. 80 ഏക്കര്‍ പാടശേഖരത്തിലെ കര്‍ഷകരുടെ കൊയ്‌തെടുത്ത നെല്ലാണ് ആരും സംഭരിക്കാതെ കെട്ടികിടക്കുന്നത്. ഏറെ പ്രതീക്ഷയോടെ നെല്ല് കൊയ്തു കൂട്ടിയിട്ടിരിക്കുന്ന കര്‍ഷകരാണ് ഇപ്പോള്‍ എന്തുചെയ്യണമെന്നറിയാതെ വിഷമിക്കുന്നത്. പുല്ലര്‍ സെന്‍റ്് സേവിയേഴ്‌സ് ആശ്രമം, ബാബു കോലങ്കണ്ണി, ശേഖരന്‍ കോച്ചേരി, ബിജുചിറയത്ത്, വിക്രമന്‍ അമ്പാടന്‍, ജോസഫ് കോക്കാട്ട്, പ്രേമന്‍ തെക്കാട്ട് തുടങ്ങി നിരവധി കര്‍ഷകരുടെ ഉടമസ്ഥതയിലുള്ള പാടശേഖരങ്ങളിലെ 60 ടണ്‍ നെല്ലാണ് സംഭരിക്കാതെ കെട്ടിക്കിടക്കുന്നത്. പാട്ടത്തിനെടുത്ത് കൃഷിചെയ്തവരുടെയും ഗതി ഇതു‌തന്നെ. കടം വാങ്ങിയും വായ്പയെടുത്തും സ്വര്‍ണാഭരണങ്ങള്‍ പണയംവച്ചും പണം കണ്ടെത്തി കൃഷിയിറക്കിയ കര്‍ഷകരുടെ വിളവെടുത്ത നെല്ലാണ് വില്‍ക്കാന്‍ കഴിയാതെ പ്രതിസന്ധിയിലായിരിക്കുന്നത്. നെല്ല് ഇനി എന്ന് സംഭരിക്കു‌മെന്നു നിശ്ചയമില്ല. നെല്ലിന്‍റെ തൂക്കം നോക്കി കമ്പനിക്ക് അയക്കുന്ന സമയത്ത് വളരെ കൂടുതലായിട്ടുള്ള കിഴിവാണ് മില്ലുടമകള്‍ അവരുടെ ഏജന്‍റുമാര്‍ വഴി ആവശ്യപ്പെടുന്നത്. ഉണങ്ങിക്കിടക്കുന്ന നെല്ലിന് ഈര്‍പ്പം ഉണ്ടാകില്ല, അതിനാല്‍ത്തന്നെ കിഴിവിന്‍റെ ആവശ്യമില്ല. പിന്നെ ഇത് ആര്‍ക്ക് ലാഭം ഉണ്ടാക്കാന്‍ വേണ്ടിയാണ് സപ്ലൈക്കോ ഉദ്യോഗസ്ഥരും മില്ലുടമകളും അവരുടെ ഏജന്‍റുമാരും ഇത്തരത്തിലുള്ള പരിശ്രമം നടത്തുന്നതെന്നാണ് കര്‍ഷകരുടെ ചേദ്യം. പണം മുടക്കി അധ്വാനിച്ച് ബുദ്ധിമുട്ടുന്ന കര്‍ഷകന്‍റെ വിയര്‍പ്പിന്‍റെ ഉപ്പുകൂട്ടിയിട്ടുവേണോ ഈ കമ്പനിക്കാര്‍ക്കും ഉദ്യോഗസ്ഥകര്‍ക്കും ചൊറുണ്ണാനെന്ന് ആശ്രമത്തിന്‍റെ കീഴിലുള്ള പാടശേഖരത്തിന്‍റെ ുമതലയുള്ള ഫാ. ജോസ് ചുങ്കത്ത് ചോദിച്ചു. നെല്ല് പാടത്തുകിടക്കുന്നതുമൂലം മഴയെ ഭയന്നാണ് കര്‍ഷകര്‍ ദിവസങ്ങള്‍ തള്ളിനീക്കുന്നത്. ഇപ്പോഴും പാടശേഖരത്തില്‍ കൊയ്ത്തു നടന്നുകൊണ്ടിരിക്കുകയാണ്. കാലടിയിലെ മില്ലുകാരാണ് ഈ മേഖലയില്‍നിന്നുള്ള നെല്ല് കൂടുതലായും സംഭരിച്ചിരുന്നത്. മഴ‌വരുമ്പോള്‍ പ്ലാസ്റ്റിക് ഷീറ്റിട്ടു മൂടിയും വെയിലെത്തുമ്പോള്‍ നെല്ലുണക്കിയും കര്‍ഷകര്‍ പാടുപെടുകയാണ്. ഒരു മഴ പെയ്താല്‍ കര്‍ഷകരുടെ പ്രതീക്ഷകള്‍ കുതിര്‍ന്നുപോകുന്ന സ്ഥിതിയാണ് ഇപ്പോഴുള്ളത്. മില്ലുകാര്‍ വന്ന് നെല്ല് പരിശോധിച്ചെങ്കിലും കൂടുതല്‍ കിഴിവ് ആവശ്യപ്പെടുകയാണ്. സിവില്‍ സപ്ലൈസ് മന്ത്രിയും കൃഷി മന്ത്രിയും ജില്ലാ കളക്ടറും മുരിയാട് പഞ്ചായത്ത് പ്രസിഡന്‍റും മറ്റുബന്ധപ്പെട്ട ഉദ്യോഗസ്ഥരും ഇക്കാര്യത്തില്‍ ഇടപെട്ട് മില്ലുകള്‍ എത്രയും വേഗം നെല്ല് ഏറ്റെടുക്കുന്നതിനും അതിന്‍റെ പണം എത്രയും വേഗം കര്‍ഷകര്‍ക്ക് ലഭ്യമാക്കുന്നതിനുമുള്ള നടപടികള്‍ സ്വീകരിക്കണമെന്നും കർഷകര്‍ ആവശ്യപ്പെട്ടു. അല്ലാത്ത‌പക്ഷം ശക്തമായ സമരപരിപാടികളുമായി രംഗത്തിറങ്ങുമെന്നും കര്‍ഷകര്‍ മുന്നറിയിപ്പു നല്‍കി.

കുട്ടികള്‍ക്കായി പ്രകൃതിപഠനയാത്ര നടത്തി

കോടാലി: കാടും പുഴയും അണക്കെട്ടും കണ്ട് കുട്ടികള്‍ക്കായി കേരള ശാസ്ത്ര സാഹിത്യപരിഷത്ത് കോടാലി യൂണിറ്റ് സംഘടിപ്പിച്ച പ്രകൃതി പഠനയാത്ര പങ്കെടുത്തവർക്കെല്ലാം വേറിട്ട അനുഭവമായി. കോടാലിയില്‍ നടന്ന കളിയരങ്ങ് ബാലവേദി ക്യാമ്പിന്‍റെ ഭാഗമായിരുന്നു ചിമ്മിനി വനമേഖലയിലേക്കു നടത്തിയ പഠനയാത്ര. കോടാലിയില്‍നിന്ന് പുറപ്പെട്ട് വെള്ളാരംപാടത്തെത്തി കുറുമാലിപുഴ മുറിച്ചുകടന്നാണു കുട്ടികള്‍ ചിമ്മിനി ഡാമിലെത്തിയത്. കുറുമാലിയില്‍ വന്നു ചേരുന്ന പിള്ളത്തോടും മുപ്ലിപ്പുഴയും കുട്ടികള്‍ നേരില്‍‌കണ്ടു. ഉച്ചയോടെ ചിമ്മിനിയില്‍ എത്തിയ കുട്ടികള്‍ക്ക് പുഴയുടെ ഉത്ഭവം മുതലുള്ള കാര്യങ്ങള്‍ വനപാലകരും ക്യാമ്പിനു നേതൃത്വം നല്‍കിയവരും വിവരിച്ചുനല്‍കി. പൊന്‍മുടിയില്‍നിന്ന് വടക്കോട്ട് ഒഴുകിയെത്തുന്ന വെള്ളം മണലിപ്പുഴയായും പീച്ചി അണക്കെട്ടായും തെക്കോട്ട് ഒഴുകുന്ന വെള്ളം കുറുമാലിപ്പുഴയായും ചിമ്മിണി അണക്കെട്ടായും മാറുന്നതെങ്ങനെയെന്ന് കുട്ടികള്‍ മനസിലാക്കി. ചിമ്മിനിക്കാടുകളിലെ പക്ഷിജാലങ്ങളെക്കുറിച്ചും വന്യജീവികളെക്കുറിച്ചും ക്യാമ്പംഗങ്ങള്‍ ചോദിച്ചറിഞ്ഞു. ചിമ്മിനി അണക്കെട്ടിനെക്കുറിച്ചുള്ള വിവരശേഖരണവും കുട്ടികള്‍ നടത്തി. ഇന്ദ്രജിത്ത് കാര്യാട്ട്, കെ.കെ. അനീഷ്‌കുമാര്‍, ഐ.ആര്‍. ബാലകൃഷ്ണന്‍, എം.കെ. വിജയന്‍, കെ.ആര്‍. സന്തോഷ്, കാവ്യ, രാധിക എന്നിവര്‍ പഠനയാത്രക്കു നേതൃത്വം നല്‍കി.

ചെവ്വൂർ വൈഎംസിഎ വാർഷിക പൊതുയോഗം

ചെവ്വൂർ: വൈഎംസിഎ 44-ാം വാർഷിക പൊതുയോഗം പ്രസിഡന്‍റ് ജോബി ജോർജിന്‍റെ അധ്യക്ഷതയിൽ ചേർന്നു. കേരള റീജിയൻ ചെയർമാൻ പ്രഫ. അലക്സ് തോമസ് ഉദ്ഘാടനംചെയ്തു. നാഷണൽ സെക്രട്ടറി എൻ.വി. എൽദോ മുഖ്യാതിഥിയായി. പുതിയ അംഗത്വവിതരണത്തിനു കേരള റീജിയന്‌‍ സെക്രട്ടറി ഡേവിസ് സാമുവൽ നേതൃത്വം നൽകി. തൃശൂർ സബ് റീജിയൻ ചെയർമാൻ ജോണ്‍സണ്‍ മാറോക്കി, റീജണൽ ഡെവലപ്മെന്‍റ് സെക്രട്ടറി അജുൽ വർഗീസ്, ചെവ്വൂർ വൈഎംസിഎ മുൻ പ്രസിഡന്‍റ് അഡ്വ. ഇ.ഡി. ഫ്രാൻസിസ്, മുൻസെക്രട്ടറി ഇ.പി. ജോസഫ്, സെക്രട്ടറി ജോസഫ് പുളിക്കൻ, ട്രഷറർ എം.ഒ. പോൾസണ്‍, ജോയിന്‍റ് സെക്രട്ടറി ജോസ് ആന്‍റോ, വനിതാഫോറം ചെയർപേഴ്സണ്‍ അഡ്വ. ലീന ജോസ് എന്നിവർ പ്രസംഗിച്ചു.

മാർത്ത് മറിയം വലിയപള്ളിയിൽ ഓർമത്തിരുനാൾ നാളെമുതൽ

തൃശൂർ: ഇന്ത്യയിലെ പൗരസ്ത്യ കൽദായ സുറിയാനിസഭയുടെ വിശുദ്ധ അബിമലേക് തിമോഥെയൂസിന്‍റെ 80-ാം ഓർമത്തിരുന്നാളും ദിവംഗതരായ സഭാപിതാക്കന്മാരുടെ ഓർമദിനവും സമൂഹസദ്യയും മാർത്ത് മറിയം വലിയപള്ളിയിൽ നാളെയും മറ്റന്നാളുമായി ആചരിക്കും. നാളെ വൈകീട്ട് 6.30ന് റംശാ പ്രാർഥനയും തിരുനാൾപ്രദക്ഷിണവും നടക്കും. ഒന്നിനു രാവിലെ ഏഴിന് മാർ ഔഗിൻ കുര്യാക്കോസ് മെത്രാപ്പോലീത്തയുടെ കാർമികത്വത്തിൽ വിശുദ്ധ കുർബാന, ധൂപപ്രാർഥന, അന്നീദശുശ്രൂഷ, രാവിലെ 10.30നു സമൂഹസദ്യ ആശീർവദിക്കൽ. തുടർന്നുനടക്കുന്ന അനുസ്മരണസമ്മേളനവും അഖിലേന്ത്യാ പുരോഹിത അവാർഡ് പ്രഖ്യാപനവും ഓർത്തഡോക്സ് സിറിയൻ സഭ കണ്ടനാട് ഭദ്രാസനാധിപൻ തോമസ് മോർ അത്തനേഷ്യസ് മെത്രാപ്പോലീത്ത ഉദ്ഘാടനം ചെയ്യും. മന്ത്രിമാരായ കെ. രാജൻ, ഡോ. ആർ. ബിന്ദു, എംഎൽമാരായ സേവ്യർ ചിറ്റിലപ്പിള്ളി, പി. ബാലചന്ദ്രൻ, മേയർ എം.കെ. വർഗീസ്, അതിരൂപത സഹായമെത്രാൻ മാർ ടോണി നീലങ്കാവിൽ തുടങ്ങിയവർ മുഖ്യാതിഥികളാകും. സൗജന്യനേത്രപരിശോധന, മെഡിക്കൽ ക്യാന്പുകൾ എന്നിവയും ഉണ്ടായിരിക്കുമെന്നും മാർ ഔഗിൻ കുര്യാക്കോസ് മെത്രാപ്പോലീത്ത പത്രസമ്മേളനത്തിൽ അറിയിച്ചു. ഫാ. കെ.ആർ. ഇനാശു, അബി ജെ. പൊൻമാണിശേരി, രാജൻ ജോസ് മണ്ണുത്തി, ഗിഫ്റ്റൻ കെ. ജോസഫ് എന്നിവരും പങ്കെടുത്തു.

ഇടക്കുന്നിയിൽ മണ്ണിടിഞ്ഞു

എരുമപ്പെട്ടി: വേലൂർ പഴവൂർ ഇടക്കുന്നിയിൽ മണ്ണിടിഞ്ഞ് പാറകളും മരങ്ങളും റോഡിലേക്ക് വീഴുന്നത് പതിവാകുന്നു. റോഡിന് ഇരുവശവും സംരക്ഷണ ഭിത്തി നിർമിക്കണമെന്ന് നാട്ടുകാർ. എരുമപ്പെട്ടി - വേലൂർ പഞ്ചായത്തുകളെ തമ്മിൽ ബന്ധിപ്പിക്കുന്നതാണ് പഴവൂർ ഇടക്കുന്നി റോഡ്. വേലൂരിൽ നിന്ന് കുന്നംകുളം - വടക്കാഞ്ചേരി സംസ്ഥാന പാതയിലേക്കുമുള്ള റോഡായതിനാൽ നിരവധി വാഹനങ്ങൾ ഇടക്കുന്നി വഴിയാണ് സഞ്ചരിക്കുന്നത്. 300 മീറ്ററോളം ദൂരം വനത്തിനുള്ളിലൂടെയാണ് റോഡ് കടന്ന് പോകുന്നത്. ഈ പ്രദേശത്താണ് റോഡരികിലെ കുന്നിൻ ചെരുവിൽ നിന്ന് മരങ്ങളും വലിയ പാറകളും ഇടിഞ്ഞ് വീഴുന്നത്. മണ്ണിടിഞ്ഞ് നിരവധി മരങ്ങൾ മറിഞ്ഞ് വീഴാവുന്ന അവസ്ഥയിൽ നിൽക്കുന്നുണ്ട്. റോഡരികിലെ വലിയ മുളങ്കുടും ഏത് നിമിഷവും നിലം പൊത്താവുന്ന അവസ്ഥയിലാണ്. കുന്നിടിയുന്ന പ്രദേശത്ത് സംരക്ഷണ ഭിത്തി നിർമിക്കാൻ അധികൃതർ നടപടി സ്വീകരിക്കണമെന്നും റോഡരുകിലെ മരത്തടികൾ നീക്കം ചെയ്യണമെന്നും നാട്ടുകാർ ആവശ്യപ്പെടുന്നു. ട്രാൻസ്ഫോർമറിന് തീപിടിച്ചു കുന്നംകുളം: ഇന്നലെ വൈകിട്ട് ഉണ്ടായ ശക്തമായ ഇടിമിന്നലിൽ വടക്കാഞ്ചേരി റോഡിലെ ഗുഡ് ഷെപ്പേഡിന് മുന്നിലുള്ള ട്രാൻസ്ഫോർമറിന് തീപിടിച്ചു. രാത്രി എട്ടുമണിയോടെയാണ് അപകടമുണ്ടായത്. കുന്നംകുളത്തു നിന്നും ഫയർഫോഴ്സ് എത്തി തീയണച്ചു.

എരുമപ്പെട്ടിയിൽ ശക്തമായ കാറ്റിലും മഴയിലും വ്യാപകനാശനഷ്ടം

എരുമപ്പെട്ടി: ഇന്നലെ രാത്രിയിലുണ്ടായ ശക്തമായ കാറ്റിലും മഴയിലും എരുമപ്പെട്ടി മേഖലയിൽ വ്യാപക നാശനഷ്ടം. വിവിധ പ്രദേശങ്ങളിൽ മരങ്ങൾ വീണ് വൈദ്യുതി കാലുകൾ തകർന്നു. എരുമപ്പെട്ടി, തിച്ചൂർ, നെല്ലുവായ് മുരിങ്ങത്തേരി പ്രദേശങ്ങളിലാണ് മരങ്ങൾ വീണത്. നെല്ലുവായ് പട്ടാമ്പി റോഡിൽ മുരിങ്ങത്തേരിയിൽ മരം കടപുഴകി വീണ് ഗതാഗതം തടസപ്പെട്ടു. പഞ്ചായത്ത് മെമ്പർ എൻ.പി അജയന്‍റെ നേതൃത്വത്തിൽ നാട്ടുകാരും വടക്കാഞ്ചേരി ഫയർ സ്റ്റേഷൻ ഓഫീസർ ടി.കെ. നിതീഷിന്‍റെ നേതൃത്വത്തിൽ മരം മുറിച്ച് നീക്കി. പല പ്രദേശങ്ങളിലും വൈദ്യുതി വിതരണം തടസപ്പെട്ടു. കെഎസ്ഇബി ഉദ്യോഗസ്ഥരെത്തി തകരാറുകൾ പരിഹരിക്കുന്നുണ്ട്.

ആറ്റുപുറം പള്ളിയിൽ തിരുനാൾ

പുന്നയൂർക്കുളം: ആറ്റുപുറം സെന്‍റ് ആന്‍റണീസ് പള്ളിയിൽ വിശുദ്ധ അന്തോണീസ്, വിശുദ്ധ സെബസ്ത്യാനോസ് എന്നിവരുടെ സംയുക്തതിരുനാളിനു കൊടിയേറി. വികാരി ജനറാൾ മോൺ. ജെയ്സൺ കൂനംപ്ലാക്കൽ കൊടിയേറ്റം നിർവഹിച്ചു. തിരുനാളും ഇടവകദിനാഘോഷവും രണ്ട്, മൂന്ന്, നാല് തീയതികളിലായി നടത്തുമെന്ന് വികാരി ഫാ. ഡെന്നീസ് മാറോക്കി, ജനറൽ കൺവീനർ ജോസ് മുട്ടത്ത്, ട്രസ്റ്റി സൈമൺ കൊള്ളന്നൂർ, ജോയിന്‍റ്് ജനറൽ കൺവീനർ ആന്‍റണി പുലിക്കോട്ടിൽ, കൺവീനർമാരായ ജോഷി മേലിട്ട്, ഷാരോ ൺ വെള്ളറ എന്നിവർ പത്രസമ്മേളനത്തിൽ അറിയിച്ചു. വെള്ളിയാഴ്ചവരെ എല്ലാദിവസവും വൈകീട്ട് 5.30ന് ദിവ്യബലി, ലദീഞ്ഞ് എന്നിവ നടക്കും. വെള്ളിയാഴ്ച വൈകീട്ട് ഏഴിന് ദീപാലങ്കാരം സ്വിച്ചോൺ വടക്കേക്കാട് എസ്എച്ച്ഒ കെ. അനിൽകുമാർ നിർവഹിക്കും. തുടർന്നു നടക്കുന്ന ഇടവകദിനാഘോഷ പൊതുസമ്മേളനം പാലയൂർ മാർതോമ തീർഥകേന്ദ്രം ആർച്ച്പ്രീസ്റ്റ് റവ.ഡോ. ഡേവിസ് കണ്ണമ്പുഴ ഉദ്ഘാടനം ചെയ്യും. ശനി രാവിലെ ദിവ്യബലി, തുടർന്ന് തിരുസ്വരൂപം എഴുന്നള്ളിച്ചുവയ്ക്കൽ, എഴുന്നളളിപ്പ് ആരംഭം. രാത്രി 11ന് എഴുന്നള്ളിപ്പ് സമാപനം, ബാൻഡ് വാദ്യ ഫ്യൂഷൻ. ഞായറാഴ്ച രാവിലെ 10.30ന് ആഘോഷമായ തിരുനാൾ പാട്ടുകുർബാനയ്ക്കു റവ.ഡോ. ആന്‍റണി കൊള്ളന്നൂർ മുഖ്യകാർമികനാകും. ഫാ. ഫ്രാൻസിസ് വാഴപ്പിള്ളി സന്ദേശം നൽകും. കപ്പേളയിലേക്കു പ്രദക്ഷിണം. രാത്രി ഏഴിനു ഗാനമേള.

റോഡ് സുരക്ഷയ്ക്കായി സ്ഥാപിച്ച മതിൽപൊളിച്ച് സ്വകാര്യവ്യക്തി

വടക്കാഞ്ചേരി: റോഡ് സുരക്ഷയ് ക്കായി സ്ഥാപിച്ച മതിൽ സ്വകാര്യവ്യക്തി പൊളിച്ചുനീക്കി. വടക്കാഞ്ചേരി പോലീസിൽ പരാതി നൽകി പൊതുമരാമത്ത് ബ്രിഡ് ജസ് വിഭാഗം. ഞായറാഴ്ചയുടെ മറവിലാണ് ജെസിബി ഉപയോഗിച്ച് മതിൽ പൊളിച്ചുനീക്കിയത്. പ്രതിഷേധം ശക്തം. വടക്കാഞ്ചേരി റെയിൽവേ ഓവർ ബ്രിഡ്ജിനോടുചേർന്നുള്ള മതിലാണ് സ്വകാര്യവ്യക്തി കെട്ടിടം പണിയുന്നതിന്‍റെ ഭാഗമായി അനധികൃതമായി പൊളിച്ചുനീക്കിയത്. വടക്കാഞ്ചേരി ഫൊറോന പള്ളിക്കു സമീപമുള്ള കോൺക്രീറ്റ് മതിലിന്‍റെ ഏഴുമീറ്ററോളം ഭാഗമാണ് ഞായറാഴ്ച ജെസിബി ഉപയോഗിച്ച് പൊളിച്ചു മാറ്റിയത്. സംഭവത്തിൽ വടക്കാഞ്ചേരി പൊതുമരാമത്ത് ബ്രിഡ്ജ് വിഭാഗം എഇഇ വടക്കാഞ്ചേ രി പോലീസിൽ പരാതി നൽകിയിട്ടുണ്ട്. സ്ഥിരം അപകടമേഖലയായ വടക്കാഞ്ചേരി റെയിൽവേ ഓവർ ബ്രിഡ്ജ് ഭാഗത്ത് സുരക്ഷാകവചമായി തീർത്തിരുന്ന കോൺക്രീറ്റ് മതിലാണ് സ്വകാര്യ വ്യക്തി അനുമതിയില്ലാതെ പൊളിച്ചു നീക്കിയത്. മതിൽ പൊളിക്കുന്നതുമായി ബന്ധപ്പെട്ട അപേക്ഷ പൊതുമരാമത്തുവകുപ്പിനു നൽകിയിരുന്നു. റോഡ് സുരക്ഷാ അഥോറിറ്റിക്ക് ഇതുസംബന്ധിച്ച അപേക്ഷ കൈമാറിയിരുന്നു. എന്നാൽ അനുമതി ലഭിക്കുന്നതിനു മുൻപേ സ്വകാര്യവ്യക്തി മതിൽ പൊളിക്കുകയായിരുന്നുവെന്നാണ് പറയുന്നത്. സംഭവം വിവാദമായതോടെ പൊതുമരാമത്തുവകുപ്പ് ഉദ്യോഗസ്ഥർ സ്ഥലത്തെത്തി ഉടമയ്ക്ക് സ്റ്റോപ്പ് മെമ്മോ നൽകിയിട്ടുണ്ട്. പുതിയതായി നിർമിക്കുന്ന കേട്ടിടത്തിലേക്ക് വഴി ഒരുക്കുന്നതിനാണ് മതിൽ പൊളിച്ചുനീക്കിയത്. എന്നാൽ നഗരസഭാ സെക്രട്ടറി തങ്ങൾക്ക് 14 മീറ്റർ ദൂരം മതിൽ പൊളിക്കാൻ അനുമതിപത്രം നൽകിയിട്ടുണ്ടെന്നു കെട്ടിട ഉടമ പറഞ്ഞു.

മൾട്ടിലെവൽ കാർപാർക്കിംഗ്: പ്രതിപക്ഷം പ്രതിഷേധിച്ചു

തൃശൂർ: ഉദ്ഘാടനംകഴിഞ്ഞ് അഞ്ചുമാസമായിട്ടും കോർപറേഷൻ മൾട്ടിലെവൽ കാർ പാർക്കിംഗ് സംവിധാനം തുറന്നുനൽകാത്തതിൽ പ്രതിഷേധിച്ച് കോണ്‍ഗ്രസ് കൗണ്‍സിലർമാർ. കുട്ടികൾ കളിക്കുന്ന ടോയ് കാർ പാർക്കിംഗ് ഏരിയയിൽ പാർക്ക് ചെയ്ത് പ്രതിപക്ഷനേതാവ് രാജൻ ജെ. പല്ലൻ ഉദ്ഘാടനം ചെയ്തു. കൗണ്‍സിലർമാർ ആവർത്തിച്ചുചോദിച്ചിട്ടും മാധ്യമങ്ങളിൽ വാർത്തയായിട്ടും കാർ പാർക്കിംഗ് സംവിധാനം തുറന്നിട്ടില്ല. മേയറും എൽഡിഎഫ് നേതൃത്വവും മൗനംവെടിയണം. കോടിക്കണക്കിനു രൂപ മുടക്കിയ നെഹ്റു പാർക്കിലെ മ്യൂസിക് ഫൗണ്ടൻ, റോഡ് ശുചീകരണത്തിനു വാങ്ങിയ യന്തിരൻ എന്ന ശുചീകരണവാഹനം എന്നിവയും പ്രവർത്തിക്കുന്നില്ല. കോടികളുടെ നഷ്ടമുണ്ടായതിൽ വിജിലൻസ് അന്വേഷണം വേണമെന്നും രാജൻ ജെ. പല്ലൻ ആവശ്യപ്പെട്ടു. കോർപറേഷൻ പ്രതിപക്ഷ ഉപനേതാവ് ഇ.വി. സുനിൽരാജ്, സ്റ്റാൻഡിംഗ് കമ്മിറ്റി ചെയർമാൻമാരായ ജയപ്രകാശ് പൂവത്തിങ്കൽ, മുകേഷ് കൂളപറന്പിൽ, ശ്യാമള മുരളീധരൻ, കൗണ്‍സിലർമാരായ കെ. രാമനാഥൻ, ലാലി ജെയിംസ്, എബി വർഗീസ്, വിനേഷ് തയ്യിൽ, സുനിത വിനു, ലീല വർഗീസ്, മേഴ്സി അജി, റെജി ജോയ്, മേഫി ഡെൽസണ്‍, നിമ്മി റപ്പായി, അഡ്വ. വില്ലി എന്നിവർ പങ്കെടുത്തു.

