ക​നോ​ലി ക​നാ​ൽ ക​ര​ക​വി​ഞ്ഞു; ഇ​രു​പ​തോ​ളം വീ​ടു​ക​ൾ വെ​ള്ള​ത്തി​ലാ​യി
Thursday, August 1, 2024 2:28 AM IST
കയ്പ​മം​ഗ​ലം: എ​ട​ത്തി​രു​ത്തി പ​ഞ്ചാ​യ​ത്തി​ലെ പൈ​നൂ​ർ, ചെ​ന്ത്രാ​പ്പി​ന്നി ഈ​സ്റ്റ് കോ​ഴി​ത്തു​മ്പ് എ​ന്നി​വി​ട​ങ്ങ​ളി​ൽ ക​നോ​ലി ക​നാ​ൽ ക​ര​ക​വി​ഞ്ഞു. ഇ​രു​പ​തോ​ളം വീ​ടു​ക​ൾ വെ​ള്ള​ത്തി​ലാ​യി. തു​ട​ർ​ച്ച​യാ​യി പെ​യ്യു​ന്ന മ​ഴ​യും ജി​ല്ല​യി​ലെ ഡാ​മു​ക​ളും തു​റ​ന്ന​തോ​ടെ ക​നോ​ലി ക​നാ​ലി​ലും ജ​ല​നി​ര​പ്പ് ഉ​യ​ർ​ന്നു. താ​ഴ്ന്ന പ്ര​ദേ​ശ​മാ​യ കോ​ഴി​ത്തു​മ്പ്, പൈ​നൂ​ർ ഭാ​ഗ​ത്താ​ണു ക​നാ​ൽ ക​ര​ക​വി​ഞ്ഞ് വെ​ള്ളം വീ​ട്ടു പ​റ​മ്പു​ക​ളി​ലേ​ക്ക് ഒ​ഴു​കി​യ​ത്. പു​ഴ​യി​ൽ നി​ന്ന് മൂ​ന്ന​ടി​യോ​ളം വെ​ള്ളം ഉ​യ​ർ​ന്നി​ട്ടു​ണ്ട്. മേ​ഖ​ല​യി​ലെ വീ​ടു​ക​ൾ​ക്കു ചു​റ്റും വെ​ള്ളം കെ​ട്ടി​നി​ൽ​ക്കു​ന്നു​ണ്ട്.

പു​ഴ​യി​ൽ കൂ​ടു​ത​ൽ വെ​ള്ളം ഉ​യ​രു​ന്ന​തോ​ടെ മ​റ്റു​പ്ര​ദേ​ശ​ങ്ങ​ളും വെ​ള്ള​ക്കെ​ട്ടി​ലാ​കാ​നി​ട​യു​ണ്ട്. വെ​ള്ളം ക​യ​റി​യ ഭാ​ഗ​ത്തെ ആ​റു കു​ടും​ബ​ങ്ങ​ളെ ചാ​മ​ക്കാ​ല ഗ​വ. മാ​പ്പി​ള ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ആ​രം​ഭി​ച്ച ദു​രി​താ​ശ്വാ​സ ക്യാ​മ്പി​ലേ​ക്കു മാ​റ്റി. അ​ഞ്ച്, ആ​റ് എ​ന്നീ വാ​ർ​ഡു​ക​ളി​ൽ ഉ​ള്ള​വ​രാ​ണ് ക്യാ​മ്പി​ലു​ള്ള കൂ​ടു​ത​ൽ പേ​രും.


പൈ​നൂ​രി​ലെ ഒ​രു കു​ടും​ബ​ത്തെ ആ​ൽ​ഫ കെ​യ​ർ ഹോ​മി​ലേ​ക്കും മാ​റ്റി​യി​ട്ടു​ണ്ട്. പ​ഞ്ചാ​യ​ത്ത് പ്ര​സി​ഡ​ന്‍റ് ടി.​കെ. ച​ന്ദ്ര​ബാ​ബു ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ളും റ​വ​ന്യൂ വ​കു​പ്പ് ഉ​ദ്യോ​ഗ​സ്ഥ​രും ക്യാ​മ്പി​ൽ സ​ജീ​വ​മാ​ണ്. ദു​രി​താ​ശ്വാ​സ ക്യാ​മ്പി​ൽ എ​ല്ലാ​വി​ധ സം​വി​ധാ​ന​ങ്ങ​ളും ഒ​രു​ക്കി​യി​ട്ടു​ള്ള​താ​യി അ​ധി​കൃ​ത​ർ അ​റി​യി​ച്ചു.