തൃശൂർ: അമേരിക്കയിൽനിന്നും ഫാ. ജോസ് പരത്തനാളിന്‍റെ നേതൃത്വത്തിൽ കാലിഫോർണിയ, റോഡ് ഐലൻഡ്, ലാസ്‌വെഗാസ് എന്നീ സംസ്ഥാനങ്ങളിൽനിന്നുള്ള വിദഗ്ധസംഘം അമല ആയുർവേദാശുപത്രി സന്ദർശിച്ചു.
അമല ജോയിന്റ് ഡയറക്ടർ ഫാ. ഷിബു പുത്തൻപുരയ്ക്കൽ സിഎംഐയും ആശുപത്രി അധികൃതരും ചേർന്നു സംഘത്തെ സ്വീകരിച്ചു. ആയുർവേദത്തെക്കുറിച്ചു വിശദവിവരങ്ങൾ ശേഖരിക്കലും പ്രായോഗികരീതികൾ മനസിലാക്കലുമായിരുന്നു സന്ദർശനത്തിലൂടെ സംഘം ഉദ്ദേശിച്ചത്. വിവരശേഖരണത്തിന്‍റെ ഭാഗമായി ജിഎംപി അംഗീകൃത മരുന്നുനിർമാണശാലയിലും ഔഷധസസ്യത്തോട്ടത്തിലും പഞ്ചകർമ ചികിത്സവിഭാഗത്തിലും സംഘം സന്ദർശനം നടത്തി.