കെഎസ്എഫ്ഇഎസ്എ - സിഐടിയു ജില്ലാ സമ്മേളനം

തൃശൂർ: കെഎസ്എഫ്ഇ എസ്എ- സിഐടിയു ജില്ലാ സമ്മേളനം സേവ്യർ ചിറ്റിലപ്പിള്ളി എംഎൽഎ ഉദ്ഘാടനംചെയ്തു. യൂണിയൻ ജില്ലാ പ്രസിഡന്‍റ് ബൈജു ആന്‍റണി അധ്യക്ഷനായിരുന്നു. സിഐടിയു ജില്ലാ ജനറൽ സെക്രട്ടറി യു.പി. ജോസഫ്, ദേശീയ ജനറൽ കൗണ്‍സിൽ അംഗം പി.കെ. ഷാജൻ, ജില്ലാ സെക്രട്ടറി ടി. സുധാകരൻ, ഓഫീസേഴ്സ് യൂണിയൻ സംസ്ഥാന സെക്രട്ടറി സി. കേശവകുമാർ, ഏജന്‍റ് അസോസിയേഷൻ ജില്ലാ സെക്രട്ടറി എ. അജിത്കുമാർ, ഗോൾഡ് അപ്രൈസേഴ്സ് അസോസിയേഷൻ ജില്ലാ സെക്രട്ടറി ടി.വി. വിനോദ്കുമാർ, യൂണിയൻ സംസ്ഥാന ജനറൽ സെക്രട്ടറി എസ്. മുരളീകൃഷ്ണപിള്ള, വൈസ് പ്രസിഡന്‍റ് ഷമീർ മുഹമ്മദ്, മണിക്കുട്ടി പി. കുര്യാക്കോസ്, ആർ. സുരേഷ് കുമാർ എന്നിവർ പ്രസംഗിച്ചു. ജില്ലാ ഭാരവാഹികളായി പി.എൻ. വിഷ്ണു- പ്രസിഡന്‍റ്, ബൈജു ആന്‍റണി- സെക്രട്ടറി, പി.യു. റംലത്ത്- ട്രഷറർ എന്നിവരെ തെരഞ്ഞെടുത്തു.

എൻഎച്ച്എ സുരക്ഷാമുൻകരുതലുകൾ സ്വീകരിച്ചില്ലെന്നു കണ്ടെത്തൽ

തൃശൂർ: ദേശീയപാതയിലെ ഗതാഗതക്കുരുക്കുമായി ബന്ധപ്പെട്ട ചാലക്കുടി ഡിവൈഎസ്പി, ചാലക്കുടി ആർടിഒ, ചാലക്കുടി തഹസിൽദാർ എന്നിവരുടെ സംയുക്ത പരിശോധനാറിപ്പോർട്ടിൽ പേരാമ്പ്ര, മുരിങ്ങൂർ, ചിറങ്ങര എന്നിവിടങ്ങളിലെ അടിപ്പാതനിർമാണമേഖലകളിൽ ആവശ്യമായ സുരക്ഷാമുൻകരുതലുകൾ നാഷണൽ ഹൈവേ അഥോറിറ്റി (എൻഎച്ച്എ) സ്വീകരിച്ചിട്ടില്ലെന്നും ഫ്ലാഗ്‌മാനെ നിയോഗിച്ചിട്ടില്ലെന്നും കണ്ടെത്തൽ. ഡീപ് എക്സ്‌കവേഷൻ (വലിയ കുഴിയെടുക്കൽ) നടക്കുന്ന ഭാഗങ്ങളിൽ സർവീസ് റോഡിന്‍റെ വശങ്ങളിൽ മതിയായ സംരക്ഷണ ബാരിക്കേഡുകൾ സ്ഥാപിച്ചിട്ടില്ല. സർവീസ് റോഡിനരികിൽ നിലവിലുള്ള ഇലക്ട്രിക് പോസ്റ്റുകൾ എല്ലാം മാറ്റിയിട്ടില്ല. മെയിൻ റോഡുകളിൽനിന്ന് സർവീസ് റോഡുകളിലേക്കു പ്രവേശിക്കുന്ന സ്ഥലങ്ങളിൽ എല്ലായിടത്തും വീതികൂട്ടിയിട്ടില്ല. റോഡിന്‍റെ ഉയരം ക്രമീകരിച്ചിട്ടില്ല. മതിയായ വെളിച്ചം, ആവശ്യത്തിനു മുന്നറിയിപ്പ് ബോർഡുകൾ എന്നിവ സ്ഥാപിച്ചിട്ടില്ല. നിർമാണപ്രവർത്തനങ്ങൾ നടത്തുന്ന സ്ഥലത്തിന് 500 മീറ്റർ മുൻപുതന്നെ ട്രാഫിക് ഡൈവേർഷൻ ഉണ്ടെന്നു വിവിധ ഭാഷകളിലുള്ള ഫ്ലൂറസെന്‍റ് ബോർഡുകൾ, ഡൈവേർഷനുള്ള ഭാഗങ്ങളിൽ ഓവർടേക്കിംഗ് നിരോധിച്ചുള്ള ബോർഡുകൾ, ബ്ലിങ്കർ ലൈറ്റുകൾ, റിഫ്ലക്ടറുകൾ എന്നിവ എല്ലായിടത്തും സ്ഥാപിച്ചിട്ടില്ല. ഡ്രെയിനേജ് സംവിധാനം എല്ലായിടത്തും പൂർത്തിയാക്കിയിട്ടില്ല. കഴിഞ്ഞദിവസത്തെ മഴയിൽ കൊരട്ടി ജംഗ്ഷനിൽ ശക്തമായ വെള്ളക്കെട്ട് രൂപപ്പെട്ടെന്നും നിർമാണ പ്രവൃത്തികൾ മന്ദഗതിയിലാണെന്നും ക്രെയിൻ സൗകര്യം ഏർപ്പെടുത്തിയിട്ടില്ലെന്നും റിപ്പോർട്ടിലുണ്ട്.

ടൗൺഹാളൊരു മാന്തോപ്പായി, പൂരനഗരിക്കിതു മാമ്പഴക്കാലം

തൃശൂർ: ടൗൺഹാൾ ഒരു മാന്തോപ്പായി മാറി; മധുരമൂറുന്ന, തേൻകിനിയുന്ന ഒരായിരം മാമ്പഴങ്ങളുള്ള മാന്തോപ്പ്!! തൃശൂർ അഗ്രിഹോർട്ടിക്കൾച്ചർ സൊസൈറ്റിയുടെ ആഭിമുഖ്യത്തിൽ കൃഷിവകുപ്പ്, കാർഷികസർവകലാശാല, ഇൻഡിജീനസ് മാങ്കോട്രീ കണ്‍സർവേഷൻ പ്രോജക്ട്, ഡിടിപിസി എന്നിവയുടെ സഹകരണത്തോടെ സംഘടിപ്പിച്ചിട്ടുള്ള മാങ്ങാമേള കാണാൻ ടൗൺഹാളിൽ എത്തിയാൽ ഒരുപാടൊരുപാട് മാഞ്ചുവട്ടിൽ എത്തിയപോലെയാണ്. കുട്ടിക്കാലംതൊട്ട് കേട്ടു കൊതിതോന്നിയ മാമ്പഴങ്ങൾക്കൊപ്പം പുതുമയുള്ള പേരുകളുമായി ഒട്ടനവധി മാമ്പഴങ്ങളുമുണ്ട്. ജോളി, മുംതാസ്, മേനക, നീലകണ്ഠൻ, അലിക്കുട്ടി, പത്മിനി, അമ്പിളി, വെങ്കിടി, സൽമ, അശ്വിൻ... അങ്ങനെ ഒരു ക്ലാസിലെ ഹാജർബുക്കിലെ പേരുകൾപോലെ മാമ്പഴങ്ങളുടെ പേരുകൾ നീളുന്നു.പേരുകളിലെ വൈവിധ്യം രുചിയിലും വലിപ്പത്തിലും ആകൃതിയിലും മണത്തിലും നിറത്തിലുമുണ്ട്.മൂവാണ്ടനും പ്രിയൂരും കിളിച്ചുണ്ടനുംമാത്രമറിയുന്നവർക്ക് ഇതു പൂരക്കാലത്തെ മാമ്പഴ കുടമാറ്റമാണ്. പൊതിക്കാത്ത ഒരു നാളികേരത്തിന്‍റെയത്ര വലിപ്പമുള്ള മാമ്പഴവും ഉരുളൻകല്ലിന്‍റെ വലിപ്പമുള്ള മാങ്ങയും മേളയിലുണ്ട്.1500-ലധികം മാമ്പഴ ഇനങ്ങൾ ഇവിടെ അണിനിരത്തിയിട്ടുണ്ട്. ഭീമൻ മാങ്കോശ്രീയും കുഞ്ഞൻ കടുക്കയുമാണ്. മാങ്കോശ്രീ എട്ടു കിലോയുണ്ട്. അൽഫോൻസ, മന്ദാകിനി, കോസാപുരി, ബ്ലാക്ക് ആൻഡ്രൂസ്, മല്ലിക, ജഹാംഗിർ, മെർക്കുറി, കോട്ടപ്പറമ്പൻ, അർജുൻ, അംഗോർ... എന്നിങ്ങനെ നീളുന്നു വൈവിധ്യമാർന്ന ഇനങ്ങൾ. സിന്ദൂരം, സുന്ദരി, കൊളമ്പ്, ബ്ലാക്ക് റോസ്, ബംഗനാപ്പള്ളി, പ്രിയൂർ, മൂവാണ്ടൻ എന്നീ മാമ്പഴങ്ങളും സുലഭം. കേരളത്തിലെ 14 ജില്ലകളിൽനിന്ന് ഇൻഡിജീനസ് മാങ്കോട്രീ കണ്‍സർവേഷൻ ടീമിന്‍റെ പ്രതിനിധികളുടെ നേതൃത്വത്തിലാണ് വ്യത്യസ്തങ്ങളായ ഇത്രയധികം മാമ്പഴങ്ങളും മാങ്ങകളും ശേഖരിച്ചത്. മാമ്പഴ ഐസ്ക്രീമുകളും മാമ്പഴപ്പായസവും മാങ്ങ ജ്യൂസും ജാമുകളും അച്ചാറുകളും ഇവിടെയുണ്ട്. പഴുക്കുന്നതിനുമുമ്പ് പച്ചനിറത്തിലും പഴുത്താൽ മഞ്ഞയിലും മാത്രമല്ല മാങ്ങയുള്ളത്. മഞ്ഞനിറത്തിലുള്ള മാങ്ങ കണ്ടാൽ പഴുത്തുവെന്നു തോന്നുമെങ്കിലും പച്ചയാണെന്ന് അറിയുമ്പോൾ അത്ഭുതംതോന്നും. പഴുക്കുംമുമ്പേ മേക്കപ്പിട്ടു സുന്ദരിയായ നല്ല മഞ്ഞപച്ചമാങ്ങ. നട്ടുവളർത്താൻ മാവിൻതൈകളും വില്പനയ്ക്കുണ്ട്. മാവുകൃഷിയെക്കുറിച്ച് സെമിനാർ, പരിപാലനനിർദേശങ്ങൾക്കും സംശയദുരീകരണത്തിനും മാങ്കോ ക്ലിനിക് എന്നിവയും സജ്ജീകരിച്ചിട്ടുണ്ട്. മാങ്ങാമേള മേയർ എം.കെ. വർഗീസ് ഉദ്ഘാടനം ചെയ്തു. പി. ബാലചന്ദ്രൻ എംഎൽഎ അധ്യക്ഷനായിരുന്നു. മേള ഇന്നു സമാപിക്കും.

അമലയിൽ ലോക ലബോറട്ടറി ദിനാചരണം

അമലനഗർ: അമല മെഡിക്കൽ കോളജിൽ ലോക ലബോറട്ടറി ദിനാചരണം ഡയറക്ടർ ഫാ. ജൂലിയസ് അറയ്ക്കൽ വെള്ളരിപ്രാവിനെ പറത്തി ഉദ്ഘാടനംചെയ്തു. ലോകത്തിലെതന്നെ ഏറ്റവും മേന്മയേറിയ ഉപകരണങ്ങളാണ് അമല ആശുപത്രിയിലെ ലബോറട്ടറികളിൽ ഉപയോഗിക്കുന്നതെന്നും രോഗനിർണയത്തിൽ സുപ്രധാനപങ്കുവഹിക്കുന്ന അമലയിലെ 380 ടെസ്റ്റുകളും ഗുണമേന്മ ഉറപ്പുവരുത്തുന്ന ഇന്ത്യയിലെ ഏറ്റവും പ്രധാന സംവിധാനമായ എൻഎബിഎൽ അക്രഡിറ്റേഷൻ അംഗീകാരം നേടിയിട്ടുള്ളതാണെന്നും ഡയറക്ടർ വ്യക്തമാക്കി. പ്രഗത്ഭരായ ഡോക്ടർമാരെയും ലബോറട്ടറി ടെക്നീഷ്യൻമാരെയും അനുമോദിച്ചു. ജോയിന്‍റ് ഡയറക്ടർ ഫാ. ജെയ്സൺ മുണ്ടൻമാണി, വൈസ് പ്രിൻസിപ്പൽ ഡോ. ലോലദാസ്, ലാബ് ഡയറക്ടർ ഡോ. റീന ജോൺ, ബയോകെമിസ്ട്രി വിഭാഗം മേധാവി ഡോ. ജോസ് ജേക്കബ്, പത്തോളജി വിഭാഗം മേധാവി ഡോ. എം.സി. സാവിത്രി എന്നിവർ സന്ദേശം നൽകി. ഡോ. നിധിൻ പോൾ, വി.പി. പ്രജിത്ത് എന്നിവരുടെ നേതൃത്വത്തിൽ ലാബ് ജീവനക്കാരും അവരുടെ കുടുംബാംഗങ്ങളുമടക്കം 59 പേർ രക്തദാനം നടത്തി. നാലു ദിവസങ്ങളിലായി നടന്ന ലബോറട്ടറി ദിനാചരണത്തിൽ ലാബ് സേവനങ്ങളുടെ പ്രാധാന്യത്തെക്കുറിച്ചുള്ള റീൽസ് മത്സരങ്ങൾ, ജീവകാരുണ്യപ്രവർത്തനങ്ങൾക്കുള്ള ഫുഡ് ഫെസ്റ്റ്, എംബിബിഎസ് വിദ്യാർഥികൾക്കായുള്ള സ്കിൽ ലാബ് പരിശീലനം, ഓട്ടിസം ബാധിച്ചവരെ സന്ദർശിക്കൽ, ലാബ് ജീവനക്കാർക്കായുള്ള സൗഹൃദ ഉച്ചഭക്ഷണം എന്നിവയുണ്ടായിരുന്നു.

ബുദ്ധിയുണ്ടെങ്കിൽ സർക്കാർ ആശാസമരം അവസാനിപ്പിക്കണം: സാറാ ജോസഫ്

തൃശൂർ: ബുദ്ധിയുണ്ടെങ്കിൽ ആശമാരുടെ സമരം അവസാനിപ്പിക്കാൻ സർക്കാർ തയാറാവണമെന്നും മർക്കടമുഷ്ടി ഒഴിവാക്കണമെന്നും സാറാ ജോസഫ്. അടിസ്ഥാനപരമായി ദരിദ്രരായിരിക്കുകയും ദളിതരായിരിക്കുകയും സ്ത്രീകളായിരിക്കുകയും ചെയ്യുന്നവരുടെ സമരം ദുരഭിമാനത്തിന്‍റെ പ്രശ്നമായാണു സർക്കാർ കാണുന്നത്. ഇതിനെ അനാവശ്യസമരമെന്നുപറഞ്ഞു നിസാരവത്കരിക്കുന്ന ഇടതുപക്ഷസർക്കാർ ഏതാണ് ആവശ്യസമരമെന്നു വ്യക്തമാക്കണം. ജനങ്ങളുടെ ന്യായമായ പ്രശ്നത്തിൽ ഇടപെടാൻ സർക്കാരിനു കഴിയണം. കേന്ദ്ര-സംസ്ഥാന സർക്കാരുകളുടെ ധിക്കാരവും അഹങ്കാരവും അവസാനിപ്പിക്കാൻ ഓരോരുത്തരും ഉണർന്നുപ്രവർത്തിക്കണമെന്നും സാറാ ജോസഫ് പറഞ്ഞു. ആശമാരോടുള്ള സർക്കാർനിഷേധം തുടരുന്ന സാഹചര്യത്തിൽ പൊതുസമൂഹത്തിന്‍റെ ഉത്തരവാദിത്വമെന്ന നിലയിൽ സിവിൽ സമൂഹത്തിന്‍റെ 1,000 രൂപയുടെ ഓണറേറിയം ആശമാർക്കു കൈമാറുമെന്നും സർക്കാർതുക ലഭ്യമാകുംവരെ ഇതു തുടരുമെന്നും അവർ പത്രസമ്മേളനത്തിൽ അറിയിച്ചു. സിവിൽ സൊസൈറ്റി വിത്ത് ആശാ വർക്കേഴ്സ് അറ്റ് തൃശൂരിന്‍റെ നേതൃത്വത്തിൽ മേയ് ഒന്നിനു വൈകീട്ട് നാലിനു പബ്ലിക് ലൈബ്രറി പരിസരത്തുനടക്കുന്ന ചടങ്ങിൽ ആശമാർക്കുള്ള സിവിൽ സമൂഹത്തിന്‍റെ ഓണറേറിയം പ്രഖ്യാപനവും വിതരണവും നടക്കും. ഇതൊരു സമ്മർദതന്ത്രമാണെന്നും സമാനചിന്താഗതിക്കാർവഴി മറ്റു ജില്ലകളിലും നടപ്പാക്കാനാണു ശ്രമമെന്നും ഭാരവാഹികൾ പറഞ്ഞു. എം.പി. സുരേന്ദ്രൻ, കെ. അരവിന്ദാക്ഷൻ, ഡോ. കെ. ഗോപിനാഥൻ, പ്രഫ. കുസുമം ജോസഫ് എന്നിവരും പത്രസമ്മേളനത്തിൽ പങ്കെടുത്തു.

പൂരം ഗംഭീരമാക്കാൻ ഒരുക്കം പൂർത്തിയായി: ആർ. ബിന്ദു

തൃശൂർ: തെരഞ്ഞെടുപ്പുചട്ടം നിലനിന്നതിനാൽ കഴിഞ്ഞവർഷം ജനപ്രതിനിധികളെന്ന നിലയിൽ ഇടപെടാൻ കഴിഞ്ഞില്ലെന്നും ഇക്കുറി പൂരം ഗംഭീരമാക്കാൻ സർക്കാർതലത്തിൽ തയാറെടുപ്പു നടത്തിയെന്നും മന്ത്രി ആർ. ബിന്ദു. തൃശൂർ പൂരത്തിലെ ഘടകപൂരങ്ങൾക്കുള്ള കൊച്ചിൻ ദേവസ്വം ബോർഡിന്‍റെ ധനസഹായ‌വിതരണം നിർവഹിച്ചു പ്രസംഗിക്കുകയായിരുന്നു അവർ. ബോർഡ് പ്രസിഡന്‍റ് കെ. രവീന്ദ്രൻ, അംഗം അഡ്വ. കെ.പി. അജയൻ, ദേവസ്വം കമ്മീഷണർ എസ്.ആർ. ഉദയകുമാർ, ദേവസ്വം സെക്രട്ടറി പി. ബിന്ദു, ഡെപ്യൂട്ടി കമ്മീഷണർ കെ. സുനിൽകുമാർ, പാറമേക്കാവ് ദേവസ്വം സെക്രട്ടറി ജി. രാജേഷ്, തിരുവന്പാടി ദേവസ്വം സെക്രട്ടറി കെ. ഗിരീഷ്കുമാർ എന്നിവർ പ്രസംഗിച്ചു.

പൂരം കൊടിയേറ്റം നാളെ

തൃശൂർ: ഒരാണ്ടിന്‍റെ കാത്തിരിപ്പ് ഒരാഴ്ചയിലേക്കു ചുരുക്കിക്കൊണ്ട് നാളെ തൃശൂർ പൂരം കൊടിയേറും. പൂരത്തിന്‍റെ പ്രധാന പങ്കാളികളായ പാറമേക്കാവിലും തിരുവമ്പാടിയിലും എട്ടു ഘടകക്ഷേത്രങ്ങളിലും നാളെ പൂരം കൊടിയേറും. തിരുവമ്പാടി ക്ഷേത്രത്തിൽ നാളെ രാവിലെ 11നും 11.30 നും ഇടയിലാണ് കൊടിയേറ്റം. കൊടിയേറ്റത്തിന‌ു മുന്നോടിയായി ഇന്നു നടക്കുന്ന പ്രത്യേക പൂജകൾക്കു തന്ത്രി പുലിയന്നൂർ ശങ്കരനാരായണൻ നമ്പൂതിരിപ്പാട്, പുലിയന്നൂർ ജയന്തൻ നമ്പൂതിരിപ്പാട്, മേൽശാന്തിമാരായ പൊഴിച്ചൂർ ദിനേശൻ നമ്പൂതിരി, വടക്കേടത്ത് കപ്ലിങ്ങാട് പ്രദീപ് നമ്പൂതിരി എന്നിവർ കാർമികത്വം വഹിക്കും. നാളെ പാരമ്പര്യ അവകാശികളായ താഴത്തുപുരയ്ക്കൽ ആശാരിഗൃഹത്തിൽ സുന്ദരൻ, സുഷിത്ത് എന്നിവർ അടയ്ക്കാമരം ചെത്തിമിനുക്കി കൊടിമരം നിർമിച്ചശേഷം കൊടിമരം സ്ഥാപിക്കേണ്ട സ്ഥലത്തു ഭൂമിപൂജ നടത്തും. തുടർന്ന് 11നും 11. 30നും ഇടയിൽ ശ്രീകോവിലിൽ പൂജിച്ച കൊടിക്കൂറ നാട്ടുകാർ ചേർന്നു കൊടിമരത്തിൽ കെട്ടി കൊടിമരം ഉയർത്തുന്നതോടെ പൂരം കൊടിയേറും. വൈകീട്ട് മൂന്നിനുള്ള എഴുന്നള്ളിപ്പിനു തിരുവമ്പാടി ചന്ദ്രശേഖരൻ തിടമ്പേറ്റും. 3.30 ന് എഴുന്നള്ളിപ്പ് നായ്ക്കനാലിൽ എത്തുന്നതോടെ നടുവിലാലിലും നായ്ക്കനാലിലും പൂരപ്പതാകകൾ ഉയരും. ആചാര വെടികളും മുഴങ്ങും. തുടർന്നു ശ്രീമൂലസ്ഥാനത്ത് മേളം കൊട്ടിക്കലാശിച്ചശേഷം നടുവിൽമഠത്തിലെത്തി ആറാട്ടുകഴിഞ്ഞു ഭഗവതി വൈകീട്ട് അഞ്ചുമണിയോടെ ക്ഷേത്രത്തിലേക്കുതിരിച്ചെഴുന്നള്ളും പാറമേക്കാവ് ക്ഷേത്രത്തിൽ നാളെ ഉച്ചയ്ക്ക് 12നു വലിയപാണിയോടെ കൊടിയേറ്റുചടങ്ങുകൾ തുടങ്ങും. വലിയപാണിക്കുശേഷം പുറത്തേക്കെഴുന്നള്ളുന്ന ഭഗവതിയെ സാക്ഷിനിർത്തി ദേശക്കാർ കൊടിയുയർത്തും. ചെമ്പിൽ കുട്ടനാശാരി നിർമിച്ച കവുങ്ങിൻകൊടിമരത്തിൽ ആല്, മാവ് എന്നിവയുടെ ഇലകളും ദര്‍ഭപ്പുല്ലുംകൊണ്ട് അലങ്കരിച്ചിരിക്കും. അതിൽ ക്ഷേത്രത്തിൽനിന്ന് കൊടുക്കുന്ന സിംഹമുദ്രയുള്ള കൊടിക്കൂറകെട്ടിയാണ് കൊടി ഉയർത്തുക. പാണ്ടിമേളത്തിനുകിഴക്കൂട്ട് അനിയൻമാരാർ നേതൃത്വം നൽകും. അഞ്ചാനപ്പുറത്തുള്ള എഴുന്നള്ളിപ്പിനു പാറമേക്കാവ് കാശിനാഥൻ തിടമ്പേറ്റും. വടക്കുന്നാഥനിലെ ചന്ദ്രപുഷ്‌കര്‍ണയില്‍ ആറാട്ടിനുശേഷം മേളത്തിന്‍റെ അകമ്പടിയോടെ ഭഗവതി ക്ഷേത്രത്തിലേക്കു തിരിച്ചെഴുന്നള്ളും. തുടർന്ന് വെടിക്കെട്ട് നടക്കും. പൂരത്തിന്‍റെ പങ്കാളികളായ എട്ടു ഘടകക്ഷേത്രങ്ങളിലും നാളെ രാവിലെയും രാത്രിയുമായി കൊടിയേറ്റ് നടക്കും.

സാന്പിൾ പൊരിക്കാൻ മാർക്കോ, എന്പുരാൻ, ബസൂക്ക...

