ക​രു​വ​ന്നൂ​രി​ല്‍ വാ​ഴ​കൃ​ഷി വെള്ളത്തിൽ മു​ങ്ങി; ഓ​ണ​വി​പ​ണി പ്രതീക്ഷ തകർന്നു
Saturday, August 3, 2024 1:06 AM IST
ഇ​രി​ങ്ങാ​ല​ക്കു​ട: "ഇ​ങ്ങ​നെ വെ​ള്ളം വ​രു​മ്പോ​ള്‍ എ​ന്തു ചെ​യ്യാ​നാ​ണ്, കു​ല​ച്ച് മൂ​പ്പെ​ത്താ​ത്ത വാ​ഴ​ക്കുല​ക​ള്‍ വെ​ട്ടി​യെ​ടു​ത്ത് കി​ട്ടി​യ കാ​ശി​നു കൊ​ടു​ക്കു​ക യേ ര​ക്ഷ​യു​ള്ളൂ'. ക​രു​വ​ന്നൂ​ര്‍ പ്രി​യ​ദ​ര്‍​ശ​നി ഹാ​ളി​നു പിറ​കി​ല്‍ കി​ഴ​ക്കേ​പു​ഞ്ചപ്പാ​ട​ത്ത് വാ​ഴ​കൃ​ഷി ന​ട​ത്തി​യി​രു​ന്ന ക​ര്‍​ഷ​ക​രു​ടെ വാ​ക്കു​ക​ളാ​ണി​ത്.

തോ​രാ​മ​ഴ​യി​ലും വെ​ള്ള​ക്കെ​ട്ടി​ലും ക​രു​വ​ന്നൂര്‍ മേ​ഖ​ല​യി​ല്‍ വാ​ഴ​കൃ​ഷി​ക്കു വ്യാ​പ​ക ന​ഷ്ട​മാ​ണു സം​ഭ​വി​ച്ച​ത്. പാ​ട​ത്തും പ​റ​മ്പി​ലും വെ​ള്ളം ക​യ​റു​മ്പോ​ള്‍ മു​ങ്ങി​പ്പോകു​ന്ന വാ​ഴ​ക​ളി​ല്‍നി​ന്നും പ​ര​മാ​വ​ധി കു​ല​ക​ള്‍ വെ​ട്ടി​യെ​ടു​ത്ത് വ​ഞ്ചി​യി​ല്‍ വീ​ട്ടി​ലേ​ക്കു മാ​റ്റു ന്ന തി​ര​ക്കി​ലാ​ണു ക​രു​വ​ന്നൂ​രി​ലെ വാ​ഴ​ക​ര്‍​ഷ​ക​ര്‍. താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ക്കെ​ട്ടി​ലാ​യ​തോ​ടെ ഏ​ക്ക​റു ക​ണ​ക്കി​നു വാ​ഴ​കൃ​ഷി​യാ​ണ് ന​ശി​ച്ച​ത്. പ​ത്ത് ഏ​ക്ക​റി​ലേ​റെ വാ​ഴ​കൃ​ഷി മു​ങ്ങി പ്പോ​യി​ട്ടു​ണ്ട്.

ക​രു​വ​ന്നൂ​ര്‍ കി​ഴ​ക്കേ പു​ഞ്ച​പ്പാ​ടം, ആ​റാ​ട്ടു​പ്പു​ഴ കൊ​ക്ക​രി​പ്പ​ള്ളം എ​ന്നീ പ്ര​ദേ​ശ​ങ്ങ​ളി​ല്‍ കു​ല​ച്ച വാ​ഴ​ക​ളാ​ണ് ന​ശി​ച്ച​ത്. ക​ല്ലേ​രി കാ​ഞ്ഞി​ര​ക്കാ​ട​ന്‍ ആ​ന്‍റു​വി​ന്‍റെ 700 വാ​ഴ​ക​ളാ​ണു ന​ശി​ച്ച​ത്. ലോ​ണെ​ടു​ത്താ​ണ് വാ​ഴ​കൃ​ഷി ഇ​റ​ക്കി​യ​ത്.


ഓ​ണവി​പ​ണി ല​ക്ഷ്യ​മി​ട്ടാ​ണു കൃ​ഷിചെ​യ്ത​ത്. നേ​ന്ത്ര​ക്കാ​യ, ഞാ​ലി​പ്പൂവ​ന്‍, പാ​ള​യം​കോ​ട​ന്‍ എ​ന്നീ വാ​ഴ​ക​ളാ​ണ് ന​ശി​ച്ച​തി​ല്‍ ഏ​റെ​യും. മ​ഴ​വെ​ള്ള​ത്തി​ല്‍ കി​ട​ന്ന് ചീ​ഞ്ഞു പോ​ക​രു​തെ​ന്ന് ക​രു​തി വ​ഞ്ചി​യി​ല്‍ മൂ​പ്പെ​ത്താ​ത്ത വാ​ഴ​ക്കുല​ക​ള്‍ വെ​ട്ടി കി​ട്ടി​യകാ​ശി​നു വി​ല്‍​ക്കു​ക​യാ​ണ് ഉ​ണ്ടാ​യ​ത്. ആ​ന്‍റുവും ഭാ​ര്യ മേ​രി​യും ചേ​ര്‍​ന്നാ​ണ് വ​ഞ്ചി​യി​ല്‍ വാ​ഴ​ക്കുല​ക​ള്‍ വീ​ട്ടി​ലേ​ക്ക് മാ​റ്റി​യ​ത്. കൃ​ഷി​നാ​ശം കൃ​ഷി വ​കു​പ്പി​ല്‍ അ​റി​യി​ച്ചി​ട്ടു​ണ്ട്.

മൂ​ന്നു ദി​വ​സ​മാ​യി കൊ​ക്ക​രി​പ്പ​ള്ളം പ്ര​ദേ​ശ​ത്ത് വെ​ള്ളം ഉ​യ​ര്‍​ന്നു നി​ല്‍​ക്കു​ക​യാ​ണ്. പ്ര​ദേ​ശ​ത്തെ 70 വീ​ട്ടു​കാരാ​ണ് ദു​രി​താ​ശ്വാ​സ ക്യാ​മ്പി​ല്‍ ക​ഴി​യു​ന്ന​ത്.