ഉ​ന്ന​ത​വി​ദ്യാ​ഭ്യാ​സ​ത്തി​ന് ഉ​ത​കു​ന്ന രീ​തി​യി​ൽ ക​ലാ​പ​ഠ​ന സി​ല​ബ​സ് പ​രി​ഷ്ക​രി​ക്ക​ണം: മ​ന്ത്രി
Sunday, August 11, 2024 6:49 AM IST
മു​ള​ങ്കു​ന്ന​ത്തു​കാ​വ്: ഉ​ന്ന​ത വി​ദ്യാ​ഭ്യാ​സ​ത്തി​നു യോ​ജി​ക്കു​ന്ന വി​ധ​ത്തി​ലും പു​തി​യ കാ​ല​ത്തി​ന​നു​സൃ​ത​മാ​യും ക​ലാ​പ​ഠ​ന​ത്തി​ന്‍റെ ആ​വ​ശ്യ​ക​ത മു​ൻ​നി​ർ​ത്തി​യും ക​ലാ​പ​ഠ​ന​ത്തി​ന്‍റെ സി​ല​ബ​സ് പ​രി​ഷ്ക​രി​ക്കേ​ണ്ട​ത് ആ​വ​ശ്യ​മാ​ണെ​ന്നു മ​ന്ത്രി ഡോ.​ആ​ർ. ബി​ന്ദു അ​ഭി​പ്രാ​യ​പ്പെ​ട്ടു. ഇ​ക്കാ​ര്യം ഉ​ന്ന​ത​വി​ദ്യാ​ഭ്യാ​സ വ​കു​പ്പി​ന്‍റെ​യും ഉ​ന്ന​ത​വി​ദ്യാ​ഭ്യാ​സ കൗ​ണ്‍​സി​ലി​ന്‍റെ​യും പ​രി​ഗ​ണ​ന​യി​ലു​ള്ള മു​ഖ്യ​കാ​ര്യ​മാ​ണ്. മു​ള​ങ്കു​ന്ന​ത്തു​കാ​വ് കി​ല​യി​ൽ ന​ട​ക്കു​ന്ന ‘ക​ലാ​വി​ദ്യാ​ഭ്യാ​സം’ ദേ​ശീ​യ​സെ​മി​നാ​ർ ഉ​ദ്ഘാ​ട​നം​ചെ​യ്ത് സം​സാ​രി​ക്കു​ക​യാ​യി​രു​ന്നു മ​ന്ത്രി.

ക​ലാ​രം​ഗ​ത്തു​ണ്ടാ​കു​ന്ന സി​ല​ബ​സ് പ​രി​ഷ്ക​ര​ണം പു​തി​യ ക​ലാ​കാ​ര​ന്മാ​രെ മു​ന്നോ​ട്ടു​ന​യി​ക്കും. പ​ല രം​ഗ​ത്തും ക​ലാ​വി​ദ്യാ​ർ​ഥി​ക​ൾ​ക്ക് അ​വ​സ​ര​വും ല​ഭി​ക്കും. ക​ലാ​വി​ദ്യാ​ഭ്യാ​സ​രം​ഗ​ത്തു ക​രി​ക്കു​ലം ചി​ട്ട​പ്പെ​ടു​ത്തും. ക​ലാ​വി​ദ്യാ​ർ​ഥി​ക​ൾ​ക്കു പ​ഠ​ന സ്ഥ​ല​സൗ​ക​ര്യ​ങ്ങ​ൾ വ​ർ​ധി​പ്പി​ക്കു​മെ​ന്നും മ​ന്ത്രി പ​റ​ഞ്ഞു.


സേ​വ്യ​ർ ചി​റ്റി​ല​പ്പി​ള്ളി എം​എ​ൽ​എ അ​ധ്യ​ക്ഷ​ത വ​ഹി​ച്ചു. വ​ഡോ​ദ​ര മ​ഹാ​രാ​ജ സ​യാ​ജി​റാ​വു സ​ർ​വ​ക​ലാ​ശാ​ല അ​സോ​സി​യേ​റ്റ് പ്ര​ഫ​സ​റും എ​ഴു​ത്തു​കാ​ര​നു​മാ​യ ഇ​ന്ദ്ര​പ്ര​മി​ത് റാ​യ് മു​ഖ്യ​പ്ര​ഭാ​ഷ​ണം ന​ട​ത്തി. കേ​ര​ള ല​ളി​ത​ക​ല അ​ക്കാ​ദ​മി ചെ​യ​ർ​പേ​ഴ്സ​ണ്‍ മു​ര​ളി ചീ​രോ​ത്ത്, സെ​ക്ര​ട്ട​റി എ​ൻ. ബാ​ല​മു​ര​ളി​കൃ​ഷ്ണ​ൻ, അം​ഗം വി​ജ​യ​രാ​ജ​മ​ല്ലി​ക, ആ​ർ​ട്ടി​സ്റ്റ് ഡോ. ​ക​വി​ത ബാ​ല​കൃ​ഷ്ണ​ൻ, എ​ക്സി​ക്യൂ​ട്ടീ​വ് അം​ഗം ലേ​ഖ നാ​രാ​യ​ണ​ൻ എ​ന്നി​വ​ർ പ്ര​സം​ഗി​ച്ചു. ബോ​സ് കൃ​ഷ്ണ​മാ​ചാ​രി, പ്ര​ഫ. ധീ​ര​ജ് കു​മാ​ർ, ഡോ. ​ശാ​ര​ദ ന​ട​രാ​ജ​ൻ, രാ​ഖി പ​സ്വാ​നി എ​ന്നി​വ​ർ പ്ര​ബ​ന്ധ​ങ്ങ​ൾ അ​വ​ത​രി​പ്പി​ച്ചു.