സ്വന്തം ലേഖകൻ തൃശൂർ: മേയ് നാല് ഞായറാഴ്ചയാണ് സാന്പിൾ വെടിക്കെട്ട്. അതുകൊണ്ടുതന്നെ ഇത്തവണ പതിവിൽകവിഞ്ഞ തിരക്കായിരിക്കും. കൂടുതൽപേരെ റൗണ്ടിലേക്കു വെടിക്കെട്ടു കാണാൻ കയറ്റിനിർത്തുമെന്നു മന്ത്രിയും പോലീസുമൊക്കെ പറഞ്ഞിട്ടുള്ളതിനാലും തിരക്കേറും. ശബ്ദംകുറച്ച് വർണഭംഗി കൂട്ടിയാവും ഇത്തവണയും സാന്പിളും വെടിക്കെട്ടും. തിരുവന്പാടി വിഭാഗമാണ് ഇത്തവണ വെടിക്കെട്ടിന് ആദ്യം തീകൊളുത്തുക. സൂപ്പർഹിറ്റ് സിനിമാപ്പേരുകളുമായാണ് ഇത്തവണയും ആകാശപ്പൂരത്തിനു തിരുവന്പാടിയും പാറമേക്കാവുമെത്തുന്നത്. ആകാശത്തു മിന്നൽപ്പിണരാകാൻ മാർക്കോ എത്തുന്പോൾ തിളങ്ങിവിടരാൻ എന്പുരാനും വർണംവിതറാൻ ബസൂക്ക അമിട്ടുകളും അണിയറയിൽ ഒരുങ്ങിക്കഴിഞ്ഞു. പൊട്ടിവിടർന്നാൽ അതിവേഗം മിന്നിപ്പായുന്ന പൊൻമാൻ, കിളികൾ ചിലയ്ക്കുംപോലെ ശബ്ദംവരുന്ന പൈങ്കിളി എന്നിവയും കാഴ്ചക്കാരെ വിസ്മയിപ്പിക്കും. ഇവയ്ക്കൊപ്പം നിലയമിട്ടുകളും പതിവ് ഐറ്റങ്ങളുമുണ്ടാവും. പാറമേക്കാവിനുവേണ്ടി ബിനോയ് ജേക്കബാണ് വെടിക്കെട്ടിന്‍റെ പ്രാമാണ്യം വഹിക്കുന്നത്. നെൻമാറ വേലയ്ക്കും കാവശേരി പൂരത്തിനുമൊക്കെ കരിമരുന്നിന്‍റെ ഇന്ദ്രജാലക്കാഴ്ചകളൊരുക്കി വെടിക്കെട്ടുപ്രേമികളെ ആവേശത്തിലാഴത്തിയ ബിനോയ് ജേക്കബിനു തൃശൂർ പൂരത്തിൽ ആദ്യമായാണ് വെടിക്കെട്ടൊരുക്കാൻ അവസരം കിട്ടുന്നത്. മുണ്ടത്തിക്കോട് സതീഷ് തന്നെയാണ് തിരുവന്പാടിക്കായി വെടിക്കെട്ടൊരുക്കുന്നത്. കഴിഞ്ഞതവണ പൂരം ചരിത്രത്തിലാദ്യമായി തിരുവന്പാടിയുടെയും പാറമേക്കാവിന്‍റെയും വെടിക്കെട്ട് ലൈസൻസി സതീഷായിരുന്നു. ലൈസൻസ് കൊടുക്കുന്ന കാര്യത്തിലുണ്ടായ ചില സാങ്കേതികപ്രശ്നങ്ങളെതുടർന്നായിരുന്നു രണ്ടുകൂട്ടരുടെയും ലൈസൻസി ഒരാളായി പൂരം വെടിക്കെട്ട് ചരിത്രം കുറിച്ചത്. വർഷങ്ങളായി തിരുവന്പാടിക്കുവേണ്ടി മുണ്ടത്തിക്കോട് പന്തലങ്ങാട്ട് സതീഷ് വെടിക്കെട്ട് ലൈസൻസിയായിട്ടുണ്ട്. സതീഷിന്‍റെ അച്ഛൻ മണിപ്പാപ്പനും തിരുവന്പാടിയുടെ വെടിക്കെട്ടുകരാറെടുത്തിട്ടുണ്ട്. പതിവിൽനിന്ന് വ്യത്യസ്തമായി ഇത്തവണ ഫയർലൈൻ കുറച്ചുകൂടി ഉള്ളിലേക്കു നീക്കിക്കൊണ്ട് ഫയർലൈനും കാണികളും തമ്മിലുള്ള അകലം വർധിപ്പിച്ച് കൂടുതൽപേരെ വെടിക്കെട്ട് കാണാൻ റൗണ്ടിൽ കയറ്റിനിർത്താനാണ് തീരുമാനിച്ചിരിക്കുന്നത്. സാന്പിളും പ്രധാന വെടിക്കെട്ടും നടക്കുന്ന സമയത്ത് മാഗസിൻ ഒഴിച്ചിടുകയും ചെയ്യും. തേക്കിൻകാട് മൈതാനിയിൽ സാന്പിൾ വെടിക്കെട്ടിനുള്ള കുഴികൾ കുഴിച്ചുതുടങ്ങി. മഴഭീഷണിയുള്ളതിനാൽ കുഴികൾ ടാർപോളിൻകൊണ്ട് മൂടിയിട്ടിരിക്കുകയാണ്.

റോഡ് മുറിച്ചുകടക്കുന്നതിനിടയില്‍ ലോറിയിടിച്ച് യുവാവ് മരിച്ചു

ഇരിങ്ങാലക്കുട: റോഡ് മുറിച്ചുകടക്കുന്നതിനിടയില്‍ ലോറിയിടിച്ച് യുവാവ് മരിച്ചു. ഇരിങ്ങാലക്കുട പുല്ലൂര്‍ അമ്പലനട തൊടുപറമ്പില്‍ വര്‍ക്കി മകന്‍ ബിജു (47) ആണ് മരിച്ചത്. കഴിഞ്ഞ ദിവസം രാത്രി 11.30ന് എറണാകുളത്ത് വെച്ചാണ് അപകടം സംഭവിച്ചത്. അപകടം സംഭവിച്ചയുടനെ ആശുപത്രിയില്‍ പ്രവേശിപ്പിച്ചുവെങ്കിലും തലക്കേറ്റ പരിക്കാണ് മരണകാരണമായി പറയുന്നത്. സംസ്‌കാരം നടത്തി. അമ്മ: റോസി. സഹോദരങ്ങള്‍: ഷാജു, ഷൈനി.

0480 ശ്രീകുമാരന്‍തമ്പി പ്രഥമ അവാര്‍ഡ് റഫീക്ക് അഹമ്മദിന് സമ്മാനിച്ചു

ഇരിങ്ങാലക്കുട: 0480 എന്ന കലാസാംസ്‌കാരിക സംഘടന എര്‍പ്പെടുത്തിയ പ്രഥമ ശ്രീകുമാരന്‍തമ്പി പുരസ്‌കാരം കവി റഫീഖ് അഹമ്മദിന് സമ്മാനിച്ചു. 25,000 രൂപയും പ്രശസ്തിപത്രവും ഫലകവുമായിരുന്നു അവാര്‍ഡ്. ടൗണ്‍ഹാളില്‍ നടന്ന ചടങ്ങില്‍ സംഘടനയുടെ ഉദ്ഘാടനം കവി ശ്രീകുമാരന്‍തമ്പി നിര്‍വഹിച്ചു. പ്രദീപ് മേനോന്‍ അധ്യക്ഷതവഹിച്ചു. പ്രതാപ് സിംഗ്, കലാഭവന്‍ നൗഷാദ്, വൈഗ കെ.സജീവ്, ഇ. ജയകൃഷ്ണന്‍ എന്നിവരേയും ചടങ്ങില്‍ ആദരിച്ചു. മേരിക്കുട്ടി ജോയ്, റഷീദ് കാറളം, റഫീക്ക് അഹമ്മദ്, ഇ. ജയകൃഷ്ണന്‍ എന്നിവര്‍ സംസാരിച്ചു. ശ്രീകുമാരന്‍തമ്പിയുടേയും റഫീക്ക് അഹമ്മദിന്‍റെയും കോര്‍ത്തിണക്കിയ എടപ്പാള്‍ വിശ്വന്‍ നയിച്ച ഗാനമേള, മീനാക്ഷിമേനോന്‍റെ മോഹിനിയാട്ടം, ശരണ്യ സഹസ്ര ടീമിന്‍റെ കഥക്, ജെ.ഡി.എസ് ഡാന്‍സ് അക്കാദമിയുടെ നൃത്തം എന്നിവ അരങ്ങേറി.

കാർഷികവായ്പ എഴുതിത്തള്ളണം: മന്ത്രി കെ. കൃഷ്ണൻകുട്ടി

തൃശൂർ: രാജ്യത്തെ കർഷകരുടെ മുഴുവൻ കാർഷികവായ്പയും എഴുതിത്തള്ളണമെന്നു മന്ത്രി കെ. കൃഷ്ണൻകുട്ടി. എച്ച്എംഎസ് തൃശൂർ ജില്ലാ പ്രതിനിധിസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്രസർക്കാർ തൊഴിലാളികളെ വർഗീയമായി ചേരിതിരിക്കുന്നതിനൊപ്പം തൊഴിൽനിയമങ്ങൾ ഒന്നൊന്നായി മാറ്റിമറിച്ച് കോർപറേറ്റുകൾക്കു കൂട്ടുനിൽക്കുകയാണ്. റെയിൽവേയിലടക്കം 15 ലക്ഷത്തോളം തൊഴിലുകൾ കേന്ദ്രം മരവിപ്പിച്ചെന്നും മന്ത്രി കുറ്റപ്പെടുത്തി. എച്ച്എംഎസ് ജില്ല പ്രസിഡന്‍റ് ഐ.എ. റപ്പായി, സംസ്ഥാന വൈസ് പ്രസിഡന്‍റ് ഒ.പി. ശങ്കരൻ, ആർജെഡി സംസ്ഥാന ജനറൽ സെക്രട്ടറി യൂജിൻ മോറേലി, പാലക്കാട് ജില്ലാ പ്രസിഡന്‍റ് എ. രാമചന്ദ്രൻ, അഡ്വ. വി.എൻ. നാരായണൻ, പി.ടി. അഷറഫ്, ഷീബ ബാബു, എം.ഡി. ഗ്രേസ്, അഡ്വക്കേറ്റ് ഷാജൻ മഞ്ഞളി, അജി ഫ്രാൻസിസ്, അഡ്വക്കേറ്റ് മനോജ് ചിറ്റിലപ്പിള്ളി, ഉദയൻ കളരിക്കൽ എന്നിവർ പ്രസംഗിച്ചു. മുതിർന്ന നേതാക്കളെ മന്ത്രി ആദരിച്ചു.

പറക്കോട്ടുകാവ് താലപ്പൊലി മേയ് നാലിന് കൊടിയേറും

തിരുവില്വാമല: പറക്കോട്ടുകാവ് താലപ്പൊലി മഹോത്സവത്തിന് ഞായറാഴ്ച കൊടിയേറും. രാത്രി എട്ടിന് പറക്കോട്ടുകാവിൽ കൊടിയേറ്റത്തിനുശേഷം മൂന്നു ദേശക്കമ്മിറ്റികൾ സംയുക്തമായി നടത്തുന്ന സാമ്പിൾ വെടിക്കെട്ടുണ്ടാകും. എഴുന്നള്ളിപ്പുകൾ, നാടൻകലാപ്രകടനങ്ങൾ, വെടിക്കെട്ട് എന്നിവയ്ക്ക് പേരുകേട്ട ഉത്സവത്തിന് പങ്കാളികളായ പടിഞ്ഞാറ്റുമുറി, കിഴക്കുമുറി, പാമ്പാടി ദേശങ്ങളിൽ ഒരുക്കങ്ങൾ അവസാനഘട്ടത്തിലാണ്. താലപ്പൊലി കൊടിയേറുന്നതോടെ തട്ടകം ഉത്സവലഹരിയിലാകും. പിറ്റേന്നുമുതൽ ദേശങ്ങളിൽ പറയെടുപ്പ് ആരംഭിക്കും. പൂതൻ, തിറ, വെള്ളാട്ട്, നായാടികൾ തുടങ്ങിയ കലാരൂപങ്ങൾ ഉത്സവം അറിയിച്ച് വീടുകളിലെത്തും. മേടമാസത്തിലെ ഒടുവിലത്തെ ഞായറാഴ്ചയായ മേയ് 11നാണ് താലപ്പൊലി ആഘോഷം. താലപ്പൊലിയോടനുബന്ധിച്ച് ഇന്നലെ പറക്കോട്ടുകാവിൽ കിഴക്കുമുറിദേശം ഒരുക്കിയ ലക്ഷദീപ സമർപ്പണം നടന്നു. സന്ധ്യക്ക് ദീപങ്ങൾ തെളിയിക്കാൻ ക്ഷേത്രസന്നിധിയിൽ നിരവധി ഭക്തരെത്തി. ചുറ്റുവിളക്ക്, നിറമാല, തായമ്പക, മേളം എന്നിവയും വിവിധ കലാപരിപാടികളും ഉണ്ടായിരുന്നു.

കാലാനുസൃതമായി അക്ഷയ സേവനനിരക്ക് പരിഷ്‌കരിക്കണം

തൃശൂർ: കാലാനുസൃതമായി അക്ഷയ സേവനനിരക്ക് ഉടൻ പരിഷ്‌കരിക്കണമെന്ന് ഫോറം ഓഫ് അക്ഷയ സെന്‍റർ എന്‍റർപ്രണേഴ്‌സ്(ഫേസ്) തൃശൂർ ജില്ലാ സമ്മേളനം ആവശ്യപ്പെട്ടു. സംസ്ഥാന പ്രസിഡന്‍റ് സ്റ്റീഫൻ ജോൺ യോഗം ഉദ്ഘാടനംചെയ്തു. എം. അരവിന്ദാക്ഷൻ അധ്യക്ഷതവഹിച്ചു. സുനിൽ സൂര്യ വാർഷിക റിപ്പോർട്ടും സതീദേവി സാമ്പത്തിക റിപ്പോർട്ടും അവതരിപ്പിച്ചു. സംസ്ഥാന സെക്രട്ടറി എ.പി. സദാനന്ദൻ, സംസ്ഥാന ട്രഷറർ സി.വൈ. നിഷാന്ത് എന്നിവർ ആശംസകൾ നേർന്നു. തുടര്‌ന്നു നടന്ന ജില്ലാ തിെരഞ്ഞെടുപ്പ് നടന്നു. എം. അരവിന്ദാക്ഷൻ - പ്രസിഡന്‍റ്, വി.കെ. വിജയലക്ഷ്മി -സെക്രട്ടറി, ഇ.വി. സുനിൽ - ട്രഷറർ എന്നിവരെ തെരഞ്ഞെടുത്തു. പ്രദീപ് മംഗലത്ത് വരണാധികാരിയായി.

പൂരം ഹിന്ദുമഹാസംഗമത്തിനു തുടക്കം

തൃശൂർ: വിളംബരഘോഷയാത്രയോടെ തൃശൂർപൂരം ഹിന്ദുമഹാസംഗമത്തിനു തുടക്കമായി. പാറമേക്കാവ് ക്ഷേത്രത്തിൽനിന്നു സന്യാസിമാരുടെയും തന്ത്രിമാരുടെയും സാമുദായിക സംഘടനാനേതാക്കളുടെയും നേതൃത്വത്തിൽ ആരംഭിച്ച ഘോഷയാത്ര ബംഗളുരു വിഭു ഫൗണ്ടേഷൻ അധ്യക്ഷൻ ശിവപ്രകാശാനന്ദ സരസ്വതി ഉദ്ഘാടനം ചെയ്തു. ഘോഷയാത്രയ്ക്ക് സ്വാമി വിവിക്താനന്ദ, സ്വാമി നന്ദാത്മജാനന്ദ, സ്വാമി ബ്രഹ്മപരാനന്ദ, സ്വാമി അധ്യാത്മാനന്ദ സരസ്വതി, സ്വാമി കൃഷ്ണാത്മാനന്ദ, സ്വാമി സത്സ്വരൂപാനന്ദ, മഹാസംഗമം രക്ഷാധികാരികളായ ഡോ. എം.വി. നടേശൻ, യു. പുരുഷോത്തമൻ, എം. രാധാകൃഷ്ണൻ എന്നിവർ നേതൃത്വം നൽകി. പാറമേക്കാവ് ദേവസ്വം സെക്രട്ടറി ജി.രാജേഷ്, തിരുവന്പാടി ദേവസ്വം സെക്രട്ടറി ഗിരീഷ്കുമാർ എന്നിവർ പ്രസംഗിച്ചു. വിവിധ വാദ്യഘോഷങ്ങളുടെയും കലാരൂപങ്ങളുടെയും അകന്പടിയോടെ നടന്ന ഘോഷയാത്ര വടക്കുന്നാഥക്ഷേത്രം ശ്രീമൂലത്തെത്തി ശ്രീശങ്കരമണ്ഡപത്തിൽ ദർശനം നടത്തിയശേഷം തിരുവന്പാടി ക്ഷേത്രത്തിൽ സമാപിച്ചു. ഹിന്ദുമഹാസംഗമത്തിന്‍റെ ഉദ്ഘാടനം ഇന്ന് ഇന്ത്യയുടെ അറ്റോർണി ജനറൽ അഡ്വ. ആർ. വെങ്കട്ടരമണി നിർവഹിക്കും. ഉച്ചയ്ക്കു 12നു നരനാരായണപൂജ. 2.30ന് യൂത്ത് പാർലമെന്‍റ്. പാഞ്ചജന്യം ഭാരതം ദേശീയ അധ്യക്ഷൻ ഡോ. ടി.പി. ശശികുമാർ നയിക്കുന്ന പരിപാടിയിൽ കേരളത്തിലെ രണ്ടു വൈസ് ചാൻസലർമാർ പങ്കെടുക്കും. തുടർന്ന് ആചാര്യസംഗമം ഉടുപ്പി പേജാവർ മഠാധിപതി സ്വാമി വിശ്വപ്രസന്നതീർത്ഥ ഉദ്ഘാടനം ചെയ്യും. ശബരിമല മുൻ മേൽശാന്തി പി.എൻ. മഹേഷ് നന്പൂതിരിപ്പാടും ബ്രഹ്മമംഗലം മഠം സൂര്യനാരായണശർമയും പൂജകൾക്കു നേതൃത്വം നൽകും. സ്വാമി ചിദാനന്ദപുരി, സ്വാമി പ്രജ്ഞാനന്ദ, സ്വാമി വാസുദേവാനന്ദ ബ്രഹ്മാനന്ദഭൂതി, സ്വാമി ബ്രഹ്മപാദാനന്ദ, സ്വാമി അദ്ധ്യാത്മാനന്ദ, സ്വാമിനി ജ്ഞാനാഭനിഷ്ട, സ്വാമി ബ്രഹ്മസ്വരൂപാനന്ദ, സ്വാമി ആത്മലോകാനന്ദ, സ്വാമി അയ്യപ്പദാസ്, സ്വാമി ദേവചൈതന്യാനന്ദ സരസ്വതി എന്നിവർ പങ്കെടുക്കും.

പൂരവിളംബരത്തിനൊരുങ്ങി ശിവകുമാർ

തൃശൂർ: എറണാകുളത്തപ്പന്‍റെ പ്രിയങ്കരനായ ശിവകുമാർ ഇക്കുറിയും പൂരവിളംബരത്തിന് എത്തുന്പോൾ ആവേശമൊട്ടുംചോരാതെ തട്ടകം. പൂരത്തിന്‍റെ വരവറിയിച്ചു തെക്കേ ഗോപുരനട തുറക്കുന്നത് ആവേശംനിറഞ്ഞ ചടങ്ങാക്കിമാറ്റിയത് ഗജരാജൻ തെച്ചിക്കോട്ടുകാവ് രാമചന്ദ്രനാണ്. ആറുവർഷംമുന്പ് രാമചന്ദ്രൻ പിൻവാങ്ങിയതോടെ തെയ്തലക്കാവിലമ്മയുടെ തിടന്പ് ശിവകുമാറാണു ശിരസിലേറ്റിയത്. ഗുരുവായൂരിൽ നടയിരുത്താൻ എത്തിച്ച ശിവകുമാർ എറണാകുളത്ത് എത്തിയതിനുപിന്നിലൊരു കഥയുണ്ട്. കൊടുങ്ങല്ലൂർ സ്വദേശിയായ വ്യവസായി കെ.ജി. ഭാസ്കരൻ കോടനാടുനിന്നു വാങ്ങിയ ശിവകുമാറിനെ നടയ്ക്കിരുത്തുന്നതിനുമുന്പ് കുറച്ചുദിവസം കൊച്ചിയിൽ നിർത്താൻ തീരുമാനിച്ചു. എറണാകുളം ശിവക്ഷേത്ര പരിസരത്താണു തളച്ചത്. പിന്നീട് ഗുരുവായൂരിലേക്കു കൊണ്ടുപോകാൻ ശ്രമിച്ചിട്ടും ക്ഷേത്രമതിൽക്കെട്ടിൽനിന്നു പുറത്തേക്കുവരാൻ ആനക്കുട്ടി കൂട്ടാക്കിയില്ല. ഒടുവിൽ രാശിവച്ചു നോക്കിയപ്പോൾ മഹാദേവന് ഇഷ്ടമായതുകൊണ്ടാണ് ആനക്കുട്ടിയെ വിടാത്തതെന്നു തെളിഞ്ഞു. ഗുരുവായൂർ യാത്ര മുടങ്ങി. അങ്ങനെ ഗുരുവായൂർ ശിവകുമാർ ആകേണ്ടിയിരുന്നവൻ എറണാകുളം ശിവകുമാറായി. കൊച്ചിൻ ദേവസ്വം ബോർഡിന്‍റെ ഗജനിരയിലെ ഏറ്റവും തലയെടുപ്പുള്ള കൊന്പനാണു ശിവകുമാർ. തെച്ചിക്കോട്ടുകാവ് രാമചന്ദ്രനോടു മുട്ടാൻ ശേഷിയുള്ളവനെന്ന് അന്നേ ആനക്കന്പക്കാർ മാർക്കിട്ടു. ഭംഗിയാക്കാനായി ഒരിക്കൽ കൊന്പുമുറിച്ചപ്പോഴുണ്ടായ പിഴവുമൂലം പഴുപ്പുബാധിച്ചു കൊന്പുമുഴുവനായി മുറിച്ചുകളയേണ്ടിവന്ന ചരിത്രംകൂടിയുണ്ട് ശിവകുമാറിന്. മുറിച്ച കൊന്പിനുപകരം കൃത്രിമക്കൊന്പാണു ഘടിപ്പിച്ചത്. എന്നാൽ, തലയെടുപ്പിന്‍റെയും ആനച്ചന്തത്തിന്‍റെയും കാര്യത്തിൽ അതൊരു കുറവേയല്ല. മേയ് അഞ്ചിനാണു പൂരവിളംബരം രാവിലെ കുറ്റൂർ നെയ്തലക്കാവ് ക്ഷേത്രത്തിൽനിന്നും ഭഗവതിയുടെ തിടന്പേറ്റി പുറപ്പെടും. തെക്കേനട തുറക്കുന്ന ചടങ്ങിനു യാത്രയാക്കാൻ തട്ടകക്കാരും ഒത്തുകൂടും. ചെന്പിശേരി മേൽപ്പാലത്തിലൂടെ വിയ്യൂരും പാട്ടുരായ്ക്കലും കടന്ന് തിരുവന്പാടി ക്ഷേത്രത്തിനു മുന്നിലൂടെ സ്വരാജ് റൗണ്ടിൽ കയറുന്പോൾ വൻ ആൾക്കൂട്ടത്തിന്‍റെ അകന്പടിയുണ്ടാകും. പ്രദർശനനഗരിയിലൂടെ ക്ഷേത്രമൈതാനിക്കുള്ളിലെ ശ്രീമൂലസ്ഥാനത്തെത്തി മേളത്തിനു സാക്ഷിയാകും. തുടർന്ന് അകത്തുകടന്നു തെക്കേഗോപുരനട തള്ളിത്തുറന്നു തുന്പിക്കൈ ഉയർത്തി അഭിവാദ്യമർപ്പിക്കുന്നതോടെ പൂരപ്രേമികളുടെ ആർപ്പുവിളി ഉയരും. കഥയും ക്ലൈമാക്സും ചിരപരിചിതമായിട്ടും വർഷങ്ങളായി തുടരുന്ന മടുക്കാത്ത കാഴ്ച. രാമചന്ദ്രനിൽനിന്ന് ശിവകുമാർവഴി പടരുന്ന ആവേശക്കാഴ്ചയ്ക്കുള്ള കാത്തിരിപ്പിലാണു തട്ടകം.

കാടുകയറിയ റെയിൽവേ പ്ലാറ്റ്ഫോമും പരിസരവും വൃത്തിയാക്കി കൊരട്ടി സിഎൽസി പ്രവർത്തകർ

കൊരട്ടി: കാടുകയറിയ റെയിൽവേ പ്ലാറ്റ്ഫോമും മാലിന്യം നിറഞ്ഞ സ്റ്റേഷൻ പരിസരവും വൃത്തിയാക്കി കൊരട്ടി സെന്‍റ് മേരീസ് ഫൊറോന പള്ളിയിലെ സി എൽസി പ്രവർത്തകർ. സംസ്ഥാനത്തെ ഹാൾട്ട് സ്റ്റേഷനുകളിൽ ഏറ്റവും കൂടുതൽ വരുമാനവും യാത്രക്കാരുമുള്ള കൊരട്ടി അങ്ങാടി റെയിൽവേ സ്റ്റേഷൻ അങ്കണവും പരിസരങ്ങൾ കാടും മാലിന്യങ്ങളും നിറഞ്ഞ് അധികൃതരുടെ അവഗണയേറ്റുകിടന്ന പശ്ചാത്തലത്തിലാണ് സിഎൽസി പ്രവർത്തകരുടെ മാതൃകാ പ്രവർത്തനം. സംഘടനയുടെ നവതി ആഘോഷങ്ങളുടെ ഭാഗമായി വിഭാവനം ചെയ്ത കൈത്താങ്ങ് പദ്ധതിയിൽ ഉൾപ്പെടുത്തിയാണ് ഈ സദുദ്യമത്തിന് പ്രവർത്തകർ ഒറ്റക്കെട്ടായി അണിനിരന്നത്. കൊരട്ടി ഫൊറോന വികാരിയും സിഎൽസി ഡയറക്ടറുമായ ഫാ. ജോൺസൺ കക്കാട്ട് ശ്രമദാനം ഉദ്ഘാടനം ചെയ്തു. സി എൽ സി പ്രമോട്ടർ ഫാ. ജിൻസ് ഞാണയ്ക്കൽ, സിഎൽസി ഓർഗനൈസർ ആൽവിൻ വിൽസൺ, വാർഡ് മെമ്പർമാരായ ജെയ്‌നി ജോഷി, വർഗീസ് തച്ചുപറമ്പിൽ എന്നിവർ പ്രസംഗിച്ചു. സിഎൽസിപ്രവർത്തകർക്കൊപ്പം റെയിൽവേ സ്റ്റേഷൻ ഡെവലപ്മെന്‍റ് കമ്മിറ്റി അംഗങ്ങളും ശ്രമദാനത്തിൽ പങ്കാളികളായി.

നവതി ആഘോഷം: രണ്ടു വീടുകളുടെ നിർമാണാശീർവാദം നടത്തി

എലിഞ്ഞിപ്ര: ചൗക്ക സെന്‍റ് മേരീസ് ലൂർദ് ഇടവക നവതിയുടെ ഭാഗമായി ഭവനരഹിതർക്കായി നിർമിച്ചുനൽകുന്ന രണ്ടുഭവനങ്ങളുടെ നിർമാണ പ്രവർത്തങ്ങളുടെ ആശീർവാദകർമം വികാരി. റവ. ഡോ. ആന്‍റോ കരിപ്പായി നിർവ ഹിച്ചു. ഇടവകയിലെ പാരിഷ് ബുള്ളറ്റിൻ കമ്മിറ്റി, സെന്‍റ് വിൻസെന്‍റ്് ഡി പോൾ സൊസൈറ്റി എന്നിവയുടെ സഹകരണത്തോടെയാണു രണ്ടു ഭവനങ്ങളുടെ നിർമാണം നടക്കുന്നത്. സൗജന്യമായി നൽകാൻ ഉദ്ദേശിക്കുന്ന നാലു വീടുകളിൽ രണ്ടുവീടുകളുടെ താക്കോൽദാനം നേരത്തേനടത്തി. വർഗീസ് പുല്ലോക്കാരൻ 15 സെന്‍റ് സ്ഥലവും സിഎം സി ഉദയ െപ്രാവിൻഷ്യലും ലൂർദ് മാത സോഷ്യൽ സെന്‍ററും സഹായം നൽകി. ജോജോ മാങ്കോയി, ടൈറ്റസ് നൊച്ചുരുവളപ്പിൽ, ജോഫ്രിൻ കിഴക്കൂടൻ, കൺവീനർ സിബു ചേലേക്കാട്ട്, സിസ്റ്റർ ലൈസ സി‌എംസി, ഡേവിസ് കരിപ്പായി, ജോസ് പാണേക്കാടൻ, വിൽസൻ മേച്ചേരി എന്നിവർ പ്രസംഗിച്ചു.

