ചേ​ല​ക്ക​ര: പ്ര​സി​ദ്ധ​മാ​യ കാ​ളി​യാ​റോ​ഡ് ച​ന്ദ​ന​ക്കു​ടം ആ​ണ്ടു​നേ​ർ​ച്ച​യ്ക്കു കൊ​ടി​യേ​റി. ഇ​നി​യു​ള്ള മൂ​ന്നു ദി​വ​സ​ങ്ങ​ൾ പ്രാ​ർ​ഥ​ന​യു​ടെ​യും മൗ​ലൂ​ദ് പാ​രാ​യ​ണ​ത്തി​ന്‍റെ​യും ദി​ന​ങ്ങ​ളാ​ണ്. ആ​ശൈ​ഖ് അ​ബ്ദു​റ​ഹ്‌​മാ​ൻ വ​ലി​യു​ള്ളാ​ഹി ത​ങ്ങ​ൾ അ​ന്ത്യ​വി​ശ്ര​മം​കൊ​ള്ളു​ന്ന കാ​ളി​യാ​റോ​ഡ് പ​ള്ളി ജാ​റം മ​ഖാ​മി​ലെ ആ​ണ്ടു​നേ​ർ​ച്ച ഏ​റെ പ്ര​സി​ദ്ധ​മാ​ണ്.

ഇ​ന്ന​ലെ ലോ​ഹ​ർ ന​മ​സ്കാ​ര​ത്തി​നു​ശേ​ഷം പ​ള്ളി ഭാ​ര​വാ​ഹി​ക​ളു​ടെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ൽ മു​ട്ടും​വി​ളി​യു​ടെ​യും കു​ട്ടി​ക​ളു​ടെ ദ​ഫ്മു​ട്ടി​ന്‍റെ​യും പ്രാ​യ​മാ​യ​വ​രു​ടെ അ​റ​ബ​ന​മു​ട്ടി​ന്‍റെ​യും അ​ക​മ്പ​ടി​യോ​ടു​കൂ​ടി പ​ള്ളി​ഗേ​റ്റി​ൽ​നി​ന്നും കാ​ൽ​ന​ട​യാ​യി പ​ള്ളി​മു​റ്റ​ത്ത് എ​ത്തി​യാ​ണ് കൊ​ടി​യേ​റ്റു​ക​ർ​മം ന​ട​ന്ന​ത്. കാ​ളി​യാ​റോ​ഡ് പ​ള്ളി ജാ​റം കേ​ന്ദ്ര ജ​മാ​അ​ത്ത് ഖ​ത്തീ​ബ് സു​ലൈ​മാ​ൻ ദാ​രി​മി ഏ​ലം​കു​ളം പ്രാ​ർ​ഥ​ന​യ്ക്കു നേ​തൃ​ത്വം ന​ൽ​കി. മ​ഹ​ല്ലി​ലെ ഖ​ത്തീ​ബു​മാ​രു​ടെ​യും ഉ​സ്താ​ദു​മാ​രു​ടെ​യും കേ​ന്ദ്ര ജ​മാ​അ​ത്ത് ക​മ്മി​റ്റി​യു​ടെ​യും മ​റ്റു വി​ശി​ഷ്ട വ്യ​ക്തി​ക​ളു​ടെ​യും സാ​ന്നി​ധ്യ​ത്തി​ൽ കേ​ന്ദ്ര ജ​മാ അ​ത്ത് ക​മ്മി​റ്റി പ്ര​സി​ഡ​ന്‍റ് കെ.​എം. രാ​ജേ​ഷ് ഖാ​ൻ കൊ​ടി​യേ​റ്റി.

ഇ​ന്നു ദി​ക്ർ ഹ​ൽ​ഖ, സ്വ​ലാ​ത്ത്, ദു​ആ, ഉ​ച്ച​യ്ക്ക് അ​ന്ന​ദാ​നം എ​ന്നി​വ ന​ട​ക്കും.
നേ​ർ​ച്ച​നാ​ളാ​യ നാ​ളെ രാ​വി​ലെ പ​ത്തി​ന് മൗ​ലി​ദ് പാ​രാ​യ​ണം, ഖ​ത്തം ദു​ആ, അ​ന്ന​ദാ​നം, ഉ​ച്ച​മു​ത​ൽ നേ​ർ​ച്ച​വ​ര​വു​ക​ൾ പ​ള്ളി​യി​ലെ​ത്തും. ആ​ദ്യം മ​ഹ​ല്ല് ക​മ്മി​റ്റി നേ​ർ​ച്ച​ക​ളും തു​ട​ർ​ന്ന് യു​വ​ജ​ന - തൊ​ഴി​ലാ​ളി യൂ​ണി​യ​ൻ നേ​ർ​ച്ച​ക​ളും പ​ള്ളി​യി​ലെ​ത്തി കൊ​ടി​യേ​റ്റും. മു​ട്ടും​വി​ളി​യു​ടെ അ​ക​ന്പ​ടി​യോ​ടെ പ​ള്ളി​ക്ക​വാ​ട​ത്തി​ൽ​നി​ന്ന് നേ​ർ​ച്ച​വ​ര​വു​ക​ളെ ഭാ​ര​വാ​ഹി​ക​ൾ സ്വീ​ക​രി​ക്കും.