കൊ​ര​ട്ടി: യാ​തൊ​രു ദീ​ർ​ഘ​വീ​ക്ഷ​ണ​വുമി​ല്ലാ​തെ​യാ​ണ് ദേ​ശീ​യ​പാ​ത അ​ഥോ​റി​റ്റി​യും നി​ർ​മാ​ണ​ക​മ്പ​നി​യും കൊ​ര​ട്ടി മേ​ഖ​ല​യി​ൽ കാ​ന​നി​ർ​മാ​ണം ന​ട​ത്തു​ന്ന​ത്.

കാ​ന​ക​ളു​ടെ നി​ർ​മാ​ണ​ത്തി​നുശേ​ഷം ദി​വ​സ​ങ്ങ​ൾ​ക്കു​ള്ളി​ൽ പൊ​ളി​ച്ചു​മാ​റ്റു​ക​യും വീ​ണ്ടും പ​ണി​യു​ക​യും ചെ​യ്യു​ന്ന​ത് കൊ​ര​ട്ടി മേ​ഖ​ല​യി​ൽ നി​ർ​മാ​ണ ക​മ്പ​നി ന​ട​ത്തു​ന്ന സ്ഥി​രംപ​രി​പാ​ടിയായി മാ​റി​യി​രി​ക്കു​ക​യാ​ണ്. ഇ​ന്ന​ലെ കൊ​ര​ട്ടി പോ​ലീ​സ് സ്റ്റേ​ഷ​നു മു​ന്നി​ലും ചി​റ​ങ്ങ​ര എംഎ​സ്‌യുപി സ്കൂളി​ന് എ​തി​ർ​ദി​ശ​യി​ലും കാ​ന​ക​ൾ നി​ർ​മി​ച്ച് ചൂ​ടാ​റുംമു​മ്പേ പൊ​ളി​ച്ചു​മാ​റ്റി​. ഇ​ന്നും പൊ​ളി​ച്ചു​നീ​ക്ക​ൽ തു​ട​രു​മെ​ന്നാ​ണ് പ​റ​യു​ന്ന​ത്.

കൊ​ര​ട്ടി സ​ർ​വീ​സ് സ​ഹ​ക​ര​ണബാ​ങ്കി​നു മു​ന്നി​ലും ചി​റ​ങ്ങ​ര​യി​ലും സ​മാ​ന​മാ​യ രീ​തി​യി​ൽ പൊ​ളി​ച്ചു​മാ​റ്റ​ൽ ക​ഴി​ഞ്ഞ മാ​സം ന​ട​ന്നി​രു​ന്നു. പ്ലാ​നി​ൽ മാ​റ്റം വ​രു​ത്തി​യെ​ന്നും ദേ​ശീ​യ​പാ​ത​യു​ടെ അ​തി​ർ​ത്തി​യോ​ടുചേ​ർ​ന്ന് നി​ർ​മി​ക്കാ​നു​മാ​ണെ​ന്നാ​ണു വി​ശ​ദീ​ക​ര​ണം. നാ​ടി​ന്‍റെ ആ​വ​ശ്യ​ങ്ങ​ള​റി​യാ​തെ, പ്രാ​ദേ​ശി​ക ഭ​ര​ണ​കൂ​ട​മാ​യി കൂ​ടി​യാ​ലോ​ച​ന​ക​ളി​ല്ലാ​തെ, ഭൂ​മി​ശാ​സ്ത്ര​പ​ര​മാ​യ പ​ഠ​ന​ങ്ങ​ളി​ല്ലാ​തെ ത​യാ​റാ​ക്കു​ന്ന എ​സ്റ്റി​മേ​റ്റും പ്ലാ​നും ഉ​പ​യോ​ഗി​ച്ച് നി​ർ​മി​ക്കു​ന്ന​വ​യാ​ണ് പൊ​ളി​ച്ചു​നീ​ക്കേ​ണ്ടി വ​രു​ന്ന​ത്.

കാ​ന​നി​ർ​മാ​ണ​ത്തി​നാ​യി ഉ​പ​യോ​ഗി​ച്ച സി​മ​ന്‍റ്, ക​മ്പി അ​ട​ക്ക​മു​ള്ള അ​സം​സ്കൃ​ത വ​സ്തു​ക്ക​ൾ പാ​ഴാ​കു​മെ​ന്നു മാ​ത്ര​മ​ല്ല ഇ​തി​നാ​യി വി​നി​യോ​ഗി​ച്ച പ​ണ​വും ന​ഷ്ട​മാ​കും.

തൊ​ഴി​ലാ​ളി​ക​ളെ മാ​ത്രം ചു​മ​ത​ല​പ്പെ​ടു​ത്തി സൈ​റ്റ് മേ​ൽ​നോ​ട്ട​ത്തി​ന് ആ​ളി​ല്ലാ​തെ​യു​ള്ള നി​ർ​മി​തി​യും മേ​ഖ​ല​യി​ൽ ന​ട​ക്കു​ന്നു​ണ്ട്. കു​റ്റ​മ​റ്റരീ​തി​യി​ലു​ള്ള ദേ​ശീ​യ പാ​ത വി​ക​സ​ന​ത്തി​ന് അ​ധി​കൃ​ത​ർ ത​യാ​റാ​ക​ണ​മെ​ന്നാ​ണു പ്ര​ദേ​ശ​വാ​സി​ക​ളു​ടെ അ​ഭി​പ്രാ​യം.