ദേവാലയങ്ങളിൽ തിരുനാൾ

കനകമലയിൽ വിശ്വാസപ്രഖ്യാപന തിരുനാള്‍ കൊടകര: 57 ദിവസംനീണ്ട കനകമല കുരിശുമുടി തീര്‍ഥാടനത്തിനു സമാപനമായി. സമാപനദിനമായ ഇന്നലെ കുരിശുമുടി തീര്‍ഥകേന്ദ്രത്തില്‍ മാര്‍ തോമാശ്ലീഹായുടെ വിശ്വാസപ്രഖ്യാപന തിരുനാള്‍ ആഘോഷിച്ചു. രാവിലെ അടിവാരം പള്ളിയില്‍‌നിന്ന് കുരിശുമുടിയിലേയ്ക്കു പ്രദക്ഷിണം ഉണ്ടായി. തുടര്‍ന്ന് കുരിശുമുടിയില്‍ നടന്ന വിശുദ്ധ കുര്‍ബാന, നൊവേന തുടങ്ങിയ തിരുക്കര്‍മങ്ങള്‍ക്ക് ഫാ. ജെയിംസ് കൊച്ചുപറമ്പില്‍ മുഖ്യകാര്‍മികത്വം വഹിച്ചു. അടിവാരം പള്ളിയില്‍ ഊട്ടുനേര്‍ച്ചയും ഉണ്ടായി. തീര്‍ഥാടനകേന്ദ്രം റെക്ടര്‍ ഫാ. മനോജ് മേക്കാടത്ത്, അസി. വികാരിമാരായ ഫാ. അജിത്ത് തടത്തില്‍, ഫാ. റെയ്‌സണ്‍ തട്ടില്‍ എന്നിവര്‍ സഹകാര്‍മികരായി. കൈക്കാരന്‍മാരായ ജോസ് വെട്ടുമണിക്കല്‍, ജോസ് കറുകുറ്റിക്കാരന്‍, ജോജു ചുള്ളി, ജോയ് കളത്തിങ്കല്‍, കുരിശുമുടി കണ്‍വീനര്‍ ഷിജു പഴേടത്തുപറമ്പില്‍, പിആര്‍ഒ ഷോജന്‍ ഡി. വിതയത്തില്‍, കേന്ദ്ര‌സമിതി പ്രസിഡന്‍റ്് ജോയ് കുയിലാടന്‍ എന്നിവര്‍ നേതൃത്വം നല്‍കി. നെല്ലായി സെന്‍റ് മേരീസ് കൊടകര: നെല്ലായി സെന്‍റ്്‌ മേരീസ് പള്ളിയില്‍ വിശുദ്ധ യൂദാതദേ വൂസിന്‍റെ ഊട്ടുതിരുനാളിനു കൊ ടിയേറി. ഇരിങ്ങാലക്കുട രൂപത വികാരി ജനറാള്‍ മോണ്‍. വില്‍സന്‍ ഈരത്തറ കൊടിയേറ്റം നിര്‍വഹിച്ചു. വികാരി ഫാ. തോമസ് എളങ്കുന്നപ്പുഴ സഹകാര്‍മികനായി. ജനറല്‍ കണ്‍വീനര്‍ ജോസ് മൂത്തേടന്‍, സീക്കോ മഞ്ഞളി, വില്‍സന്‍ കാരാത്ര, ജോര്‍ജ് മഞ്ഞളി, ജോണ്‍സന്‍ കൈപ്പിള്ളിപ്പറമ്പില്‍ തുടങ്ങിയവര്‍ നേതൃത്വം നല്‍കി. ഈ മാസം 30‌നാണ് ഊട്ടുതിരുനാളാഘോഷം.

കോടാലിയില്‍ കുട്ടികള്‍ക്കായി കളിയരങ്ങ് ക്യാമ്പ്

കോടാലി: കേരള ശാസ്ത്രസാഹിത്യപരിഷത്ത് കോടാലി യൂണിറ്റിന്‍റെ ആഭിമുഖ്യത്തിലുള്ള ബാലവേദി ക്യാമ്പ് കോടാലി ജിഎല്‍പി സ്‌കൂളില്‍ സംഘടിപ്പിച്ചു. മറ്റത്തൂര്‍ പഞ്ചായത്ത് പ്രസിഡന്‍റ്് അശ്വതിവിബി ഉദ്ഘാടനം ചെയ്തു. സംഘാടകസമിതി ചെയര്‍മാന്‍ ഐ.ആര്‍. ബാലകൃഷണന്‍ അധ്യക്ഷത വഹിച്ചു. ശാസ്ത്രസാഹിത്യ പരിഷത്ത് മേഖല പ്രസിഡടി.എം.ശിഖാമണി, സെക്രട്ടറി എ.ടി. ജോസ്, ജില്ല കമ്മിറ്റിയംഗം എം.കെ. ബാബു, പി.കെ. അജയകുമാര്‍, ജോയ് കാവുങ്ങല്‍, കെ.കെ. അനീഷ്കുമാര്‍ എന്നിവര്‍, ക്യാമ്പ് കോ -ഓഡിനേറ്റര്‍ പി.എസ്. അംബുജാക്ഷന്‍, കണ്‍വീനര്‍ കെ.ആര്‍. സന്തോഷ് എന്നിവര്‍ പ്രസംഗിച്ചു. ക്യാമ്പ് ഡയറക്ടറും രംഗചേതന ക്രിയേറ്റീവ് ഡയറക്ടറുമായ കെ.വി. ഗണേഷ്, ലയ ജോസ് , മേഘ എന്നിവര്‍ ക്യാമ്പിനു നേതൃത്വം നല്‍കി. ശാസ്താംപൂവം ആദിവാസി ഉന്നതിയില്‍ നിന്നുള്ള കുട്ടികളടക്കം 75 പേര്‍ ക്യാമ്പില്‍ പങ്കെടുത്തു.

പറയൻതോട് പാലം: അപ്രോച്ച്റോഡ് ടാറിംഗ് പൂർത്തിയായി

ചാലക്കുടി: പറയൻതോട് പാലത്തിന്‍റെ അപ്രോച്ച് റോഡ് ടാറിംഗ് പൂർത്തിയായി, യാത്രാദുരിതം തീരുന്നു. പുതിയപാലത്തിന്‍റെ നിർമാണം പൂർത്തിയായി രണ്ടുവർഷത്തോളമായിട്ടും ഇരുഭാഗത്തേയും അപ്രോച്ച് റോഡിന്‍റെ നിർമാണം പൂർത്തിയാകാത്തതിനാൽ യാത്രാക്ലേശം ഏറെ അനുഭവിച്ചിരുന്ന തച്ചുടപറമ്പ് - റെയിൽവേ സ്റ്റേഷൻ റോഡിലെ അപ്രോച്ച് റോഡിന്‍റെ ടാറിംഗ് ഉൾപ്പടെയുള്ള പ്രവൃത്തികൾ പൂർത്തിയായി. 1957 ൽ നിർമിച്ച പഴയ പറയൻതോട് പാലം ജീർണാവസ്ഥയിലായതിനെത്തുടർന്ന് 50 ലക്ഷം രൂപ ചെലവുചെയ്ത് രണ്ടുവർഷം മുമ്പാണു നിർമാണം പൂർത്തിയാക്കിയത്. പാലം നിർമാണം പൂർത്തിയായെങ്കിലും ഇരുഭാഗത്തേക്കുമുള്ള അപ്രോച്ച് റോഡിന്‍റെ നിർമാണത്തിനുള്ള തുക എസ്റ്റിമേറ്റിൽ തികയാതെ വന്നതിനാൽ താത്കാലികമായി വാഹനം കടത്തിവിടുന്നതിനുള്ള പ്രവൃത്തി കരാറുകാരനെക്കൊണ്ട് പ്രത്യേകമായി ചെയ്യിപ്പിക്കുകയായിരുന്നു. ഇതേത്തുടർന്നാണു മൂന്നുബസുകൾ സർവീസ് നടത്തുന്ന ഇതുവഴി വാഹനങ്ങൾ കടത്തിവിടാൻ സാധിച്ചത്. എസ്റ്റിമേറ്റിൽനിന്നും അധികമായി ചെയ്ത പ്രവൃത്തിയുടെ പണം, സാങ്കേതിക തടസങ്ങൾ പറഞ്ഞ് കരാറുകാരനു നാളിതുവരെ കൊടുക്കാൻ കഴിഞ്ഞിട്ടില്ല. മൂന്നുമാസം കൊണ്ട് ആദ്യഘട്ടം പാലത്തിന്‍റെ നിർമാണം പൂർത്തിയാക്കിയെങ്കിലും ട്രഷറി നിയന്ത്രണവും മറ്റുംമൂലം ഒന്നര വർഷത്തിനുശേഷമാണ് കരാറുകാരനു പണം ലഭിച്ചത്. അധികമായി ചെയ്ത പ്രവൃത്തിയുടെ ഫണ്ട് നൽകുന്ന കാര്യത്തിൽ തീരുമാനമാകാത്തിനാൽ തുടർന്നുള്ള ടാറിംഗ് പ്രവൃത്തി ഏറ്റെടുത്ത് ചെയ്യാൻ കരാറുകാരും തയാറായിരുന്നില്ല. യാത്രാദുരിതം വർധിച്ചുവരുന്ന സാഹചര്യത്തിൽ നിർബന്ധപൂർവം ആവശ്യപ്പെട്ടതിനെ തുടർന്നാണ് ഇപ്പോൾ കരാറുകാരൻ ടാറിംഗ് പ്രവൃത്തികൾ പൂർത്തിയാക്കിയത്. ഇരുഭാഗത്തേയും കോൺക്രീറ്റ് വർക്കുകൾകൂടി അടുത്ത ദിവസം പൂർത്തിയാക്കുമെന്ന് നഗരസഭ ചെയർമാൻ ഷിബു വാലപ്പൻ അറിയിച്ചു.

കേബിൾ കാലിൽ കുരുങ്ങി വഴിയാത്രക്കാർ വീഴുന്നു

കൊരട്ടി: ദേശീയപാത വികസനത്തിന്‍റെ ഭാഗമായി നിർമാണ പ്രവൃത്തികൾ നടക്കുന്ന കൊരട്ടിയിൽ സ്വകാര്യ കമ്പനികളുടെ കേബിളുകൾ കാലിൽ കുരുങ്ങി വഴിയാത്രക്കാർ വീഴുന്നതായി പരാതി. ചാലക്കുടി ഭാഗത്തേക്കു പോകുന്ന ബസ് സ്റ്റോപ്പിനു സമീപം സർവീസ് സഹകരണ ബാങ്ക് പരിസരങ്ങളിലാണു കേബിൾ നീണ്ടുകിടക്കുന്നത്. കഴിഞ്ഞ വെള്ളിയാഴ്ച കെഎസ്ഇബി കൊരട്ടി ജംഗ്ഷനിൽ അറ്റകുറ്റപ്പണികൾ നടത്തിയിരുന്നു. കെഎസ്ഇബി പോസ്റ്റിലൂടെ സ്വകാര്യകമ്പനികൾ ഇന്‍റിർനെറ്റിനും മറ്റുമായി വലിച്ചിരുന്ന കേബിളുകളാണ് റോഡിൽ അലക്ഷ്യമായി ചിതറിക്കിടക്കുന്നത്. ഒട്ടേറെ വാണിജ്യ സ്ഥാപനങ്ങളും മറ്റും സ്ഥിതിചെയ്യുന്ന ഇവിടെ ദിവസവും നിരവധി പേരാണ് എത്തിച്ചേരുന്നത്. വിവിധ ആവശ്യങ്ങൾക്കായി വാഹനങ്ങളിലും കാൽനടയായും ഒട്ടേറെ‌പേർ ഇതിലൂടെ കടന്നുപോകുന്നുണ്ട്. കേബിളിൽ കുരുങ്ങി വഴിയാത്രക്കാർ വീഴുന്ന കാര്യം ഉത്തരവാദപ്പെട്ടവരുടെ ശ്രദ്ധയിൽപ്പെടുത്തിയിട്ടും നടപടിയിയെടുക്കുന്നില്ലെന്നു പരാതിയുണ്ട്. രണ്ടു ദിവസമായിട്ടും നിസംഗതയിലാണ് സ്വകാര്യ കമ്പനി. രാത്രിയിലെ വെളിച്ചക്കുറവും അപകടത്തിന് ആക്കം കൂട്ടുമെന്നാണ് പ്രദേശത്തെ കച്ചവടക്കാർ പറയുന്നത്. ഇന്നലെ ഉച്ചയ്ക്കുശേഷം കേബിളിൽ തട്ടി ഒരു വയോധികൻ വീണതായും ഉടൻ കൊരട്ടിയിലെ സ്വകാര്യ ആശുപത്രിയിലെത്തിച്ചെങ്കിലും പിന്നീട് മറ്റൊരു ആശുപത്രിയിലേക്ക് മാറ്റിയതായും പറയുന്നു. കേബിളിൽ കുരുങ്ങി ജനങ്ങളുടെ ജീവനു ഭീഷണി ഉയർന്നിട്ടും നടപടി സ്വീകരിക്കുന്നില്ലെങ്കിൽ വൈദ്യുതി പോസ്റ്റിലൂടെ കേബിൾ കൊണ്ടുപോകാൻ അനുവദിക്കരുതെന്നും കെഎസ്ഇബി അധികൃതർ ശക്തമായ നടപടി സ്വീകരിക്കണമെന്നാണ് നാട്ടുകാരുടെ ആവശ്യം.

ലഹരിയെ ചെറുക്കാൻ കൂട്ടയോട്ടം

ചാലക്കുടി: ലഹരിയെ ചെറുക്കാൻ ഫുട്ബോൾ ക്യാമ്പിൽ കൂട്ടയോട്ടം. മാരകമായ രാസലഹരിയുടെ ഉപയോഗവും അതുവഴി ഉണ്ടാകുന്ന ദുരന്തങ്ങളെയും ചെറുക്കാൻ അവധിക്കാല ഫുട്ബോ ൾ പരിശീലനത്തിൽ പങ്കെടുക്കുന്ന നൂറുകണക്കിന് വിദ്യാർഥികളാണു ലഹരിവിരുദ്ധ കൂട്ടയോട്ടം നടത്തിയത്. നഗരസഭയുടെ നന്മ ലഹരി പദ്ധതിയുമായ് കൈകോർത്ത്, വി.ആർ. പുരം ന്യൂ ലോഞ്ചേഴ്സ് ക്ലബ്, ചാലക്കുടി സർവീസ് സഹകരണ ബാങ്കിന്‍റെ സഹകരണത്തോടെ വി.ആർ. പുരം ഹൈസ് കൂൾ ഗ്രൗണ്ടിൽ നടത്തുന്ന അവധിക്കാല ഫുട്ബോൾ ക്യാമ്പിന്‍റെ ആഭിമുഖ്യത്തിലാണു ലഹരിക്കെതിരെ കൂട്ട യോട്ടം സംഘടിപ്പിച്ചത്. രാധകൃഷ്ണൻ ആളൂർ, സുമിത്ത് എന്നിവരാണ് നൂറിലേറെ കുട്ടികൾ പങ്കെടുക്കുന്ന ക്യാമ്പിന്‍റെ പരിശീലകർ. കഴിഞ്ഞ നാലുവർഷമായി നടക്കുന്ന ക്യാമ്പിൽ കുട്ടികൾക്കുള്ള ജഴ്സി, ബൂട്ട് , പോഷകാഹാരം എന്നിവ ഉൾപ്പടെ പരിശീലനത്തിനുള്ള പ്രവർത്തനങ്ങളെല്ലാം ചാലക്കുടി സർവീസ് സഹകരണ ബാങ്കിന്‍റെയും മറ്റും സഹകരണത്തോടെയാണു നടത്തുന്നത്, കൂട്ടയോട്ടം നഗരസഭ ചെയർമാൻ ഷിബു വാലപ്പൻ ഉദ്ഘാടനം ചെയ്തു. ക്ലബ് പ്രസിഡന്‍റ് ജോജു പുളിയാനി അധ്യക്ഷത വഹിച്ചു. പി.വി. സനീഷ്കുമാർ, എ.വി. രാധാകൃഷ്ണൻ, സുമിത്ത് എന്നിവർ പ്രസംഗിച്ചു. എടത്തിരുത്തി: ലഹരിക്കെതിരെ എടത്തിരുത്തി ഗ്രാമപഞ്ചായത്തിന്‍റെ ആഭിമുഖ്യത്തിൽ കൂട്ടയോട്ടം സംഘടിപ്പിച്ചു. ലഹരിവിരുദ്ധ പ്രചാരണവുമായി ബന്ധപ്പെട്ട് ജില്ലാ സ്പോർട്സ് കൗൺസിലിൽ നിന്നുള്ള നിർദേശപ്രകാരം എടത്തിരുത്തി ഗ്രാമപഞ്ചായത്തിന്‍റെ ആഭിമുഖ്യത്തിൽ ചെന്ത്രാപ്പിന്നി ഹൈസ്‌കൂൾ മുതൽ ശ്രീനാരായണ വായനശാലവരെയാണ് കൂട്ടയോട്ടം സംഘടിപ്പിച്ചത്. പഞ്ചായത്ത് പ്രസിഡന്‍റ് ടി.കെ. ചന്ദ്രബാബു കൂട്ടയോട്ടം ഫ്ലാഗ് ഓഫ്‌ ചെയ്തു. പഞ്ചായത്ത് വൈസ് പ്രസിഡന്‍റ്് ഷൈലജ രവീന്ദ്രൻ, വികസന സ്റ്റാൻ ഡിംഗ് കമ്മിറ്റി ചെയർമാൻ പി.ആർ. നിഖിൽ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ എം.എസ്.നിഖിൽ, അഞ്ചാം വാർഡ് മെമ്പർ പി.എ.ഷമീർ, ചെന്ത്രാപ്പിന്നി ഹൈസ്‌കൂളിലെ പ്രധാന അധ്യാപകൻ കെ.എസ്. കിരൺ, പിടിഎ പ്രസിഡന്‍റ്് പ്രദീപ് ലാൽ, ലൈബ്രേറിയൻ സുബിൻ എന്നിവർ സന്നിഹിതരായിരുന്നു.

"ദേശക്കാഴ്ച' കൊടിയേറി

മാള: കുഴിക്കാട്ടുശേരി ഗ്രാമിക ആളൂർ ഗ്രാമപഞ്ചായത്തിന്‍റെ സഹകരണത്തോടെ സംഘടിപ്പിക്കുന്ന ദേശക്കാഴ്ച കലാസാംസ്കാരികോത്സവത്തിനു കൊടിയേറി. ഗ്രാമിക അക്കാദമി പൂർവവിദ്യാർഥികളുടെ ചെണ്ട മേളത്തിന്‍റെ അകമ്പടിയിൽ നാട്ടുകാരണവന്മാരായ എം.എസ്. മൊയ്തീൻ, ലീല കുമാരൻ തെക്കൂട്ട്, പി.എൽ. പത്രോസ് പുന്നേലിപ്പറമ്പിൽ, അമ്മിണി അയ്യപ്പൻ പുല്ലുപറമ്പിൽ, ലീല പരമേശ്വരൻ വടേക്കര എന്നിവർ ചേർന്നാണു കൊടിയേറ്റം നടത്തിയത്. ആളൂർ ഗ്രാമപഞ്ചായത്ത്‌ പ്രസിഡന്‍റ് കെ.ആർ. ജോജൊ അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്‍റ് രതി സുരേഷ്, ട്രഷറർ സി. മുകുന്ദൻ, എ.ആർ. ചന്ദ്രബോസ് എന്നിവർ പ്രസംഗിച്ചു. രാവിലെ ആളൂർ പഞ്ചായത്ത്‌ ഓഫീസ് അടക്കം ഒന്പതു സ്ഥലങ്ങളിൽ ദിക്കൊടിയേറ്റം നടന്നു. പഞ്ചായത്ത്‌ പ്രസിഡന്‍റ്‌ കെ.ആർ. ജോജൊ, ബ്ലോക്ക് പഞ്ചായത്ത് അംഗങ്ങളായ ജുമൈല സഗീർ, പി.എ. ഗീത, ഗ്രാമപഞ്ചായത്ത് അംഗങ്ങളായ അഡ്വ. എം.എസ്. വിനയൻ, ഷൈനി തിലകൻ, മിനി പോളി, രേഖ സന്തോഷ്, ഷൈനി വർഗീസ് എന്നിവരാണു ദിക്കൊടിയേറ്റം നിർവഹിച്ചത്. മേയ് നാലുവരെയാണു പരിപാടികൾ. കേരള ലളിതകലാ അക്കാദമിയുടെയും ജില്ല - ബ്ലോക്ക് - ഗ്രാമ‌പഞ്ചായത്തുകളുടെയും കരിന്തലക്കൂട്ടത്തിന്‍റെയും സഹകരണവുമുണ്ട്. നൃത്തോത്സവം,നാടകരാവ്, സംഗീത-വാദ്യോത്സവം, പൈതൃ കോത്സവം, സമൂഹസദ്യ തുടങ്ങി വൈവിധ്യമാർന്ന പരിപാടികളാണ് ഒരുങ്ങുന്നത്. സമാപനദിവസം ആറുകേന്ദ്രങ്ങളിൽനിന്ന് നാടൻകലകളുടെ അകമ്പടിയോടെ വേലവരവ് ഉണ്ടാകും.

ദേവാലയങ്ങളിൽ തിരുനാൾ

പഴുവിൽ സെന്‍റ് ആന്‍റണീസ് പഴുവിൽ: വിശുദ്ധ അന്തോണീസിന്‍റെ തീർത്ഥകേന്ദ്രത്തിലെ ഊട്ട്തിരുനാളിന് കൊടിയേറി. ഫൊറോന വികാരി റവ.ഡോ. വിൻസെന്‍റ്് ചെറുവത്തൂർ കൊടിയേറ്റം നിർവഹിച്ചു. തുടർന്ന് തിരുനാൾ സപ്ളിമെന്‍റ്് പ്രകാശനവും നടത്തി. അസി. വികാരി ഫാ. ഡേവിസ് പുലിക്കോട്ടിൽ, മാനേജിംഗ്് ട്രസ്റ്റി ടിന്‍റോ ജോസ്, മറ്റ് ട്രസ്റ്റിമാരായ ഡിനോ ദേവസി, ആന്‍റോ മേയ്ക്കാട്ടുകുളം, അനിൽ ആന്‍റണി, തിരുനാൾ ജനറൽ കൺവീനർ ആന്‍റൺ വർഗീസ്, പബ്ലിസിറ്റി കൺവീനർ സ്റ്റീഫൻ ലാസർ, വിവിധ കമ്മിറ്റി അംഗങ്ങൾ എന്നിവർ പരിപാടികൾക്ക് നേതൃത്വം നൽകി. മേയ് രണ്ട്,മൂന്ന്, നാല്, അഞ്ച് എന്നീ ദിവസങ്ങളിലാണ് തിരുനാൾ. പ്രസുദേന്തിവാഴ്ച്ച, ദീപാലങ്കാരം സ്വിച്ച് ഓൺ കർമം, മതസൗഹൃദ കൂട്ടായ്മ എന്നിവ മെയ് രണ്ടിനും, കൂട് തുറക്കൽ ശുശ്രൂഷ മേയ് മൂന്നിനും നടത്തും. മൂന്നിന് വൈകീട്ട് ഏഴു മുതൽ രാത്രി പത്തുവരെയും, നാലിന് രാവിലെ ഒൻപതു മുതൽ ഉച്ചയ്ക്ക് രണ്ടുവരെയും നേർച്ച ഊട്ട് ഉണ്ടാകും. ഏട്ടാമിടം 11ന് നടക്കും. തിരുത്തിപ്പറമ്പ് സെന്‍റ് ജോസഫ് വടക്കാഞ്ചേരി: തിരുത്തിപ്പറമ്പ് സെന്‍റ് ജോസഫ് ദേവാലയത്തിലെ വിശുദ്ധ യൗസേപ്പിതാവിനന്‍റേയും വിശുദ്ധ മിഖായേൽ മാലാഖയുടെയും, വിശുദ്ധ സെബസ്ത്യാനോസിന്‍റെയും സംയുക്ത തിരുനാളിനുകൊടിയേറ്റി. പള്ളിയിൽ നടന്ന തിരുക്കർമങ്ങൾക്കു ശേഷം ഇടവക വികാരി ഫാ.ജോൺസൻ അരിമ്പൂർ കൊടിയേറ്റം നിർവഹിച്ചു. മേയ് രണ്ട് മൂന്ന്, നാല്, അഞ്ച് തീയതികളിലാണ് തിരുനാൾ ആഘോഷം. അമ്മാടം സെന്‍റ് ആന്‍റണീസ് അമ്മാടം: സെന്‍റ് ആന്‍റണീസ് ദേവാലയത്തിലെ വിശുദ്ധ അന്തോണീസിന്‍റെ ദർശന തിരുനാളിന് വികാരി ഫാ. ജെയിംസ് ഇഞ്ചോടിക്കാരൻ കൊടിയേറ്റി. അസി. വികാരി ഫാ. ക്രിസ്റ്റോ തേക്കാനത്ത്, കൈക്കാരന്മാരായ പാലു വർഗീസ്, എ.സി. പൗലോസ്, റോജൻ പെല്ലിശേരി, എ.ആർ. ജോഷി എന്നിവർ പങ്കെടുത്തു. മെയ് മൂന്ന്, നാല്, അഞ്ച് തീയതികളിലാണ് തിരുനാൾ. മുല്ലശേരി ഗുഡ് ഷെപ്പേർഡ് മുല്ലശേരി: നല്ല ഇടയന്‍റെ ദേവാലയത്തിൽ ഉണ്ണീശോയുടെയും വിശുദ്ധ സെബസ്ത്യാനോസിന്‍റേയും സംയുക്ത തിരുനാളിന് കൊടികയറി. തിരുനാൾ ആഘോഷങ്ങൾക്ക് തുടക്കം കുറിച്ച് ഇടവക വികാരി ഫാ. ടിജോ മുള്ളക്കരയാണ് കൊടികയറ്റു കർമം നിർവഹിച്ചത്. കൊടി കയറിയതോടെ തിരുനാളിന്‍റെ വരവ് അറിയിച്ച് വിശ്വാസികൾ ആകാശത്തേക്ക് ഹൈഡ്രജൻ ബലൂണുകൾ പറത്തി. മെയ് രണ്ട്, മൂന്ന്,നാല്, അഞ്ച് തിയതികളിലാണ് നല്ല ഇടയന്‍റെ ദേവാലയത്തിൽ തിരുനാൾ ആഘോഷിക്കുന്നത്. കൊടികയറ്റം മുതൽ തിരുനാൾ ദിനംവരെയുള്ള ദിവസങ്ങളിൽ വൈകീട്ട് ആറിന് ദിവ്യബലി, ലദീഞ്ഞ്, നൊവേന എന്നിവ നടക്കും. ജനറൽ കൺവീനർ വിൽഫി എടക്കളത്തൂർ, കൈകാരന്മാരായ സ്റ്റാൻലി ഗബ്രിയേൽ, ജോസ് വടക്കൻ, ജോമോൻ തൈക്കാട്ടിൽ എന്നിവർ തിരുനാൾ കൊടികയറ്റ ചടങ്ങുകൾക്ക് നേതൃത്വം നൽകി. വ്യാഴായ്ച രാവിലെ പത്തിന് ഇടവകയിൽ ആദ്യകുർബ്ബാന സ്വീകരണവും, വെള്ളിയാഴ്ച രാവിലെ പത്തിനുള്ള ദിവ്യബലിയെ തുടർന്ന് നേർച്ച ഊട്ടും വൈകിട്ട് ഏഴിന് ദേവാലയ ദീപാലങ്കാരത്തിന്‍റെ സ്വിച്ച്ഓൺ കർമവും രാത്രി 7.30ന് നാടകവും ഉണ്ടായിരിക്കും. മൂന്ന്, നാല് തീയതികളിലാണ് പ്രധാന തിരുനാൾ തിരുകർമങ്ങൾ നടക്കുന്നത്. പറേംപാടം സെന്‍റ് ആന്‍റണീസ് തൃശൂർ: പാറേംപാടം സെന്‍റ് ആന്‍റണീസ് പള്ളിയിലെ കൊടിമര ആശിർവാദവും സംയുക്ത തിരുനാൾ ആഘോഷത്തിന്‍റെ കൊടിയേറ്റവും തൃശൂർ അതിരൂപത വികാരി ജനറാൾ മോണ്‍. ജെയ്സണ്‍ കൂനംപ്ലാക്കൽ നിർവഹിച്ചു. മേയ് മൂന്നുമുതൽ അഞ്ചുവരെയാണു തിരുനാൾ. മേയ് നാലിന് രാവിലെ 10.30ന് ആഘോഷമായ പാട്ടുകുർബാന, വൈകീട്ട് അഞ്ചിനു തിരുനാൾ പ്രദക്ഷിണം, രാത്രി ഏഴിനു ഗാനമേള എന്നിവയുണ്ടാകും. വികാരി ഫാ. പോൾ അറക്കൽ, ജനറൽ കണ്‍വീനർ എം.ടി. പോൾസണ്‍, കൈക്കാരൻമാരായ പോൾ മണ്ടുംപാൽ, ഷാജു മേഞ്ചേരി, സജി മഞ്ഞപ്പള്ളി , കണ്‍വീനർമാരായ സിറിയക്, ഡെയ്സണ്‍, ലിജോ തുടങ്ങിയവർ നേതൃത്വം നൽകി.

കാരുണ്യഭവനത്തിന്‍റെ താക്കോൽ ഇന്ന് കൈമാറും

വടക്കാഞ്ചേരി: തിരുത്തിപ്പറമ്പ് സെന്‍റ്് ജോസഫ് ദേവാലയത്തിലെ സംയുക്ത തിരുനാളിനോടനുബന്ധിച്ച് നിർധന കുടുംബത്തിന് നിർമിച്ചു നൽകുന്ന കാരുണ്യഭവനത്തിന്‍റെ താക്കോൽ ഇന്ന് കൈമാറും. 15 ലക്ഷം രൂപ ഉപയോഗിച്ച് സ്ഥലം വാങ്ങിയാണ് വീട് നൽകുന്നത്. ഇന്ന് വൈകീട്ട് അഞ്ചിന് അതിരൂപത വികാരി ജനറാൾ മോൺ.ജെയ്സൺ കൂനംപ്ലാക്കൽ താക്കോൽദാനം നിർവഹിക്കും. ഇടവക വികാരി ഫാ.ജോൺസൻ അരിമ്പൂർ അധ്യക്ഷത വഹിക്കും. ചടങ്ങുകൾക്ക് ജനറൽ കൺവീനർ പ്രിൻസൺ ചിരിയങ്കണ്ടത്ത്, ട്രസ്റ്റിമാരായ ഡേവീഡ ്ഒലക്കേങ്കിൽ, ഫ്രാൻസിസ് കൊള്ളന്നൂർ, ഫ്രാൻസീസ് ചീരൻ, പി ആർഒ അഡ്വ. തോമസ് കുര്യൻ എന്നിവർ നേതൃത്വം നൽകും.

എകെടിഎ ജില്ലാ സമ്മേളനം നടത്തി

അരിമ്പൂർ: കേരളത്തിലെ തയ്യൽ തൊഴിലാളികളുടെ ക്ഷേമനിധി പെൻഷൻ അയ്യായിരം രൂപയാക്കി വർധിപ്പിക്കണമെന്നും സീനിയോറിറ്റി പെൻഷൻ അനുവദിക്കണമെന്നും ഒാൾ കേരള ടെയ്‌ലേഴ്സ് അസോസിയേഷൻ (എകെടിഎ) തൃശൂർ ജില്ലാ 25-ാം സമ്മേളനം സർക്കാരിനോട് ആവശ്യപ്പെട്ടു. അരിമ്പൂരിൽ നടന്ന ജില്ലാ സമ്മേളനം ഉന്നത വിദ്യാഭ്യാസ വകുപ്പ് മന്ത്രി ഡോ.ആർ. ബിന്ദു ഉദ്ഘാടനം ചെയ്തു. തയ്യൽ തൊഴിലാളികളുടെ ക്ഷേമത്തിനായി കേരളത്തിൽ തയ്യൽ തൊഴിലാളി ക്ഷേമനിധി ബോർഡ് ഉണ്ടാക്കിയെടുക്കാൻ സാധിച്ചത് എകെടിഎ എന്ന സംഘടനക്ക് കിട്ടിയ വലിയ അംഗീകാരമാണെന്ന് മന്ത്രി പറഞ്ഞു. സാധാരണക്കാരായ തയ്യൽ തൊഴിലാളികളുടെ പ്രശ്നങ്ങൾ കൃത്യമായി മനസ്സിലാക്കുകയും അത് പരിഹരിക്കാൻ ശ്രമിക്കുകയും ചെയ്യുന്ന സംഘടനയാണ് എകെടിഎ എന്നും മന്ത്രി കൂട്ടിച്ചേർത്തു. എകെടിഎ സംസ്ഥാന ജനറൽ സെക്രട്ടറി എൻ.സി. ബാബു അധ്യക്ഷത വഹിച്ചു. കുന്നത്തങ്ങാടിയിൽ നിന്ന് അരിമ്പൂരിലേക്ക് നടന്ന പ്രകടനത്തിൽ നൂറു കണക്കിന് തയ്യൽ തൊഴിലാളികളാണ് പങ്കെടുത്തത്. ജില്ലാ നേതാക്കളായ ജോസ് തേറാട്ടിൽ, കെ.എ. ജോയ്, പീതാംബരൻ ഇയ്യാനി, ഷൈല ജോയ് എന്നിവർ നേതൃത്വം നൽകി. സമ്മേളന വേദിക്ക് സമീപം ജില്ലാ പ്രസിഡന്‍റ് അബ്ദുൾ ഖാദർ എടവിലങ്ങ് പതാക ഉയർത്തി. ജില്ലാ സെക്രട്ടറി എം.കെ.പ്രകാശൻ, ട്രഷറർ പി.എം. പുഷ്പകുമാരി, സംസ്ഥാന സെക്രട്ടറി ജി.സജീവൻ, സംസ്ഥാന കമ്മിറ്റി അംഗങ്ങളായ എസ്.ഷാജി, അമ്മിണി കുമാരൻ, ജലജ അരവിന്ദൻ തുടങ്ങിയവർ സംസാരിച്ചു.

കളഞ്ഞു കിട്ടിയ സ്വർണമാല ഉടമയ്ക്ക് തിരികെ നൽകി

വടക്കാഞ്ചേരി: കളഞ്ഞുകിട്ടിയ സ്വർണമാല തിരികെ നൽകി മാതൃകയായി. ചെപ്പാറ ടൂറിസം കേന്ദ്രത്തിനു സമീപം സമരംനടത്തുന്ന പ്രവർത്തകരാണ് കരുതലിന്‍റെ കാവലാളുകളായത്. പാട്ടുരാക്കൽ അന്തിക്കാട് വീട്ടിൽ കെജെ ജിമ്മി - ലിബി ദമ്പതികളുടെ മകൾ ലിലിനാണ് ഒരു പവൻ തൂക്കമുള്ള സ്വർണമാല തിരികെ ലഭിച്ചത്. കഴിഞ്ഞ 22ന് കുടുംബത്തോടൊപ്പം ചെപ്പാറയിൽ എത്തിയ കുട്ടിയുടെ മാല നഷ്ടപ്പെട്ടിരുന്നു. തെരച്ചിൽ നടത്തിയെങ്കിലും കണ്ടെത്താനായിരുന്നില്ല. കഴിഞ്ഞ ദിവസം പ്രദേശത്ത് സമരം നടത്തുന്ന പ്രവർത്തകരാണ് മാല കണ്ടെത്തിയത്. സമരാംഗമായ ഹരിതസേനാംഗം തെക്കുംകര സ്വദേശി പാലിശേരി വീട്ടിൽ സരിതാരാജേഷാണ് മാല കണ്ടെത്തിയത്. തുടർന്ന് നേതാക്കളെ ഏൽപിച്ചു. സിപിഎം തെക്കുംകര വെസ്റ്റ് ലോക്കൽ സെക്രട്ടറി എൻജി സന്തോഷ് ബാബു, പഞ്ചായത്ത് പ്രസിഡന്റ് ടിവി സുനിൽകുമാർ ഉൾപ്പെടെയുള്ള നേതാക്കൾ അന്വേഷിച്ചാണ് ഉടമയെ തിരിച്ചറിഞ്ഞത്. തുടർന്ന് കുടുംബത്തോടൊപ്പം ചെപ്പാറയിൽ എത്തിയ കുട്ടിക്ക് സമരപ്പന്തലിൽവച്ചുതന്നെ ആഭരണം ഹരിത കർമസേനാംഗം സരിത രാജേഷ് കൈമാറി.

ദാരുബിംബ നിർമാണം പൂർത്തിയായി

കുന്നംകുളം: മണക്കുളം രാജകുടുംബത്തിനന്‍റെയും പുന്നത്തൂർ രാജകുടുംബത്തിന്‍റെയും ഊരായ്മയിലുള്ള കുന്നംകുളം കക്കാട് ശ്രീ ചെറുവത്തൂർ മഹാദേവ ക്ഷേത്രത്തിൽ ഭദ്രകാളി പ്രതിഷ്ഠയ്ക്കായുള്ള ദാരുബിംബ നിർമാണം പൂർത്തിയായി. ശാസ്ത്രവിധിപ്രകാരം ലക്ഷണമൊത്ത വരിക്കപ്ലാവിന്‍റെ ഒറ്റത്തടിയിലാണ് ദാരുബിംബം നിർമിച്ചത്. മൂന്നര അടി ഉയരത്തിലാണ് ദാരുബിംബം നിർമിച്ചിരിക്കുന്നത്. പ്രശസ്ത ദാരുശില്പി എളവള്ളി നന്ദൻ ആചാരിയാണ് ദാരുബിംബം നിർമിച്ചിരിക്കുന്നത്. അന്തരിച്ച പ്രശസ്ത ദാരുശിൽപ്പി എളവള്ളി നാരായണനാചാരിയുടെയും പാറുക്കുട്ടിയുടെയും മകനാണ് എളവള്ളി നന്ദൻ. നവീൻ, ആശമോൻ, പ്രസാദ്, നവ്യ നന്ദൻ എന്നിവർ ശില്പ നിർമാണത്തിൽ സഹായികളായി. വാസ്തു ആചാര്യൻ കാണിപ്പയ്യൂർ കുട്ടൻ നമ്പൂതിരിപ്പാടാണ്‌ കൈകണക്കുകൾ തയ്യാറാക്കിയത്. 30ന് കാലത്ത് 7.30 നും 9.30 നും ഇടയിലുള്ള ശുഭ മുഹൂർത്തത്തിൽ ക്ഷേത്രം പൂർവീക പാരമ്പര്യ ആചാര്യ പരമ്പരയായ മുണ്ടയൂർ ഇല്ലത്തെ തന്ത്രിമുഖ്യർ പ്രതിഷ്ഠ കർമം നിർവഹിക്കും. നിർമാണ പ്രവൃത്തികൾക്ക് ക്ഷേത്രം സംരക്ഷണ സമിതി പ്രസിഡന്‍റ്് വി.പി. കൃഷ്ണകുമാർ, ജനറൽ സെക്രട്ടറി കെ.എ. അജീഷ്, ട്രഷറർ കെ.കെ. ജയചന്ദ്രൻ തുടങ്ങിയവർ നേതൃത്വംനൽകി.

മുളഞ്ചേരിക്കുളം ചണ്ടി നിറഞ്ഞ് ശോചനീയാവസ്ഥയിൽ

മുല്ലശേരി: ഗ്രാമ പഞ്ചായത്തിലെ പൊതുകുളമായ മുളഞ്ചേരിക്കുളം ചണ്ടി നിറഞ്ഞ് നിലയിൽ. പഞ്ചായത്തിലെ വാർഡ് 12 ലാണ് മുളഞ്ചേരികുളം സ്ഥിതി ചെയ്യുന്നത്. താണവീഥി മേഖലയിലെ ജനങ്ങൾക്ക് കുളിക്കാനും, അലക്കാനും, മൃഗങ്ങളെ കുളിപ്പിക്കുന്നതിനും ഉപയോഗപ്രദമാക്കുക എന്ന ലക്ഷ്യത്തോടെ കുളത്തിലേക്ക് രണ്ട് കടവുകൾ പ്രത്യേകം നിർമിച്ചിട്ടുണ്ട്. എന്നാൽ രണ്ടും ഉപയോഗിക്കാൻ പറ്റാത്ത വിധം ചണ്ടി നിറഞ്ഞ് കിടക്കുകയാണ്. പല തവണകളായി ലക്ഷങ്ങൾ ചെലവഴിച്ചാണ് മുളഞ്ചേരി ക്കുളം നവീകരിച്ചിട്ടുള്ളത്. കനത്ത വേനലിൽ പൊതുജനങ്ങൾക്ക് ഉപയോഗിക്കുന്നതിനുവേണ്ടി കുളം ചണ്ടി വാരിയും മാലിന്യങ്ങൾ നീക്കിയും വൃത്തിയാക്കി ഉപയോഗപ്രദമാക്കണമെന്ന് നാട്ടുകാർ ആവശ്യപ്പെട്ടു.

അപകടം: പരിക്കേറ്റ ഓട്ടോഡ്രൈവർ മരിച്ചു

ചേർപ്പ്: ചൊവ്വൂർ വലിയ കപ്പോളയ്ക്കു സമീപം ടെംമ്പോ ട്രാവലറും ഓട്ടോറിക്ഷയും കൂട്ടിയിടിച്ച് ഓട്ടോ മറിഞ്ഞുണ്ടായ അപകടത്തിൽ ഓട്ടോഡ്രൈവർ മരിച്ചു. പാറക്കോവിൽ മൂലേക്കാട്ടിൽ ശ്രീധരൻ മകൻ സുധീഷ് കുമാർ(46) ആണ് മരിച്ചത്. ശനിയാഴ്ച രാവിലെ പത്തിനായിരുന്നു അപകടം. ഓട്ടോയിൽ യാത്രക്കാരെ കൊണ്ടുപോകുന്നതിനിടയിൽ ചൊവ്വൂരിൽ വച്ചാണ് അപകടം. ഓട്ടോയിലുണ്ടായിരുന്ന യാത്രക്കാർ പരിക്കേൽക്കാതെ രക്ഷപ്പെട്ടു. പരിക്കേറ്റ സുനീഷിനെ തിരുവുള്ളക്കാവ് ദേവസ്വം ആംബുലൻസ് പ്രവർത്തകർ സ്വകാര്യആശുപത്രിയിൽ എത്തിച്ചു. തുടർന്ന് തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ഇന്നലെയാണ് മരിച്ചത്. സംസ്കാരം ഇന്ന് മൂന്നിന് വടൂക്കര എസ്എൻഡിപി ശ്മശാനത്തിൽ. ഭാര്യ: രമ്യ. മക്കൾ: അർഷിദേവ്, അൻഷിക.

ബൈക്ക് യാത്രികന്‍ അപകടത്തില്‍ മരിച്ചു

കൊടകര: നെല്ലായിയിലുണ്ടായ വാഹനാപകടത്തില്‍ പരിക്കേറ്റയാള്‍ ആശുപത്രിയില്‍ ചികില്‍സയിലിരിക്കെ മരിച്ചു. കൊളത്തൂര്‍ വെള്ളാനി വീട്ടില്‍ ഗിരിജനാണ്(63) മരിച്ചത്. കഴിഞ്ഞ രാത്രി ഏഴരയോടെ നെല്ലായി ദേശീയപാതയിലായിരുന്നു അപകടം. തൃശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും വൈകാതെ മരിച്ചു. കൊടകര പോലീസ് മേല്‍നടപടി സ്വീകരിച്ചു. സംസ്‌കാരം നടത്തി. ഭാര്യ: സുനന്ദ. മക്കള്‍: വിവേക്, ശോബിത.

ബൈക്കപകടത്തില്‍ പരിക്കേറ്റ യുവാവ് മരിച്ചു

കൊടകര: ബൈക്കപകടത്തില്‍ പരിക്കേറ്റ് എറണാകുളത്തെ സ്വകാര്യ ആശുപത്രിയില്‍ ചികിത്സയിലായിരുന്ന യുവാവ് മരിച്ചു. മറ്റത്തൂര്‍കുന്ന് കരിമ്പനക്കല്‍ ലതീഷിന്‍റെ മകന്‍ ആരവ് കൃഷ്ണനാണ്(20) മരിച്ചത്. രണ്ടുമാസം മുമ്പ് കൊടകരയിലായിരുന്നു അപകടം. കൊടകര പോലീസ് മേല്‍നടപടി സ്വീകരിച്ചു. സംസ്‌കാരം നടത്തി. അമ്മ: ധന്യ.

തൃശൂരിന്‍റെ തൊഴിൽപ്പൂരത്തിന് ‘പൂരത്തിരക്ക് ’

രാമവർമപുരം: തൃശൂരിന്‍റെ തൊഴിൽപ്പൂരത്തിന് പൂരത്തിരക്ക്. ആയിരക്കണക്കിന് ഉദ്യോഗാർഥികൾ എത്തിച്ചേർന്നു. വിജ്ഞാനകേരളം ജനകീയ കാന്പയിന്‍റെ ഭാഗമായാണ് തൃശൂരിൽ മെഗാ ജോബ് ഫെയർ സംഘടിപ്പിച്ചത്. ഗവ. എൻജിനീയറിംഗ് കോളജ്, വിമല കോളജ് എന്നിവിടങ്ങളിലാണ് ജോബ് ഫെയർ നടത്തിയത്. 25.000 ത്തിലധികം പേരാണ് ഡിജിറ്റൽ വർക്ക് ഫോഴ്സ് മാനേജ്മെന്‍റ് സിസ്റ്റത്തിലൂടെ രജിസ്ട്രേഷൻ പൂർത്തീകരിച്ചു മേളയ്ക്കെത്തിയത്. 151 തൊഴിൽദാതാക്കളിൽനിന്ന് 577 വ്യത്യസ്തമേഖലകളിലായി 35000 തൊഴിലുകൾ വിജ്ഞാനകേരളം ജനകീയ കാന്പയിനിലൂടെ നൽകാനാണ് ലക്ഷ്യമിട്ടിരിക്കുന്നത്. ഫ്രാൻസിസ് മാർപാപ്പയുടെ നിര്യാണത്തെതുടർന്ന് ഉദ്ഘാടനചടങ്ങുകൾ പൂർണമായി ഒഴിവാക്കിയാണ് മേള സംഘടിപ്പിച്ചത്. മന്ത്രി കെ. രാജൻ, മുൻമന്ത്രി ഡോ. തോമസ് ഐസക് എന്നിവർ മെഗാ ജോബ് ഫെയർ നടക്കുന്ന കോളജുകളിലെത്തിയിരുന്നു. പത്ത് തൊഴിൽദാതാക്കൾ പങ്കെടുക്കുന്ന വെർച്ച്വൽ ജോബ് ഫെയറും അപ്രന്‍റീസ്ഷിപ്പ് ഡ്രൈവും ഇൻഫ്ളുവൻസേഴ്സ് മീറ്റും മെഗാ ജോബ് ഫെയറിന്‍റെ ഭാഗമായുണ്ടായിരുന്നു. മുന്നോടിയായി സംഘടിപ്പിച്ച വെർച്വൽ മേളകളിൽ തൊഴിൽ ലഭിച്ച 617 ഉദ്യോഗാർഥികളുടെ ഓഫർ ലെറ്ററുകളും തൊഴിലിലേക്കുള്ള ചുരുക്കപ്പട്ടികയിൽ ഉൾപ്പെട്ട 512 പേർക്കുള്ള സർട്ടിഫിക്കറ്റുകളും ജോബ് സ്റ്റേഷനുകൾവഴി വിതരണം ചെയ്തു.തൊഴിൽപ്പൂരത്തിനു വരുന്ന ഉദ്യോഗാർഥികൾക്കായി വടക്കേസ്റ്റാൻഡിൽനിന്ന് രാവിലെമുതൽ ഗവ. എൻജിനീയറിംഗ് കോളജിലേക്കു കൂടുതൽ ബസ് സർവീസുകൾ കെഎസ്ആർടിസി സജ്ജീകരിച്ചിരുന്നു. ഗതാഗതനിയന്ത്രണത്തിനായി സിറ്റി പോലീസിന്‍റെ നേതൃത്വത്തിൽ പ്രത്യേക ക്രമീകരണങ്ങളും ഒരുക്കിയിരുന്നു. കുടുംബശ്രീയുടെ ഫുഡ് കോർട്ടുകൾ തൊഴിൽമേള നടന്ന രണ്ടു കോളജുകളിലും പ്രവർത്തിച്ചു. തൊഴിൽമേളയുടെ സുഗമമായ നടത്തിപ്പിനായി എൻഎസ്എസ്, എൻസിസി വോളന്‍റിയർമാരുടെ സേവനവും ലഭ്യമാക്കിയിരുന്നു. സ്വന്തം ലേഖകൻ

പൂരം വൈബൊരു വൈബാണ്...പൂരം കൊടിയേറ്റ് ബുധനാഴ്ച, സാന്പിൾ നാലിന്

തൃശൂർ: വീണ്ടും ഒരു പൂരക്കാലമെത്തി. തൃശൂർ പൂരക്കാഴ്ചകളിലേക്കു ജാലകം തുറക്കാൻ കാത്തിരിക്കുകയാണ്. സ്വരാജ് റൗണ്ടിൽ പൂരത്തിന്‍റെ വരവറിയിച്ച് പൂമരങ്ങൾ പൂത്തു. മൂന്നിടങ്ങളിൽ നിലപ്പന്തലുകൾ ഉയരുന്നു. ഇനിയുള്ള ദിവസങ്ങളും പൂരത്തിന്‍റേതാണ്... ഓരോ വർഷവും പൂരമുണ്ടെങ്കിലും എല്ലാ പൂരവും തൃശൂർക്കാർക്ക് ആദ്യത്തെ പൂരംപോലെയാണ്. പൂരത്തിനുവേണ്ടിയുള്ള കാത്തിരിപ്പിനാണ് പൂരത്തെക്കാൾ ആവേശമെന്നു പറയാറുണ്ട്. മേയ് ആറിനാണ് ഇത്തവണ തൃശൂർ പൂരം. ഈ മാസം 30നു ബുധനാഴ്ച പൂരം കൊടിയേറും. പ്രധാന പങ്കാളികളായ തിരുവന്പാടി -പാറമേക്കാവ് ക്ഷേത്രങ്ങൾക്കുപുറമെ എട്ടു ഘടകക്ഷേത്രങ്ങളിലും 30-നാണ് കൊടിയേറ്റ്. മേയ് നാലിനാണ് സാന്പിൾ വെടിക്കെട്ട്. പൂരം വെടിക്കെട്ടുപോലെതന്നെ ജനസാഗരം തിങ്ങിനിറയുന്ന സാന്പിൾ വെടിക്കെട്ട് കാണാനെത്തുന്നവർക്കു കണ്ണിനു വിരുന്നൊരുക്കി ആനച്ചമയപ്രദർശനങ്ങളും പന്തൽക്കാഴ്ചകളുമുണ്ടാകും. പൂരം എക്സിബിഷന്‍റെ കാൽനാട്ടലോടെതന്നെ തൃശൂരിൽ പൂരാവേശത്തിനു തിരികൊളുത്തും. എക്സിബിഷനാണ് പൂരത്തിന്‍റെ മറ്റൊരു വിളംബരം. എക്സിബിഷനു പ്രവേശനം തുടങ്ങുന്നതോടെ തൃശൂരിൽ തിരക്കായി. സ്വരാജ് റൗണ്ടിലേക്കു കയറി കുറച്ചുകഴിഞ്ഞാൽ എക്സിബിഷന്‍റെ അനൗണ്‍സ്മെന്‍റ് കേൾക്കാം. സന്ധ്യ മയങ്ങുന്നതോടെ എക്സിബിഷൻ ഗ്രൗണ്ട് വൈദ്യുതലങ്കാരങ്ങളിൽ നിറയും. പന്തൽപണിക്കു തുടക്കംമുതൽക്കേ മാർക്കിടുന്ന പൂരപ്രേമികളുണ്ട്. തിരുവന്പാടി വിഭാഗം നായ്ക്കനാലിലും നടുവിലാലിലും പാറമേക്കാവ് വിഭാഗം മണികണ്ഠനാലിലുമാണ് പന്തലുകൾ ഉയർത്തുന്നത്. സാന്പിൾ വെടിക്കെട്ടിനുകൂടി മാർക്കിട്ടാൽ പിറ്റേന്നു പൂരം തുടങ്ങുകയാണ്. 36 മണിക്കൂർനീളും പൂരം. മഠത്തിൽവരവും ഇലഞ്ഞിത്തറമേളവും തെക്കോട്ടിറക്കവും കുടമാറ്റവും കഴിഞ്ഞ് പുലർച്ചെ വെടിക്കെട്ടെന്ന ക്ലൈമാക്സിലേക്കു നീളുന്ന പൂരക്കാഴ്ചകൾ. അതു കഴിഞ്ഞു പിറ്റേന്നു പകൽപ്പൂരവും ഉപചാരം ചൊല്ലലും അവസാനത്തെ വെടിക്കെട്ടുംകഴിഞ്ഞ് പൂരക്കഞ്ഞിയും മാന്പഴപ്പുളിശേരിയും കഴിച്ച് പൂരപ്പറന്പിൽനിന്നു യാത്രപറയുന്പോൾ ഓരോ പൂരപ്രേമിയും അടുത്ത പൂരത്തിനെത്തുമെന്നു മനസുകൊണ്ട് ഉറപ്പിച്ചിരിക്കും. സ്വന്തം ലേഖകൻ

പൂരം സുരക്ഷാക്രമീകരണങ്ങൾ ശക്തിപ്പെടുത്തി: ഡിജിപി

തൃശൂർ: പഹൽഗാം ആക്രമണത്തിന്‍റെ പശ്ചാത്തലത്തിൽ തൃശൂർ പൂരം സുരക്ഷാക്രമീകരണങ്ങൾ കൂടുതൽ ശക്തിപ്പെടുത്തിയതായി സംസ്ഥാന പോലീസ് മേധാവി ഷേഖ് ദർവേഷ് സാഹിബ് പത്രസമ്മേളനത്തിൽ പറഞ്ഞു. നാലായിരത്തിലധികം പോലീസുകാരെ വിന്യസിക്കും. സുരക്ഷാചുമതലയിലുള്ള എല്ലാ സീനിയർ ഓഫീസർമാരും ഇൻസ്‌പെക്ടർമാരും പരിചയസമ്പന്നരായിരിക്കും. പോലീസ് വകുപ്പ് രണ്ടുമാസംമുമ്പേപൂരത്തിന്‍റെ സുരക്ഷാനടപടികൾ ആരംഭിച്ചിരുന്നു. വിന്യസിക്കുന്ന സേനാംഗങ്ങളിൽ 35 ഡിവൈഎസ്പിമാർ, 71 ഇൻസ്‌പെക്ടർമാർ, 280 എഎസ്ഐ, എസ്‌സിപിഒ റാങ്കിലുള്ളവർ, 3400ഓളം സിപിഒമാർ, 200 വനിതാ സിപിഒമാർ എന്നിവരുൾപ്പെടുന്നു. പത്തു ഡ്രോണുകളും ഒരു ആന്‍റി ഡ്രോൺ സിസ്റ്റവും വിന്യസിക്കും. സുരക്ഷയുമായി ബന്ധപ്പെട്ട സജ്ജീകരണങ്ങൾ പൂർത്തിയായി. പൂരത്തിനെത്തുന്നവർക്കു കഴിഞ്ഞവർഷത്തെക്കാൾ കൂടുതൽ പാർക്കിംഗ് സൗകര്യം ഒരുക്കിയിട്ടുണ്ട്. 44 ഇടങ്ങളിലാണ് പാർക്കിംഗ് സജ്ജമാക്കിയിട്ടുള്ളത്. നഗരത്തിൽ 337 സിസിടിവി കാമറ സ്ഥാപിച്ചു. ലഹരി ഉപയോഗം തടയാൻ സ്പെഷൽ സ്‌ക്വാഡിനെയും നിയോഗിച്ചിട്ടുണ്ട്. പൂരവുമായി ബന്ധപ്പെട്ട എല്ലാ വിഭാഗങ്ങളുമായും കൂടിയാലോചിച്ചാണ് കാര്യങ്ങൾ നടത്തുന്നതെന്നും ഡിജിപി പറഞ്ഞു.

കുടമാറ്റം കാണാൻ ആഗ്രഹം: ഗവർണർ

തൃശൂർ: കേരള ഗവർണർ രാജേന്ദ്ര വിശ്വനാഥ് ആർലേക്കറെ തൃശൂർ പൂരത്തിനു ക്ഷണിച്ച് തിരുവന്പാടി ദേവസ്വം. രാജ്ഭവനിലെത്തിയാണ് ബോർഡ് അംഗങ്ങൾ അദ്ദേഹത്തെ ക്ഷണിച്ചത്. തൃശൂർ പൂരത്തെക്കുറിച്ച് ഗവർണറോടു ദേവസ്വം പ്രസിഡന്‍റ് പദ്മശ്രീ ഡോ. സുന്ദർമേനോൻ വിശദീകരിച്ചു. കുടമാറ്റം നേരിൽ കാണാൻ ആഗ്രഹമുണ്ടെന്നും എത്താൻ പരമാവധി ശ്രമിക്കാമെന്നും ഗവർണർ പറഞ്ഞു. കുടമാറ്റദിവസം പിതാവിന്‍റെ ശ്രാദ്ധദിനമാണെങ്കിലും ഗവർണർ വൈകീട്ട് എത്താൻ ശ്രമിക്കുമെന്നു സുന്ദർമേനോൻ പറഞ്ഞു. പൂരത്തിന്‍റെ തെക്കോട്ടിറക്കത്തിന്‍റെ ഛായാചിത്രവും ഗവർണർക്കു സമ്മാനിച്ചാണ് ദേവസ്വം അംഗങ്ങൾ മടങ്ങിയത്.

ആയിരത്തോളം ഇനം മാങ്ങകളുമായി മാങ്ങമേള നാളെയും മറ്റന്നാളും

തൃശൂർ: ആയിരത്തോളം ഇനം മാങ്ങകളുമായി ട്രിച്ചൂർ അഗ്രിഹോർട്ടി കൾച്ചറൽ സൊസൈറ്റിയുടെ മാങ്ങമേള നാളെയും മറ്റന്നാളും ടൗൺ ഹാളിൽ നടക്കും. നാട്ടിൽ അപൂർവമായി കാണുന്നതും പ്രചാരത്തിലുള്ളതുമായ മാങ്കോ ഐസ്‌ക്രീം, ഹൃദ്യ, തുരുവരമ്പ്, വിനോ മാജിക്, ആര്യ, ഡോൾഫിൻ, മാവേലി, പൊന്നൂസ് തുടങ്ങിയ മാങ്ങയിനങ്ങൾ പേരെഴുതി പ്രദർശിപ്പിക്കും. ലോകത്തിലെ വലിപ്പംകൂടിയ മാങ്ങയിനങ്ങളിൽ ഒന്നായ, എട്ടുകിലോ വരുന്ന മാങ്കോശ്രീയും മേളയിലുണ്ടാകും. മികച്ചയിനം മാവിൻതൈകളുടെയും മാങ്ങ ഉത്പന്നങ്ങളുടെയും പ്രദർശനവും വില്പനയും നടക്കും. ശാസ്ത്രീയമായ മാവുകൃഷിയെക്കുറിച്ച് സെമിനാറുകളും പരിപാലനത്തെക്കുറിച്ചുള്ള നിർദേശങ്ങളും സംശയങ്ങൾക്കു മറുപടിയുമായി മാങ്കോ ക്ലിനിക്കും സംഘടിപ്പിച്ചിട്ടുണ്ട്. വീട്ടിലുണ്ടാകുന്ന മാങ്ങകൾ മത്സരാടിസ്ഥാനത്തിൽ പ്രദർശിപ്പിക്കാൻ വ്യക്തികൾക്ക് അവസരമുണ്ട്. കൃഷിവകുപ്പ്, കാർഷിക സർവകലാശാല, ഇൻഡിജിനസ് മാങ്കോ ട്രീ കൺസർവേഷൻ പ്രോജക്ട്, ഡിടിപിസി എന്നിവയുടെ സഹകരണത്തോടെ സംഘടിപ്പിക്കുന്ന മാങ്ങമേള നാളെ രാവിലെ പത്തിനു മേയർ എം.കെ. വർഗീസ് ഉദ്ഘാടനം ചെയ്യും. പി. ബാലചന്ദ്രൻ എംഎൽഎ അധ്യക്ഷത വഹിക്കും. ചിത്രരചനാമത്സരവും വ്യക്തികൾക്കുള്ള മാങ്ങ പ്രദർശനമത്സരവും രാവിലെയാണ്. ഉച്ചതിരിഞ്ഞു രണ്ടിന് സെമിനാർ. ഭക്ഷ്യവിഭവങ്ങളുടെ പാചകമത്സരം മറ്റന്നാൾ രാവിലെ 11ന്. മേളയുടെ സമാപനം വൈകീട്ട് അഞ്ചിന് ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് ഉദ്ഘാടനം ചെയ്യും. പ്രതിപക്ഷനേതാവ് രാജൻ ജെ.പല്ലൻ പങ്കെടുക്കും. പത്രസമ്മേളനത്തിൽ ട്രിച്ചൂർ അഗ്രിഹോർട്ടികൾച്ചറൽ സൊസൈറ്റി പ്രസിഡന്‍റ് അഡ്വ. രഘു കെ. മാരാത്ത്, ടി.ആർ. സഖിൽ, സെക്രട്ടറി അനിൽ പൊറ്റെക്കാട്ട്, ട്രഷറർ അഡ്വ. ഷോബി ടി. വർഗീസ്, വൈസ് പ്രസിഡന്‍റ് വിനോജ് കുറുവത്ത് എന്നിവർ പങ്കെടുത്തു.

അന്തിക്കാട് കൃഷ്ണപ്രസാദിനും വെള്ളാങ്കല്ലൂർ അനൂപിനും സ്കന്ദ പുരസ്കാരം

പഴുവിൽ: പഴുവിൽ മാധവമാരാർ സ്മാരക സ്കന്ദപുരസ്കാരം ചെണ്ടകലാകാരൻ അന്തിക്കാട് കൃഷ്ണപ്രസാദിനും ഇലത്താളകലാകാരൻ വെള്ളാങ്കല്ലൂർ അനൂപിനും സമ്മാനിക്കുമെന്നു പഴുവിൽ രഘുമാരാർ പത്രക്കുറിപ്പിൽ അറിയിച്ചു. പഴുവിൽ ശ്രീ സുബ്രഹ്മണ്യസ്വാമിക്ഷേത്രത്തിലെ പള്ളിവേട്ട ദിനമായ 28നു രാവിലെ 11നു ക്ഷേത്രാങ്കണത്തിൽ നടക്കുന്ന ചടങ്ങിൽ കൊച്ചിൻ ദേവസ്വം ബോർഡ് പ്രസിഡന്‍റ് ടി. രവീന്ദ്രൻ പുരസ്കാരം സമ്മാനിക്കും. 25,000 രൂപയും പൊന്നാടയും പ്രശസ്തിപത്രവുമാണു പുരസ്കാരം.

ഒന്നിനി ശ്രുതിതാഴ്ത്തി പാടുക പൂങ്കുയിലേ ജയചന്ദ്രൻസ്മൃതി ഒന്നിന്

തൃശൂർ: ഗസറ്റഡ് സർക്കാർ ഉദ്യോഗസ്ഥരുടെ സംഘടനയായ ജില്ലാ ഓഫീസേഴ്സ് ക്ലബ് ഗായകൻ പി. ജയചന്ദ്രനെ അനുസ്മരിച്ചുസംഘടിപ്പിക്കുന്ന സംഗീതനിശ ജയചന്ദ്രൻസ്മൃതി മേയ് ഒന്നിനു വൈകീട്ട് ആറിന് അയ്യന്തോളിലെ വനിതാ ഇൻഡോർ സ്റ്റേഡിയത്തിൽ നടക്കും. ജയചന്ദ്രന്‍റെ ഗാനങ്ങൾ കോർത്തിണക്കിയുള്ള ഒന്നിനി ശ്രുതിതാഴ്ത്തി പാടുക പൂങ്കുയിലേ എന്ന പരിപാടിയിൽ 23 ഗായകർ 25ഓളം ഗാനങ്ങൾ ആലപിക്കും. സർക്കാർ ജീവനക്കാർ വരച്ച ചിത്രങ്ങളുടെ പ്രദർശനവും രാവിലെ പത്തുമുതൽ ഉണ്ടാകും.

തൃശൂര്‍ പൂരം ഹിന്ദു മഹാസംഗമം ഇന്നും നാളെയും

തൃശൂര്‍: പൂരത്തോടനുബന്ധിച്ച് പാഞ്ചജന്യം ഭാരതം സാംസ്‌കാരികസംഘടനയുടെ നേതൃത്വത്തിൽ സംഘടിപ്പിക്കുന്ന തൃശൂര്‍ പൂരം ഹിന്ദു മഹാസംഗമം ഇന്നും നാളെയും എംജി റോഡിലെ ശ്രീശങ്കര ഹാളിൽ നടക്കും. ഇന്നു വൈകീട്ട് നാലിനു സന്യാസിശ്രേഷ്ഠരും തന്ത്രിമുഖ്യന്മാരും പങ്കെടുക്കുന്ന വിളംബരഘോഷയാത്ര പാറമേക്കാവ് ക്ഷേത്രത്തിൽനിന്ന് ആരംഭിച്ച് വടക്കുന്നാഥക്ഷേത്രംവഴി തിരുവന്പാടി ക്ഷേത്രത്തിൽ സമാപിക്കും. നാളെ രാവിലെ 9.30ന് അറ്റോര്‍ണി ജനറല്‍ ഓഫ് ഇന്ത്യ ആര്‍. വെങ്കിട്ടമണി ഉദ്ഘാടനം ചെയ്യും. കേന്ദ്ര വിദ്യാഭ്യാസമന്ത്രാലയം ഭാഷാസമിതി അംഗം എം.വി. നടേശന്‍ അധ്യക്ഷനാകും. പൂരം ഹിന്ദുമഹാസംഗമ വിളംബരം വടക്കുന്പാട്ട് നാരായണൻ നിർവഹിക്കും. ഉച്ചയ്ക്കുശേഷം 2.30നു യൂത്ത് പാർലമെന്‍റ്. വൈകീട്ട് യതിസംഗമവും സമാപനവും ഉടുപ്പി പേജാവർ മഠാധിപതി സ്വാമി വിശ്വപ്രസന്നതീർഥ ഉദ്ഘാടനം ചെയ്യും. വിവിധ ഹോമങ്ങളും പൂജകളും സംഗമത്തിന്‍റെ ഭാഗമായി നടക്കും. പത്രസമ്മേളനത്തിൽ സ്വാമി നന്ദാത്മജാനന്ദ, ഡോ. എം.വി. നടേശൻ, യു. പുരുഷോത്തമൻ, എൻ.വി. ദേവദാസ് വർമ, കെ.പി. രാജഗോപാൽ എന്നിവർ പങ്കെടുത്തു.

കേരള സംഗീതനാടക അക്കാദമി വാർഷികം ആഘോഷിച്ചു

തൃശൂർ: കേരള സംഗീതനാടക അക്കാദമിയുടെ 67-ാം വാർഷികം കൂടിയാട്ടം ആചാര്യൻ ജി. വേണു ഉദ്ഘാടനം ചെയ്തു. അമച്വർ നാടകവേദിയിലെ രംഗശില്പമേഖലയ്ക്കു നൽകിയ സംഭാവനകൾ പരിഗണിച്ച് ഇത്തവണത്തെ ചിറയിൻകീഴ് ഡോ. ജി. ഗംഗാധരൻനായർ പുരസ്കാരം കെ. അലിയാറിന് അക്കാദമി ചെയർമാൻ മട്ടന്നൂർ ശങ്കരൻ കുട്ടി സമർപ്പിച്ചു. അക്കാദമി വൈസ്ചെയർമാൻ പി.ആർ. പുഷ്പവതി, കാഞ്ചന ജി. നായർ, കെ. അലിയാർ, അക്കാദമി സെക്രട്ടറി കരിവെള്ളൂർ മുരളി, അക്കാദമി നിർവാഹകസമിതി അംഗം സഹീർ അലി തുടങ്ങിയവർ പ്രസംഗിച്ചു. തുടർന്ന് സിറാജ് അമലിന്‍റെ നേൃത്വത്തിൽ മെഹ്ഫിൽ അരങ്ങേറി.

ഓൾ കേരള ഇന്‍റർ ബാർ അസോസിയേഷൻ ക്രിക്കറ്റ് ടൂർണമെന്‍റ് ഇന്നുമുതൽ

തൃശൂർ: ബാർ അസോസിയേഷന്‍റെ നേതൃത്വത്തിൽ ഓൾ കേരള ഇന്‍റർ ബാർ അസോസിയേഷൻ 20-20 ക്രിക്കറ്റ് ടൂർണമെന്‍റ് ഇന്നുമുതൽ മേയ് മൂന്നുവരെ ശ്രീ കേരളവർമ കോളജ് ഗ്രൗണ്ടിൽ നടക്കും. ഇന്നുരാവിലെ എട്ടിനു ഹൈക്കോടതി ജഡ്ജിമാരായ ജസ്റ്റിസ് പി.എം. മനോജ്, ജസ്റ്റിസ് കെ.വി. ജയകുമാർ എന്നിവർ ചേർന്ന് ഉദ്ഘാടനം ചെയ്യും. പദ്മശ്രീ ഐ.എം. വിജയൻ മുഖ്യാതിഥിയായിരിക്കും. തൃശൂർ ബാർ അസോസിയേഷൻ പ്രസിഡന്‍റ് അഡ്വ. എം.വി. ഗോപാലകൃഷ്ണൻ അധ്യക്ഷത വഹിക്കും. ഇന്ത്യയിലാദ്യമായി എട്ടു ബാർ അസോസിയേഷനുകളിലെ വനിതാ ടീമുകളെ ഉൾപ്പെടുത്തിയുള്ള ക്രിക്കറ്റ് ടൂർണമെന്‍റും നടക്കും. സമാപനദിനത്തിൽ ഹൈക്കോടതി ജഡ്ജി ജസ്റ്റീസ് ശോഭ അന്നമ്മ ഈപ്പൻ വിതരണം ചെയ്യും. ജില്ലാ ജഡ്‌ജി പി.പി. സെയ്‌തലവി പങ്കെടുക്കും. പത്രസമ്മേളനത്തിൽ ടൂർണമെന്‍റ് കമ്മിറ്റി ചെയർമാൻ അഡ്വ. എം.വി. ഗോപാലകൃഷ്ണൻ, അഡ്വ. ബൈജു എ.ജോസഫ്, അഡ്വ. ഷാജി ജെ. കോടങ്കണ്ടത്ത്, അഡ്വ. ടി. ജെനിഷ് ജോസ്, അഡ്വ. ഷില്ലി വിജയൻ എന്നിവർ പങ്കെടുത്തു.

തെരുവുനായ്ക്കൂട്ടത്തിന്‍റെ ആക്രമണം: വിദ്യാര്‍ഥിനിക്കു പരിക്ക്

ഇരിങ്ങാലക്കുട: പൊറത്തിശേരിയില്‍ തെരുവുനായ് ആക്രമണത്തില്‍ വിദ്യാര്‍ഥിനിക്കു പരിക്കേറ്റു. കൂട്ടുകാര്‍ക്കൊപ്പം കളികഴിഞ്ഞ് വീട്ടിലേക്കു മടങ്ങുകയായിരുന്ന പൊറത്തിശേരി കോലുകുളം റോഡില്‍ കുഴിചാടത്തില്‍ ഷിബിന്‍റെയും ജിജിയുടെയും മകള്‍ ഒമ്പതുവയസുള്ള അമേയയ്ക്കാണ് പരിക്കേറ്റത്. കഴിഞ്ഞദിവസം വൈകീട്ട് നാലരയോടെയാണ് സംഭവം. വീടിന്‍റെ ഗേറ്റിനുസമീപത്ത് ആറു നായ്ക്കള്‍ ചേര്‍ന്നാണ് കുട്ടിയെ ആക്രമിച്ചത്. ഈ സമയത്ത് വീട്ടുമുറ്റത്തുനിന്നിരുന്ന ജിജി ഓടിയെത്തി നായ്ക്കളെ ഓടിച്ചു. കാലിനു പരിക്കേറ്റ അമേയ ജനറല്‍ ആശുപത്രിയില്‍ ചികിത്സതേടി. നായ്ക്കൂട്ടം സമീപത്തെ മറ്റൊരു കുട്ടിയെയും സ്ത്രീയെയും ആക്രമിക്കാന്‍ ശ്രമിച്ചു. ഇവര്‍ ഓടി വീടിനകത്തു കയറിയതിനാല്‍ കടിയേല്‍ക്കാതെ രക്ഷപ്പെട്ടു.

മുനയ്ക്കക്കടവ് അഴിമുഖത്ത് അനധികൃത മണലെടുപ്പ്: തീരവാസികൾ പ്രക്ഷോഭത്തിന്

ചാവക്കാട്: കടപ്പുറം പഞ്ചായത്ത് ഒൻപതാം വാർഡ് അഴിമുഖം തീരദേശ പോലീസ് സ്റ്റേഷന് വടക്കുഭാഗത്തുനിന്ന് ചേറ്റുവ പുഴയുടെ തീരത്തിനോടുചേർന്ന് അനധികൃതമായി സ്വകാര്യ വ്യക്തികളുടെ നേതൃത്വത്തിൽ മണലെടുക്കാനുള്ള നടപടികൾ ആരംഭിച്ചു. ഇത് തടയാനായി ലേബർ യൂണിയൻ കോ - ഓർഡിനേഷൻ കമ്മിറ്റിയുടെ നേതൃത്വത്തിൽ നാട്ടുകാർ പ്രക്ഷോഭത്തിന്. ഈ പ്രദേശത്തുനിന്ന് മണൽ എടുക്കുമ്പോൾ പുഴയുടെ തീരം ഇടിയുകയും ഉപ്പുവെള്ളം കയറുമെന്നും നാട്ടുകാർ പറയുന്നു. ജനങ്ങൾക്ക് ദുരിതം തീർക്കുന്ന മണലെടുപ്പിൽനിന്ന് വ്യക്തികളെ തടയണമെന്നാണ് തീരവാസികളുടെ ആവശ്യം. വലിയ പാരിസ്ഥിതിക പ്രശ്നങ്ങൾക്ക് ഇടയാക്കുമെന്നും ചൂണ്ടിക്കാണിക്കുന്നു. മുമ്പ് ഈ പ്രദേശത്തുനിന്ന് മണലെടുക്കുവാനുള്ള നീക്കം മുനയ്ക്കക്കടവ് ഫിഷ് ലാൻഡിംഗ് സെന്‍റർ ലേബർ യൂണിയൻ കോ ഓർഡിനേഷൻ കമ്മിറ്റിയുടെ നേതൃത്വത്തിൽ ജില്ലാ കളക്ടറെ അറിയിക്കുകയും കളക്ടർ മണൽ എടുക്കുന്നത് നിർത്തിവെക്കണമെന്ന് ഉത്തവ് നൽകിയിരുന്നു. ഇത് നിലനിൽക്കേയാണ് സ്വകാര്യ വ്യക്തിയുടെ നേതൃത്വത്തിൽ അഴിമുഖം ചേറ്റുവ പുഴയുടെ തീരത്തുനിന്ന് അനധികൃതമായി മണൽ എടുക്കുന്നത്. ഇതിന് ബോട്ടുകളും യന്ത്രസാമഗ്രികളും എത്തി ക്കഴിഞ്ഞു. തടയാൻ പൊതുജനങ്ങളെ സംഘടിപ്പിച്ച് ശക്തമായ ജനകീയ പ്രക്ഷോഭവുമായി മുന്നോട്ടുപോകുമെന്ന് മുനയ്ക്കക്കടവ് ഫിഷ് ലാൻഡിംഗ് സെന്‍റർ ലേബർ യൂണിയൻ കോ ഓർഡിനേഷൻ കമ്മിറ്റി ഭാരവാഹികൾ അറിയിച്ചു.

കാട്ടാനകളുടെ വിളയാട്ടം; കൃഷിനാശം

എളനാട്: 11-ാം വാർഡ് തിരുമണിയിൽ കർഷകരായ കൃഷ്ണന്‍റെയും കീഴ്പാലക്കാട് മനോജിന്‍റെയും വിളകൾ കാട്ടാനകളുടെ വിളയാട്ടത്തിൽ നശിച്ചു. കർഷകനായ കൃഷ്ണന്‍റെ 15ലധികം വാഴകൾ നശിപ്പിക്കപ്പെട്ടു. അതിർത്തിപ്രദേശമായ വനമേഖലയിൽനിന്നു വന്നെത്തിയ കാട്ടാനകൾ കമ്പിവേലി തകർത്താണ് അതിരാവിലെ കൃഷ്ണന്‍റെ കൃഷിയിടത്തിൽ എത്തിയത്. ചക്ക വലിച്ചുതിന്നശേഷം ആനകൾ കൃഷിയിടത്തിലെ ടാങ്കിലെ വെള്ളവും കുടിച്ചാണ് പിൻവാങ്ങിയത്. മനോജിന്‍റെ കൃഷിയിടത്തിലെ തെങ്ങുകളും കവുങ്ങും മറ്റും നശിപ്പിക്കപ്പെട്ടിട്ടുണ്ട്. മറ്റ് കാർഷികവിളകളും നശിപ്പിച്ചു. എളനാട് ഫോറസ്റ്റ് ഓഫീസർ സനൽ അടങ്ങിയ വനപാലകർ കാട്ടാനകൾ നശിപ്പിച്ച കൃഷിയിടങ്ങൾ സന്ദർശിച്ചു. ഗ്രാമപഞ്ചായത്ത് അംഗം നീതു ഷൈജു, കൂടാതെ കേരള കർഷകസംഘം നേതാക്കളായ കെ.സി. ജോർജ്, പി.ടി. സാജു, എം. പൊന്നുമണി തുടങ്ങിയവരും എത്തിച്ചേർന്നിരുന്നു.

തടി കയറ്റിവന്ന ലോറി മറിഞ്ഞു

വടക്കാഞ്ചേരി: തടി കയറ്റിവന്ന ലോറി മറിഞ്ഞു. ഡ്രൈവർ അത്ഭുതകരമായി രക്ഷപ്പെട്ടു. തൃശൂർ - ഷൊർണൂർ സംസ്ഥാനപാതയിൽ കരുതക്കാട് വച്ചായിരുന്നു കഴിഞ്ഞദിവസം അർധരാത്രിയിൽ ലോറി മറിഞ്ഞത്. ഇതേസമയത്ത് മറ്റു വാഹനങ്ങൾ വരാതിരുന്നതും വൻ അപകടം ഒഴിവായി. പിന്നീട് മറ്റൊരു ലോറികൊണ്ടുവന്ന് തടികൾ മാറ്റിയാണ് പ്രതിസന്ധിക്ക് പരിഹാരമായത്. ഏറെനേരം ഈ റൂട്ടിൽ ഗതാഗതവും തടസപ്പെട്ടു.

ബിജെപി പ്രതിഷേധ പ്രകടനം നടത്തി

തൃശൂർ: ബിജെപി സംസ്ഥാന വൈസ് പ്രസിഡന്‍റ് ശോഭ സുരേന്ദ്രന്‍റെ പുതൂർക്കരയിലെ വീടിനുമുന്നിൽ സ്ഫോടനമുണ്ടായതിൽ പ്രതിഷേധിച്ച് ബിജെപി സിറ്റി ജില്ലാ കമ്മിറ്റി പ്രതിഷേധപ്രകടനം നടത്തി. കോർപറേഷൻ ഓഫീസിനുമുൻപിൽ ബിജെപി മേഖലാ പ്രസിഡന്‍റ് ഉണ്ണികൃഷ്ണൻ ഉദ്ഘാടനംചെയ്തു. സിറ്റി ജില്ലാ പ്രസിഡന്‍റ് ജസ്റ്റിൻ ജേക്കബ് അധ്യക്ഷതവഹിച്ചു. സംസ്ഥാനസമിതി അംഗം ഉല്ലാസ് ബാബു, സംസ്ഥാന സെക്രട്ടറി എ. നാഗേഷ്, ജില്ലാ ജനറൽസെക്രട്ടറിമാരായ പി.കെ. ബാബു, അഡ്വ. കെ.ആർ. ഹരി തുടങ്ങിയവർ പ്രസംഗിച്ചു.

നെഹ്റു പാർക്ക് പൂട്ടിയതിൽ കോണ്‍ഗ്രസ് പ്രതിഷേധം

തൃശൂർ: അപ്രഖ്യാപിതമായി നാലുദിവസമായി നെഹ്റു പാർക്ക് പൂട്ടിയിട്ടതിൽ പ്രതിഷേധിച്ച് കോണ്‍ഗ്രസ് കൗണ്‍സിലർമാർ പാർക്കിനുമുന്നിൽ നടത്തിയ പ്രതിഷേധസമരം പ്രതിപക്ഷനേതാവ് രാജൻ ജെ. പല്ലൻ ഉദ്ഘാടനം ചെയ്തു. മാതാപിതാക്കളോടൊപ്പം പാർക്കിലെത്തിയ സൈറ (അന്തിക്കാട്), കീർത്തന (കുറ്റുമുക്ക്) എന്നീ കുട്ടികളെ കൈകളിൽ ഊഞ്ഞാലാട്ടിയായിരുന്നു സമരോദ്ഘാടനം. നാലുദിവസംമുന്പുണ്ടായ കാറ്റിലും മഴയിലും പാർക്കിലെ രണ്ടു മരങ്ങൾ ഒടിഞ്ഞുവീണതു വെട്ടിമാറ്റി സുരക്ഷയോടെ പാർക്ക് തുറന്നുകൊടുക്കേണ്ടതിനുപകരം ഇത്രയും ദിവസം അടച്ചിട്ടതു കൊച്ചുകുട്ടികളോടുകാണിച്ച അനീതിയാണ്. വെക്കേഷൻ സമയമായതിനാലും പൂരം എക്സിബിഷൻ നടക്കുന്നതിനാലും കുട്ടികളുമായി മാതാപിതാക്കളടക്കം പതിനായിരക്കണക്കിനാളുകളാണു പാർക്കിൽ കയറാനാകാതെ നിരാശരായി മടങ്ങിയതെന്നും രാജൻ പല്ലൻ കുറ്റപ്പെടുത്തി. പാർക്ക് പ്രവർത്തിക്കില്ലെന്ന ബോർഡ് കൗണ്‍സിലർമാർ അഴിച്ചുമാറ്റി. സുരക്ഷാസംവിധാനങ്ങളൊരുക്കി ഉച്ചയ്ക്കു പാർക്ക് തുറന്നുകൊടുത്തില്ലെങ്കിൽ മേയറുടെ ചേംബറിനുള്ളിൽ സമരം ചെയ്യുമെന്നു മുന്നറിയിപ്പുനൽകി. ഇ.വി. സുനിൽരാജ് അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻ ജയപ്രകാശ് പൂവത്തിങ്കൽ, കൗണ്‍സിലർമാരായ ലാലി ജെയിംസ്, സിന്ധു ആന്‍റോ, വിനേഷ് തയ്യിൽ, എബി വർഗീസ്, സുനിത വിനു, അഡ്വ.വില്ലി, ആൻസി ജേക്കബ് എന്നിവർ പങ്കെടുത്തു.

ഇരുമ്പുവടികൊണ്ട് ചുമട്ടുതൊഴിലാളിയെ കൊലപ്പെടുത്താൻ ശ്രമം: പ്രതി അറസ്റ്റിൽ

തൃപ്രയാർ: സെന്‍ററിലെ ചുമട്ടു തൊഴിലാളി നാട്ടിക സ്വദേശി നമ്പേട്ടിവീട്ടിൽ രാധാകൃഷ്ണനെ (56) ഇരുമ്പുവടി കൊണ്ട് തലയ്ക്കടിച്ച് കൊലപ്പെടുത്താൻ ശ്രമിച്ച കേസിൽ ഒരു പ്രതികൂടി അറസ്റ്റിൽ. താന്ന്യം തോട്ടാഞ്ചിറ ദേശത്ത് പട്ടാട്ട് വീട്ടിൽ സനിലിനെ (29) യാണ് പെരിങ്ങോട്ടുകരയിൽ നിന്നും വലപ്പാട് പോലീസ് അറസ്റ്റ് ചെയ്തത്. കേസിലെ പ്രതികളായ റോഷൻ, കാർത്തിക്, സായ് രാജ് എന്നിവരെ നേരത്തെ പിടികൂടിയിരുന്നു. വലപ്പാട് പോലീസ് സ്റ്റേഷൻ ഇൻസ്പെക്ടർ എം.കെ. രമേഷ്, സബ് ഇൻസ്പെക്ടർ സദാശിവൻ, സീനിയർ സിവിൽ പോലീസ് ഓഫിസർമാരായ ലെനിൻ, സിവിൽ പോലീസ് ഓഫിസർമാരായ ജെസ്ലിൻ തോമസ്, സിജി എന്നിവരാണ് അന്വേഷണസംഘത്തിലുണ്ടായിരുന്നത്. ഒളിവിൽ കഴിഞ്ഞിരുന്ന പ്രതി അറസ്റ്റിൽ വലപ്പാട്: വധശ്രമ കേസിൽ ശിക്ഷാ വിധിക്കു ശേഷം കോടതിയിൽ ഹാജരാകാതെ ഒളിവിൽ കഴിഞ്ഞിരുന്ന പ്രതി അറസ്റ്റിൽ. നാട്ടിക എകെജി ദേശത്ത് മന്നംപറമ്പിൽ സന്ദീപ് (28) ആണ് നാട്ടിക പരിസരത്തു നിന്നും വലപ്പാട് പോലീസ് പിടികൂടിയത്. കോടതി അറസ്റ്റ് വാറണ്ട് പുറപ്പെടുവിച്ചതിനെ തുടർന്ന് പോലീസ് ഇയാളെ അന്വേഷിച്ചു വരികയായിരുന്നു. വലപ്പാട് പോലീസ് സ്റ്റേഷൻ ഇൻസ്പെക്ടർ എം.കെ. രമേഷ്, മനോജ്, രാജേഷ് കുമാർ, ബിജേഷ്, ജെസ്ലിൻ തോമസ് എന്നിവർ പ്രതിയെ പിടികൂടിയ സംഘത്തിലുണ്ടായി.

പറക്കോട്ടുകാവ് താലപ്പൊലി; അവലോകനയോഗം ചേർന്നു

തിരുവില്വാമല: പറക്കോട്ടുകാവ് താലപ്പൊലിയുടെ നടത്തിപ്പ് സുഗമമാക്കുന്നതിന് വില്വാദ്രിനാഥ ക്ഷേത്രം ഹാളിൽ യു.ആർ. പ്രദീപ് എംഎൽഎയുടെ അധ്യക്ഷതയിൽ യോഗം ചേർന്നു. പഞ്ചായത്ത് വൈസ് പ്രസിഡന്‍റ്് എം. ഉദയൻ, തലപ്പിള്ളി തഹസീൽദാർ രാജേഷ്, എ സിപി സന്തോഷ്, സിഐ മുഹമ്മദ് ബഷീർ എന്നിവർ സംസാരിച്ചു. ആരോഗ്യം, റവന്യു, പോലീസ്, അഗ്നിരക്ഷാസേന , എക്സൈസ്, സോഷ്യൽ ഫോറസ്ട്രി, ഭക്ഷ്യ സുരക്ഷ, തദ്ദേശ സ്വയംഭരണം, കെഎസ്ഇബി, വാട്ടർ അതോറ്റി തുടങ്ങിയ വകുപ്പുകളിലെ ഉദ്യോഗസ്ഥർ, താലപ്പൊലി കമ്മറ്റി ഭാരവാഹികൾ, ക്ഷേത്ര ഉപദേശക സമിതി ഭാരവാഹികൾ, രാഷ്ട്രീയ പാർട്ടി പ്രതിനിധികൾ,വ്യാപാരി വ്യവസായി ഭാരവാഹികൾ എന്നിവർ പങ്കെടുത്തു.

ഭീകരാക്രമണത്തിനെതിരേ സിഐടിയു പ്രതിഷേധം

തൃശൂർ: കാഷ്മീരിലെ പഹൽഗാമിലെ തീവ്രവാദി ആക്രമണത്തിനെതിരേ സിഐടിയു തൃശൂർ ഏരിയ കമ്മിറ്റിയുടെ നേതൃത്വത്തിൽ പ്രതിഷേധപ്രകടനവും പൊതുയോഗവും നടത്തി. സിഐടിയു ജില്ലാ ജനറൽ സെക്രട്ടറി യു.പി. ജോസഫ് ഉദ്ഘാടനംചെയ്തു. ടി. സുധാകരൻ, എം.ആർ. രാജൻ, കെ. മുരളീധരൻ, പി.എ. ലെജുക്കുട്ടൻ, യു. സതീഷ് കുമാർ, പ്രബിൻ പ്രഭാകരൻ എന്നിവർ പ്രസംഗിച്ചു.

സ്വർണക്കാവ് താലപ്പൊലി ഇന്ന്

പഴയന്നൂർ: നീർണമുക്ക് സ്വർണക്കാവ് ഭഗവതി ക്ഷേത്രത്തിൽ താലപ്പൊലി നീർണമുക്ക്, പടിഞ്ഞാറേക്കര ദേശങ്ങളുടെ നേതൃത്വത്തിൽ ഇന്ന് ആഘോഷിക്കും. ഇന്ന് താലപ്പൊലിക്ക് രാവിലെ ക്ഷേത്രത്തിൽ ഗണപതിഹോമം, നിറമാല, പ്രസാദ വിതരണം, നീർണമുക്ക് ദേശത്തിന്‍റെ നേതൃത്വത്തിൽ ഉച്ചയ്ക്ക് മൂന്നുമണിക്ക് മൂന്ന് ആന പാണ്ടിമേളം എന്നിവയുടെ അകമ്പടിയോടെ വിളക്കുതാലം പടിക്കൽ നിന്ന് എഴുന്നള്ളിപ്പ് എന്നിവ ഉണ്ടാകും. ആമ്പാടി ബാലൻ തിടമ്പേന്തും. പടിഞ്ഞാറേക്കര ദേശത്തിന്‍റെ നേതൃത്വത്തിൽ പഴയന്നൂർ ഭഗവതി ക്ഷേത്രത്തിൽ നിന്ന് മൂന്ന് ആന, പഞ്ചവാദ്യം എന്നിവയുടെ അകമ്പടിയോടെ കാവിലേക്ക് എഴുന്നള്ളിപ്പും നടക്കും. നന്തിലത്ത് ഗോപാലകൃഷ്ണൻ തിടമ്പേറ്റും. പഞ്ചവാദ്യത്തിന് മായന്നൂർ രാജു പ്രാമാണ്യം വഹിക്കും. വൈകീട്ട് 7.30ന് മേളത്തോടെ കാവുകയറ്റം, രാത്രി തായമ്പക എന്നിവയുണ്ടാകും.

ദേവാലയങ്ങളിൽ തിരുനാൾ

കുറുമാൽ സെന്‍റ്് ജോർജ് കൈപ്പറമ്പ്: കുറുമാൽ സെന്‍റ് ജോർജ് ദേവാലയത്തിൽ ഇടവക മധ്യസ്ഥനായ വിശുദ്ധ ഗീവർഗീസിന്‍റേയും, വിശുദ്ധ സെബസ്ത്യാനോസിന്‍റേയും തിരുനാൾ ഇന്ന് ആഘോഷിക്കും. ഇന്നുരാവിലെ പത്തിന് ആഘോഷമായ പാട്ടു കുർബാനയ്ക്ക് ഫാ. ഡേവിസ് പുലിക്കോട്ടിൽ മുഖ്യകാർമികാനാകും. ഫാ. റാഫേൽ പൊറത്തൂർ തിരുനാൾ സന്ദേശം നൽകും. ഫാ. ഡേവിഡ് പേരാമംഗലം സഹകാർമികനാകും. വൈകിട്ട് നാലിന് നടക്കുന്ന വിശുദ്ധ കുർബാനയ്ക്ക് ഫാ. ജോയൽ പുലിക്കോട്ടിൽ കാർമികനാകും. തുടർന്ന് പൊൻകുരിശിന്‍റേയും മുത്തുകുടകളുടെയും അകമ്പടിയോടെ സെന്‍റ് ജോസഫ് കപ്പേളയിലേക്ക് തിരുനാൾ പ്രദക്ഷിണവും ഉണ്ടായിരിക്കും. ഇന്നലെ വൈകുന്നേരം ആറിന് പ്രസുദേന്തി വാഴ്ചയും രൂപം എഴുന്നള്ളിപ്പും ദീപാലങ്കാര സ്വിച്ച് ഓൺ കർമവും നടന്നു. നാളെ രാവിലെ 6.30നുള്ള വിശുദ്ധ കുർബാനയ്ക്കുശേഷം യൂണിറ്റുകളിലേക്കുള്ള അമ്പുപ്രദക്ഷിണവും നടക്കും. ചൊവ്വാഴ്ച രാവിലെ ഇടവകയിലെ മരിച്ചുപോയവർക്ക് വേണ്ടിയുള്ള വിശുദ്ധ കുർബാനയും പൊതു ഒപ്പീസിനോടും കൂടെ തിരുനാളിന് സമാപനം ആകും. ഇടവക വികാരി റവ. ഡോ. സേവ്യാർ ക്രിസ്റ്റി പള്ളിക്കുന്നത്ത്, ജനറൽ കൺവീനർ ഫ്രാൻസോ ഫ്രാൻസിസ്, കൈകാരന്മാരായ കെ.പി. ഷാജു, സി.ജെ. ബിൻസൻ, മറ്റു കൺവീനർമാരും യൂണിറ്റ് ഭാരവാഹികളും നേതൃത്വം നൽകുന്നു. പാലയൂരിൽ പുതുഞായർ തിരുനാൾ ഇന്ന് പാലയൂർ: മാർ തോമ മേജർ ആർക്കി എപ്പിസ്കോപ്പൽ തീർഥകേന്ദ്രത്തിൽ മാർ തോമാശ്ലീഹായുടെ പുതുഞായർ തിരുനാൾ ഇന്ന് ആഘോഷിക്കും. തിരുനാൾ കൊടിയേറ്റവും പ്രദക്ഷിണവും മറ്റ് തിരുകർമങ്ങളും ഇന്നലെ ബോട്ടുകുളം കപ്പേളയിൽ നടന്നു. ആർച്ച് പ്രീസ്റ്റ് റവ. ഡോ. ഡേവിസ് കണ്ണമ്പുഴ, സഹവികാരി ഫാ. ക്ലിന്‍റ് പാണേങ്ങാടൻ എന്നിവർ കാർമികരായിരുന്നു. ഇന്നുരാവിലെ 6.30ന് തളിയക്കുളം കപ്പേളയിൽ ആഘോഷമായ ദിവ്യബലി തുടർന്ന് പ്രദക്ഷിണം. രാവിലെ പത്തിനും വൈകീട്ട് 5.30നും വിശുദ്ധ കുർബാന. തിരുവില്വാമല സെന്‍റ് ജോർജ് തിരുവില്വാമല: സെന്‍റ് ജോർജ് ഓർത്തഡോക്‌സ് സിറിയൻ പള്ളിയിൽ പരിശുദ്ധ ഗീവർഗീസ് സഹദായുടെ ഓർമപ്പെരുനാൾ ഇന്ന് ആഘോഷിക്കും. 7.30 ന് പ്രഭാത നമസ്കാരം, 8.30ന് വികാരി ഫാ. കുരിയാക്കോസ് ജോൺസന്‍റെ മുഖ്യകാർമികത്വത്തിൽ വിശുദ്ധ കുർബാന, പത്തിന് പെരുന്നാൾ സന്ദേശം, തുടർന്ന് പ്രദക്ഷിണം, ആശിർവാദം, നേർച്ച സദ്യ എന്നിവ നടക്കും.

കുരിയച്ചിറയിൽ ലഹരിവിരുദ്ധ മനുഷ്യച്ചങ്ങല

കുരിയച്ചിറ: ലഹരിക്കെതിരേ കുരിയച്ചിറ ലഹരിവിരുദ്ധ കൂട്ടായ്മയുടെ നേതൃത്വത്തിൽ മനുഷ്യച്ചങ്ങല തീർത്തു. ഒല്ലൂർ സ്റ്റേഷൻ ഹൗസ് ഓഫീസർ പി.എം. വിമോദ് ഫ്ലാഗ് ഓഫ് ചെയ്തു. കോർപറേഷൻ കൗണ്‍സിലർമാർ, മതനേതാക്കൾ, രാഷ്ട്രീയനേതാക്കൾ, റസിഡന്‍റ്സ് അസോസിയേഷൻ പ്രതിനിധികൾ, വിവിധ സംഘടനാപ്രതിനിധികൾ എന്നിവർക്കുപുറമെ സ്ത്രീകളും കുട്ടികളും ഉൾപ്പെടെ 500 ഓളം പേർ പങ്കെടുത്തു. തുടർന്നുനടന്ന പൊതുയോഗത്തിൽ അഡ്വ. എൻ.ഒ. ഇനാശു ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. കൂട്ടായ്മ ചെയർമാൻ സി.എൽ. ജോയ് അധ്യക്ഷത വഹിച്ചു. പ്രദേശത്തെ പൂർണമായും ലഹരിവിമുക്തമാക്കാൻ വേണ്ട പ്രയത്നങ്ങൾ ഘട്ടംഘട്ടമായി കൂട്ടായ്മ ചെയ്യുമെന്നും അദ്ദേഹം പറഞ്ഞു. ഡോ. ടോമി ഫ്രാൻസിസ് സ്വാഗതം പറഞ്ഞു.

ഉടുക്കുവാദ്യ ശാസ്താംപാട്ട് കലാസംഘം വാർഷികം

വടക്കാഞ്ചേരി: മച്ചാട് ഗുരുസ്മരണ ഉടുക്കുവാദ്യ ശാസ്താംപാട്ട് കലാ സംഘം 44-ാം വാർഷികാഘോഷം 27ന് വടക്കാഞ്ചേരി കേരളവർമ പൊതുവായനശാല ഹാളിൽ നടത്തുമെന്ന് ഭാരവാഹികൾ പത്രസമ്മേളനത്തിൽ പറഞ്ഞു. ഉച്ചയ്ക്ക് ഒന്നുമുതൽ ഗുരുപൂജ,തുടർന്ന് ശാസ്താംപാട്ട് മാമാങ്കം നടക്കും. വൈകീട്ട് നാലിന് നടക്കുന്ന പുരസ്കാര സമ്മേളനം കേരള സംഗീതനാടക അക്കാദമി സെക്രട്ടറി കരിവള്ളൂർ മുരളി ഉദ്ഘാടനംചെയ്യും. കേരള കലാമണ്ഡലം വിസിറ്റിംഗ് പ്രഫസർ പെരിങ്ങോട് ചന്ദ്രൻ വിശിഷ്ടാതിഥിയായി പങ്കെടുക്കും. ചടങ്ങിൽ ശാസ്താംപാട്ട് കുലപതി മച്ചാട് സുബ്രമഹ്ണ്യന് വിശേഷാൽ പുരസ്കാരംനൽകി ആദരിക്കും. കൂടാതെ വിവിധ മേഖലകളിൽ മികവുതെളിയിച്ചവരെ ചടങ്ങിൽ ആദരിക്കുമെന്നും ഭാരവാഹികൾ പറഞ്ഞു. പത്രസമ്മേളനത്തിൽ ശാസ്താംപാട്ട് കലാ സംഘം രക്ഷാധികാരി മച്ചാട് സുബ്രഹ്മണ്യൻ,വൈസ് പ്രസിഡന്‍റ് എം.എസ്. സുജിത്ത്, ട്രഷറർ കെ.എസ് . ദിലീപ്, വി.കെ. ശിവരാമൻ തുടങ്ങിയവർ പങ്കെടുത്തു.

ശുചിമുറി മാലിന്യംനീക്കാൻ ഇനി നഗരസഭയും

ചാവക്കാട് : നഗരസഭയുടെ പരിധിക്ക് അകത്തും പുറത്തുമുള്ള വീടുകളിൽനിന്നും സ്ഥാപനങ്ങളിൽ നിന്നും കക്കൂസ് മാലിന്യം നീക്കംചെയ്യാൻ നഗരസഭയിൽ വാഹനസൗകര്യമായി. നഗരസഭയുടെ പുതിയ മൊബൈൽ എഫ്എസ്ടിപി വാഹനം എത്തി. സെപ്റ്റിക് മാലിന്യ സംസ്കരണത്തിന് പുതിയ അധ്യായം കുറിക്കുകയാണ്. വീടുകളിലും മറ്റും എത്തി കുറഞ്ഞ ചെലവിൽ സെപ്റ്റിക് മാലിന്യം നീക്കം ചെയ്യും.പുതുതായി വാങ്ങിയ മൊബൈൽ ഫീക്കൽ സ്ലഡ്ജ് ട്രീറ്റ്മെന്‍റ്് പ്ലാന്‍റ് വാഹനത്തിന്‍റെ നിരക്കുകൾ കൗൺസിൽ തീരുമാനിച്ചു. നഗരസഭാ പരിധിക്കുള്ളിലെ വീടുകൾക്ക് 6,000 രൂപയും പുറത്തുള്ളവർക്ക് 7,500 രൂപയുമാണ് സേവന നിരക്ക്. ഹോട്ടലുകൾക്കും ലോഡ്ജുകൾക്കും (8000 ലിറ്റർ വരെ) നഗരപരിധിക്കുള്ളിൽ 8,000 രൂപയും പുറത്ത് 10,000 രൂപയും ഈടാക്കും. ഫ്ലാറ്റുകൾക്ക് (15,000 ലിറ്റർ വരെ) നഗരപരിധിക്കുള്ളിൽ 20,000 രൂപയും പുറത്തുള്ളവർക്ക് 25,000 രൂപയുമാണ് നിരക്ക്. ബി.പി.എൽ ഗുണഭോക്താക്കൾക്ക് 10 ശതമാനം ഇളവും അനുവദിച്ചിട്ടുണ്ട്. നഗരസഭ പരിധിയിലെ വീടുകൾക്ക് ആദ്യത്തെ ആറുമാസം 5000 രൂപ നിരക്കിൽ ലഭിക്കുന്നതാണ്. നഗരസഭാധ്യക്ഷ ഷീജ പ്രശാന്ത് അധ്യക്ഷയായിരുന്നു.

സ്വകാര്യമില്ലുകളുടെ വിലപേശൽ; നെല്ലുസംഭരണം പ്രതിസന്ധിയിൽ

അന്നമനട: അന്നമനട മേഖലയിൽ നെല്ലുസംഭരണം പ്രതിസന്ധിയിൽ. സ്വകാര്യമില്ലുകളുടെ അനാവശ്യ വിലപേശലാണു കാരണം. ഒരു ക്വിന്‍റല്‍ നെല്ലിന് ഏഴു കിലോ കിഴിവുകൊടുക്കണമെന്ന ആവശ്യമാണ് സ്വകാര്യ മില്ലുകൾ മുന്നോട്ടുവയ്ക്കുന്നതെന്നാണ് കർഷകർ പറയുന്നത്. കാലം തെറ്റിയെത്തുന്ന കാലാവസ്ഥയെയും പൊള്ളുന്ന വെയിലിനെയും അവഗണിച്ച് പകലന്തിയോളം കഠിനാധ്വാനം ചെയ്യുന്ന കർഷകരെ കനത്ത സാമ്പത്തിക ബാധ്യതയിലേക്കു തള്ളിവിടുന്ന നിലപാടാണ് സ്വകാര്യമില്ലുകൾ സ്വീകരിക്കുന്നതെന്നാണ് പരാതി. അന്നമനട, മേലഡൂര്‍, കുമ്പിടി, കീഴഡൂര്‍, എടയാറ്റൂര്‍ പ്രദേശങ്ങളിലെ പാടശേഖരങ്ങളിലാണു നിലവിൽ പ്രതിസന്ധി രൂക്ഷമായിരിക്കുന്നത്. നാടിനെ അന്നമൂട്ടുന്നവരോട് സ്വകാര്യ മില്ലുകൾ പുലർത്തുന്ന നിഷേധാത്മകത നിലപാടിനെതിരെ സർക്കാരിന്‍റെ അടിയന്തര ഇടപെടൽ ഉണ്ടാകണമെന്നാണ് പൊതുവികാരം. പാലക്കാട്, വടക്കാഞ്ചേരി മേഖലകളിലെ സ്വകാര്യ മില്ലുകള്‍ക്കാണു നെല്ല് ഏറ്റെടുക്കാനുള്ള ചുമതല. ഇവരുടെ പ്രതിനിധികളെത്തി നെല്ലിന് ഉണക്ക് കുറവും പതിര് കൂടുതലാണെന്നും ചൂണ്ടിക്കാട്ടിയാണ് കിഴിവ് ആവശ്യപ്പെട്ടത്. ക്വിന്‍റലിന് 2820 രൂപ നിരക്കില്‍ ഏറ്റെടുക്കുന്ന നെല്ലില്‍നിന്ന് ഏഴുകിലോ കിഴിവ് നല്‍കുമ്പോള്‍ 200 രൂപയോളം കര്‍ഷകര്‍ നഷ്ടം സഹിക്കേണ്ട സ്ഥിതിയാണെന്ന് കര്‍ഷക സംഘം മേഖല സെക്രട്ടറി പി.കെ. മോഹനന്‍ പറഞ്ഞു. ഉണക്കി പതിര് നീക്കം ചെയ്തശേഷമാണു നെല്ല് സംഭരണത്തിനു തയാറാക്കുന്നതെെന്നും മില്ലുടമകളുടെ വാദം ശരിയല്ലെന്നും സെക്രട്ടറി പറഞ്ഞു. നെൽകൃഷിയെ പ്രോത്സാഹിപ്പിക്കാനും തരിശിടം കൃഷിയോഗ്യമാക്കാനും വിവിധ പദ്ധതികൾ ആസൂത്രണം ചെയ്യുന്ന സർക്കാർ സംവിധാനങ്ങൾ ഒട്ടേറെ പ്രതിസന്ധികളെ അതിജീവിച്ച് ഉത്പാദിപ്പിച്ചെടുക്കുന്ന വിളവിന് അർഹമായ വില നൽകി സംഭരിക്കാൻ നടപടി സ്വീകരിക്കണമെന്നും സ്വകാര്യമില്ലുടമകൾ അനാവശ്യ വിലപേശലുകൾ ഒഴിവാക്കണമെന്നുമാണ് കർഷകർ ആവശ്യപ്പെടുന്നത്. കഴിഞ്ഞ രണ്ടു മാസങ്ങളിലായി വിളവെടുത്ത ടൺകണക്കിന് നെല്ല് ആഴ്ചകളായി തുറസായ വീടുകളുടെ മുറ്റത്തും കൂട്ടിയിട്ടിരിക്കുകയാണ്. പഞ്ചായത്തിലെ ഇരുന്നൂറോളം കർഷകരാണു വിപണി കണ്ടെത്താനാകാതെ ദുരിതം നേരിടുന്നത്.

ഫ്രാൻസിസ് മാർപാപ്പയ്ക്ക് ആത്മപ്രണാമം

ചാലക്കുടി: ഫ്രാൻസിസ് മാർപാപ്പയ്ക്ക് ആത്മപ്രണാമം അർപ്പിച്ച് ചാലക്കുടിയിൽ മൗനജാഥയും അനുസ്മരണവും നടത്തി. ചാലക്കുടി സെന്‍റ് മേരീസ് ദേവാലയത്തിന്‍റെയും നഗരസഭയുടെയും പൗരാവലിയുടെയും നേതൃത്വത്തിൽ നടത്തിയ മൗനജാഥയിൽ വൻജനാവലി പങ്കെടുത്തു. ദേവാലയത്തിൽ ഫ്രാൻസിസ് മാർപാപ്പയ്ക്കുവേണ്ടി നടത്തിയ അനുസ്മരണ സമൂഹബലിക്കുശേഷം മൗന‌ജാഥ ആരംഭിച്ചു. ഇരിങ്ങാലക്കുട ബിഷപ് മാർ പോളി കണ്ണൂക്കാടൻ, നഗരസഭ ചെയർമാൻ ഷിബു വാലപ്പൻ, വൈസ് ചെയർപേഴ്സൻ സി. ശ്രീദേവി, പ്രതിപക്ഷ നേതാവ് സി.എസ്. സുരേഷ്, വികാരി ഫാ. വർഗീസ് പാത്താടൻ, മുൻ ചെയർമാൻമാരായ എബി ജോർജ്, അഡ്വ. കെ.ബി. സുനിൽകുമാർ എന്നിവരും കെ.എ. ഉണ്ണികൃഷ്ണൻ, ജോയി മൂത്തേടൻ തുടങ്ങിയവരും നേതൃത്വം നൽകി. ടൗൺ ചുറ്റി നടത്തിയ മൗന‌ജാഥ ഇൻഡോർ സ്റ്റേഡിയത്തിൽ സമാപിച്ചു. തുടർന്ന് മാർപാപ്പയുടെ ചിത്രത്തിൽ പുഷ്പാർച്ചന നടത്തി. തുടർന്നുനടത്തിയ അനുസ്മരണ സമ്മേളനത്തിൽ ബിഷപ് മാർ പോളി കണ്ണൂക്കാടൻ, ബെന്നി ബെഹനാൻ എംപി, സനീഷ്കുമാർ ജോസഫ് എംഎൽഎ, നഗരസഭ ചെയർമാൻ ഷിബു വാലപ്പൻ, ടൗൺ ഇമാം ഹുസൈൻ ബാഗവി, രഹ്ന ഗുരുദർശന, ഫാ. വർഗീസ് പാത്താടൻ, യു. എസ്. അജയ്കുമാർ, സുഭാഷ് ചന്ദ്രദാസ് എന്നിവർ പ്രസംഗിച്ചു. ഫ്രാൻസിസ് മാർപാപ്പയെക്കുറിച്ച് ഡോക്യുമെന്‍ററി പ്രദർശിപ്പിച്ചു. മുൻഗുരുവായൂർ മേൽശാന്തി ശ്രീഹരി മൂർക്കന്നൂർ മാർപാപ്പയെ അനുസ്മരിച്ച് കീർത്തനം ആലപിച്ചു. കൊടകരയില്‍ പാപ്പാ അനുസ്മരണം കൊടകര: സെന്‍റ് ജോസഫ്‌സ് ഫൊറോന പള്ളിയുടെ ആഭിമുഖ്യത്തില്‍ ഫ്രാന്‍സിസ് മാര്‍പാപ്പ അനുസ്മരണം നടത്തി. കൊടകര മേല്‍പ്പാലത്തിനുകീഴെ സംഘടിപ്പിച്ച അനുസ്മരണയോഗം ഇരിങ്ങാലക്കുട രൂപത വികാരി ജനറാള്‍ മോണ്‍. വില്‍സന്‍ ഈരത്തറ ഉദ്ഘാടനം ചെയ്തു. ഫൊറോന വികാരി ഫാ. ജെയ്‌സന്‍ കരിപ്പായി അധ്യക്ഷത വഹിച്ചു. സനീഷ്‌കുമാര്‍ ജോസഫ് എംഎല്‍എ, കൊടകര പഞ്ചായത്ത് വൈസ് പ്രസിഡന്‍റ്് കെ.ജി. രജീഷ്, അഴകത്ത്മനക്കല്‍ ഹരി നമ്പൂതിരി, കൊടകര ജുമാമസ്ജിദ് ഇമാം അലി സഖാഫി, അസി. വികാരി ഫാ. ലിന്‍റോ കാരേക്കാടന്‍, സിസ്റ്റര്‍ ജ്യോതിസ്, സിസ്റ്റര്‍ അര്‍പ്പിത, ഇടവക ട്രസ്റ്റി ജോസ് മാത്യു ഊക്കന്‍, കണ്‍വീനര്‍ തോംസൺ തന്നാടന്‍ എന്നിവര്‍ പ്രസംഗിച്ചു.

നഗരസഭ തനതുഫണ്ടിൽനിന്നും വിധവാപെൻഷൻ നൽകാൻ തീരുമാനം

ചാലക്കുടി: മുടങ്ങിയ വിധവപെൻഷൻ നഗരസഭ തനതുഫണ്ടിൽ നിന്നും നൽകാനുള്ള കൗൺസിൽ തിരുമാനത്തിനെതിരെ നഗരസഭ സെക്രട്ടറിയുടെ വിയോജനക്കുറിപ്പ് അടിയന്തര കൗൺസിൽ അംഗീകരിച്ചില്ല. തനതുഫണ്ടിൽനിന്നുതന്നെ മുടങ്ങിയ പെൻഷൻതുക നൽകാൻ കൗൺസിൽ വീണ്ടും തീരുമാനിച്ചു. പുനർവിവാഹിതയല്ല എന്ന സർട്ടിഫിക്കറ്റ് സമയപരിധിക്കുള്ളിൽ അപ് ലോഡ് ചെയ്യാത്തതിനാൽ ജനുവരി മാസത്തെ തടസപ്പെട്ട വിധവ, അവിവാഹിത പെൻഷൻ ഗുണഭോക്താക്കൾക്കു നഗരസഭയുടെ തനതുഫണ്ടിൽ നിന്നും പെൻഷൻ തുക സമാശ്വാസ സഹായമായി നൽകാൻ 22 ന് നഗരസഭ കൗൺസിൽ ഐക്യകണ്ഠേന എടുത്ത തീരുമാനത്തിൽ സെക്രട്ടറിയുടെ വിയോജനം ഉണ്ടായ സാഹചര്യത്തിൽ ഇതു മറികടക്കാൻ ചേർന്ന അടിയന്തര കൗൺസിൽ യോ ഗത്തിലാണു നേരത്തെ എടുത്ത തീരുമാനം മാറ്റേണ്ടതില്ലെന്നും തനതുഫണ്ടിൽനിന്നും തുക നൽകാനും തീരുമാനിച്ചത്. നഗരസഭയുടെ തനതുഫണ്ടിൽ നിന്നും പെൻഷൻ തുക നൽകാനുള്ള തീരുമാനം നിലവിൽ സാധാരണയായി എടുക്കുന്ന നടപടിയല്ലാത്തതിനാലും ബജറ്റിൽ ഇതിനാവശ്യ മായ വിഹിതം നേരത്തേ വകയിരുത്തിയിട്ടില്ലാത്തതിനാലും സെക്രട്ടറിയുടെ വിയോജനക്കുറിപ്പ് സ്വാഭാവികമാണെന്ന് ചെയർമാൻ കൗൺസിലിനെ അറിയിച്ചു. പെൻഷൻ മുടങ്ങിയതു ഭരണസമിതിക്കുവന്ന വീഴ്ചയാണെന്നും കൗൺസിലർമാരുടെ ഓണറേറിയം എടുത്ത് പെൻഷൻ കൊടുക്കണമെന്നും തനതുഫണ്ടിൽനിന്നും തുക എടുക്കുന്നതിന് സർക്കാർ അനുമതി ലഭിക്കുമ്പോൾ തുക തിരിച്ചു നൽകാവുന്നതാണെന്നും പ്രതിപക്ഷ ലീഡർ സി.എസ്. സുരേഷും ബിജി സദാനന്ദൻ, വി.ജെ. ജോജി, ബിന്ദു ശശികുമാർ, കെ.എസ്. സുനോജ് എന്നിവരും അഭിപ്രായപ്പെട്ടു. തീരുമാനത്തിൽ പ്ര തിഷേധിച്ച് പ്രതിപക്ഷം ഇറങ്ങി പ്പോയി. തടസപ്പെട്ട പെൻഷൻ തുക എത്രയും വേഗം ഗുണഭോക്താക്കൾക്ക് നൽകുകയാണ് കൗൺസിൽ ചെയ്യേണ്ടതെന്നും ഇതിന് അടിയന്തരമായ് തനതുഫണ്ടിൽ നിന്നും തുക നൽകണമെന്നും പെൻഷൻ മുടങ്ങിയ കാര്യത്തിൽ വീഴ്ചവരുത്തിയവർക്കെതിരെ പരിശോധിച്ച് നടപടി സ്വീകരിക്കാവുന്നതാണെന്നും യുഡി എഫ് ലീഡർ ബിജു എസ്. ചിറയത്ത്, എബി ജോർജ്, വി.ഒ. പൈലപ്പൻ, ആലീസ് ഷിബു, കെ.വി. പോൾ, എം.എം. അനിൽകുമാർ എന്നിവർ പറഞ്ഞു. പെൻഷൻ തടസപ്പെട്ട വിഷയത്തിൽ ആരുടെ ഭാഗത്തുനിന്ന് വീഴ്ച ഉണ്ടായിട്ടുണ്ടെങ്കിലും സർക്കാർ നിർദേശത്തിനനുസരിച്ച് നടപടി സ്വീകരിക്കുമെന്നും ചെയർമാൻ ഷിബു വാലപ്പൻ പറഞ്ഞു.

ലഹരിക്കെതിരേ ചവളർ സൊസൈറ്റിയുടെ സംസ്ഥാന ഫുട്‌ബോൾ ടൂർണമെന്‍റ് തുടങ്ങി

കൊരട്ടി: ലഹരിക്കെതിരെ ശ്രീരാമവിലാസം ചവളർ സൊസൈറ്റി കൊരട്ടി യൂണിയൻ ഒരുക്കുന്ന അഖില കേരള സെവൻസ് ഫുട്‌ബോൾ ടൂർണമെന്‍റ്് കൊരട്ടി പഞ്ചായത്ത് മൈതാനിയിൽ തുടങ്ങി. പള്ളിപ്പറമ്പിൽ വള്ളിയമ്മ അഞ്ചക്കളവൻ സ്മ‌ാരക ട്രോഫിക്കും 20,000 രൂപ കാഷ് അവാർഡിനും കണ്ണമ്പിള്ളി ജാനകി രാമൻ റണ്ണേഴ്‌സ് ട്രോഫിക്കും 10,000 രൂപ കാഷ് അവാർഡിനുംവേണ്ടി നടന്ന വിവിധ മത്സരങ്ങളിൽ ഫ്രണ്ട്‌സ് മേലൂർ, എഫ്‌സി മാണിക്യമംഗലം, ഈവനിംഗ് പ്ലെയേഴ്‌സ് ശങ്കര കാലടി, എൽഎം ടെൻ തൃശൂർ ടീമുകൾ സെമിയിൽ പ്രവേശിച്ചു. മത്സരങ്ങളുടെ ഉദ്ഘാടനം കൊരട്ടി എസ്ഐ സി.പി. ഷിബു നിർവഹിച്ചു. ലഹരിവിരുദ്ധ പ്രതിജ്‌ഞ ചൊല്ലി. യൂണിയൻ പ്രസിഡന്‍റ്് കെ.കെ. ഷാജു അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് പ്രഭാകരൻ മാച്ചാമ്പിള്ളി, സംസ്ഥാന സംഘടന സെക്രട്ടറി ബൈജു കെ. മാധവൻ, പഞ്ചായത്ത് അംഗം ബിജി സുരേഷ്, യൂണിയൻ ഭാരവാഹികൾ എന്നിവർ പ്രസംഗിച്ചു. സെമി, ഫൈനൽ മത്സരങ്ങൾ ഇന്നു നടക്കും. വൈകീട്ട് ആറിന് സമാപന സമ്മേളനത്തിന്‍റെ ഉദ്ഘാടനവും സമ്മാനവിതരണവും സനീഷ്‌കുമാർ ജോസഫ് എംഎൽഎ നിർവഹിക്കും. ഗ്രാമപഞ്ചായത്ത് പ്രസിഡന്‍റ്് പി.സി. ബിജു മുഖ്യാതിഥിയാകും. ചെറുവാളൂര്‍ ഫുട്‌ബോള്‍: ഫൈനല്‍ ഇന്ന് കൊരട്ടി: ചെറുവാളൂര്‍ ഗ്രൗണ്ട് ബ്രദേഴ്‌സ് ക്ലബ് വാളൂര്‍ നായര്‍ സമാജം സ്‌കൂള്‍ ഗ്രൗണ്ടില്‍ സംഘടിപ്പിക്കുന്ന ഫ്ലഡ്‌ലിറ്റ് സെവന്‍സ് ഫുട്‌ബോള്‍ ടൂര്‍ണമെന്‍റിന്‍റെ ഫൈനല്‍ മത്സരം ഇന്നു വൈകീട്ട് എട്ടിന് നടക്കും. ഫൈനലില്‍ ചീനിക്കാസ് ചാലക്കുടി ഹാപ്പി ഫ്രണ്ട്‌സ് ചെറുവാളൂരിനെ നേരിടും. ആദ്യ സെമി ഫൈനലില്‍ ചീനിക്കാസ് ചാലക്കുടി ഏകപക്ഷീയമായ രണ്ടു ഗോളുകള്‍ക്ക് ഓര്‍ബിറ്റ് അബുദാബിയെ തോല്പിച്ചാണ് ഫൈനലിലെത്തിയത്. രണ്ടാം സെമിയില്‍ ഹാപ്പി ഫ്രണ്ട്‌സ് ചെറുവാളൂര്‍ ബേസിക് പെരുമ്പാവൂരിനെ ഒന്നിനെതിരെ മൂന്നുഗോളുകള്‍ക്കാണ് തോല്പിച്ചത്. ഫൈനൽ മത്സരത്തില്‍ സനീഷ്‌കുമാര്‍ ജോസഫ് എംഎല്‍എ മുഖ്യാതിഥിയാകും.

വീട്ടില്‍ സൂക്ഷിച്ച് അനധികൃത മദ്യവില്പന; ഒരാള്‍ അറസ്റ്റില്‍

ഇരിങ്ങാലക്കുട: വീട്ടില്‍ സൂക്ഷിച്ച് അനധികൃതമായി മദ്യവില്പന നടത്തുകയായിരുന്നയാളെ ഇന്ത്യന്‍ നിര്‍മിത വിദേശമദ്യവുമായി പിടികൂടി. കരൂപ്പടന്ന ജനതാകോര്‍ണര്‍ സ്വദേശി പെരുമ്പിലായില്‍ ഉണ്ണി (52) യാണ് അറസ്റ്റിലായത്. രഹസ്യവിവരം ലഭിച്ചതനുസരിച്ച് കരൂപ്പടന്നയിലെ ഇയാളുടെ വീട്ടില്‍ പരിശോധന നടത്തിയപ്പോഴാണ് 500 മില്ലിയുടെ ഒമ്പതു കുപ്പികളിലായി 4.5 ലിറ്റര്‍ ഇന്ത്യന്‍നിര്‍മിത വിദേശമദ്യം പിടിച്ചെടുത്തത്. ഇയാളെ അറസ്റ്റ് ചെയ്തു. ഇരിങ്ങാലക്കുട സിഐ എം.എസ്. ഷാജന്‍, എസ് ഐമാരായ സി.എം. ക്ലീറ്റസ്, മുഹമ്മദ്റാഷി, സുബിന്‍, എഎസ്‌ഐ സിന്ധു, സിപിഒമാരായ എം.എം. ഷാബു, ജിജില്‍കുമാര്‍ എന്നിവര്‍ ചേര്‍ന്നാണ് ഉണ്ണിയെ അറസ്റ്റ്ചെയ്തത്.

ഫാൻ പൊട്ടിവീണ് അഞ്ചുപേർക്കു പരിക്ക്

ചാലക്കുടി: താഴൂരിലെ ഹാളിൽ ഫാൻ പൊട്ടിവീണ് പിഞ്ചുകുഞ്ഞടക്കം അഞ്ചുപേർക്കു പരിക്കേറ്റു. മനസമ്മതശേഷം ഹാളിൽ റിസപ്ഷൻ നടക്കുന്നതിനിടെയാണു വലിയ ഫാൻ പൊട്ടിവീണത്. ഇന്നലെ രണ്ടരയോടെയാണു സംഭവം. ഹാളിന്‍റെ മേൽക്കൂരയിൽ ഘടിപ്പിച്ചിരുന്ന ഫാനിന്‍റെ വെൽഡിംഗ് പൊട്ടി ആളുകൾക്കിടയിലേക്ക് വീഴുകയായിരുന്നു. സംഭവസമയം അന്പതോളം പേർ ഹാളിനകത്ത് ഉണ്ടായിരുന്നു. അപകടത്തിൽ പരിക്കേറ്റ കുറ്റിച്ചിറ തത്തമ്പിള്ളി വീട്ടിൽ ബേബി (50), താഴൂർ ഞാറേക്കാടൻ വീട്ടിൽ ഷീജ പോൾ, (40) കലിക്കൽ സ്വദേശി തോപ്പിൽ വീട്ടിൽ ആദിത്യൻ (19) മാരാംകോട് വലിയവീട്ടിൽ ഇവ (2),ചെമ്പൻകുന്ന് തത്തമ്പിള്ളി വീട്ടിൽ വർഗീസ് (63) എന്നിവരെ ചാലക്കുടി സെന്‍റ് ജെയിംസ് ആശുപത്രിയിൽ പ്രവേശിപ്പിച്ചു. ബേബിയുടെ തലയ്ക്കേറ്റ പരിക്ക് സാരമുള്ളതായതിനാൽ വിദഗ്ധചികിത്സക്കായി രാജഗിരി ആശുപത്രിയിലേക്കു മാറ്റി.

റോഡുകളുടെ നിർമാണത്തിന് എട്ടുകോടി രൂപ അനുവദിച്ചു

ചാലക്കുടി: നിയോജകമണ്ഡലത്തിലെ അഞ്ചു റോഡുകളുടെ നിർമാണത്തിനായി എട്ടു കോടി രൂപ അനുവദിച്ചതായി സനീഷ്‌കുമാർ ജോസഫ് എംഎൽഎ അറിയിച്ചു. 40 എം എസ്‌എസ് നിലവാരത്തിലാണു റോഡുകളുടെ നിർമാണം നടത്തുന്നത്. കോടശേരി പഞ്ചായത്തിലെ കുറ്റിക്കാട് റോഡ് മുതൽ - കൂർക്കമറ്റം - സൗത്ത് മാരാംകോട് - അക്ക്വേഷ്യറോഡ് വരെ (1.5 കോടി), കാലടി - വെട്ടുകടവ് റോഡ് (70 ലക്ഷം ) കോർമല ആശ്രമം - ചെമ്പൻകുന്ന് - പുളിങ്കര - മാരാംകോട് - പാല ഗ്രൗണ്ട് റോഡ് വരെ ( 2.30 കോടി), കൊടകര പഞ്ചായത്തിൽ ദേശീയപാതയിൽനിന്ന് ആരംഭിച്ച് തേശേരിയിലൂടെ ചീക്കമാണ്ടി അമ്പലം പരിസരം വഴി പഴമ്പിള്ളി ഗ്രൗണ്ടിനോടുചേർന്ന് കനാൽ പാലം വരെയുള്ള റോഡ് (1 .2 കോടി ), ചട്ടിക്കുളം തലവരിപ്പാറ റോഡ് മുതൽ കുറ്റിക്കാട് റോഡ് വഴി പരിയാരം പഞ്ചായത്തിലെ ത്രിപ്പാപ്പിള്ളി റോഡ് വരെ ( 2.3 കോടി ) തുടങ്ങിയ റോഡുകളുടെ നിർമാണത്തിനായാണു തുക അനുവദിച്ചിരിക്കുന്നത്. തദ്ദേശസ്വയഭരണ വകുപ്പ് എൻജിനീയറിംഗ് വിഭാഗത്തിനാണു പ്രവൃത്തികളുടെ നിർവഹണച്ചുമതല. പ്രവൃർത്തികൾക്കാവശ്യമായ എസ്റ്റിമേറ്റ് തയാറാക്കി തുടർനടപടികൾ ആരംഭിച്ചു.

സ്‌നേഹസംഗമവും യാത്രയയപ്പും

ഇരിങ്ങാലക്കുട: നഗരസഭ 19-ാം വാര്‍ഡില്‍ സ്‌നേഹസംഗമവും 31 വര്‍ഷത്തെ സ്തുത്യര്‍ഹസേവനത്തിനുശേഷം വിരമിക്കുന്ന അങ്കണവാടി അധ്യാപിക ഐ.വി. ഗിരിജക്ക് യാത്രയയപ്പും സംഘടിപ്പിച്ചു. നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് ഉദ്ഘാടനം നിര്‍വഹിച്ചു. വാര്‍ഡ് കൗണ്‍സിലര്‍ ഫെനി എബിന്‍ വെള്ളാനിക്കാരന്‍ അധ്യക്ഷത വഹിച്ചു. നഗരസഭ വൈസ് ചെയര്‍മാന്‍ ബൈജു കുറ്റിക്കാടന്‍ മുഖ്യാതിഥിയായിരുന്നു. മുന്‍ കൗണ്‍സിലര്‍മാരായ തോമസ് കോട്ടോളി, റോക്കി ആളൂക്കാരന്‍, ഗീത ബിനോയ്, സിഡിപിഒ ജയ റെജി, ജനറല്‍ കണ്‍വീനര്‍ അഡ്വ. ഹോബി ജോളി,വയോമിത്രം ക്ലബ് പ്രസിഡന്‍റ് ലാസര്‍ കോച്ചേരി എന്നിവര്‍ പ്രസംഗിച്ചു.

ശിശുവിദ്യാപോഷിണി എൽപി സ്കൂൾ സർക്കാർ ഏറ്റെടുക്കുന്നു

കൊടുങ്ങല്ലൂർ: എറിയാട് ശിശുവിദ്യാപോഷിണി എൽപി സ്കൂൾ സർക്കാർ ഏറ്റെടുക്കുന്നു. 28‌ന് പകൽ 2.30 ന് സ്കൂൾ ശതാബ്ദിയാഘോഷ സമാപന സമ്മേളനത്തിൽ സർക്കാർ വിദ്യാലയപ്രഖ്യാപനം മന്ത്രി ആർ. ബിന്ദു നടത്തുമെന്ന് ഇ.ടി. ടൈസൺ എം എൽഎ വാർത്താസമ്മേളനത്തിൽ പറഞ്ഞു. എറിയാട് പഞ്ചായത്തിൽ അക്ഷര വെളിച്ചം പകർന്ന സ്കൂൾ സ്ഥാപിതമായി 101 വർഷം പിന്നിടുമ്പോഴാണ് സർക്കാർ ഏറ്റെടുക്കുന്നത്. സിംഗിൾ മാനേജ്മെന്‍റ്് വിദ്യാലമായി ആരംഭിച്ച് സ്റ്റാഫ് മാനേജ്മെന്‍റ് വിദ്യാലമായി മാറുകയായിരുന്നു. യാതൊരു പ്രതിഫലേഛയുമില്ലാതെ സ്റ്റാഫ് മാനേജ്മെന്‍റിന്‍റെ അപേക്ഷ സർക്കാർ പരിഗണിച്ചാണ് സ്കൂൾ സർക്കാർ ഏറ്റടുക്കുന്നത്. ഇതിന്‍റെ ഭാഗമായി കുടുംബശ്രീ, ആശാപ്രവർത്തകർ, ഹരിത കർമസേന എന്നിവർ പങ്കെടുക്കുന്ന ഘോഷയാത്രയും കുട്ടികളും പൂർവവിദ്യാർഥികളും അവതരിപ്പിക്കുന്ന കലാപരിപാടികളും ഉണ്ടാകും. ഇ.ടി. ടൈസൺ എംഎൽഎ അധ്യക്ഷനാകും. കളക്ടർ അർജുൻ പാണ്ഡ്യൻ മുഖ്യാതിഥിയാകും. വാർത്താസമ്മേളനത്തിൽ എറിയാട് പഞ്ചായത്ത് പ്രസിഡന്‍റ് കെ.പി. രാജൻ, പ്രധാന അധ്യാപിക കെ. സരിത, പിടിഎ പ്രസിഡന്‍റ് കെ.എ. സിദ്ധീഖ്, കെ.എ. അഫ്സൽ എന്നിവർ പങ്കെടുത്തു.

നേത്രചികിത്സ തിമിരശസ്ത്രക്രിയാക്യാമ്പ് ഇന്ന്

ഇരിങ്ങാലക്കുട: പി.എല്‍. തോമന്‍ മെമ്മോറിയല്‍ ചാരിറ്റബിള്‍ ട്രസ്റ്റും കൊമ്പൊടിഞ്ഞാമാക്കല്‍ ലയണ്‍സ് ക്ലബ് ഇന്‍റര്‍നാഷണലും ഐ ഫൗണ്ടേഷന്‍ ആശുപത്രിയും സംയുക്തമായി പി.എല്‍. തോമന്‍ മെമ്മോറിയല്‍ ചാരിറ്റബിള്‍ ക്ലിനിക്കില്‍ നേത്ര പരിശോധനതിമിര ശസ്ത്രക്രിയ ക്യാമ്പ് ഇന്ന് സംഘടിപ്പിക്കും. ലയണ്‍സ് ക്ലബ് ഡിസ്ട്രിക്ട് കോ-ഓര്‍ഡിനേറ്റര്‍ ജോണ്‍സന്‍ കോലങ്കണ്ണി ഉദ്ഘാടനം ചെയ്യും. സെക്രട്ടറി അഡ്വ. എം.എസ്. രാജേഷ് അധ്യക്ഷത വഹിക്കും. കൂടുതല്‍ വിവരങ്ങള്‍ക്കും രജിസ്‌ട്രേഷനും 944 6540890, 9539343242 എന്നീ നമ്പറുകളില്‍ ബന്ധപ്പെടുക.

കൂടല്‍മാണിക്യം ഉത്സവം; അലങ്കാരപ്പന്തലിനു കാല്‍നാട്ടി

ഇരിങ്ങാലക്കുട: കൂടല്‍മാണിക്യം ഉത്സവത്തിന്‍റെ ഭാഗമായി നിര്‍മിക്കുന്ന ബഹുനില അലങ്കാരപ്പന്തലിന്‍റെയും ദീപാലങ്കാരത്തിന്‍റെയും കാല്‍നാട്ട് നടന്നു. കിഴക്കേ ഗോപുരനടയില്‍നിന്ന് ആഘോഷമായാണ് അലങ്കരിച്ച കൊടിമരം കുട്ടംകുളം പരിസരത്തെത്തിച്ചത്. വിശേഷാല്‍ പൂജകള്‍ക്ക് തന്ത്രി വല്ലഭന്‍ നമ്പൂതിരിപ്പാട് മുഖ്യകാര്‍മികത്വം വഹിച്ചു. ഐസിഎല്‍ ഫിന്‍കോര്‍പ് ഗ്രൂ പ്പാണ് ദീപാലങ്കാര സമര്‍പ്പണം നടത്തുന്നത്. മുനിസിപ്പല്‍ ചെയര്‍പേഴ്‌സണ്‍ മേരിക്കുട്ടി ജോയ്, വൈസ് ചെയര്‍മാന്‍ ബൈജു കുറ്റിക്കാടന്‍, ദേവസ്വം ചെയര്‍മാന്‍ അഡ്വ. സി.കെ. ഗോപി, ഐസിഎല്‍ സിഎംഡി കെ.ജി. അനില്‍കുമാര്‍, ഡിവൈഎസ്പി കെ.ജി. സുരേഷ്, സിഐ എം.എസ്. ഷാജന്‍, എക്‌സൈസ് സിഐ മണികണ്ഠന്‍ തുടങ്ങിയവര്‍ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]